吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 呻吓~我嘅屋企人係咁架.....!

婆媳關係今日: 0|主題: 27782

收藏本版

發帖

返回列表

跳至頁

查看: 7249 | 回覆: 48

呻吓~我嘅屋企人係咁架.....! [複製鏈接]

12 3

mamaSTONE

大宅

積分: 1635

1^#

發表於 08-3-12 04:02 |只看該作者 |倒序瀏覽 |打印

唔好意思俾個位我呻下~

我阿媽........

我阿媽係唔鐘意我老公,佢咁多個女,
淨係話佢個寶貝女老公好,因為係佢只鍚嘅女,屙屎都話香~
自從兩年幾前我媽因為我c家姐頂佢唔順,搬走左,無同佢住~
佢就搬左嚟我度[其實佢想搬去佢個乖女到,但係佢個乖女無理
過佢,所以迫於無耐搬嚟我度~我而家有d後悔...]
老實講,我屋企一切開支,我老公俾,我媽自己萬幾蚊人工自己用,
佢仲要謀住我地,又成日單單打打,大佬我老公搵好多咩?
佢放假無街去,就要你地d人揸車同佢出去街,
唔去咩黑面,發脾氣....
佢自己有街去,就唔會理你d人,去邊返唔返嚟食飯都唔會講,
掉轉頭你係咁樣,就鬧到你反轉,搵我個仔出氣~
有時我地唔係唔返,只係有嘢搞或者買嘢,晏左少少返嚟都唔得...

佢自己去左街,無講低返唔返嚟食飯,咁我地好正常就出街食飯~
佢返到嚟見到你地走左,無等佢...佢又黑面,發脾氣~
仲之佢做咩都啱,你做咩都錯~

有錢俾佢,佢就笑笑口煮飯你食囉!唔鐘意時,咪唔煮你飯~
佢一時煮你飯,你唔知佢煮左,你無食到...就不停咀鬧人[痴線],
佢無煮你飯,你行埋去食飯,又鬧你[痴線],
我心諗大佬,你咁樣煮飯法,鬼知你有無煮咩??
慢慢我老公索性唔食,除非你叫佢食,佢先行埋嚟~
[[有時唔係佢唔想食,而係佢太攰,起唔到身食飯,
我老公日日5:30am返工,放工陪我送個仔返學,
等埋個仔放學先返屋企,搞得嚟都夜晚6點幾7點....我識佢咁耐,
佢都無放過假,日日如是~個仔未返學,佢就喺出面做到5/6點先返,
而家請左人幫手,先話可以陪我送仔返學放學...
就係因為佢有時起唔到身食飯,
咁我阿媽就用佢嘅方法去煮飯,佢心情靚就煮,
心情唔靚就唔煮你飯...]]

仲有,以前我地會買埋餸返屋企,點知.....
買埋餸返去,佢又好話你[買d咁嘅餸,痴線...]
好啦~唔買,又鬧你d人[唔x買餸~]<~~ x係粗口
邊有d咁嘅人~~
你唔可以話佢架,一話佢佢唔鐘意,就搵我個仔出氣~
突登話我個仔,話到佢喊,再鬧佢~

而家我個仔大左,就成日借我個仔過橋,單單打打我老公~
話[邊個養我呀~又無人俾錢我用,我又要成日去旅行,
唔返工點得呀?]
我有叫過佢唔好做,幫我湊個仔,我俾錢佢用,
係佢自己話唔好...講明唔會幫我湊~

另外,好似出去食飯咁~
食親飯都要拉大隊去食,餐餐都接近成千蚊~
我唔係唔想叫我A家姐同佢條仔去~
但係唔駛日日/次次都一齊咁食法呀?我地唔係李嘉誠呀!
因為次次都係我老公俾~無奈!
有時我另一個C家姐話佢俾,我阿媽即刻攞起張單話[你好有錢呀?]
然後放張單喺我地度~

重有好多好多事~
我都想問大家,如果你係我,你會點?

0 0 0

私人傳訊

E@V

大宅

積分: 1312

2^#

發表於 08-3-12 04:19 |只看該作者

點解你媽媽會咁樣對你地??
你其他姊妹有無出聲呀? 你同你媽咪住(因此無人肯同佢住) 點解佢仲可以咁過份??

講真, 你同你老公都算唔話得, 俾著我, 我老公唔嬲, 我都發火先喇!

私人傳訊

mamaSTONE

大宅

積分: 1635

3^#

發表於 08-3-12 05:08 |只看該作者

我個A家姐.....

