國家地區媽媽會 今日: 0 | 主題: 20267

積分: 42574

馬年勳章 2025勳章蛇年勳章 2024年龍年勳章開心吸收勳章畀面勳章

1^#

發表於 08-3-31 09:53 |只看該作者 |倒序瀏覽 |打印

想請教各位媽咪, 我仲有唔夠兩個月寶寶就出世, 但之後因為得自己一個人坐月, 我父母係香港因為工作行唔開所以唔會過黎探我, 老爺奶奶雖然係呢邊但唔同住, 佢地又有工作唔會特登請假陪我坐月, 但老爺會幫我煲薑醋, 咁老公到時就會放兩個星期大假陪我, 想請問曾經都係自己坐月既媽咪你地點樣分配屋企既工作? 點樣照顧 BB? 一日三餐點解決? 有乜野要留意?

0 0 0

私人傳訊

積分: 253

2^#

發表於 08-3-31 12:27 |只看該作者

妳住美國邊度? 睇下有冇當地既媽咪知道好既陪月提供俾妳.

我聽講香港有隻"產後進補28方"(?), 已經配好晒, 例如生化湯(清淤血). 我自己未食過, 但係做過research, 好多媽咪都話好, 所以我呢胎坐月會試.

生完BB頭兩個禮拜妳都要訓床, 因為傷口. 就算行啊坐啊都唔係太方便. 有時D嬰兒用品"啦"起手要買. 另外BB出院後幾日要去醫生度檢查同打針. 呢D都係需要先生幫手的.

飲食方便, 初期可以食薑飯, 餵人奶的話就飲D補奶既湯水, 木瓜湯, 魚湯.

原文章由 usbaby 於 08-3-31 09:53 發表
想請教各位媽咪, 我仲有唔夠兩個月寶寶就出世, 但之後因為得自己一個人坐月, 我父母係香港因為工作行唔開所以唔會過黎探我, 老爺奶奶雖然係呢邊但唔同住, 佢地又有工作唔會特登請假陪我坐月, 但老爺會幫我煲薑醋, 咁 ...

私人傳訊

積分: 1013

3^#

發表於 08-3-31 13:50 |只看該作者

我兩胎都係自己坐月﹐老公請了兩個禮拜假。
第一胎奶奶整薑醋(不過我無食)﹐一個禮拜燉兩次雞汁﹐日日會煮蒸雞蒸豬肉做餸。坐完月﹐我自己買左個電燉盅另外再燉湯補到100朝。
第2胎奶奶整薑醋(都係無食)﹐都係一個禮拜燉兩次雞汁﹐但飯餸我地自己整﹐老公整五更飯/蒸餸﹐有時我自己炒薑飯食。老公負責大仔﹐我湊個細仔。第2胎因為要湊兩個所以沒時間坐至100朝...
老公兩胎都第三個禮拜返工﹐每晚預備好第日食的餸0係雪櫃﹐噤我第2朝蒸黎食。放工後接手湊BB。

興幸兩個仔仔BB時好乖好少扭計﹐如果唔係人都顛﹐因為好唔夠訓﹐頭6個禮拜辛苦D﹐但慢慢會習慣..

原文章由 usbaby 於 08-3-31 09:53 發表
想請教各位媽咪, 我仲有唔夠兩個月寶寶就出世, 但之後因為得自己一個人坐月, 我父母係香港因為工作行唔開所以唔會過黎探我, 老爺奶奶雖然係呢邊但唔同住, 佢地又有工作唔會特登請假陪我坐月, 但老爺會幫我煲薑醋, 咁 ...

私人傳訊

積分: 42574

馬年勳章 2025勳章蛇年勳章 2024年龍年勳章開心吸收勳章畀面勳章

4^#

發表於 08-4-1 05:07 |只看該作者

BabyRnC,

thank you very much. 不過我唔打算請陪月, 呢度 D 陪月絕大部份都係上左年紀但冇車牌既阿嬸, 我住既地方一定要渣車出入, 我無可能去車佢來來回回.

babygigi,

唔該晒你咁詳細既解答. 咁我想問下 BB 沖涼點呀? 頭一星期只係幫 BB 抹下身咁唔濕水沖得唔得架? 雖然好多野都擔心自己一個應付唔到, 但冇得諗咁多咯, 冇人幫手就唯有靠自己.

