吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 大家結左婚仲有冇比家用呀媽

婆媳關係今日: 0|主題: 27777

收藏本版

發帖

返回列表

跳至頁

查看: 11773 | 回覆: 102

大家結左婚仲有冇比家用呀媽 [複製鏈接]

12 3 4 5...6

希晴

洋房

積分: 72

1^#

發表於 08-4-6 20:07 |只看該作者 |倒序瀏覽 |打印

頭先同呀媽講開過2年結婚.
佢就話仲咩咁快結婚,我話到時28歲喇,佢話而家d人好遲先結.
即係唔想我咁快結.

咁講開我話結左婚可能冇家用比,佢即刻黑面.
首先我同男朋友,一共有4萬人工,要比8千左右供樓.
過2年男朋友呀媽退休,要開始養埋佢.
我地打算會生bb,呀媽又話唔好生.(不過男朋友呀媽一定唔比)

咁講真我話第時可能真係比唔到...佢又唔係等錢用...
而家住個度3百萬佢已經差唔多供完,mpf佢如果唔做,可以拎返100萬.
佢仲返緊工,2萬幾人工.仲有個有錢男朋友....

佢話到時等我同弟弟養,我話你mpf都有好多啦,佢話同比家用係唔同....老實講...你又唔係等錢開飯,你咪又係貪錢....

點解唔為人諗下....

我真係好唔想比家用佢....又怕反面....唉

0 0 0

私人傳訊

cllok1

別墅

積分: 683

2^#

發表於 08-4-6 20:36 |只看該作者

回覆 #1 希晴的文章

我唸要分開來講的,阿媽有米係佢0既事,佢養育之恩係不能抹殺的,妳俾家用是一個名詞,我老婆會變成話俾零用錢飲茶錢,多少一份心意,1千幾佰老人家已經好開心,最緊要係個份心意,血濃於水的關係是什麼都傾得掂的,何況是母女更加容易溝通啦

你的信心有多大,你的行動也有多大.

私人傳訊

meimei200471

民房

積分: 4

3^#

發表於 08-4-6 20:40 |只看該作者

我又覺得你如果你有能力俾到d咪俾d lo...呢個唔係佢等唔等錢錢駛既問題,而係佢養到你咁大,講真...你真係應該咁做.
我認為你可以同媽咪傾下,講俾佢聽你難處,可唔可以俾小d家用.俾唔到幾千,俾一千都得掛,再唔得咪俾幾百老人家買下野食lo.
始終佢係你媽咪,冇話想個女死.溝通下la.

私人傳訊

希晴

洋房

積分: 72

4^#

發表於 08-4-6 20:49 |只看該作者

俾小小佢買下野食冇所謂.
不過佢話要同而家一樣要比5千-_-我怕搞唔掂.

原文章由 cllok1 於 08-4-6 20:36 發表
我唸要分開來講的,阿媽有米係佢0既事,佢養育之恩係不能抹殺的,妳俾家用是一個名詞,我老婆會變成話俾零用錢飲茶錢,多少一份心意,1千幾佰老人家已經好開心,最緊要係個份心意,血濃於水的關係是什麼都傾得掂的,何況是母 ...

私人傳訊

十月變形記

大宅

積分: 2703

5^#

發表於 08-4-6 20:51 |只看該作者

回覆 #2 cllok1 的文章

我都係咁諗, 我結咗婚之後都係象徵性咁俾$2000 cash + 供份儲蓄保險俾媽咪. 佢都好明白結咗婚又有小朋友又要供樓會好大支出, 而且佢都係唔等錢使嗰種, 係咁意俾少少"心意"好過乜都冇呀嘛.

十月變形記: http://hk.myblog.yahoo.com/bibu-fish

私人傳訊

cllok1

別墅

積分: 683

6^#

發表於 08-4-6 20:59 |只看該作者

回覆 #4 希晴的文章

其實初初我和老婆雙方父母都有妳這情況,但到真係行動就會兩樣的了,有時老人家是要試下後輩的底線,因為妳的另一半她不知道會如何對她的,妳阿媽仲有幾萬元一個月的搵錢能力,當然是醒字派的女人,她的心思不能用常人去測量的,點知未來女婿孝唔孝順架,點知個女會唔會飲左迷湯去哂男家個邊架.所以這是學問來的.

[ 本文章最後由 cllok1 於 08-4-6 21:11 編輯 ]

你的信心有多大,你的行動也有多大.

私人傳訊

我愛Corina

瑪瑙宮

積分: 138650

2025勳章蛇年勳章 2024年龍年勳章好媽媽勳章醒目開學勳章環保接龍勳章

7^#

發表於 08-4-6 21:08 |只看該作者

我一直都冇比家用,不過我預左我媽咪退休後會比....

私人傳訊

希晴

洋房

積分: 72

8^#

發表於 08-4-6 21:14 |只看該作者

頭先呀媽又黎問我.我話可能比唔到咁多...
佢話5千都叫多,5千好小ja,如果係咁你唔好嫁喇...