又係一個絕頂好人...
事緣,幾年前,佢有事...要我地借錢俾佢[幾萬蚊],
借完,就人影都無埋,到我有事,個仔無錢買奶粉,我地又無錢開飯,
叫佢過返幾佰蚊俾我地用住先,電話都唔聽,仲周圍同人講我地衰!
<~[之後,佢條仔問我當時發生咩事,我同佢講晒成個故事之後,
佢話我知我家姐個版本係話我地屈佢,呃佢錢等等....
佢到而家都無諗過還錢,係唔會還錢果隻....]
過左一段時候之後,我地經濟上無事,佢就出現返~
但係就借d意,話唔鐘意我老公,我家姐仲成日喺度[苗]咀[苗]舌,
咁就成功謝絕同我老公講嘢嘅機會~

之後,我因為方便佢上嚟我屋企,我就配左鎖匙俾佢,
開頭都有打電話話聲我知佢上嚟,點知自從佢搬左嚟我隔離之後,
佢就問都唔問,講都唔講咁自己鬼鬼鼠鼠開門入屋,
我忍左佢好耐,終於頂唔順就send sms叫佢上嚟前通知聲,
因為佢真係過份到,好似返自己屋企咁~
例子...
有一次,夜晚7點左右,我屋企有著燈的,我企喺大門隔離執嘢,
突然我老公問我做咩唔鎖大門,我仲以為佢玩嘢,就話都無開門,
鎖咩門?我望一望,原來我家姐開左門企左喺我隔離,
佢好奇怪咁問我...[點解你喺屋企嘅?]
我回佢一句,[你上嚟做咩?你以為我屋企無人,你仲上嚟??]
佢話上嚟睇我個仔~我真係想問佢,[你覺得我唔係屋企,
咁我個仔會自己喺屋企咩??我又無工人]佢個答案真係.......

之後我就send sms俾佢叫佢通知聲先上嚟~
點知佢又用佢嘅絕招[歪曲事實]嚟周圍同人講,
我老公點唔俾佢上嚟,點對佢等等
所以佢而家唔會上我屋企食飯,都唔會同我地出街食~
但係就成日喺我面前[苗]咀[苗]舌,個話題一提到我老公,
就完全唔睬你,又同我阿媽,唔知講左d咩[[事實]],
搞到佢成日喺度單單打打我老公!

最好笑就係佢條仔識揸車,自從兩年幾前我考到車牌,
我自己買左架2手車揸之後,佢同我家姐就成日諗盡方法
攞我架車揸,又話我地放喺度又唔揸,不如借佢用,
開頭都會借嘅,但係差唔多日日都話用,
我出街我家姐又要安排佢條仔揸車,佢話我新牌唔好揸wow~
咁我考個牌嚟做咩?買架車嚟做咩?
搞到架車係佢地嘅咁,我就開始唔鐘意~兼諗辦法話唔再借車,
老實講,佢又唔會幫我入返油,又唔會幫我洗車,
但係成日都用,咁我買返嚟做咩??
我買返嚟係方便我自己一家人出街用之麻~
好啦~之後我老公話換車,我見架車賣出去都唔值錢,
又仲咁靚仔,真係唔捨得賣...
咁我咪話送俾佢地用囉~但係就轉返佢地名,
牌費保險佢地自己俾,跟住佢條仔問完我要幾錢之後,
就即刻話[唔好啦~我無車位擺,又要俾錢租,牌費保險一年又咁貴,
唔要啦~你賣左佢啦~]跟住問我老公想換咩車,
我老公話可能benz,佢就話[好wow~我無揸過benz wow~]
我聽到後就更加唔鐘意~

我地之後換左架7人車,佢地又故態復萌,又成日都話我地架車唔用,
我用唔用關你咩事啫?我阿媽搬嚟之後,佢就幫我家姐口,
話我地有車都唔借俾人用,成日單單打打,
我心諗我今日架車唔用/未用住放喺度就要借俾人,
係邊個定落嚟嘅規矩?
有車就一定要借俾人,咁我買車嚟做咩??
我周街見到人地架車放喺度唔用,我問佢借就得啦~
仲有,原來有車就要日日24小時揸住架車,唔可以放低,
如果唔係架車會唔好架,同埋唔揸就要借俾人,
呢d係佢地嘅[[偉論]]

都唔知咩人嚟架~
仲有好多好多~
我真係屈屈埋埋太多怨氣,真係想呻晒出嚟~

私人傳訊

mamaSTONE

大宅

積分: 1635

4^#

發表於 08-3-12 05:12 |只看該作者

我老公有頂唔順同佢嘈過架~
仲叫過佢走tim,但係到最尾咪又係留喺度,
我家姐同佢條仔仲有幫佢口話我老公,
又企喺我阿媽果邊,咁佢咪覺得自己啱囉~

原文章由 E@V 於 08-3-12 04:19 發表
點解你媽媽會咁樣對你地??
你其他姊妹有無出聲呀? 你同你媽咪住(因此無人肯同佢住) 點解佢仲可以咁過份??

