之前鄰居個女執左隻唐狗BB-蕃薯返黎放養, 有野食就比, 無野就就等佢自己搵垃圾食,轉眼間就變大隻了, 大隻後開始撲人, 鄰居覺得麻唔教, 唯有銷起佢, 一吠人都打佢, 點知一次因咬到其他鄰居, 被送進漁農處, 當時因為阿妹男朋友有村屋可以養, 於是我去漁記接返佢返黎, 當日係我人生第一次拖一隻大狗
然後蕃薯去到新屋企表示都唔錯, 有足夠地方走動, 我經常靜雞雞去睇佢過得好唔好, 可惜大約一個月後新屋企因為要裝修, 經常有工人出入, 怕佢整傷工人, 新主人將佢鎖係屋後面有條窄窄的空間, 終日佢就係個個位不停跳, 不停叫, 我睇到真係好心痛, 本身以為佢搵到個安樂家! 最後當然人地送返隻狗返黎! 返黎後就帶左佢去愛協絕育
因為屋企人極力反對在屋內養佢, 並且口頭襌講住「人地唔要既野你點解要養」, 而且我地係租屋住(兩層, 我地住地下), 無辦法之下我上網搵過一d機構幫忙, 可惜都無回音, 最後我買左間大狗屋將佢放係屋企旁邊暫養, 平日用鏈銷住
本以為上年可以上車了, 蕃薯只係少住一排, 點知3,4月開始樓價又不能飛升, 上車夢碎…一養原來都快一年了
其間, 因為蕃薯位置對住父母睏教的房間, 父母經常微言蕃薯半夜吠叫或走動發出的聲音, 也被樓上業主投訴過太嘈, 因為這點, 經常跟爸爸嘈交, 於是除了每晚放工放一小時狗外, 朝早太陽未出返工時我都會放佢, 有時會幫佢帶上口罩讓佢自行走動, 期間我好盡力教佢做一隻乖狗, 部份鄰居見佢變乖都覺得好欣慰, 但村內有部份鄰居每次見到佢都指指點點, 態度勁差, 甚至打佢, 所以後來佢沒有自由活動時間,只可以跟我出街既時候才可以走動
14年12月時, 放狗時佢比2隻大唐狗咬傷, 唔算太嚴重, 然後不足一星期又整傷腳, 好返後, 我感覺蕃薯變得神經質了, 出街唔可以同其他狗social, 會追車及雀仔, 聽到少少聲就好緊張, 我好明白養梗佢個位並唔係一個理想位置, 但係因為門口多人行出行入, 我根本無辦法, 有時我見佢係自己個位度都好緊張周圍望, 我真係好心痛, 因為我知佢感到唔安全
上星期, 準備出街時, 隔離鄰居有人上黎打麻雀, 蕃薯輕輕咬了一個男人近patpat 位置一下, 只係有少少瘀, 之後鄰居當然不滿, 爸爸即刻搵鄰居講聲, 我就俾左錢人睇醫生了, 拖得一下, 業主係呢個時候梗係要我拎走隻狗, 仲講到「如果隻狗唔搬就要我地全家搬」, 然後我近日就不停搵屋搬, 以我既人工, 根本租唔起村屋, 以我得3-4000 budget, 要住到粉嶺既村屋, 而且連支出每個月都無錢淨, 但係我發覺住粉嶺既村屋真係返唔到工, 其後問左間有露台既村屋套房, 又唔比養大狗, (基本上好多村屋及套房都唔俾養狗) 為左佢我連石屋都可以住, 只要養到佢就得, 但近日處處碰壁, 我都唔知仲拖得幾耐, 我唔可以為左隻狗連累家人都要搵地方搬, 然後我又上網搵每月寄養的dog hotel, 本身住一兩個月無所謂, 但我一諗到佢要住到我上車/租到屋, 我又好心痛, 男朋友跟我說是時候放棄了,提議送佢到dog rescue……
這一刻我好迷茫, 由決定養佢個一刻開始, 我真係養佢一世, 即使屋企幾反對或佢曾經好曳, 我都無諗過放棄佢, 而且我明白佢既焦慮係來自佢的不安全及缺乏活動時間, 因為我相信如果係佢屋入面養, 唔需要一日都用鐵鏈銷住佢既時候, 佢會比較容易教, 所以唔到最後一刻, 我都唔會送佢去dogrescue
近一年我放工咩都唔做, 淨係一放工就返屋企放狗, 為既只係佢可以行多一分鐘, 每晚放狗一個鐘, 連清潔打掃, 基本上我都無曬私人時間, 連朝早早起放狗, 我每日只可以睏5-6個鐘, 然後我做既任何野, 除左男朋友外, 都無人支持, 一諗到我同佢相處時間無多, 我發覺精神變差, 我好想可以繼續養佢, 現在唯有祈求奇蹟出現……
如果你有睇曬蕃薯的故事, 希望你會俾d意見我
原帖由 lovedeep 於 15-02-04 發表
本帖最後由 lovedeep 於 15-2-4 10:37 編輯
之前鄰居個女執左隻唐狗BB-蕃薯返黎放養, 有野食就比, 無野 ...
發表於 
返回列表
