吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 我係咪好小家,好邪惡????

婆媳關係今日: 0|主題: 27782

收藏本版

發帖

返回列表

跳至頁

查看: 2797 | 回覆: 15

我係咪好小家,好邪惡???? [複製鏈接]

均均媽

大宅

積分: 2249

好媽媽勳章

1^#

發表於 08-4-27 14:55 |只看該作者 |倒序瀏覽 |打印

其實件事唔係好關婆媳事,而係同我叔仔

早幾日c6同我講佢決定左頂間餐廳黎做(c6而家唔係做飲食),呢間餐廳佢之前工作過既,佢將會同一個當時同佢一齊工作既師傅夾份,佢地都講好晒條件,乜都傾掂晒

...其實佢好耐之前已經有同我提過有興趣,所以佢到講掂晒先通知我我都唔出奇

我亦冇怪佢唔同我商量...
我個叔仔都係做廚房既,c6叫左叔仔過黎幫手(叔仔同夾份既師傅係識既,一齊共事過),咁叔仔就二話不說辭左而家份廚房答應過檔...
其實我知道c6係想同佢細佬鋪路,叔仔讀書唔多,一畢業就做廚房直到而家22歲,一直都係搵幾千蚊個月,c6話佢唔想佢細佬咁就一世,佢話咁做法唔會有出頭天,呢樣我都明,因為叔仔之前拍拖都俾女方既媽媽嫌棄係廚房仔,最後分埋手

c6話而家佢有本錢可以頂間餐廳,佢想第日上左軌道就俾晒股份俾叔仔,等佢做老闆有自己既事業,唔使再俾人睇小...我地既爭論亦由此起

坦白講,我唔係緊張錢,d錢係c6搵既..佢鍾意點洗,佢鍾意俾晒佢細佬我都理唔到,但我好矛盾...我地同c6家人關係唔好,6299對其他仔女好好,淨係對c6唔好,對我亦唔好

...原本一齊住,日嘈夜嘈最後我地搬走埋

好日都唔通電話,有事先contact...佢地每次有事c6幫完佢地,佢地又故態復萌,又會挑骨頭搵返陳年舊事出黎嘈c6

...c6就會心淡,次次都同我呻佢愚孝,明知佢地唔錫佢都心軟,次次都話下次唔幫,唔理佢地...雖然我唔鍾意c6家人,但每次c6問我意見幫唔幫佢地我都係俾中肯意見,因為我想佢自己決定,我唔想俾人話我搞屎棍

好啦,就係咁,c6次次都會心軟,事後就同我呻佢傻仔左..但下次又幫,其實我覺得好煩,好厭...今次佢又搞埋d咁既野,佢見我唔開心就以為我緊張d錢...我咪話囉..我都想佢細佬有好發展既...雖然唔係我細佬,但都叫係對仔女既亞叔

不過我話我真係唔想第日你地有咩野argue你先黎後悔囉...而家有好處佢地一家梗係好面口架,第日有咩事有冇人爭你呢...~
我亦有同c6講過利益既問題,我話第日你俾晒股份叔仔,咁呢幾年我地既心血咪係白做

(我都係普通人一個,唔會偉大到想白白付出)..c6就話如果第日我地真係想繼續搞飲食咪另起爐灶囉;又話或者而家每月扣起叔仔部分人工當佢入股...唉...我知道佢決定左我都冇野講,但我有時會起私心

叔仔大我幾個月,廿歲出頭就有個大佬同佢鋪路,第日就可以等做老闆...我不停咁問點解...有事既時候叔仔就聯同佢d家人圍攻我地兩公婆...點解仲要為佢著想,為佢鋪路

...我都係廿歲出頭,我十幾歲同c6捱到而家先有少少錢,大把年青人都係捱緊騾仔,點解佢咁輕易就有老闆做......

唉...我覺得好矛盾,好似有個魔鬼念頭叫唔好益佢,我覺得自己好衰,唔應該諗唔開...因為如果係我細佬要我幫忙我一定義不容辭...點解我咁自私...

0 0 0

私人傳訊

wchan020

大宅

積分: 4242

2^#

發表於 08-4-27 15:46 |只看該作者

家人一定要幫,但唔好俾晒股份,高薪請佢細老做,再俾30%股份佢,以免過河拆橋,你老公要有話聿權,而佢細老都叫做老板呀.

私人傳訊

wmpl

大宅

積分: 3000

3^#

發表於 08-4-27 18:11 |只看該作者

都唔可以話你小家又邪惡嘅,你都係領過佢屋企人好多次嘢,
有好多事實擺在眼前,先至會有咁嘅諗法啫!!

你老公又係傻咗d,受過咁多次教訓,都仍然唔識得保護自己,
仲有佢唔係單身,係已經有老婆有自己家室lor,
我唔係想咀咒你老公,但做生意實賺冇蝕?
做咩講得咁理想,做唔掂又有邊個幫佢頂先?