私人傳訊

Leomummy

男爵府

積分: 7723

9^#

發表於 08-4-6 21:19 |只看該作者

係我阿媽呢講，俾幾百係等如無俾，如果倒轉嚟講，如果個仔一毫子都無俾，佢會好識體諒，因為佢搵唔到錢嘛，但係果仔係搵錢多過我哋噃，阿媽仲係同我哋住，食緊我哋既噃﹗所以有d阿媽真係無得講，真係要睇你既造化，會有個乜嘢阿媽﹗

私人傳訊

christy1012

水晶宮

積分: 67196

2025勳章蛇年勳章 2024年龍年勳章 2023年兔年勳章醒目開學勳章畀面勳章 BK Milk勳章

10^#

發表於 08-4-6 21:45 |只看該作者

原文章由希晴於 08-4-6 20:07 發表
頭先同呀媽講開過2年結婚.
佢就話仲咩咁快結婚,我話到時28歲喇,佢話而家d人好遲先結.
即係唔想我咁快結.

咁講開我話結左婚可能冇家用比,佢即刻黑面.
首先我同男朋友,一共有4萬人工,要比8千左右供樓.
過2年男朋友呀 ...

結婚前我阿媽都好企硬話話婚後我要俾家用,
不過我同我老公夾埋都係搵兩萬度,
我地搬出黎住,好大開支,又要儲錢買樓,
我同阿媽講真係比唔到囉,最多係得閒請佢食下飯,
飲下茶咁囉,我99就講明結左婚唔一齊住唔駛俾,
因為99知道我地困難,其實你阿媽可能會咁講,
但實際情況未必係咁,你地可以慢慢商量,唔係唔比,比少d囉

私人傳訊

KT二少奶

別墅

積分: 687

11^#

發表於 08-4-6 23:27 |只看該作者

原文章由希晴於 08-4-6 21:14 發表
頭先呀媽又黎問我.我話可能比唔到咁多...
佢話5千都叫多,5千好小ja,如果係咁你唔好嫁喇...

如果你到時真係俾唔到咁多,你媽咪都唔會怪你既,始終係兩母女,一定有計傾

私人傳訊

ABBC

子爵府

積分: 13533

12^#

發表於 08-4-6 23:41 |只看該作者

我覺得你話你阿媽貪錢真係好唔應該囉~~你依家兩公婆搵4萬蚊,8千蚊供樓都有3萬6喇~~人地阿媽你又唔覺得養係一回事~~反而自己阿媽就講埋咁既野~!我同我老公夾埋都無兩萬呀..仲要係個個月都唔定~個女o的錢呀..屋租水電費都要5千蚊都唔夠俾呀..我都每個月set死自己俾2500喇~~你反而果5千蚊都咁講野..你有冇諗過你阿媽生你幾辛苦呀...又要養到你咁大!你依家同佢住就話俾...嫁左就想唔俾~~佢依家住果度,都係佢自己供樓喇~你唔好講到自己咁偉大..有俾家用丫..你住間房o係出面租都係2000喇~仲有水電呢..!搵咁多..供你讀書都唔少錢喇~!我係你媽咪聽到都傷心喇!一份心意都唔俾..!你估如果你到時唔掂既時侯..邊個打救你先會?你唔好答我,會係你99同埋c6呀..老公可以擇..阿媽係無得擇..你呢一世都只會有一個阿媽架咋~你要知道!

私人傳訊

tokwawan

大宅

積分: 1864

13^#

發表於 08-4-6 23:43 |只看該作者

我覺得你呀媽有$係佢的事, 你唔可以因為咁唔比家用, 話晒係佢養大你, 講得衰d, 死左咪又係比返你...同埋點解男朋友個呀媽就要養, 自己個就唔比呢???

坦白講, 如果你冇本事, 我覺得你唔好結婚, 因為你未有仔細計劃好

私人傳訊

alphabetagamma

珊瑚宮

積分: 108855

環保接龍勳章

14^#

發表於 08-4-6 23:44 |只看該作者

每個家庭都唔同, 我知道我媽咪好好的, 所以我俾左佢, 佢唔會洗晒, 第時佢都係留俾我啦.. 這一點佢成日有意無意都話佢睇得好開, 第時死d野咪又係我地的. 佢一講我會stop佢, 俾家用佢係我想佢知道我有心有力想照顧佢. 唔關父母本身有無錢事.
有四萬蚊, 供樓生仔, 一定都仲俾到錢父母喎, 自己用小一點囉.

你話你男友媽咪要退休, 所以要養佢.
事緣係我父母有工做, 我奶奶無工做, 一向未出來打工, 所以我地要照顧奶奶, 我老公對佢媽媽好好, 我媽媽同我講不如俾少d佢, 因為我奶奶無工做無收入, 我就記得我同老公講過, 後生辛辛苦苦養大我的父母, 因為唔想我重負擔, 所以無提早退休, 辛苦左大半世的人, 就係因為佢仲有錢係身, 旁身, 仔女就要唔供養佢, 這令我不能了解, 百思不得其解, 我奶奶一向唔洗做, 唔係因為有錢, 係家人都好就佢, 佢份人又無咩野, 不過講付出同我父母無得比, 所以同老公講, 老公好贊成給多一點家用俾我父母, 我父母對我老公好好, 所以我老公對佢仲好過對佢自己.