[ 本文章最後由 usbaby 於 08-4-1 05:12 編輯 ]

私人傳訊

積分: 253

5^#

發表於 08-4-1 07:51 |只看該作者

usbaby
妳最好等BB臍帶個結脫落, 個口完全埋晒, 先好幫BB沖. 我第一胎差唔多兩個幾禮拜先幫BB用水沖涼. 其實初生嬰兒又唔多郁, 冇咩汗, 唔係話非沖不可, 最主要保持肚臍, Pat Pat清潔. 同BB 沖涼最緊要定, 佢地會好驚如果幫佢地沖涼果個心慌. 可以搵個人o係隔離抓住BB手手, 習慣左就冇問題. 同埋沖快D囉, 唔好俾BB凍親
.
放心啦! 我第一胎同BB沖涼都係冇人教冇人幫. 如果我都得, 妳一定冇問題! (^_^)

私人傳訊

積分: 1013

6^#

發表於 08-4-1 08:21 |只看該作者

usbaby,
仔仔甩臍帶後我才同仔仔落水沖涼。差唔多十幾日先完全甩出黎。
未甩前﹐用酒精紗布抹一下﹐KEEP著清潔就得了。
我兩三日會同仔仔SPONGE BATH﹐用濕布抹下身.. 有時用CETAPHIL有隻唔使過水的CLEANCER﹐好方便。
到時一定無問題﹐媽媽POWER嘛

BB訓你又訓﹐就會好好多

私人傳訊

rose-mag

王國長老

積分: 174325

母親節2025勳章 2025勳章蛇年勳章 2024年龍年勳章虎到金來勳章牛年勳章 15週年勳章親子王國15週年勳章 2018復活節勳章畀面勳章有「營」勳章好媽媽勳章醒目開學勳章環保接龍勳章大廚勳章親子達人勳章王國長老 BK Milk勳章 hashtag影視迷勳章最關心BB問題熱投勳章開心吸收勳章

7^#

發表於 08-4-1 13:13 |只看該作者

usbaby,
你住邊度架，睇下會唔會有Ｄ媽咪喺附近可以幫到手？
我生兩胎都有媽咪同奶奶幫手，真係舒服好多，第一胎簡直係enjoy，淨係食瞓餵奶，通常奶奶會爭住餵同玩，所以都唔算辛苦，不過我個傷口超大，用咗差不多四個月先好番可以坐唔痛。第二胎因為媽咪要幫手睇住大仔，奶奶又唔多願幫手，每日嚟果兩個鐘只係煮餐飯咁多，囡囡又比較難湊，基本上冇得點瞓，好彩傷口唔係太大，好快已經好番。其實自己坐月真係睇你自己情況，冇話唔得。

同ＢＢ沖涼最緊要快，攞晒衫仔片片，倒好水先慢慢同ＢＢ除衫，預備毛巾隨時包住ＢＢ唔好冷親佢。初生ＢＢ唔洗成日放佢係浴盤洗，隔日或三日先要淋浴，以防令ＢＢ皮膚太乾。

我有Ｄ坐月餐單同需知，如果你要就ＰＭ你個email俾我啦。

花旗太太生活在花旗國，留意時差，你問我未必即時答到。

私人傳訊

積分: 42574

馬年勳章 2025勳章蛇年勳章 2024年龍年勳章開心吸收勳章畀面勳章

8^#

發表於 08-4-2 06:24 |只看該作者

rose-mag,

多謝你既解答, 聽左你同樓上兩位既心得有左個概念, 我諗到時應該識得點做, 我係最擔心 BB 沖涼, 成舊豆腐咁驚會屈到整到佢. 其實唔係6299阿爸阿媽講到如果唔坐月第時身體會點差點壞腰骨好痛咁黎嚇我要我坐月, 我諗我會好似 D 鬼婆咁生完當冇野正常生活.

