夫婦情感

收藏本版
發帖
返回列表
跳至頁

首頁
12

尾頁
   0
michellew43


民房

積分: 79


1#
發表於 08-4-19 18:46 |只看該作者
我個賤老公居然攞$3000嚟威脅我同佢一齊!真係好不知所謂!
事原係我同佢分居緊都成年,早2個月佢同我講唔想離婚,話一定會改,(之前佢做咗好多勁過份嘅嘢,而且無養過我同個b,個b都已經15個月大!)叫我唔好咁恨心令到個女無爸爸!咁我心軟,同個女返佢度,但係我要返工,佢同個女玩咗幾日我就同個女返外家,因為個女係我呀媽揪,而我呀媽亦年紀大,我要同呀媽2份揪個女,呢個衰人都好清楚!但係佢就話邊有人個老婆會成日喺外家瞓唔理個老公,我話你都知我無辦法,要幫手揪個女,而我亦好想成日見到個女,佢問我"咁到底邊個緊要,你嫁咗比我就係我嘅人!你呀媽揪唔掂咪搵第2個揪囉!一係你唔好做嘢喺屋企揪女!"我話你都傻嫁,唔使食呀?個女咁多開支都係我,你依家話肯比錢我啫,如果我真係唔做嘢你又唔比錢咁到時我同個女點?
我同佢拗咗好耐,結論係佢話"你每個禮拜淨係可以喺外家瞓一晚睇個女,其他時間想睇就收工睇",(我呀媽住9龍,衰人住新界,返工9龍,好痳煩!)當時我一聽到要同個女成日無得見已經喊出嚟!佢再繼續講,如果唔係咁我唔會比錢你!我話你比錢係養個女唔係養我,你應份!係咪諗住攞$3000嚟威脅我?佢話無!我再問佢,咁如果我同你離婚你係咪一毫子都唔會比?佢答得好荒唐!"你同個女唔理我,我做乜重比錢你!"
我聽完好激氣,同佢講"你都唔係人嚟嫁,咁樣你都噏得出!我依家同你講,我呢世都唔會再同你一齊!我好憎你!到依家無同佢聯絡過!
私人傳訊

mrschan923


男爵府

積分: 6147

BK Milk勳章


2#
發表於 08-4-20 00:12 |只看該作者

太自私

太自私了。咁你要爭氣吧!最多呀媽揍女,你塭份工做,唔好依靠他!
Charmmy is DADA, MAMA's Darling.
Charmmy is 18 months aged.
Charmmy Likes To Play With DADA & MAMA.
Charmmy Has 2 Bowls Of Rice Everyday.
Charmmy Likes To Eat Bananas And Bread.
Charmmy, DADA, MAMA Love You All The Time.
Charmmy Starts To Said "MA" November 27.
Charmmy Starts To Stand On The Bed In December.
Charmmy Travels To Singarpore In March 2010.
Charmmy Walks By Herself In April 2010.
私人傳訊

＊AnGeLa＊


大宅

積分: 2036


3#
發表於 08-4-20 08:33 |只看該作者
咁既老公都有既~如果不嬲都係你自己返工養你個女既~
咁不如唔好同你老公一齊啦~要唔要佢都把啦~
唔識體諒!!
私人傳訊

tszwan123


子爵府

積分: 14487

叻叻勳章 畀面勳章 親子達人勳章


4#
發表於 08-4-20 11:59 |只看該作者
咁ge賤人都有ge??佢都唔配做人老公+爸爸啦!!
你叫佢留返$3000執藥啦!

私人傳訊

pianockh


複式洋房

積分: 178


5#
發表於 08-4-20 12:06 |只看該作者
我係男人, 我睇到都火...
影衰d 男人呀
比果3000 就扮哂野
遲d 讀幼稚園都千幾兩千蚊學費啦, 唔洗食呀
比$3000 好似好勁咁...又唔盡做爸爸既責任
我睇佢都冇盡人地老公既責任啦
離婚啦, 唔洗講野啦...
私人傳訊

michellew43


民房

積分: 79


6#
發表於 08-4-20 16:52 |只看該作者
原文章由 pianockh 於 08-4-20 12:06 發表
我係男人, 我睇到都火...
影衰d 男人呀
比果3000 就扮哂野
遲d 讀幼稚園都千幾兩千蚊學費啦, 唔洗食呀
比$3000 好似好勁咁...又唔盡做爸爸既責任
我睇佢都冇盡人地老公既責任啦
離婚啦, 唔洗講野啦... ...


你係男人,我想問吓你,個衰人口口聲聲話唔想離婚,重眼有淚光,但係轉頭又講啲咁嘅嘢,以你男人心態,你估佢究竟想點?個心諗緊乜嘢呢?
私人傳訊

晞玥


珍珠宮

積分: 34110

hashtag影視迷勳章 好媽媽勳章 畀面勳章 BK Milk勳章


7#
發表於 08-4-20 21:04 |只看該作者
原文章由 michellew43 於 08-4-20 04:52 PM 發表


你係男人,我想問吓你,個衰人口口聲聲話唔想離婚,重眼有淚光,但係轉頭又講啲咁嘅嘢,以你男人心態,你估佢究竟想點?個心諗緊乜嘢呢?


