吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 大仔大女媽媽會› 九個多月前...

大仔大女媽媽會今日: 0|主題: 177860

收藏本版

發帖

返回列表

跳至頁

查看: 1566 | 回覆: 12

[2007年] 九個多月前... [複製鏈接]

siu_mi_l

複式洋房

積分: 229

1^#

發表於 08-3-21 23:47 |只看該作者 |倒序瀏覽 |打印

唔經唔覺, bb都 9 個幾月大,
唔知大家仲記唔記得生阿 b 時的生產過程呢 ?

第一胎媽咪分享一下丫!!

可以用有驚無險, 速戰速決來形容.
果日早上同 d 朋友飲茶,
到 2 點幾返屋企,
發現見紅, 好似 d m 咁, 份量唔多, 滑潺潺......

因為出完街, 好熱,
所以見紅之後仲沖涼洗頭仲洗埋衫.
到左 5:00 ,開始好唔舒服,
係唔識形容果種唔舒服,
又唔係好痛, 只係覺得個肚頂住頂住.

5:30 頂唔順, 換左衫,
飛的去左瑪嘉烈,
6:00 去到, 檢查左一輪,
話我有排都未生得,
子宮一度都未開.
醫護人員仲叫我老公返屋企先,
佢起碼 1 - 2 日先生得.

之後, 老公陪我陪到 7 :30
護士助產士入黎 check,
話我已經開到 5 度,
即刻叫左醫生入黎.
之後送左我入產房.
果一刻我先緊張, 腳不由自主咁震, 好驚, 好無助.

過左半個鐘 ( 8:00 ), 我痛得好厲害,
護士同我打止痛針, 舒緩左好多.
8:30 左右再次痛到想喊.
護士俾笑氣我聞,
我暈下醒下生下.......
過左一陣 (其實都有半個鐘 )

9:00 停用一切止痛藥
護士一直在我身邊,
不停話覺得急屎咁就盡力屙,
仲要手腳配合.
唔覺得痛, 唔覺得急就盡量休息.
唔好大叫, 浪費 d 氣力.

過左冇幾耐, 其實已經半個鐘左右,
護士助產士鬧哄哄圍住我, 同我打氣,
護士話用力推, 再推,
已經見到額頭, 再推...... hold 住, 再推......
我推左 2 - 3 下, bb 出世喇 !

縫針前要打 2 支止痛針,
但已經咩感覺都冇 lu,
護士縫針時仲全程同我傾計,
好 warm, 好 touch......

全個生產過程 4 個鐘都唔駛

P.S. 剪會陰一 d 都唔痛, 最痛係生之前.
另外, 如果打止痛針之後 4 小時內,
bb出世, bb 就要打解藥.

[ 本文章最後由 siu_mi_l 於 08-3-21 23:59 編輯 ]

0 0 0

Born on 13/6/07, 97cm tall, weighs 14.8kg (13/1/2010) 2 years 7 months

私人傳訊

cc123456

大宅

積分: 3385

2^#

發表於 08-3-22 17:35 |只看該作者

原來你都幾快手架禾! 但係你生既時候冇醫生在場?

我痛左9個鐘左右, 霸住個產房成6個鐘//期間只得一個助產士係喥, 不斷叫我唔好用力呵..(因為要等醫生嚟檢查完比指示先可以用力)

當天醫院唔知好busy定係人手不足, 所以等左好耐!
17:00~18:00左右, 助護士同我講醫生21:00先嚟

我就聞住笑氣...一路忍, 隔一陣就問" 九點未呀"....問左好多好多次!

咁助產士又冇呃我, 醫生真係搭正九點入嚟(心唸都唔知係咪剛剛返工, 我等咁耐就係等你onduty)

醫生檢查完就比指示用力......bb九點半出世

[ 本文章最後由 cc123456 於 08-3-22 17:36 編輯 ]

私人傳訊

cass0918

別墅

積分: 903

3^#

發表於 08-3-22 18:22 |只看該作者

lee d經歷一世都唔會忘記呀..宜家唸番起重好深刻呵..

果日朝早起身去廁所..發現條底底好濕..心唸會唔會穿左水呢..但個肚又唔痛..又無見紅..咪尤佢咯..到中午去廁所時發現有見紅ge跡象..就即係打比老公番黎同我一齊入醫院啦..醫生檢查完話我真係穿左水..幫我吹生..我由下午3點幾吉針吹生到零晨3點幾..子宮一度都無開到..結果最後要開刀..四點幾就生左亞b出黎啦..全個過程我都唔係好痛..只係吹生時每隔兩分鐘個肚就痛一次..

私人傳訊

siu_mi_l

複式洋房

積分: 229

4^#

發表於 08-3-22 22:24 |只看該作者

原文章由 cc123456 於 08-3-22 17:35 發表
原來你都幾快手架禾! 但係你生既時候冇醫生在場?

我痛左9個鐘左右, 霸住個產房成6個鐘//期間只得一個助產士係喥, 不斷叫我唔好用力呵..(因為要等醫生嚟檢查完比指示先可以用力)

當天醫院唔知好busy定係人手不足, ...

