吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 論盡家傭› 工人呃買餸錢!

論盡家傭今日: 0|主題: 134005

收藏本版

發帖

返回列表

跳至頁

查看: 1554 | 回覆: 17

工人呃買餸錢! [複製鏈接]

ioi

伯爵府

積分: 16534

1^#

發表於 08-5-9 20:43 |只看該作者 |倒序瀏覽 |打印

前幾日我老爺買左4個節瓜放在雪櫃, 我工人以為我唔知, 尋日在買餸簿寫低買左節瓜, $5. 我尋晚問佢 '做乜買4個節瓜咁多?' 佢答我因為4個一兜賣$5, 平d. 今日我問清楚我老爺, 證實左果4個節瓜係我老爺買的, 買左之後le幾晚都未食過節瓜!

前幾日其實已有另一單, 果日有隔夜餸, 我見佢前一日買左魚蛋$5, 牛肉$10, 但兩日來只係食過一次牛肉, 得好少, 無$10咁多. 而我又唔見雪櫃有魚蛋, 於是問佢 '點解尋日$10牛肉得咁少?' 佢答 '剩餘的牛肉在今日lunch煮牛肉飯同我個仔一齊食.' 咁我問 '你同時食晒d隔夜餸?' 佢答 '係.' 咁我再問 '咁魚蛋去左邊?' 佢費事答我添, 行去個雪櫃冰箱度攞左袋得番好少的牛肉出黎俾我睇, 我問佢 '咩黎架?' 佢答 '尋日食剩d牛肉囉.' 我再問 '你啱啱話lunch食左.' 佢話 '我今日lunch煮魚蛋麵食, 頭先記錯左.'

佢幾個月前已經向我提出辭職, 不過我話要等我請到新工人先俾佢走. 現在已經申請緊新工人, 不過要等到七月中先黎到, 我諗住到時先俾le條友走. 但係佢已經係勁無心機做, 仲要呃我錢, 可能係博我提早炒佢. 但係我返工行唔開, 諗住用埋佢le兩個月. 但係我又無理由唔丙鑊佢, 係咪?

0 0 0

私人傳訊

BellyButton

侯爵府

積分: 24702

畀面勳章 BK Milk勳章

2^#

發表於 08-5-9 20:56 |只看該作者

$5魚旦好難買喎!

私人傳訊

ioi

伯爵府

積分: 16534

3^#

發表於 08-5-9 21:33 |只看該作者

原文章由 BellyButton 於 08-5-9 20:56 發表
$5魚旦好難買喎!

佢慣左買野著少著少買, 我開頭叫佢咁做的, 因為一次過買太多我難check.

但講開魚蛋, 我先記得果日同佢的對話仲未完. 我問佢 "今日lunch你煮魚蛋麵, 得你兩個食又係食$5魚蛋, 前幾日我地三個食又係$5魚蛋, 你今日仲要食埋d隔夜餸, 食咁多野?" 佢答 "凍肉舖果度有好多種魚蛋, 今日買le d 貴d, $5得好少." 激到啤一聲.

私人傳訊

ioi

伯爵府

積分: 16534

4^#

發表於 08-5-9 22:14 |只看該作者

啱啱丙完佢, 佢仲死口唔認.

我:"尋日買左$5節瓜有幾多?"
佢:"兩個" (前言不對後語, 尋晚佢臨瞓前答我, $5一兜有四個!)
我:"爺爺前日買左4個節瓜, 去左邊?"
佢:"前兩日lunch時食左."
我:"得我個仔(兩歲幾)同你, lunch食咁多?"
佢:"我無食你d麵, 麵淨係你個仔食, 我自己淨係食節瓜." (咁嘅大話都講得出!)
我:"唔可信! 平時我在家時煮麵你都唔係放節瓜, 你平時亦都有食麵. 就算即使係咁, 爺爺買的節瓜仲有兩個剩, 點解再買?"
佢:"我唔記得雪櫃仲有節瓜."
我:"$5節瓜le筆數我唔會認."
佢:"算囉. 我自己出囉. 我有時買餸$11, 我都只係寫低$10就算."
我:"你應該如實紀錄."
佢:"因為我都有份食, 算囉. 而且買得貴又俾太太你話."
我:"只要你如實紀錄係無問題的."
佢:"街巿買餸時有零頭我都無計啦. 街巿找回的毫子, d舖頭又唔肯收, 又重又無用, 我掉左d毫子就算, 每次自己都蝕錢." (仲好似好偉大咁!)
我:"毫子都係錢, 去超巿或者其他舖頭都買到野, 你做乜掉左佢地? 我無要求你買餸要幫我倒貼, 你找左毫子番黎可以俾我."
佢:"算數囉, 果d係我自己d錢"
我:"咁又係, 你多錢得滯, 你掉d錢唔關我事, 但係你唔好攞我d錢去掉. 既然你都有咁多問題, 咁你每日行遠d去超級廣場買啦, 對你和我都好d."
佢:"好囉."