私人傳訊

積分: 253

9^#

發表於 08-4-2 08:24 |只看該作者

usbaby
傻妹, 月真係要坐既. 我當時都唔信"邪", 諗住咁後生, 好多該做既我都冇做. 點
知冇幾耐真係發覺身體差左好多. 唔係話病病痛痛果D wor. 好似出街一吹風, 就頭痛唔舒服, 腰又容易酸痛, 唔到妳唔信. 好彩咁快又有左, 呢次我實好好坐月, 最好好似babygigi咁坐佢100朝. 一世人樓樓長, 身體唔好, 想好好照顧D仔女都有心無力.

私人傳訊

積分: 42574

馬年勳章 2025勳章蛇年勳章 2024年龍年勳章開心吸收勳章畀面勳章

10^#

發表於 08-4-2 08:45 |只看該作者

BabyRnC,

原來坐月坐得唔好後果真係咁差架? 我都係乖乖地坐月咯.
坐月坐 100 朝, 係咪即係由第 30 日到第 100 日內所做所食既野同岩岩生完頭一個月裡面所做既野一樣? 即係燉 D 補品, 唔好濕咁多水, 唔好出街咁呀? 想問有 D 乜野湯水最容易煲或燉? 我對煲湯燉野唔係好識, 材料都唔識買唔識分, 要煲/燉幾耐又唔知, 睇黎我要惡補下產後既知識咯.

你都有左 BB? 恭喜晒你, 預產期幾時呀? 你擔唔擔心到時一個人要照顧兩個小朋友會分身不暇?

[ 本文章最後由 usbaby 於 08-4-2 08:53 編輯 ]

私人傳訊

babytomato

男爵府

積分: 8223

畀面勳章環保接龍勳章

11^#

發表於 08-4-3 04:24 |只看該作者

usbaby,

我的預產期都係5月, 不過醫生話多數會早產因為bb嘅size太輕, 而且there's some resistence to the blood flow from the placenta to the baby. 我今個星期開始bedrest.

至於坐月, 我奶奶5月頭會從hk過嚟, 留1個月, 到6月中就輪到我daddy, mommy. mommy 叫我買d"蓮鬚"煲鷄蛋, 生之前一個月飲2次, 作用是清胎毒。另外煲一、兩次綠豆沙, 容易d生喎。

生完之後唔好沖涼, 只可淋身。我哋去藥材舖買咗d"茶棘"(應該唔係咁寫)用嚟煲水淋身, 另外薑皮又係煲水淋身。我同事mommy就話用grocery store的lemongrass煲水也可以, 不過藥材舖老板話未聽過。

湯水我都唔係好識, 等老公同奶奶搞掂:;pppp:

私人傳訊

積分: 1013

12^#

發表於 08-4-3 05:05 |只看該作者

usbaby,

我大仔冬天一月出世﹐加上以前身體好差﹐所以補足100日﹐真係坐足一個月係屋企(除左2wk仔仔去PEDI度) 生完兩個月仲係面青無精神

第一胎大仔沖涼我等老公返黎一齊黎﹐怕自己同bb沖沖下涼暈左都唔知.. 因為連自己都覺得自己當時好虛呀!

細仔6月夏天出世﹐又湊兩個﹐就無補噤耐。加上生第2個RECOVER得好快﹐我第3個禮拜去OUTLET行添..仲好多時開冷氣.. 好好面色又好精神... 好奇怪呢

話叫唔好掂生水就無跟﹐洗頭沖涼果d都無跟﹐食野方面yogurt/奶果d凍野我都有食.. 但話寒涼果d菜我就無食﹐都係食菜心/節瓜等正氣VEGGIE... ANYWAY, 都係均衡飲食就OK... 又唔覺有咩問題﹐不過學老人家話齋﹐可能老左先知

雞汁好易燉架.. 買隻細雞(唔好用老雞)或黑雞﹐剝皮﹐放入燉盅加入薑幾片和紅棗(去核)﹐加入小半碗開水﹐慢火燉兩個鐘就ok了.. 淮山紀子花膠燉雞都好滋陰的...
藥材鋪有一包包的湯包料賣係for坐月的。雞脾蒸黎食﹐其他剝皮後連湯包料燉湯飲﹐如果用黑雞就唔使剝皮都得﹐通常我燉兩個鐘左右... nillie置頂有個坐月食譜好齊!