講真, 你同你老公都算唔話得, 俾著我, 我老公唔嬲, 我都發火先喇! ...

私人傳訊

mamaSTONE

大宅

積分: 1635

5^#

發表於 08-3-12 05:33 |只看該作者

講起佢地真係好嬲~

我老公換車,屋企買d咩都要佢地批准,
有時當傾計咁同佢地講下啫~
就好似佢地話可以就買,佢地話唔可以就唔可以買咁~
真係人都癲....
我老公之前換車,佢地就私底下傾我地換車嘅嘢,
又話做咩要換車??呢樣果樣~有錢就應該點用點用~
我老公d錢都要管,我地又唔係換完車/買完嘢之後無錢,
會問你攞~咁你理得我地啫~

我上年想買部wii同個仔一齊玩,我扭我老公買,
俾我a家姐條仔知道,即刻上嚟鬧我嘥錢~
我同我老公嘅嘢又關你事~

我家姐同佢條仔成日喺到呻話屋企呢樣壞果樣壞,又話無錢用,
我老公就話不如幫佢換部電視啦~
[我地諗住幫佢換舊款電視[$2000左右]咋~]
佢條仔口話唔駛,轉個頭就去睇高清電視[$4000幾],
成日同我老公講無錢,我老公好心咪又走去[禁]錢借錢俾佢地用!
到而家都係未還/係無諗住還,等不了了之多...

唉~
人都癲,都唔知話我老公蠢好吖~
定係太過易俾人呃~

我唔係唔想佢幫我家姐,只係覺得唔需要做咁多~
佢地又唔會多謝你,反而仲喺背後歪曲事實去講嘢!!

[ 本文章最後由 mamaSTONE 於 08-3-12 05:36 編輯 ]

私人傳訊

sbandliz

大宅

積分: 2106

好媽媽勳章

6^#

發表於 08-3-12 05:46 |只看該作者

阿媽家姐A

佢地咁過份, 叫你阿媽搬走!! 有萬幾蚊人工以可自給自足.
家姐A俾返鎖匙你!!
唔好睬人地點講.

[ 本文章最後由 sbandliz 於 08-3-12 05:48 編輯 ]

私人傳訊

mamaSTONE

大宅

積分: 1635

7^#

發表於 08-3-12 05:52 |只看該作者

有件事仲經典~

我上年有朋友介紹我做part time,
我見返3個鐘,都ok呀~
反正我家姐日日都會上嚟,咪叫佢幫我湊3個鐘仔仔,
我去搵外快~
開頭佢都話好,之後佢同佢條仔講完,就叫條仔同我講唔好返,
佢條仔話唔好個原因係我返工會無左個家,我會喺出面溝仔,
跟住我會連個仔都唔要,我老公會同我離婚,講到我好似做小姐咁~
我同佢講,我返工啫~唔駛咁咒我呀??
待問過我老公,傾過晒先搵我家姐湊一陣,反正果個時間,
佢都會上嚟......
跟住佢話,我返工會阻到其他人嘅生活,咁我話我家姐無咁講~
咁即係阻到你啦?佢話唔係~
之後我都返左兩個星期,我家姐就問我,你返到幾時??
我話有得返咪照返,佢話佢唔得閒同我湊仔,
佢話佢想去街都唔可以!
咁ok~我唔做~
果一刻,我先知,原來佢條仔講咁多嘢,個背後原因係咁樣~
我都無講d咩~
但係我無做之後,佢一樣日日果個時間上嚟~

私人傳訊

mamaSTONE

大宅

積分: 1635

8^#

發表於 08-3-12 06:03 |只看該作者

我阿媽...
佢當初就係話租屋貴,俾完錢租屋就無咩錢用,仲要交雜費,
又自己一個等等講到好慘,我又唔忍心...
咁就叫佢搬嚟住~

至於a家姐......
真係唔知點講,尊重兩隻字都唔識~
寧願我地搬屋好過問佢攞返條鎖匙,
一嚟唔知點開口,二嚟又會俾人講是非~
我而家真係唔想住喺佢隔離~好似俾人監視咁,
我地架車放留下,架車唔喺度就即係我地出左街~

原文章由 sbandliz 於 08-3-12 05:46 發表
阿媽家姐A
佢地咁過份, 叫你阿媽搬走!! 有萬幾蚊人工以可自給自足.
家姐A俾返鎖匙你!!
唔好睬人地點講.