講完, 佢仲扮到我怪錯佢咁. 老公話佢在厨房喊. 演技一流!

私人傳訊

birdbird

水晶宮

積分: 61359

5^#

發表於 08-5-9 23:09 |只看該作者

樓主,

第一, 你 & 你工人都知道你兩知個之間的賓主關係唔長,
工人唔會仆心為你做事, 呢樣係真的, 而你亦知道.

第二, 你已從工人的舉動及佢回覆你間唔中提出的問題中,
知道工人係打斧頭.

那你其實無須當面跟工人對質.
對質好多時都係為啖氣,
冇實質作用.

當我發現工人打斧頭之後, 我會吩咐工人去有發票的地方買野,
仲要係我指定要買的東西, 不用工人作主.
如有必要, 我會在放工時去買部份物品回家.

你出到招要同工人對單對貨,
工人自然會知道已被你識破佢的小貪行為
佢不會再亂來了.

私人傳訊

ioi

伯爵府

積分: 16534

6^#

發表於 08-5-9 23:33 |只看該作者

原文章由 birdbird 於 08-5-9 23:09 發表
樓主,

第一, 你 & 你工人都知道你兩知個之間的賓主關係唔長,
工人唔會仆心為你做事, 呢樣係真的, 而你亦知道.

第二, 你已從工人的舉動及佢回覆你間唔中提出的問題中,
知道工人係打斧頭.

那你其實無須當面跟工人 ...

birdbird,
其實我都知鬧黎都係為啖氣, 鬧完可能仲衰, 唔知佢會做乜. 但係我EQ低, 真係唔鬧過唔安落. anyway你提議的做法是很好的!

私人傳訊

billysim

大宅

積分: 2334

7^#

發表於 08-5-10 00:01 |只看該作者

我自己就因為費事工人打斧頭&買d唔靚既野, 所以都唔會叫佢地買餸如果真係迫住要佢買都一定係去超市買(有單有據), 費事攞氣黎激呀!!!!

私人傳訊

olkan

珍珠宮

積分: 43213

8^#

發表於 08-5-10 00:22 |只看該作者

何必勞氣呢？

我對工人好寬鬆的, 我當佢係家庭一份子, 我從冇check佢如何用買餸錢, 因為我放低多少錢都心裡有數, 只要差距不大我唔會追問(甚至煮嘜都係佢自已想的, 除了湯水).她也明白如買了貴東西或街市以外的東西, 她都會放下發票. 如米, 紙巾, 洗衣粉..... 基本上她做了師奶的所有工作. 除了教小朋友功課同老公

我預了工人或多或少都會有打斧頭, 如下下都check住一分一角, 我自己會覺得好煩, 只要佢攪掂個屋企. 我就ok! 返工又辛苦, 教仔女又勞氣, 如果連工人都要勞氣同下下防佢, 我想我會傻都似!

私人傳訊

yamada999

禁止訪問

積分: 728

9^#

發表於 08-5-10 00:36 |只看該作者

提示: 作者被禁止或刪除內容自動屏蔽

私人傳訊

VANESSAT

禁止訪問

積分: 7997

10^#

發表於 08-5-10 07:37 |只看該作者

提示: 作者被禁止或刪除內容自動屏蔽

私人傳訊

滿意媽

男爵府

積分: 6245

11^#

發表於 08-5-10 09:58 |只看該作者

我絕大部分都同意 !!