所有藥材料要洗淨先燉﹐淮山洗淨後用開水浸20-30分鐘先燉﹐因為有流黃會令燉湯變有酸味的

呢度都有食療 http://hk.knowledge.yahoo.com/question/?qid=7006091404643

[ 本文章最後由 babygigi 於 08-4-3 05:23 編輯 ]

私人傳訊

積分: 42574

馬年勳章 2025勳章蛇年勳章 2024年龍年勳章開心吸收勳章畀面勳章

13^#

發表於 08-4-3 08:56 |只看該作者

babytomato,

我由尋日開始冇再返工係屋企安胎, 仲有成個幾月 BB 先出世真係有排捱, 今日先第二日我覺得 D 時間過得好慢, 又唔知做乜可以打發下時間, 希望時間過得快 D 就好啦. 咁你會選擇 c-section 定自然生產呀? 好好休息唔好咁操勞, 有乜野俾晒老公做.

你就好啦咁多人輪住黎陪你坐月, 年頭時我 daddy mommy 話有機會過黎陪我坐月, 但前幾日再問佢地就話工作太忙行唔開唔過黎, 我諗呢個係一個好機會俾我學習做媽媽唔再依賴人.

babygigi,

我希望我生完後身體可以盡快復原, 因為到時係夏天, 日長夜短, 會有好多戶外活動, 我同老公最鐘意週末渣車上山睇風景或者 camping, 真係好期待夏天快 D 黎.

沖涼方面我真係冇辦法話坐月期間完全唔洗頭沖涼, 叫我隔日仲可以, 否則連自己都頂唔順.

我已經抄低左你介紹既湯水食譜到時整, 睇落唔係好難但到時整先知, 呢個週末去買定 D 藥材先, anyway, thank you very much.

[ 本文章最後由 usbaby 於 08-4-3 09:03 編輯 ]

私人傳訊

babytomato

男爵府

積分: 8223

畀面勳章環保接龍勳章

14^#

發表於 08-4-4 02:27 |只看該作者

usbaby,

話就話bedrest, 但一個禮拜要返醫院2次, 咁我就順便去bookstore or library坐下, 有時去shopping添

留喺屋企的話都有好多嘢做到, 例如上網啦

, 噚日我就幫bb洗咗2機衫。都用咗好耐時間, 因為每機要rinse an extra cycle, 又要用low heat乾。

另外我嘅to-do list仲有:
- research on 529 plans
- follow-up on state and company disablilty benefits
- organize ultrasound pictures (i've had 12-13 ultrasound so far due to complications)
- watch "baby stories" and "bring home baby" on TLC channel
- look for birth announcement on internet
- purchase baby organizer
- purchase baby massage dvd
- finish packing hospital bag
- keep track of gifts that we receive and maybe start writing thank you notes
- infant care class this weekend

and i just bought a 織bb冷帽書from amazon, 我本身唔識織冷衫, 所以都應該會occupy好多時問。

ps. youtube有d幫bb sponge bath嘅video, 你可以search下。

私人傳訊

積分: 253

15^#

發表於 08-4-4 05:57 |只看該作者

usbaby
呢胎預產期8月頭, 不過因為第2胎, 第1胎又試過作早產, 所以預計7月中.
第1胎時, 99刮薑煲薑醋有留薑皮俾我煲水沖涼, 不過我好似都係頂左9日. 薑醋冇食到, 因為餵人奶, 食薑醋太燥, 驚BB生粒粒(不過個心好過意唔去99一番心機).