我覺得你唔好理佢諗乜野,反正佢做咩+諗咩都係為佢自己!
佢幾時有為過你同個女?佢眼有淚光係想你心軟唔好離婚啫!
佢太自私+佔有慾太強,你再同佢一齊根本唔會開心
既然你可以自食其力養個女唔駛靠佢,無謂再同番呢d人一齊!
私人傳訊

小肥§澄


子爵府

積分: 11779

wyeth冷知識勳章 畀面勳章 環保接龍勳章 親子達人勳章 BK Milk勳章


8#
發表於 08-4-20 21:17 |只看該作者
如果佢有為你著想，將你同個b擺第一位，根本唔會將3000挂係嘴邊，係會自然將自己全部俾你d2個!
私人傳訊

whychan777


別墅

積分: 960

畀面勳章


9#
發表於 08-4-20 21:29 |只看該作者
原文章由 michellew43 於 08-4-19 18:46 發表
我個賤老公居然攞$3000嚟威脅我同佢一齊!真係好不知所謂!
事原係我同佢分居緊都成年,早2個月佢同我講唔想離婚,話一定會改,(之前佢做咗好多勁過份嘅嘢,而且無養過我同個b,個b都已經15個月大!)叫我唔好咁恨心令到個女 ...


你老公講到個三千蚊好巴閉咁........
個囡完全佢冇份咁..........
呢d男人未鬼要佢啦..........
私人傳訊

pianockh


複式洋房

積分: 178


10#
發表於 08-4-23 00:59 |只看該作者
原文章由 michellew43 於 08-4-20 16:52 發表


你係男人,我想問吓你,個衰人口口聲聲話唔想離婚,重眼有淚光,但係轉頭又講啲咁嘅嘢,以你男人心態,你估佢究竟想點?個心諗緊乜嘢呢?

我覺得你老公好似有d 精神分裂, 咩比三千蚊講到好巴閉, 應該係攞威...但你話佢之前又眼有淚光...咁真係分裂
我覺得佢唔想離婚, 因為佢唔想比人拋棄only...
私人傳訊

E@V


大宅

積分: 1312


11#
發表於 08-4-23 02:55 |只看該作者
先果三千蚊! 叫佢留返俾自己!
叫佢搵個三千蚊又肯同佢生仔, 又可以夠照顧佢一家的女人喇!
私人傳訊

mamaSTONE


大宅

積分: 1635


12#
發表於 08-4-23 04:04 |只看該作者
點解有d咁嘅男人??
你老公同我家姐男友d性格好似~都係有精神分裂!!
成日都好似玩變臉咁,剛剛打完我家姐,我上佢屋企鬧佢男友同佢理論,我唔俾我家姐返去,要喺我到瞓,佢即時變得好可憐咁,又喊又成!又話唔會再係咁,我一行出門口,佢又回復本性打我家姐鬧我家姐!!
你好幸運,你有能力有份工可以養自己同囡囡,咁點解仲要返去個衰人到??佢攞3千蚊出嚟,以為好巴閉,好似其他爸爸媽媽咁講,而家bb細,可能..係可能仲夠bb用,但係到佢大d要返學,3千蚊真係轉過頭唔見左~
佢話你同bb唔理佢?咁試問佢又有理過你地咩?咁自私自利嘅男人要嚟做乜?你之前都可以離開佢,返伯母到生活,而家都可以!!唔需要再為個衰人諗,亦都唔再需要諗佢諗乜!!
如果我係你,又好似你咁有能力養囡囡,又有mami幫忙湊囡,我走左都唔會再返轉頭!!

不過,我諗你當初返轉頭唔多唔少,都係為左個囡!唔知係唔係呢?因為始終無一個mama係想自己個小朋友生活喺單親家庭~有時會寧願自己啞忍痛苦,都希望盡量保持一個完好嘅屋企俾小朋友~直至真係忍無可忍....
我之前同我老公都有一d問題出現,不過就唔係好似你老公咁~我都係為左仔仔,所以留低...我家姐當時都話我傻,話我仲後生,有個仔又點,都會有人要....但係我都決定留低~而家我老公無再去玩,唔可以話好鍚我地,但係都不失為一個好爸爸,我都會抱住一個態度,佢對我衰無所謂,但一定要對我地嘅小朋友好!!

我睇到佢講呢句說話"你同個女唔理我,我做乜重比錢你!"俾我嘅感覺除左佢係一個衰人外,另外我會覺得佢係用[激脹法]去迫你就範!!
私人傳訊

kylam100


大宅

積分: 3479


13#
發表於 08-4-23 09:41 |只看該作者
原文章由 michellew43 於 08-4-19 18:46 發表
我個賤老公居然攞$3000嚟威脅我同佢一齊!真係好不知所謂!
事原係我同佢分居緊都成年,早2個月佢同我講唔想離婚,話一定會改,(之前佢做咗好多勁過份嘅嘢,而且無養過我同個b,個b都已經15個月大!)叫我唔好咁恨心令到個女 ...


