婆媳關係 今日: 3 | 主題: 27770

積分: 451

1^#

發表於 08-5-16 22:56 |只看該作者 |倒序瀏覽 |打印

事緣係我同老公傾好, 我搵到工後就每日帶個女返育嬰院. 昨天早上同老公一齊去育嬰院報名, 辦好手續後, 一切好似相安無事.

直到昨晚, 老公返佢阿媽屋企, 佢阿媽不在香港, 咁佢就開始同佢阿姨呻, 話好心up, 要擺個女入去, 又點點點..., 咁佢阿姨就當然擔心啦, 就建議不如唔好入育嬰院, 由佢出錢請工人俾99(即佢家姐)湊. 老公回家後同我講, 我當然反對. 第一, 我都快出來工作, 我會賺錢, 點解仲要受阿姨的錢?! 第二, 我之前因為99搞到自己抑鬱, 到現在仍有陰影, 更加唔想俾佢湊啦. 不過, 老公當然好想佢阿媽湊, 我就同佢吵大獲, 跟住今朝佢就話由我決定啦. 咁我地就照原定計劃囉.

點知佢阿姨今晚約我地食飯, 我都知佢想講呢d野喇, 所以就唔去囉, 跟住佢地食完飯就上來, 佢阿姨就重覆同我講, 話個女好細(就快十一個月了), 叫我睇下點啦, 如果佢唔適應, 就不要夾硬來...人地咁做係人地既事, 我地阿xx就唔同...

我都唔知點對佢地好, 仲要俾個c6"教訓"一餐...

[ 本文章最後由 karemom 於 08-5-23 14:13 編輯 ]

0 0 0

私人傳訊

angel_cheng

積分: 2000

2^#

發表於 08-5-17 00:16 |只看該作者

說話照聽,態度依舊.....
如果佢講就照應,不過唔好俾明確答案佢,同佢講話再睇下先囉
同佢遊下花園,始終佢係長輩,而且人地客客氣氣,妳自己都唔好意思寸佢啦.....
至於妳c6都幾奸下,呢頭應承左,個頭就搵佢d親戚幫手過妳一野,可能佢知道自己講唔過妳,所以先咁做.....對佢妳就唔可以手軟啦,不過要等四下無人時先可以教訓佢,有其他人就唔好啦,費事俾人捉住痛腳話妳對個c6唔好啦.....

私人傳訊

grand2005

男爵府

積分: 7555

3^#

發表於 08-5-17 02:00 |只看該作者

原文章由 angel_cheng 於 08-5-17 00:16 發表
說話照聽,態度依舊.....
如果佢講就照應,不過唔好俾明確答案佢,同佢講話再睇下先囉
同佢遊下花園,始終佢係長輩,而且人地客客氣氣,妳自己都唔好意思寸佢啦.....
至於妳c6都幾奸下,呢頭應承左,個頭就搵佢d親戚幫手過妳 ...

完全同意！另外你亦可以搵返外父外母同返你老公講

私人傳訊

wmpl

積分: 3000

4^#

發表於 08-5-17 02:37 |只看該作者

你老公分明玩嘢,你咪又學佢嗰招"陽奉陰違"lor,
不過你一定唔可以say yes or no,
只係唔出聲或答我再考慮吓先,佢哋問你有d咩要考慮?
你就話就係唔知先要考慮,要諗清諗楚先,免得日後有抝撬,
一路拖拖拖拖拖拖,一路自己快手快腳搞掂哂同準備好先,
到拖無可拖你就要企硬出招,話其實好多嘢好easy,
你一早都知道各樣方法大慨係點做,
而家都係覺得照你兩公婆最初嘅協議去實行就最好,
你老公曾經三番四次話隨你意思做,哩點佢冇得同你拗,
所以唔駛驚,仲要表現出滋油淡定一切盡在掌握之中,
你準備充足就冇人有你符!!

