Baby Kingdom - 親子王國 香港 討論區 › 首頁 › 夫婦情感› 逼不來的男人，可以點?

夫婦情感

收藏本版
發帖
返回列表
跳至頁

首頁
1234

尾頁
   1
buyer


大宅

積分: 4808


1#
發表於 08-4-5 09:48 |只看該作者
我老公一向對人好好, 佢無論對男對女都好好, 但遇上某 d 受落的人, 他會更好, 所以久不久我地之間就會有 d 女性, 同佢行為怪怪的, 我老公對 d 女仔好, 但佢地又不是開始發展, 但我心中好不安, 好似唔知幾時會發生婚外性咁.
就近期, 我老公日日打比個女同事叫她起身, 然後約埋一齊返工, 放工, 久不久約去街, 每日都會傾電話, send sms. 個女仔言談都會講明, 我知你對我好, 大家都承認大家有好感, 但不會開始, 我心諗, 你地咩事呢, 咁暖昧, 係米我婚姻左住你地呢.... 但當然佢地唔係咁諗, 而係享受互相對大家好個種 feel, 口口聲聲不會發展, 但有誰知邊一刻會出事喎, 點解要比機會做到咁曖昧.
起初是我查他, 他很不喜歡, 之後改晒電腦password, delete 晒 d phone history, 去街不告訴我同咩人去, 去邊, 佢淨係叫我信任佢, 聽佢話, 你唔好嘈同 e e 哦哦, 我都會對你同仔仔好好, 佢同人地無開始 d 咩野, 唔好咁差疑.
我同佢講過咁我唔開心, 因為他對其他女仔做的, 還要比個老婆多, 但他不認同, 他覺得自己無問題, 會繼續去做.
那我呢, 如果好似之前咁, 迫佢, 唔準佢再打比個女仔, 同佢咁 close, 佢就會越來越討厭我既行為, 越走越遠, 越來越唔想返來個屋企, 即係一哭二鬧三上吊都無用, 我地之後為了呢個問題冷戰, 佢唔知我做咩咁煩, 我想同佢傾婚姻問題, 日日都想傾, 佢就日日都話唔想傾, 根本個婚姻無問題發生, 係我想法太小氣, 佢話你要咁諗野, 成日要諗埋一邊唔開心 , 佢都無法, 唔同因為我下下都唔開心, 佢唔洗有自己朋友同同事ga la, 我唔知點解佢要為左出面同個老婆頂到咁行, 最後大家都不快樂.
現在, 我就人地咁講, 放開 d, 輕鬆 d, 可能你老公無野呢, 多d 同個仔出去玩, 你老公不想你問, 米唔好問, 唔好理, 專心攪好個屋企囉, 唔好煩個老公, 起碼佢會開心返來對住你呀...... 但呢種感覺, 好似降底自己要求去接受個老公咁, 就算佢在我面前, 日日打電話叫女同事起身, 約返工, 食晏, 放工, 去街, 傾電話, send sms. 我都無嘈佢, 佢做佢覺得快樂的事, 基本上唔係相處, 只係我不斷接受佢, 包容佢, 但呢個過程, 我不開心, 只係唔想離婚, 就只有咁做......... 講真, 萬一有一日, 佢真係有女人係出面, 咁我就會告訴自己, 佢一向咁同人相處, 都遇左有機會出現呢日嫁啦, 到時情況都係得兩個選擇
選擇1) 離婚, 其實現在我接受不到他都可以離婚, 但唔甘心為佢對人太好就要離婚, 亦唔想為咁小事令仔女受害, 所以好似要等到有第三者, 好似有一大個理由他不是好男人, 才會心淡去選呢步
選擇 2) 你仍愛他, 仍想要個家, 就算佢真係出面有女人, 都會比時間接受佢, 原諒佢, 等他返來....
點解男人做野, 就係咁, 可以唔洗理女人感受咁既.....
我睇過幾本書, 同某些曾經經歷過的人的意見, 包括 bk mama, 好似答案都係不外如是, 唔好打算改變個男人, 要改變的只係自己想法, 你真係頂唔順佢的性格, 同人相處的方法, 真係自己都想離婚, 随時都可以, 無論有無第三者............. 如果唔係, 你想跟呢個男人一起, 想為了小朋友有個家, 默默去做好本份, 不問世事, 最終, 佢一定最鍚係你, 一定會返來, 如果佢出面有女人, 你有係睇得開, 唔出聲, 慢慢做好老婆角色, 時間久了, 亦係會係你身邊, 亦知道你的好..............
但我心諗, 咁樣我夠知啦, 你講到做女人做到咁好, 顧好個家, 教好仔女, 又要幫手返工養家, 就算出面有女人, 都會比空間佢去玩, 如果係咁, 我都諗唔到個男人有咩理由唔返來屋企喎...... 齊人之福可以享, 到唔齊人時, 老婆仍在, 幾好呀... 佢地好似無諗過代價咁喎, 換轉個個是我, 男人係米可以一樣咁大方, 對我永遠包容同愛, 任我去玩都等我先

