吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 奶奶好自我覺得呢個世界得佢一個

婆媳關係今日: 0|主題: 27782

收藏本版

發帖

返回列表

跳至頁

查看: 1844 | 回覆: 12

奶奶好自我覺得呢個世界得佢一個 [複製鏈接]

ip1236hk

大宅

積分: 1553

1^#

發表於 08-5-1 01:45 |只看該作者 |倒序瀏覽 |打印

結婚前
因為我同我老公係奉子既，所以無乜點拜候過當時仲係丫伯母既奶奶佢地，因為結婚之前都已經驚左佢，
因為：
佢超無禮貌，我有一次去佢到見佢，因為有Ｄ原因上左去訓一晚，佢成晚不停係出面講粗口嚇死我，嚇到我係床喊，又要成日走入黎唔知做乜係咁大聲講野，個陣全部人都訓緊覺。佢晚晚都四點幾五點先訓但早上七點又要同佢大女嘈交。
成日都無啦啦話我教壞佢個仔，明明係佢個仔都怕左佢，識我之前都已經情願訓車都唔返去就話我帶壞佢。
講我好多壞話，我老公發脾氣先收左口。
我有左個陣，老公過左好幾日都唔夠膽同佢媽講，我就一早同我媽媽講左話佢要做人丫婆，我老公係電話同佢講話我大左肚，佢第一句就叫我落左佢，雖然當時我都無諗著要，但係佢咁講我完全覺得佢問都唔問下我地想點囉。
成日唔鍾意就唔應人唔出聲唔彩你，咁因為結婚之前我地兩方家長都要見，傾細節，佢就成程乜都無提過淨係講其它野同食野，我媽媽問左幾次到底邊日擺酒個Ｄ佢完全答都唔答我媽媽，無Ｄ禮貌。
咁好啦，等左佢成兩個星期又係問極都唔話要做Ｄ乜同擇日，咁我同我老公要係兩個月內搞好晒結婚野，就自己決定啦，結果佢係咁鬧我老公做乜乜都唔問佢就自己決定晒Ｄ野。
印晒帖啦，叫佢派，佢派到個日仲派緊比人囉
結婚之前個日先至打比我話我媽要做乜做乜，跟著又話自己唔知做Ｄ咩，我媽之前已經話佢知洗唔洗過大禮個Ｄ佢又唔答，我媽於是封左封利是比佢算。
結婚個日
無啦啦話我老公唔洗派利是，收返晒我老公Ｄ利是，仲要連開門利是同結婚介指都收埋晒，搞到黎同要同兄前籌，去到酒樓又話會封比Ｄ待應，結果散晒席人地走晒都未比過，唔知問我老公拎一萬蚊封利是做乜。
中間我去佢屋企入門個陣，佢明知有人會拍野，竟然好耐都唔開門，連我契媽都話覺得佢會唔開，搞到我老公打返去鬧晒人咁先開，佢間屋又亂又唔執，除左我老公同三個攝影師其它人都無位入，除左幾個企係門口其它都要係門外等。佢媽仲要全程黑面囉。
臨開席之前先決定晒Ｄ位，我一早叫我老公問定佢拎人名個Ｄ幫佢篇埋佢又要唔比，結果男家個邊有一圍中間既得四個人坐，個圍仲要係中間。
佢見我媽媽有得化妝，其實係我媽媽自己比錢叫埋個化妝師幫佢化，點知佢黑晒面話佢無得化，我一早叫左佢個仔問佢，佢個仔又話唔洗既！搞到即場叫人幫佢化埋，個化妝師人地負責化妝，佢竟然話人地唔幫佢戴耳環，人地講返比我聽係因為佢無禮貌所以先至話唔係佢職責。
散晒席找數，咁我老公之前同我講過話會用佢家姐Ｄ卡找著先，之後先用返人情個Ｄ找卡數，咁我都有叫我媽媽借比我用黎找酒席，點知到最後變左係新娘房拆人情，咁我話之後用黎找卡數咁我媽媽梗係同我爸爸走先嫁啦，佢又係咁話我丫媽做乜拎晒Ｄ人情走先，仲要話都唔知我媽收埋去邊佢同佢地講走個陣完全見唔到我媽拎著，拎著咁多錢梗係收埋嫁啦。最後要我媽媽同爸爸係屋企搭返的士過海拎返Ｄ錢黎，我爸爸仲要倒貼Ｄ出黎，因為有Ｄ係禮卷，佢之後仲要話我媽都唔知有無拎晒出黎。搞到人地個到成兩點幾先走得。