有醫生黎睇過我架!
不過當時 1 度都未開,
醫生仲話我第一胎,
等 1 - 2 日都唔定架!
講完就走左, 我生完都冇見過佢喇

Born on 13/6/07, 97cm tall, weighs 14.8kg (13/1/2010) 2 years 7 months

私人傳訊

tutik

公爵府

積分: 25020

5^#

發表於 08-3-23 00:52 |只看該作者

我生得都好甘架,胎水少入院準備催生,BB心跳又唔隱定,e生又唔決定比唔比開刀,等咗成朝都唔知等嘜.到中午護士長幫我催e生比我開始吊藥,果陣已經2點,仲勾左條鐵線落呀B頭仔(經陰道),D藥好快泥料4點已經痛到想死,間離床仲話我第一胎有排痛,姑娘都咁唸.最慘一收縮自已好自然閉氣同佢鬥力,但姑娘叫不准用力話會整親BB,不過真係每次用力用得長,BB心跳會一陣架,當時真係好驚BB有事!但腦裏一遍空白咩呼吸法都唔記得,一路典到8點開到6度,唔想叫得咁大聲影响人但床簾差D比我扯爛,再過半粒鐘已經9度,最後BB9點出世.
果陣仲同老公講唔再生,e+發瘟又想追.

私人傳訊

cc123456

大宅

積分: 3385

6^#

發表於 08-3-24 13:19 |只看該作者

係呀! 打左個啲催生藥, 真係好快嚟料, 痛到痴線

原文章由 tutik 於 08-3-23 00:52 發表
我生得都好甘架,胎水少入院準備催生,BB心跳又唔隱定,e生又唔決定比唔比開刀,等咗成朝都唔知等嘜.到中午護士長幫我催e生比我開始吊藥,果陣已經2點,仲勾左條鐵線落呀B頭仔(經陰道),D藥好快泥料4點已經痛到想死,間離床 ...

私人傳訊

amonlado

大宅

積分: 1134

7^#

發表於 08-3-27 09:06 |只看該作者

我那天一早上起來打ONLINE GAME, 打時覺得近屁股的尾龍骨痛得一陣陣咁, 我都不知怎算好, 我叫醒我老公, 老公跟我狂打電話問有經驗的媽媽, 我是不是生得. 最後決定自行觀察, 到了下午我大姑奶打來罵我老公點解不去醫院CHECK下, 於是去醫院CHECK完一輪話叫我留院, 我好突然以為可以出院.... 但胎動得很慢, 姑娘問我想不想快點生出來, 就叫我行多點路, 結果我跟另一媽媽一直在醫院行到天光7點入產房, 還要在產房生了12個鐘..........

歡迎參觀我囡囡個blog http://hk.myblog.yahoo.com/amonlado/

私人傳訊

YENYENYEN

複式洋房

積分: 467

8^#

發表於 08-3-28 11:51 |只看該作者

我放產假前一日下午二時見紅 . 當天不痛 , 但為了安全計晚上八時入院 . 由十時一直睡到第二日早上七時 . 其間聽到各準媽媽的痛楚叫聲 . 我還冇生產反應 . 在早上八時姑娘話陳醫生話我要催生 . 所以要先穿羊水 . 穿水後頭一個鐘不痛之後痛到我叫HELP .....
約半個鐘巳開四度 . 十一點不夠囡囡出生了 . 我較幸運第一胎三個鐘OK啦 !!!!!!!

:;pppp: :;pppp: :;pppp:

私人傳訊

mablewong2003

大宅

積分: 1787

9^#

發表於 08-3-30 01:51 |只看該作者

我係七月媽媽, 血糖高, 所以要比預產期提早幾日催生, 因第一胎用催生葯失敗, 加上生緊時發燒, 痛左十幾個鐘之後先開刀, 我好希望第二胎係順產.

我諗成個催生過程係塞葯時, 下面痛到嘔, 刺穿羊膜時痛到飛起, 仲有係等推去手室時, 仲有催生葯發揮緊作用, 即肚仲痛, 但又冇笑氣可聞, 不過其仲有催生葯發揮緊作用, 即肚仲痛, 但又冇笑氣可聞, 不過其實笑氣都係冇咩作用, 心理上覺得冇咁但又冇笑氣可聞, 不過其實笑氣都係冇咩作用, 心理上覺得冇咁痛.

請問有咩方法係可以快點生? 唔駛痛咁耐.

私人傳訊

mablewong2003

大宅

積分: 1787

10^#

發表於 08-3-30 02:03 |只看該作者

電腦新軟件好煩, 字出完又出, 我再整過先.

我係七月媽媽, 血糖高, 所以要比預產期提早幾日催生, 因第一胎用催生葯失敗, 加上生緊時發燒, 痛左十幾個鐘之後先開刀, 我好希望第二胎係順產.

我諗成個催生過程係塞葯時, 下面痛到嘔, 刺穿羊膜時痛到飛起, 仲有係等推去手室時, 仲有催生葯發揮緊作用, 即肚仲痛, 但又冇笑氣可聞, 不過其實笑氣都係冇咩作用, 心理上覺得冇咁.

請問有咩方法係可以快點生? 唔駛痛咁耐.