私人傳訊

三陪小雞

積分: 117

5^#

發表於 08-5-17 09:45 |只看該作者

個個（上咗年紀果d）都以為入育嬰園好慘好可憐無人理.....攪到各位媽媽好似掉低個仔唔理咁！
我仔夠係十個月大入育嬰園，依家不知幾好！學野又快又多又醒目（相比同年齡的小朋友）。育嬰園上至主任導師，下至廚師清潔嬸嬸，個個都對小朋友好好，好錫佢地！學校又多活動，大肌肉小肌肉、美勞音樂連小食製作都有，我仔好享受上堂的時間！學校仲會不定期攪d親子活動.......以上種種，總好過日日響果幾百呎的屋企，望住個電視機做人吧！

私人傳訊

＊AnGeLa＊

積分: 2036

6^#

發表於 08-5-17 10:21 |只看該作者

如果係請工人既話~都留係自己屋企俾工人湊啦!!洗咩佢請姐~你都出黎做野啦~你係咪覺得你99湊得唔好嫁??如果係既~都係育嬰園啦~

私人傳訊

weima

禁止訪問

積分: 940

7^#

發表於 08-5-17 12:14 |只看該作者

提示: 作者被禁止或刪除內容自動屏蔽

私人傳訊

miffymiffy

瑪瑙宮

積分: 131818

好媽媽勳章醒目開學勳章畀面勳章環保接龍勳章親子達人勳章 BK Milk勳章

8^#

發表於 08-5-17 12:28 |只看該作者

原文章由 三陪小雞 於 08-5-17 09:45 發表
個個（上咗年紀果d）都以為入育嬰園好慘好可憐無人理.....攪到各位媽媽好似掉低個仔唔理咁！
我仔夠係十個月大入育嬰園，依家不知幾好！學野又快又多又醒目（相比同年齡的小朋友）。育嬰園上至主任導師，下至廚師清潔嬸嬸，個個都對小 ...

同你老公洗腦, 話而家育嬰園改進左好多, 同埋老師受過專業訓練~

私人傳訊

Kalyn

民房

積分: 12

9^#

發表於 08-5-17 12:47 |只看該作者

我個case同你一模一樣．
不過我個女入育嬰院仲細（當時約４個月）．當初比９９湊，但發覺唔掂同埋比佢湊要同佢住．所以我放完產假即刻報育嬰院，好彩好快有位．之後就精彩，每一個人聽到我將ｂｂ比育嬰院湊就一定講以下說話，直到而家仲講（我個女而家１４個月）：
１）ｂｂ咁細個入育嬰園咁陰公咁慘，你亞媽咁衰掉低你．
２）你點知學校有冇比佢野ｂｂ食？佢食ｄ野有冇係唔係寫果ｄ一樣？會唔會比其他？
３）比自己人湊唔好咩？
４）學校咁多病，點解咁細個比佢返？　　
你要有心理準備，好多八婆好鍾意咁講．初初聽到會好唔開心，不過慢慢會慣．
如果你身邊有人支持就比較好，如果無，果種壓力會好大（尤其是病）．因為我身邊ｄ朋友無人覺得好（不過好在我屋企人好支持）．

不過以我既經驗我所得，如果果個人一開始就話唔好，就算你點解釋都冇用，因為佢地會先入為主覺得唔好就唔好，你點講都冇用，所以都係唔鬼理佢地講，你有你講，我有我做．
你要記住你想點做你兩個覺得ｏｋ就得，其他人講聽完就算．

另外而家我會答佢地：好慘咩？我又唔係掉低佢去孤兒院唔要佢，我放工會去湊佢返屋企．唔好講到我棄嬰咁．

私人傳訊

onon1022

子爵府

積分: 12596

好媽媽勳章

10^#

發表於 08-5-17 14:47 |只看該作者

其實係佢地既角度黎諗...自己人湊...好過放係外人到...而且而家咁多菌...你老公唔多唔少都會擔心...而且你阿姨出錢...你老公會覺得唔駛自己出錢...又可以有自己人湊bb...當然想你應承...如果你真係唔想比你奶奶湊...你可以解釋比你老公聽...話比bb試下...如果bb真係唔習慣...先比你奶奶湊...