私人傳訊

mandy_ma

別墅

積分: 705

好媽媽勳章

15^#

發表於 08-4-6 23:52 |只看該作者

你都係2年後才結婚, 現在不用傾2年後要俾幾多家用, 反而是要開開心心籌備婚禮, 影婚紗相, book 酒店, 搵樓, 傾女家禮, 全部都要$$$

花多d心機, 開開心心同男朋友準備婚禮咪仲實際, 俾幾多家用遲些再傾, 以免影響母女感情!

私人傳訊

大豬既老婆

伯爵府

積分: 17545

16^#

發表於 08-4-7 02:06 |只看該作者

甘講真你媽咪有 $ 系一樣野
你又吾應該話因為甘就吾比家用既。仲話距貪錢。。。
2 年之後或者你地已經加左人工吾止搵 4萬呢﹐ 現在何必甘早煩惱自尋 ?

私人傳訊

evashao

大宅

積分: 2165

17^#

發表於 08-4-7 07:18 |只看該作者

原文章由希晴於 08-4-6 21:14 發表
頭先呀媽又黎問我.我話可能比唔到咁多...
佢話5千都叫多,5千好小ja,如果係咁你唔好嫁喇...

睇你咁講,你媽咪真係似係貪錢果種喎

!

我都覺得養育父母係子女應該有既責任~但既然你嫁左出去,家用就要視乎自己既能力,除非屋企真係無錢要等人養,如果唔係正常既媽咪都唔會同仔女咁計較(好明顯你媽咪有點唔...

)!而你媽咪仲可以講到話比唔到幾多幾多錢,就情願你唔好嫁...唉~佢又唔係等你養,佢究竟有無為個女既幸福著想下架

?為左錢就唔想個女開心,有無搞錯

?

未結婚前,如果我有做野,我每個月都會比家用媽咪~以前細個d,佢會規定我每個月要比幾多,果陣時我真係好唔鍾意同埋覺得佢貪錢,因為我自己都有自己想買既野加嘛(即係支出),最緊要係佢當時又唔係等錢駛,比佢限死左就令我好多野都做唔到

;到大左,佢就再無計較我每個月比幾多佢,但我都自覺性比一定既數目佢,咁樣大家反而少d拗撬;而家我結左婚嫁左去第二度無做野,我媽咪亦無再問我攞家用~不過每次見面(1年1次左右)我都會比d錢佢用(幾千蚊),因為佢而家要靠仔女養,雖然我唔o係佢身邊但我都會盡能力去對佢好d

!

我覺得對於已婚既仔女,比幾多家用真係視乎能力同心意,如果父母錫仔女既都會咁諗,唔會強人所難~:)

[ 本文章最後由 evashao 於 08-4-7 07:26 編輯 ]

私人傳訊

jessicaluiyan

洋房

積分: 245

18^#

發表於 08-4-7 09:01 |只看該作者

我都覺得比幾多錢家用係心意....生仔女唔係為左回報既.
唔可以話以前比左幾多錢你讀書,就要你比返幾多佢....

你話你呀媽唔係冇錢用/佢又未退休....咁可能佢真係貪錢都未定...
如果你話佢退休冇野做.咁就比小小佢都應該既...

不過有時就係有d咁既呀媽...唉

私人傳訊

Irismammy

別墅

積分: 697

19^#

發表於 08-4-7 09:32 |只看該作者

原文章由 ABBC 於 08-4-6 23:41 發表
我覺得你話你阿媽貪錢真係好唔應該囉~~你依家兩公婆搵4萬蚊,8千蚊供樓都有3萬6喇~~人地阿媽你又唔覺得養係一回事~~反而自己阿媽就講埋咁既野~!我同我老公夾埋都無兩萬呀..仲要係個個月都唔定~個女o的錢呀..屋租水電 ...

ABBC，我都好同意你講法，我都一樣覺得樓主過於計較/計算。
我自己兩公婆都一樣得四萬幾，供樓加水電雜費，唔計食，一個月都萬八，而家仲有咗，第日仲要請工人，一闊三大，但我都比$6xxx自己媽，雖然，BB出世之後，我都可能會比少千五，但我覺得樓主真的過於計算....:;pppp:

我諗你媽媽都一定無你咁計算，只是對你心淡多啲！

私人傳訊

Irismammy

別墅

積分: 697

20^#

發表於 08-4-7 09:35 |只看該作者

原文章由 jessicaluiyan 於 08-4-7 09:01 發表
我都覺得比幾多錢家用係心意....生仔女唔係為左回報既.
唔可以話以前比左幾多錢你讀書,就要你比返幾多佢....

你話你呀媽唔係冇錢用/佢又未退休....咁可能佢真係貪錢都未定...
如果你話佢退休冇野做.咁就比小小佢都 ...

當然，生仔女係不問回報，但如果比個呀媽覺得個女有都唔對個呀媽好啲就真係一公升眼淚喇！