私人傳訊

mamaSTONE

大宅

積分: 1635

9^#

發表於 08-3-12 06:33 |只看該作者

唉~
我阿媽開頭知我有左細B,佢唔開心不突止,
仲問我點解會有?我話我無打針嘛~
我同我老公都想生多個陪仔仔~
佢即時[白眼]~
好唔滿意咁~仲同A家姐私下批評我,話我有無搞錯~
佢兩個仲同我講,叫我生呢個時開刀,紥左佢~
我話我唔會開刀,佢地就鬧我,話我係唔係仲生第3個?
我地雖然唔會再生第3個,但係都唔係一定要紥先可以避孕呀?
我話我唔會生第3個,佢地就迫我,鬧我要我應成佢地紥為止~
我當然無理佢,我話我要順產嘅原因,係可以快D出院,
我唔捨得個仔,同唔放心佢...
佢地當然唔理啦~
好在我C家姐支持我啫~可況我今年先25,
我肯,醫生都唔幫我做啦~
我開頭真係好唔開心,我老公都叫我唔好理佢地~

自從有左之後,成日呢度痛果度痛,
我阿媽都唔會幫下手拖地,執屋~
咩都要自己做~只係痛得滯,就坐低抖下再做~
有一次,我以為佢真係會幫我拖地~
點知佢話我個仔唔執玩具所以唔拖~
佢真係攞嚟講~
我個仔趕住返學,仲點執呀??
又或者你唔可以幫手執一執嘅咩?
到最尾都係我自己執,同拖地~
我以前未有BB~日日執屋架~
但係因為有左細B,今胎陀得好辛苦,
所以都懶左,不過幾唔舒服都要隔日拖同執屋~~

可能我阿媽不嬲都唔會執屋啦~
所以佢覺得無問題!同頂得順~
落完雨,我話洗露台,地下黑晒,佢居然話唔污[租],
算啦~
我細個時,屋企都幾亂同污[租],
係要著埋鞋入屋,如果唔係隻腳會黑色架~

所以我更加唔可以住咁耐醫院,否則屋企變亂葬崗都似~
我個仔又有鼻敏感,一有少少塵就不停打噴嚏~
唉~因此我俾自己住一晚架咋~~

[ 本文章最後由 mamaSTONE 於 08-3-12 06:37 編輯 ]

私人傳訊

mothergemini

大宅

積分: 2731

畀面勳章睛靈勳章

10^#

發表於 08-3-12 08:36 |只看該作者

你家姐a同你呀媽甘同一陣線, 叫你家姐a接收你呀媽囉. 即使明知你家姐a會拒絕, 講下等佢地知你地唔係乜都會硬受都好.

同埋若果我係你, 我會扮壞鎖, 換左把鎖佢.

私人傳訊

hinhofion

大宅

積分: 4120

11^#

發表於 08-3-12 09:46 |只看該作者

睇完晒樓主講ga野,只可以講一句:斷絕來往好過la,叫呀媽搬走,仲咩要自己,老公同仔仔受氣先?老母對自己好就話者,e+係唔好woo,仲要生仔,結紮都要佢話事?佢冇銀野呀ma.....d家姐直頭不銀知所謂la,樓主c6忍到咁耐都算好野,考慮下叫呀媽搬走la,咁辛苦對住佢仲乜,間中見下面咪算lor,反正佢又唔係老到搵唔到食,脾氣又臭

私人傳訊

bobo421

複式洋房

積分: 349

12^#

發表於 08-3-12 10:09 |只看該作者

如果我係你一定會搬走!
公道自在人心~唔洗怕佢地講d咩喎~
只要你地一家4口開開心心就得啦!
你個a家姐真係勁不知所謂, 睇到我都

私人傳訊

winnie312

男爵府

積分: 6244

13^#

發表於 08-3-12 10:43 |只看該作者

回覆 #8 mamaSTONE 的文章

看過你的呻訴,你的忍耐力同脾氣真的勁勁勁,我系你已經反晒面了。做人要問問自己點樣先對得住人對得住自己,呀媽都系咁話架啦,你點對我,我點對你,最多做一次衰人,叫佢OUT,叫晒咁多個SISTER夾錢比佢租屋啦,反面就反面啦,唔洗日日整到自己唔開心,家系一個好想放工回到去好好享受及自在的地方,日日返工,放工仲要受氣,我就SAY NO.大佬呀返工有壓力,放工回家又要聽說話,咁落去人都癲啊,你好好想清楚作出一次重大決定,咁日後自己回到家會開心好多啊!等你D家姐講飽佢啦,佢話你點點點時,你話返佢啦,呀媽你無份架,你咁叻你咪接佢走啦,我無本事同佢住,你試下啦,你預得佢順咩,唔系同你地住,你地緊系講咩都得架啦!睇佢點死。