| 今日係我工人黎左第四個月, 呢幾個月都係唔多滿意佢, 最主要佢幫手既係洗衫洗奶樽吸塵拖地, 去買餸煮飯同湊B都由我媽咪跟番, 原因一, 佢煮飯完全no common sense, 自己煎野都係勁燶, 菜又分析唔到邊D要擇走, 我亞媽唔放心食呢個人煮既野食, 教佢切野都係教左又用番自己果套切.. 就連我媽買餸番黎架買餸車D餸都試過拎少一袋出黎O係車入面發臭... 成日同佢講最緊要朝早拖乾淨個地先, 因BB 13個月未識行仲成日會爬地, 佢隔幾日又會跟佢自己模式去洗衫...好激心 原因二，佢年紀大(40幾)好沒體力咁, 出街唔係用揹帶用BB車佢一見有凳即刻仆去坐, 軟腳蟹咁. 我同媽咪已經唔多想用佢, 因為覺得佢發揮既作用好有限, BB好活躍就算行開行埋都唔可以放心交俾佢, 佢反應同精力都欠奉.. 咁今朝8.15都唔見佢出現(要求佢每朝7.30開工, 平時一般10點前收工)*工人安排住隔擺雜物既屋住, 我去搵佢佢好似人地宿醉未醒謝晒頭痛咁樣，話抖多陣會過黎做野... 我媽同我又再重提不如一個月通知佢下月走啦, 因為媽咪覺得佢責任心唔夠, 其實年尾25號聖誕放假, 27號星期日例假, 31號佢6.30同我申請8.30收工, 出街玩, 咁1月1日又放假, 3號星期日例假, 呢兩個星期都算多時間俾佢休息，但佢好顯然玩得好盡興啦今日都打柴, 實在係令我地覺得好炆. 妳地覺得我咁樣決定炒佢, 有工人的妳們會一樣咁做嗎? |
發表於 
返回列表