我生既時候選擇自然生產. 我老公話: "無啦啦做咩要捱一刀?" 都好既, 好D出院, 快D餵人奶. 呢邊D醫生多數鼓勵自然生產, 不過妳下次check up時都可以同佢商量下.

o係屋企都好多野做o架! 妳先考慮下要添置D咩BB野, 上網週圍格下價; 好多BB牌子妳可以上網sign up, 到時到候佢地會寄sample同coupon俾妳; 妳又可以諗下BB餵咩. 香港/大陸餵奶粉多, 但係呢邊多個option, 就係ready-to-feed. 咁妳可以同老公商量下. 再唔係, 上網同我地傾下計. US 媽咪個topic 好多媽咪, 我果陣都係多得佢地教路咋.

BB出世時, 我大女1歲. 都預左會辛苦幾年. But I'd rather keep the pain together. 妳有咩想知, 可以上網問, 呢度個個都好好人.

babygigi
置頂個食譜, 我當時冇跟住, 因為99睇過話可能對南方人太補左D. 今次我買左個slow cooker, 每晚放定D湯料, 第2朝就飲得, 希望可以坐耐D.

私人傳訊

積分: 42574

馬年勳章 2025勳章蛇年勳章 2024年龍年勳章開心吸收勳章畀面勳章

16^#

發表於 08-4-4 08:21 |只看該作者

Babytomato,

我都有睇 TLC 既 "baby story" & "bringing home baby", 每次見到 BB 出世個一刻我都感動到眼濕濕, 我諗到輪到我生會喊到收唔聲都似.

我呢兩日都抽兩個鐘頭同我隻狗出去行下公園, 跟住抹下執下屋, 上網搵下新食譜試煮, 上下網睇下電視, 盡量搵 D 野做唔好淨係坐係度, 都覺得仲有好多時間剩, BB 衫同床單已經洗好擺好晒, 一切準備就緒係等 BB 出世.

我上過 youtube 睇 BB 沖涼, 好得意呀, 我知點幫 BB 沖涼啦, 等我仲傻到以為係用花灑沖.

mouth:

私人傳訊

積分: 42574

馬年勳章 2025勳章蛇年勳章 2024年龍年勳章開心吸收勳章畀面勳章

17^#

發表於 08-4-4 08:47 |只看該作者

BabyRnC,

我都係諗住餵人奶, 乜食左薑醋餵奶 BB 會熱氣架? 如果淨係用少少 D 汁撈飯同食蛋有冇問題? 因為我唔鐘意食薑同豬腳.

我同老公差唔多個個星期都去 baby"R"us 行,
見到要買既野就會寫低返屋企上網 check 格下價先決定係邊間買, 所以個個 weekend 都好忙, 我老公話仲忙過佢返工.

我打算自然生, 希望自己會忍到痛唔駛打針. 31 週多時產檢醫生摸到 bb 頭仔轉左, 話有機會早產, 令我同老公有 d 緊張, 唔知 bb 會幾時出世呢?

私人傳訊

積分: 253

18^#

發表於 08-4-4 09:10 |只看該作者

usbaby
唔使緊張. BB頭仔轉左係好事. 只要夠37週就係足月. 我個醫生話, 足月就得, 唔使一定要40週, 因為最後果幾個禮拜其實最辛苦, 佢話俾佢揀, 佢唔捱果幾個禮拜o添.

其實打麻醉係好事. 妳唔知到時等幾耐先生得, 分分鐘等十幾個鐘, 等妳開晒, 可能已經痛到冇力push, 不如打左麻醉, 休息下, 醫生一話生得, 大大力push 佢幾下就出左來啦.

當日我都係一個勇字, 堅持唔痛到頂唔順都唔打. 事實我又唔覺得陣痛好痛. 點知醫生同我檢查, 一摸到我大脾, 都未檢查到開左幾度, 我已經痛到標眼淚. 醫生根本檢查唔到. 我老公話我阻住醫生做野, 叫佢唔好理我, 安排麻醉. 打左真係好D. 到生時, 我用左十幾分鐘, push 左3下就生左. 我果日淨係食左件蛋治就入左醫院
, 如果唔打麻醉, 痛晒D力, 都唔知搞幾耐啊, 陰公!

私人傳訊