0 0 0

私人傳訊

ip1236hk

大宅

積分: 1553

2^#

發表於 08-5-1 01:45 |只看該作者

婚之後
佢間屋可以亂到連張疏化都唔係坐係用黎放衫既，我老公話呢三年黎佢買返黎之後連佢自己都無坐過，我去到同佢地住我都算啦，要同佢兩個家姐一間房，我同我老公訓單人床。
之後個日佢數錢話入銀行，明明有二萬唔知點解返到黎話銀行數過差二千於是佢唔入，叫我陪佢去銀行cheak閉路，我中午已經話唔舒服去唔到飲茶，好啦，咁我陪佢去銀行啦，結果我係條街到暈左訓左成個星期醫院。於是我搵機會搬返我娘家，我老公又懶，一訓覺就唔會走，所以好彩地住到家陣生完都無返到去。
我見金價高又無位放Ｄ金，結婚無耐連我媽比我對龍鳳厄都溶埋，我結婚之前我媽買個陣同我媽講明我之後會溶左去，丫奶奶竟然話做乜唔問過佢就去溶Ｄ金，佢都未睇過，基本上除左個兩隻厄，我成身Ｄ金都係我個邊親戚比我既，我又無溶佢個對關佢乜事？我媽都無話過我。
因為我同老公要整結婚個日個隻碟，於是問佢拎老公細過Ｄ相，我明明還左比佢，佢又話我無還比佢，好在係佢張電腦台搵到一張，如果唔係又關我事。
生之後
成日話我無禮貌唔返去住，唔返去坐月，唔尊重佢，大佬呀，你屋企連ＢＢ張床都無位放，點住？我返到去咪又係同佢兩個女一間房同我老公訓單人床，我係呢樹起碼又我自己間房可以放ＢＢＤ野同ＢＢ張床。而且佢Ｄ時間日夜顫倒我完全頂唔順囉，四五點先訓，第二日又一早起身嘈，之後下就兩點幾三點又捉你去飲茶，唔去又話鬼你。
生完連出院都要管我，我第一胎三日兩夜可以出院而且我住醫院住到怕，佢竟然係咁煩我老公話我唔好出住，仲要打埋去醫院話唔好比我出著囉，不過人地話返佢轉頭佢唔係我唔可以幫我決定叫我同佢地講。於是又打黎煩我，好在我電話無電佢搵我唔到，
生完兩星期日日走上黎搞著晒幫丫Ｂ沖涼，仲要電話都唔打上黎就咁開門。搞到我媽極到暴走，因為佢日日上黎有時仲要成家，我老豆好客煮埋佢地，食完連碗都唔洗就走人。結果唔知係咪我老公話過佢就一星期上黎兩次。佢老豆仲搞笑，我老豆叫佢酒啤酒，佢老豆真係次次上黎都搵我雪櫃拎黎飲，上一次搵黎搵去都搵唔到笑死人。仲要超唔衛生，又煙又酒，竟然次次都走黎錫丫Ｂ仲要錫出聲！好嘔心我仲要餵人奶囉。話過話有菌都唔聽。食煙都算啦，係我屋企露台食，拎我隻喵喵個剷屎個個野黎裝著Ｄ煙灰囉！
生完之後連利是都無比過，十蚊都好丫，我話我老公佢地仲未比利是我老公竟然話比左，我話邊有？幾時比比左去邊？我老公都答唔出，竟然指著我爸爸媽媽個兩封話係佢兩個比。
乜都無比過餘前幾日仲要走黎同我講Ｄ衫仔話唔岩著記得留起比佢比佢個fd，佢乜都無比丫仔，Ｄ衫仔仲要全部我媽媽買既佢仲up得出。佢屋企Ｄ bb野唔知放係到做乜囉，bb車佢問人拎完放左係佢地到我去到淨係比我地睇完全無叫我地拎走。佢又話老公表姐比左Ｄ衫仔ＢＢ，到呢家都無拎過出黎唔知收埋黎做乜。
丫仔比佢湊次次都有問題既！有一次我同老公諗著試下比佢湊啦，咁我同老公出左去，次次老公打返去丫Ｂ都係喊既，問佢做乜話佢肚餓囉，咁我放丫仔係佢到之前話餵淨兩安，佢之後打黎問個兩安仲食唔食得，我話食得，佢竟然係食完個兩安之後開始計時，話三個中先食得第二餐。明明我老公講左好多次話九點食，佢竟然可以夠膽話唔知以為十點。
之後咁又有一日放係佢地到，本來我話帶埋出街佢地又話唔好於是個日我個仔沖左三次涼，第一次我同老公仲係到個陣沖啦，佢舅母都係到，奶奶幫佢沖到好似殺豬咁喊。之後個兩次，我已經話丫仔nb碼既片唔岩著要比人，佢唔聽我講結果佢同丫仔換左搞到丫仔食緊奶柯左屎佢仲要唔換著等佢食埋，結果搞到成身屎，我已經叫左好多次話唔好用都仲要用，到今日丫仔換左中碼仲係到話Ｄ nb仲用得= ="。第三次係我個仔打c egg，我個仔食開人奶已經唔多識用奶咀，佢仲要失佢飲水，結果嘔到成身都係。
我個仔喊得大聲過人又成日扮可憐，佢第一句就話做乜喊成咁，我老公話佢肚餓，佢又話邊有可能肚餓會喊成咁嫁。
又係唔鍾意就唔應！我生之前話丫仔改名，好啦，佢地話要跟筆劃，跟時辰，咁等生完之後兩星期就再問，又話未到期，好喇，最後一個禮拜，又話未買書，到夠期又話唔係佢改，結果到呢家過晒期丫仔都成兩個月多Ｄ都未改！我係咁同我老公講再唔改我自己去改，我老公又話個名一世。今日先去黃大仙囉，結果要聽朝八點先去得啦，改名都要時辰= ="咁老公聽日時間唔甲，叫奶奶陪我去，竟然話咁早唔好搞我！！！我老公話佢又係佢話跟筆劃既又係佢，買書自己改既又係佢，我奶奶又鬧做乜一定要聽日個Ｄ，我老公話就黎都三個月喇，入境處連信都寄埋，仲唔改，你兩個唔好搵我黎搞好無！於是我cut左線！
仲有好多我要後補！