[ 本文章最後由 buyer 於 08-4-5 10:15 編輯 ]
私人傳訊

wxxyxn


大宅

積分: 2339


2#
發表於 08-4-5 09:55 |只看該作者
嗲?
私人傳訊

driedpork


禁止訪問

積分: 2182


3#
發表於 08-4-5 10:11 |只看該作者
提示: 作者被禁止或刪除 內容自動屏蔽
私人傳訊

buyer


大宅

積分: 4808


4#
發表於 08-4-5 10:23 |只看該作者
driedpork,

我都相信女人的直角, 佢地感情係唔正常, 我亦都係担心唔知幾時發生, 所以先嘈我老公, 而家擺明我老公係有問題, 佢做左 d 多餘既野在先, 如女仔無興趣發展, 佢米一直對人好囉, 唔會有問題, 如個女仔都興趣發展, 咁實出事, 因為我老公無打算制止呢個情況.

我講過出來, 我唔喜歡他咁做, 不要再朝早叫她起身, 不要sms, msn 等啦, 他之後背著我做, 我問他點解, 他說他根本無問題, 點解要順我要求啫. 之後我地冷戰, 佢講明唔會改變, 佢唔想我控制佢, 佢話如果大家都辛苦 (即係我接受不到他跟別人相處而辛苦, 他因為比我管得太緊而辛苦) 那最後唯有大家分開, 佢話都唔想仔仔變單親, 佢話係我迫成的.

最後, 我可以做到, 就係降 grade, 信佢囉, 唔問囉, 唔查囉, 做好本份囉, 佢無事發生, 米忍佢對人好, 有事發生, 米話比自己聽, 佢咁都都預左遲早會出事, 都係個句, 不愛, 受不了, 離婚囉, 如仍受, 自己不想離婚, 就算佢上埋床, 都會比佢返來呢個家嫁啦...

我好辛苦, 想有人開解到我, 我好似無左自己咁.

私人傳訊

christy1012


水晶宮

積分: 67172

2025勳章 2025勳章蛇年勳章 2024年龍年勳章 2023年兔年勳章 醒目開學勳章 畀面勳章 BK Milk勳章


5#
發表於 08-4-5 10:24 |只看該作者
我完全覺得你老公咁樣好有問題喎,始終我覺得結左婚對異性應該避忌d囉,而家仲咁坦誠話有好感,你老公完全冇諗過你感受,亦都好似唔記得自己有個家咁,我覺得你要認真同你老公傾下,唔係真係好易出事
私人傳訊