[url=http://lilypie.com][img]

私人傳訊

積分: 451

11^#

發表於 08-5-17 23:07 |只看該作者

原文章由 三陪小雞 於 08-5-17 09:45 發表
個個（上咗年紀果d）都以為入育嬰園好慘好可憐無人理.....攪到各位媽媽好似掉低個仔唔理咁！
我仔夠係十個月大入育嬰園，依家不知幾好！學野又快又多又醒目（相比同年齡的小朋友）。育嬰園上至主任導師，下至廚師清潔嬸嬸，個個都對小 ...

三陪小雞:
佢成日都話佢太細個, 唔適合入, 又話一聽到阿女要入去, 就成晚瞓唔著!

你阿仔都係十個月呀? 咁佢果時認人未呀? 難唔難適應呀? 我阿女好痴我, 因為我全職湊佢, 佢又怕生保人, 一見到我走開佢就喊, 一俾生保人抱佢就大力掙扎, 個頭同腰會向後抑, 有幾次仲差d跌左落地, 我好擔心佢入到去, 老師唔知佢脾性, 會有意外呀!

係呢, 你果間咁好, 你仔仔讀邊間架?

私人傳訊

積分: 451

12^#

發表於 08-5-17 23:14 |只看該作者

多謝你地既意見, 我現在好慘呀! 身邊所有親人, 包括自己阿媽, 都唔支持我! 個個都話十個月(下月初十一個月)好細喎~ 救命呀~!!! 究竟我的決定係咪錯呀?!!!

私人傳訊

SDTsoi

洋房

積分: 67

13^#

發表於 08-5-18 11:58 |只看該作者

我的BB雖然係屋企俾工人同99湊，但我都支持你要試下先。
而家我個仔日日係屋企，我嫌佢悶添。
因為我相信學校唔會對小朋友唔好，所以其實2個方案都無話對同錯架。反而最重要你要清楚俾99湊你一定會唔開心，咁就一定唔好俾自己後悔，試下，可能妹妹因為咁會變得硬淨同懂事D都未定。當然，如果過左一段時間唔得，就唔好為左面子或者99而夾硬來啦。定一個時間，如半年或3個月，睇下個女反應點先啦。

原文章由 karemom 於 08-5-17 23:14 發表
多謝你地既意見, 我現在好慘呀! 身邊所有親人, 包括自己阿媽, 都唔支持我! 個個都話十個月(下月初十一個月)好細喎~ 救命呀~!!! 究竟我的決定係咪錯呀?!!! ...

私人傳訊

zone

伯爵府

積分: 15295

畀面勳章

14^#

發表於 08-5-19 10:07 |只看該作者

原文章由 karemom 於 08-5-16 22:56 發表
事緣係我同老公傾好, 我搵到工後就每日帶個女返育嬰院. 昨天早上同老公一齊去育嬰院報名, 辦好手續後, 一切好似相安無事.

直到昨晚, 老公返佢阿媽屋企, 佢阿媽不在香港, 咁佢就開始同佢阿姨呻, 話好心up, 要擺個 ...

其實你要自已分析一吓放bb去育嬰院的好處及壞處,好處係佢可以接觸多d人,有專業的人照顧,有冷氣,唔洗比99有機會成日到你家同你講一些你覺得唔啱又要你去做的事,但唔好處就係好易有病,要接返學及放學會好辛苦,因為我呀b兩個月大我就放左佢係育嬰院,我覺得好好,無什麼大問題,又可以同99果邊d人少左頂咀的源頭.

私人傳訊

bpwwp

積分: 2018

15^#

發表於 08-5-19 15:38 |只看該作者

樓主,我想你要考慮清楚係你知BB好容易病,若你送B去育嬰院,你要有心理準備,如BB一有病,全部人都会責怪你,全部入哂育嬰院嘅數。最慘係你自己外家的人都唔support你嘅決定。
可否自己出錢請工人然後叫你屋企人幫手來睇下B呀？用C6呀姨D錢，好似唔係幾好wor!用男家D錢，你以後有排要睇人面色架！

私人傳訊

積分: 451

16^#

發表於 08-5-19 21:40 |只看該作者

原文章由 Flo0602 於 08-5-19 15:37 發表
如果經濟同居住環境許可既, 我會建議你請工人湊, 起碼你放左工返去仲可以湊下bb而工人做家務, 幾好! 俾奶奶湊真係最後一著ga la, 唔係話奶奶湊唔好, 而家大家兩代人係湊bb方法上一定有argue, 到時盞搞到你老公左右 ...