私人傳訊

E@V

大宅

積分: 1312

3^#

發表於 08-5-1 07:00 |只看該作者

嘩! 你99 都好x 麻煩...

私人傳訊

KoyeBaby

子爵府

積分: 12904

醒目開學勳章畀面勳章

4^#

發表於 08-5-1 09:17 |只看該作者

你無形容錯,佢真係覺得自己係大哂!!!你千祈唔好同佢住呀!唔係實搞到自己精神崩潰~~~

私人傳訊

yy25

子爵府

積分: 13211

好媽媽勳章醒目開學勳章

5^#

發表於 08-5-1 14:16 |只看該作者

你99傻傻哋甘你而家係咪重同佢住

私人傳訊

kvstephanie

禁止訪問

積分: 1368

6^#

發表於 08-5-2 00:01 |只看該作者

提示: 作者被禁止或刪除內容自動屏蔽

私人傳訊

kvstephanie

禁止訪問

積分: 1368

7^#

發表於 08-5-2 00:03 |只看該作者

提示: 作者被禁止或刪除內容自動屏蔽

私人傳訊

ivymeoow

男爵府

積分: 5160

8^#

發表於 08-5-2 10:45 |只看該作者

你99真係老人院都唔收o個隻o黎囉~~

私人傳訊

Irismammy

別墅

積分: 697

9^#

發表於 08-5-2 11:57 |只看該作者

快啲走啦！

私人傳訊

yuki-yan

複式洋房

積分: 237

10^#

發表於 08-5-2 13:10 |只看該作者

樓主..我係你我都走返去我呀媽道住啦
你千奇千奇唔好返去同你奶奶住呀..
你奶奶唔係人黎架...
我支持你呀...

私人傳訊

ip1236hk

大宅

積分: 1553

11^#

發表於 08-5-2 15:46 |只看該作者

我到呢家都仲住緊我媽媽屋企
丫仔都淨係個幾次比佢湊過
尋日又有新鮮野喇
其實都唔算係新鮮
我丫仔二月尾出世到呢家都仲未拎出世紙
就係因為無名
而我同我老公仲未註冊所以要靠佢一齊去
上面都講過點解仲未有
咁尋日原定八點去黃大仙改既，
點知出門口之前老公又打去比丫奶奶問佢去唔去
點知又開始罵戰
中間我聽到"呢家咁急做咩野遮"
我老公就話"開頭要改既又係你，發脾氣話唔改又係你，跟著又要改又要唔改"
之後我老公問佢到底幾時改到，
問左幾次先話：七日
跟著鬧交收場咁收線
到尋晚我地返返屋企，
我爸爸都出埋聲喇
寫左張紙大大隻寫係櫃話丫仔七日之後再無名就唔好叫佢丫公
我老公竟然鬧話
痴x線，姓葉(我個姓)丫笨
點知今日佢打黎話今日佢丫媽生日
因為佢媽計舊歷佢唔記得左
問我點
我係咁答佢點知
跟著話返去食飯但尋日又咁樣
我又答點知
最後佢話放工睇下點先算
頭先我打比佢
佢竟然話包丫仔做禮物
雖然我知係講笑
但係明明佢媽媽唔岩
仲要去哄返佢？