BBR


大宅

積分: 2760


6#
發表於 08-4-5 10:43 |只看該作者
哇你C6咁都得,你問返佢你咁得唔得,你有冇做野?我覺得佢知自己食硬你所以咁樣,無錯你同佢嘈佢只會離你月遠,但你由佢後果重嚴重佢會放浪去玩,你可唔可以認真同佢講下這問題,比佢知你感受,有邊個會見個老公老婆成日同第2個去街而會無動於鐘?你同佢講你唔係佢,你唔知佢同佢係咩感情,點解會去同第2個咁close而自己老婆就咩都唔知,如果真係佢所講無野咁你可唔可以下次出去你又去,一個家庭係要大家亙相付出去"圍係",雖然要互相信任,但個老婆覺得無安全感老公係米要檢討下自己有無做錯,講真你一定要講清楚,話佢知一段婚姻唔係咁,如果仍然要你咁生活落去,我覺得你應該同佢離婚,唔好因為唔今心而要忍,你咁忍法你自己都唔開心,好好地同佢傾下啦
私人傳訊

BBR


大宅

積分: 2760


7#
發表於 08-4-5 10:52 |只看該作者
每一個人都有自由,但佢同得你結婚,就要對個家負責任,信任問題係要相方去做一D野另對方相信你,但你老公只係做一D野令你唔相信佢,佢一定有野,你點解要委屈自己,我覺得你應該同佢分開下比大家冷靜下,比佢想下9竟個家重要定係佢出去玩同第2個女人玩重要,人就係咁,唔可以你想咁就咁,由其是佢已經係一個老公同爸爸角色
私人傳訊

driedpork


禁止訪問

積分: 2182


8#
發表於 08-4-5 10:53 |只看該作者
提示: 作者被禁止或刪除 內容自動屏蔽
私人傳訊

咸濕大師


侯爵府

積分: 23004

好媽媽勳章 環保接龍勳章


9#
發表於 08-4-5 11:03 |只看該作者
你對人好有風度,身為你太太我都好光榮,但有d野會唔會過份左呢?你可能真係無野,但你敢唔敢肯定個位小姐都無野呢?有d野識可而止,好容易令人誤會,你都要理下我的感受,我絕對信你,但有時d野,天時,地理,人和,加埋,就會咩事都會發生呀,點解要做d野出來,令人容易誤會呢?傷我地夫婦感情呢?
你要知道,我咩都無,只有這個家.


睇下點,祝好運

[ 本文章最後由 咸濕大師 於 08-4-5 11:52 編輯 ]
私人傳訊

buyer


大宅

積分: 4808


10#
發表於 08-4-5 11:43 |只看該作者
christy1012, BBR.
我同佢傾過, 有溝通過, 最後佢真係覺得自己無問題, 佢話 : " 我老婆永遠只係得一個, 唔會變. " 我聽完, 無感覺, 我夠知老婆永遠可以得一個, 情人可以唔少呀 ma. 佢有講我感受佢知, 佢反問我有無理佢感受, 佢話 " 你跟本無打算大方點, 無打算唔去控制我, 你只係心中有你一套, 你應為呢套最好, 我只可以跟住做, 唔跟住, 就係唔愛你, 唔理你感受. 你有無理過我感受, 我係對朋友好, 一向係咁, 有咩問題, 唔通我同朋友食下反, 你話我有野, 又唔可以做朋友呀? 你咁樣成日懷疑我, 我好辛苦, 點解你唔可以信任我先呢? 咁樣對我事業都會好影響, 我只係想你聽下我話, 唔好問咁多"
聽完晒我老公講, 我都無野好講, 我淨係覺得佢一切利益歸於自己, 我一向都信任你嫁啦, 係你當我的信任變做無限自由咁去發揮啫, 到你出左界, 我叫你行返埋來, 以免好易出事, 點知, 你就一句話要空間, 唔要我管, 我無野好講.
" 比佢想下9竟個家重要定係佢出去玩同第2個女人玩重要,人就係咁,唔可以你想咁就咁,由其是佢已經係一個老公同爸爸角色"
回應返呢句, 佢話屋企重要, 你同仔仔最重要, 我一向都係好爸爸好老公, 係你係咁不滿意我啫, 我出面無第二個女人, 真係無呀, 你信我啦.
私人傳訊