我工人知道我唔係 lulu, 同埋佢知我久不久會check 數, 佢唔會太離譜. 我心諗佢去街市買送, 預左佢會打斧頭, 但條數仍比去超市買野平. 咁何樂而不為? 請工人係要幫我手, 等我可以有時間做返個媽咪同老婆. 如果請左佢, 我仲要攞佢d野煩, 咪本末倒置?

有d事實, 係無論你點做都改變唔倒, e.g. 工人打斧頭, 工人偷懶, 工人黑面, 工人鐘意放假meet friends, 鐘意講私人電話 etc. 問心, 自己打工時, 何嘗唔係一樣? 如果唔過份, 老闆都唔會管啦. 而家自己係老闆, 會唔會都用同一個尺度呢? 有人會認為我縱容工人, 但我會計下個 cost and effectiveness. 值唔值我為左個工人的一點點的空間, 去break左同工人的僱傭(唔係朋友亦唔係家人)關係同埋去浪費我的心力?

管唔係唔管, 頭三個月, 佢要做到我的要求, 之後suppose 已經自動波, 久唔久先check; 而如果頭三個月內都達唔倒標, 炒得啦.

原文章由 olkan 於 08-5-10 00:22 發表
何必勞氣呢？

我對工人好寬鬆的, 我當佢係家庭一份子, 我從冇check佢如何用買餸錢, 因為我放低多少錢都心裡有數, 只要差距不大我唔會追問(甚至煮嘜都係佢自已想的, 除了湯水).她也明白如買了貴東西或街市以外的東西, ...

私人傳訊

ioi

伯爵府

積分: 16534

12^#

發表於 08-5-10 11:59 |只看該作者

多謝各位的回應.

其實我都預左工人打斧頭, 每樣野報大一兩蚊, 我諗le樣係絕大部分工人都會. 但係今次佢攞左我老爺買d野當係佢買, 無端端開多條數, 我真係睇唔過眼.

私人傳訊

DoReMi媽媽

象牙宮

積分: 230857

母親節2025勳章 2025勳章蛇年勳章 2018復活節勳章醒目開學勳章 15週年勳章親子王國15週年勳章

13^#

發表於 08-5-10 12:30 |只看該作者

老實講, 樓主你嗰個工人就真係離譜咗啲, 喺街巿買完返嚟開大數就話博你唔知啫! 但啲餸喺雪櫃就當係佢買, 佢真係有啲侮辱你o既智慧, 我覺得佢唔尊重你, 呃都呃得有技巧啲, 專業啲o麻, 佢而家o既態度就好似係 ~ 明呃你呀! 吹咩? ~

私人傳訊

ChuChu0808

子爵府

積分: 13960

14^#

發表於 08-5-10 14:32 |只看該作者

原文章由 yamada999 於 08-5-10 00:36 發表
我個工人都係啦~平昤都係奶奶買餸既..佢黎左3個幾4個月都係整過2-3次咋..我叫佢買過咩就寫番比我睇..我見到有d野咁貴..只不詔同佢講咁貴都買....佢同我奶奶傾計..話唔開心..因為我唔信佢...咁都得呀...佢買野緊係要 ...

我屋企都係奶奶買餸的, 只曾叫印印買過一次餸, 但都比佢打斧頭, 從此之後費事比機會佢"略"水, 奶奶自己買番餸.

印印初來時好似好純咁, 但愈做愈衰, 講大話, 駁咀, 吞pop樣樣齊.

私人傳訊

yamada999

禁止訪問

積分: 728

15^#

發表於 08-5-10 19:06 |只看該作者

提示: 作者被禁止或刪除內容自動屏蔽

私人傳訊

monster_zoo

大宅

積分: 1674

16^#

發表於 08-5-10 20:54 |只看該作者

明天15:30 主法會門口等遊行爭取啦, 唔係maid 就得chik

salary will be 3840 sign new contract on june

my maid told me that coming salary change to agound
3840 after sign new contract on june.

anyone hear this news too? oh my god.
everything also expensive. just my salary never change.
so heavy for my life.

so I will present