Flo0602,
估唔到有人同我差不多處境喎~ 真係唔明點解d阿姨會理埋人地的家事, 好奇怪!
嘩~佢地日日上來巡視, 真係煩死人! 我老公阿姨都似會咁, 自從佢知道我個女會返育嬰院後, 佢晚晚上來探我女, 真恐怖

私人傳訊

積分: 451

17^#

發表於 08-5-19 21:44 |只看該作者

原文章由 bpwwp 於 08-5-19 15:38 發表
樓主,我想你要考慮清楚係你知BB好容易病,若你送B去育嬰院,你要有心理準備,如BB一有病,全部人都会責怪你,全部入哂育嬰院嘅數。最慘係你自己外家的人都唔support你嘅決定。
可否自己出錢請工人然後叫你屋企人幫手來睇 ...

我老公又好想受佢果邊d人既錢架, 咁我就次次都同老公嘈囉, 煩死, 點都唔可以說服到我老公, 最後都要我自己出錢先可以擺平...

私人傳訊

bpwwp

積分: 2018

18^#

發表於 08-5-20 11:57 |只看該作者

原文章由 karemom 於 08-5-19 20:44 發表

我老公又好想受佢果邊d人既錢架, 咁我就次次都同老公嘈囉, 煩死, 點都唔可以說服到我老公, 最後都要我自己出錢先可以擺平...

你老公係貪着數？定係覺得大家自己人,用亞姨D錢係無問題？如貪着數都還好, 因如果佢屋企係共產黨concept, 大家D錢,係可以大家洗,不分你我,以後有排你煩呀！

私人傳訊

積分: 451

19^#

發表於 08-5-22 00:22 |只看該作者

劇情峰迴路轉, 極品99又出新招

承接前文, 由於兩家老人家的壓力, 我再同c6講數, 終於傾好請工人, 日間由99 & 我媽咪輪流看工人, 不過由於未請到工人, 而我又要返工, 所以呢個真空期會由99 & 媽咪輪流湊我個女(我超級唔想, 不過同c6一人讓一步). 今晚C6返99屋企食飯(我沒有去, 留在家裡), 向99提出呢個請求, 99當住所有人面前好爽快咁答應, 老公返來叫我打個電話俾佢再同佢講聲, 咁我就不虞有詐, 打俾佢.

打了俾佢, 我再講果番說話, 點知佢語氣唔嗲唔吊, 吊高來賣, 又話聲唔啱我心水, 又話"你地樣樣都叫我做, 我又要買餸煮飯, 做家務湊仔, 你估我係黃大仙咩?..."咁我就話,"99, 如果你咁辛苦, 咁不如返住育嬰院先啦, 直到工人來為止..." 99就話接送一來一回都個半鐘, 唔好喎, 跟住99又反建議話不如個女响佢度, 佢再搵個鄰居睇幾個鐘, 叫我媽咪唔駛來. 我就直接同99講我想我媽咪湊, 我唔信得過外人(指佢鄰居, 因為佢粗口爛舌, 冇品冇修養, 連我c6都唔會俾個女佢掂!).

跟住佢就俾好多說話我聽, 例如重覆講左好多次"咁冇辦法啦, 聽哂你講啦!" "你話點就點啦!" 我見佢語氣猶豫, 就問佢係咪有咩憂慮, 佢就話"冇, 咁就照你意思去做啦!" 佢有佢講, 我就好興, 答返佢"99, 你唔好咁講呀, 我受唔起架!" 佢又話我個女做咩咁耐都唔識講野同行路(我個女現時未夠十一個月大, 佢在四個幾月時已經識叫媽媽, 不過一直到宜家都係淨叫媽媽, 佢未夠九個幾月大識扶住床邊行), 仲批死阿女十五個月大先會識行, 又話佢兩個仔果陣有幾叻幾叻...(咁阿99, 你係咪即係吋緊我!?)

真係好興, 雙面人!

[ 本文章最後由 karemom 於 08-5-22 00:49 編輯 ]

私人傳訊

wmpl