man4good


大宅

積分: 1217


11#
發表於 08-4-5 11:45 |只看該作者
你老公真係好有問題,如果事情繼續發生落去,真係不堪切想

好明顯,佢係對個女同事有feel,唔好講話無野,只係朋友啦,事實擺在眼前,佢係明知固犯,你吹佢唔脹o個隻

唉...我覺得佢無尊重自己婚姻,家庭,如果一段時間佢死都唔肯改,你應該好好諗下你的將來
私人傳訊

Share


大宅

積分: 2178


12#
發表於 08-4-5 11:46 |只看該作者
你又特等傾同其他男人（姐妹假扮都可以）好好傾，morning call, sms, 等他試下有沒有問題。:;pppp: :;pppp: :;pppp: :;pppp:
Share
私人傳訊

buyer


大宅

積分: 4808


13#
發表於 08-4-5 11:51 |只看該作者
driedpork,
我有叫他不好morning call , 淨係呢樣, 一人行一步, 佢話唔得, 根本無問題, 佢話佢已經行左好多步讓我, 係我咄咄迫人.
"如果分開害左個仔係你的責任, 試問如果個老公的行為令到個老婆咁唔開心, 咁個家庭又點會唔開心呢? "
佢話, 係個老婆的行為令到個老公唔開心, 所以個家庭先唔開心, 係我成日要管佢, 連對朋友點都要管佢, 但我覺得佢係唔想我管佢對女同事咁好, 佢唔認啫, 係度賴皮.
怕呀, 我怕第時後悔呀, 根本我接受唔到佢唔尊重我, 接受唔到佢當我無到, 但我又唔想離婚, 唔想無左個家, 我同佢傾, 佢話傾晒, 無野想講, 係咁沉默, 佢話叫左我信任同不要管佢喎, 係我唔聽, 仲成日話個婚姻有問題. 而且, 佢成日話, 我愛你, 愛個家, 無打算放棄, 無諗過離婚, 我老婆只有你一個...... 佢講到咁, 有咩女人會想離開個老公呀, 講真, 就算個老公同其他女人上埋床, 佢話佢仍然好愛你, 我諗係女人都會心軟................
私人傳訊

buyer


大宅

積分: 4808


14#
發表於 08-4-5 11:57 |只看該作者
咸濕大師,
你講的, 都做過, 問過, 你係男人, 不如你分析下佢心態啦, 我真係唔知佢諗咩. 我老公對答如下

" 人好有風度,身為你太太我都好光榮,但有d野會唔會過份左呢?"
我無野, 我對朋友好, 一向都係, 我做過 d 咩啫, 有幾過份, 你 check 我的資料, 你夠過份啦.
你可能真係無野,但你敢唔敢肯定個位小姐都無野呢?
人地有無野我控制唔到, 但我好清楚自己做緊咩, 我無野. ( 老婆問 : 點有人知道到時係米真係控制到, 點解唔減低呢個發生的可能? ) 咁即係你唔信我, 做老婆的都唔信個老公, 我無野好講, 我無同人有野, 你信就信, 唔信我都無辦法, 但我覺得無野要改, 無問題.
有d野識可而止,好容易令人誤會,你都要理下我的感受,我絕對信你,但有時d野,天時,地理,人和,加埋,就會咩事都會發生呀,點解要做d野出來,令人容易誤會呢?
我無令人誤會, 係你諗得太多啫, 我做的, 好平常.
傷我地夫婦感情呢?
係你自己在傷害感情, 你批評我交朋友, 我都無管你, 你就摷我的東西, 你唔信我, 你想我跟你個套, 唔跟就話我傷感情.
私人傳訊