michellew43

我睇左你幾份文章, 有d野都想同大家sisters比d意見.
我有左第2個bb一直未有開心過. 同老公當然對我來講唔見得好好.. 佢無第2個女人,我都無.. 有一個女...人人來講應該好好家庭, 佢只有一個問題係EQ+皮4, 婚姻3年打過我用左2年改過但之后2年EQ+皮4+教女問題,家庭問題.. 我開始好累好累好累, 好想放棄呢個婚姻, 有左第2個bb 12wks, 當我對婚姻唔再有希望時, 我有想過唔再bb..唔想bb出世后要面對我地大人問題. 我知對bb係唔好, 總好過出世面對一齊痛苦.
私人傳訊

ringoivy


翡翠宮

積分: 76971


14#
發表於 08-4-23 10:58 |只看該作者
三千蚊請工人都未夠比啦, 你叫佢咪睇到個三千蚊咁大把啦 其實你老公又可否搬去九龍住, 咁近左d時間易就d又得5得呀 老實講, 確實係唔係幾好, 你成日掉底佢自己一個返外家 我都明你有難言之忍, 個老公又唔體諒你確實令人氣憤 個時我媽咪幫我湊b, 我同老公在港島返工, 住都係港島而我媽咪就住新界, 我地每日放工都返媽咪到睇女同餵奶, 每晚九點幾十點就由媽咪家返屋企, 都從來無在媽咪到過夜架 係就係辛苦d, 但都無可能真係為左個b而分居的 你諗諗辦法解決下好, 唔好為左個b無左個老公, 小朋友係帶比家庭開心同快樂的
原文章由 michellew43 於 08-4-19 18:46 發表
我個賤老公居然攞$3000嚟威脅我同佢一齊!真係好不知所謂!
事原係我同佢分居緊都成年,早2個月佢同我講唔想離婚,話一定會改,(之前佢做咗好多勁過份嘅嘢,而且無養過我同個b,個b都已經15個月大!)叫我唔好咁恨心令到個女 ...
私人傳訊

Melody_Che


大宅

積分: 4192


15#
發表於 08-4-23 11:16 |只看該作者
最低工資都唔只3000啦!! 你仲諗甘多做咩呀?? 佢根本想娶個奴隸多過老婆, 佢甘樣係錫你咩?? 錫你個女咩?? 3000可以盡左爸爸及老公既負任咩??
私人傳訊

ringoivy


翡翠宮

積分: 76971


16#
發表於 08-4-23 11:50 |只看該作者
咁我又覺得唔可以用錢黎衡量一個人有幾鍚小朋友的 但最重要係佢從來精神同行動上都無為個女付出過就真
原文章由 Melody_Che 於 08-4-23 11:16 發表
最低工資都唔只3000啦!! 你仲諗甘多做咩呀?? 佢根本想娶個奴隸多過老婆, 佢甘樣係錫你咩?? 錫你個女咩?? 3000可以盡左爸爸及老公既負任咩??
私人傳訊

十一月


大宅

積分: 1900


17#
發表於 08-4-23 12:54 |只看該作者
佢做人老豆仲要呷個女醋, 你問下佢訓醒未罷啦, 如果你真係同佢離婚, 佢都要比贍養費比個女, 到時都唔知止唔止三千蚊呢個數啦
傻傻地
私人傳訊

yan511229


子爵府

積分: 13195

畀面勳章


18#
發表於 08-4-23 12:55 |只看該作者
原文章由 Melody_Che 於 08-4-23 11:16 發表
最低工資都唔只3000啦!! 你仲諗甘多做咩呀?? 佢根本想娶個奴隸多過老婆, 佢甘樣係錫你咩?? 錫你個女咩?? 3000可以盡左爸爸及老公既負任咩??

我都覺得唔可以用錢來衡量佢有幾愛老婆同錫個囡的!可能個男人經濟能力只係比到3000蚊呢?其實好多野係樓主自己先知的男人幾扮野都好好難會扮到眼有淚光...可能佢係真架呢?
私人傳訊

hellolal


複式洋房

積分: 449


19#
發表於 08-4-23 13:33 |只看該作者
可能三仟係少啲，佢能力做唔做到俾多啲? 掉返轉嚟睇，佢都係你多啲時間同佢一齊，對於夫婦間亦未必唔係好事，好過佢無要求，係唔係?
私人傳訊

豬仔mama


子爵府

積分: 10659


20#
發表於 08-4-23 14:24 |只看該作者
樓主,唔好介意我直言,其實你有冇係你c6個到諗過,其實佢都幾慘,個女你比左你亞媽揪,佢成日冇都見個女同你,倒返轉諗,如果佢帶個女日日係你奶奶到過夜,你嬲死都似~
你比亞媽揪,要比幾錢?$3000夠唔夠?家用方面,可唔可以試下再傾?
其實我相信你c6同你講"你同個女唔理我,我做乜重比錢你!"係悔氣說話,閙交緊係咩難聽說話都講得出,你都開口埋口話離婚,係男人都頂唔順啦,真架,試下都佢平心靜氣再傾傾,關心下佢,睇下佢意願想點?唔好郁d話離婚~
私人傳訊


首頁
12

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy