由我同老公話要結婚開始，99個態度開始起了化學作用，由一位好好相處，又成日買禮物俾我的伯母，變成了態度差，因小事會對我發好大脾氣(當時大緊肚)的99，佢又同我娘家關係變差，惡言攻擊我娘家，搞到兩家不和，bb滿月，分2邊搞。
成日同人講對我有幾好有幾照顧...實際上，佢係有俾心機照顧bb的...但...坐月時，又要求我洗BB衫(用手洗)、奶樽等，問題係屋企有工人的，算數！我都照做。在照顧bb意見及方法上不合(bb出頭泥，就話我啲母乳有問題，叫我唔好餵，又話係我遺傳皮膚差比bb)，當時我見佢幫手照顧bb份上咪吞聲忍氣，關於照顧bb上，俾意見就會比佢地話，叫我唔好周圍聽人講，但佢同老爺就周圍聽三姑六婆講點照顧bb。又叫我問過醫生先，相反我叫佢地問返醫生或俾埋書俾佢地睇我的做法係正確，佢地又唔肯睇，只有佢講唔會聽你講…屈屈埋埋，當時真係有產後抑鬱…
其實我想自己湊的，但老公同佢地商量後決定俾99 湊。到我開始返工，家庭工作壓力大影響奶量急跌…佢地覺得無問題，飲奶粉營養仲多仲全面(WTX)…
因為BB交俾佢照顧，完全無權過問BB啲野，一過問就會話你咁唔信得過我咪自己湊返囉！我真係好想自己湊返但現實不由人！
每天返工十小時，車程來回都2小時左右，返到屋企9點幾先食飯(工人已瞓)，之後又被要求洗bb的物品，又要受氣！有時早上都仲有冷言冷語…叫工人洗又被佢鬧。早返屋企又話我”嘜Q都唔做” 。當時真係搞到好僵，大家無視大家！
之後發生左另一件事，結束左冷靜及氣氛緩和左好多。
(其實當中有好多好多大大小小事情不能盡錄><)
近排又因為係我唔知情況下做左啲野，我避免同佢正面沖突，係瞼書發洩一下，點知有啲”好心人”話左俾99知，搞到勁大件事，佢話唔會再湊，平日叫工人唔準幫手，星期六仲要放工人假。
辦法總比困難多！我相信無話無左你就會世界末日
發表於 
返回列表