buyer


大宅

積分: 4808


15#
發表於 08-4-5 12:06 |只看該作者
man4good,
中晒, 我都覺佢對個女同事有 feel, 我都知打情罵俏個過程真係好開心, 令佢沖昏頭腦, 就算佢地之間講明 " 我知大家有好感, 你有男朋友, 我又結左婚, 我明喎, 我地唔會開始" .......... 但其實兩個都享受緊, 只係講到身不由己咁 g ma .....
係呀, 佢真係明知固犯, 真係吹佢唔脹, 我就係唔知可以點, 所以上來問人, 總之我唔係想離婚, 但忍, 真係好難, 好似比機會佢唔尊重自己在先, 好 stupid.
一段時間後, 肯唔肯改, 我心中諗, 佢咁 enjoy 個過程, 無端端點會想抽身出來呢, 反正對方也願對他互動, 我夠知呢種感覺好開心啦, 唉, 佢成日以為自己控制到, 未發生, 好似做 d 野好刻制, 但如果真係兩個一齊左, 我都時都係, 忍不到, 離婚囉, 佢可以同個第三者一齊, 想要個家, 忍佢囉, 得佢回頭, 自己做好好老婆的本份.
私人傳訊

BBR


大宅

積分: 2760


16#
發表於 08-4-5 12:08 |只看該作者
如果因為第2個女人而令自己老婆唔開心,咁佢重係一個好老公?如果因為唔肯放棄同另一個女人避嫌而要老婆啞忍,咁重係一個好老公?佢愛你但唔肯放棄另一個女人,咁佢有幾愛你?你地D女人成日男人一句我老婆只有你一個,我好愛你好愛個家,咁就心軟?!!!愛老婆係咁咩?這只不過係佢地出黎玩而唔想老先生煩住哂的說話,咁你都信??如果你覺得信左個心舒服D咁你就相信但你就唔好再抱怨,因為這是你的選擇,係米?!我都唔明點解女人成日都要做退讓o個個,點解要委屈自己,唔好成日用仔女做藉口,唔想佢地單親........,無左男人女人都可以生存到,你自己想清楚
私人傳訊

man4good


大宅

積分: 1217


17#
發表於 08-4-5 12:08 |只看該作者
你老公好夾硬黎,自圓其說,自己錯仲講到你錯咁,根本就係藉口,對個女同事無野就唔好做咁多野啦

你老公好唔掂,好不負責任
私人傳訊

driedpork


禁止訪問

積分: 2182


18#
發表於 08-4-5 12:09 |只看該作者
提示: 作者被禁止或刪除 內容自動屏蔽
私人傳訊

man4good


大宅

積分: 1217


19#
發表於 08-4-5 12:14 |只看該作者
buyer,

我以男性身份講你知,唔係嚇你,如果事情真係繼續咁發展,隨時玩出火(而你老公都未必會講你知),到時你老公同個女同事可能心諗,大家成年人,一時情慾控制唔到都無咩什麼大不了,只要大家都維持現狀就得啦,我有我家庭你有你男朋友...
私人傳訊

咸濕大師


侯爵府

積分: 23004

好媽媽勳章 環保接龍勳章


20#
發表於 08-4-5 12:16 |只看該作者
原文章由 buyer 於 08-4-5 11:57 發表
咸濕大師,
你講的, 都做過, 問過, 你係男人, 不如你分析下佢心態啦, 我真係唔知佢諗咩. 我老公對答如下

" 人好有風度,身為你太太我都好光榮,但有d野會唔會過份左呢?"
我無野, 我對朋友好, 一向都係, 我做過 d 咩啫 ...

妳摷過他D野,這是妳唔岩,
但妳C6都講: (人地有無野我控制唔到, 但我好清楚自己做緊咩, 我無野)這點,我係絕對唔同意,自己有太太,是否應該避記D呢?唔係唔可以識朋友,但有時唔應該過份,問反他如果每天妳都對一位男士都係咁,他會點?妳同個位男士都無野呀.(如果他答妳無所謂),咁妳咪搵個女性朋友,幫下妳鬧SEND SMS羅,幾肉痳,都照SEND

不過妳C6真係有D過份

[ 本文章最後由 咸濕大師 於 08-4-5 12:20 編輯 ]
私人傳訊


首頁
1234

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2025 Baby-Kingdom.com Limited. | Privacy Policy