你都係佢屋企人,佢幫兄弟就唔駛顧住你同頭家咩?
佢對你都要有同等責任,當初係邊個同佢捱先至有今日先?!
就算係幫兄弟,d股份都唔駛俾哂佢?
萬一佢細佬輕易就有老闆做,又恃住有你老公條大水喉射住,
洗腳唔抹腳,一朝得志唔無倫次,咁咪即係愛佢變成害佢?
有足夠能力就當然要幫吓家人,但前車可鑒,
最少都留條後路俾自己吖!!
點可以依然做人做得咁盲目?

私人傳訊

joey.yeung

別墅

積分: 556

4^#

發表於 08-4-27 18:24 |只看該作者

回覆 #1 均均媽的文章

嘩!你個C6真偉大呀好鍚佢細佬
我睇完段文章後我覺得妳c6家人唔愛妳c6,但妳c6一次又一次幫家人，妳c6心地應該係好好的.我覺得佢唔應該全股份比晒叔仔，妳c6都有心血在這間餐廳，少少都應該要收回，3個分股,叔仔袋多一份人工因有落(舍南)管理
開(舍南)後一定多意見所以開(舍南)前要講得好清楚如果唔係就好麻煩o架啦
其實開頭都唔應該比股叔仔應等餐廳穩定後，妳c6放心先分d股比佢都唔遲，唔知我諗法又岩唔岩呢!

私人傳訊

均均媽

大宅

積分: 2249

好媽媽勳章

5^#

發表於 08-4-27 18:58 |只看該作者

係，我就係驚叔仔太易得到會唔珍惜，而且叔仔比較冇腦．．唉．．

其實我都有同死佬講，唔係我肯同佢捱，佢唔會有今日．．．我要佢知道晌佢班屋企人個個離棄佢既時候只有我仲晌佢身邊，只有我仲幫佢．．．而佢ｄ兄弟姐妹只會加鹽加醋，睇死佢

我知道如果我堅決say no話唔想益佢細佬，佢係會聽我講，不過我又唔想死佬唔開心．．．其實我咁反感係因為我鄙視呢家人錢行頭，相反我地兩公婆落難既時候問佢地借幾百蚊都冇人理，冇人肯．．．有時我覺得ｃ６真係好蠢

私人傳訊

wmpl

大宅

積分: 3000

6^#

發表於 08-4-27 19:25 |只看該作者

原文章由 均均媽 於 08-4-27 18:58 發表
係，我就係驚叔仔太易得到會唔珍惜，而且叔仔比較冇腦．．唉．．
其實我都有同死佬講，唔係我肯同佢捱，佢唔會有今日．．．我要佢知道晌佢班屋企人個個離棄佢既時候只有我仲晌佢身邊，只有我仲幫佢．．．而佢ｄ兄弟姐妹只會加鹽加醋，睇死佢: ...

嘩!!哩d都叫屋企人????

mouth:
你哋有錢就黐埋嚟,冇境就借幾佰蚊都話冇??

真係福街到冇人有,連普通朋友都不如,

一家人,有困難幾佰蚊唔好話借啦,
應該要主動幫忙潻啦!!

頂!!

私人傳訊

wchan020

大宅

積分: 4242

7^#

發表於 08-4-27 19:37 |只看該作者

你老公一定會心软...

私人傳訊

yee609

侯爵府

積分: 24579

畀面勳章

8^#

發表於 08-4-28 01:40 |只看該作者

嘩,樓主,你C6的屋企人真係得架喇......咁都有嘅????你根本算唔上係小氣同邪惡,你只係為你的屋企著想啫,我覺得你冇錯,比著我亦會一樣...

私人傳訊

均均媽

大宅

積分: 2249

好媽媽勳章

9^#

發表於 08-4-28 03:53 |只看該作者

其實我都唔知係我見識少定係我眼界窄...
我16歲跟c6,之前我仲係一個中學生,朋友圈子都好單純...自從識左呢家人,我既眼界大左好多好多

原來真係有父母由個仔細個開始就唔鍾意,唔錫...因為我屋企唔會咁,即使我老豆由細打到我大,但其實我知佢最錫我,只係因為我係長女所以佢要教得嚴,同埋佢唔識表達...我可以理解...我生左bb之後我更加唔明點解會有父母唔錫自己既子女

c6係壞過,性格當然唔係完美,但佢好錫佢家人...但佢地都唔接受佢...好唔明

點解6299對姑奶叔仔會主動幫忙,但c6開到口都淨係俾人鬧

好似姑奶有錢銀要c6幫手就會叫62開口問,叫62幫口...相反我地搬走左後,有次c6有事入左急症,佢冇帶銀包...之後張醫院收費單寄左返去99家,62一打電話黎就鬧c6睇咩野睇成千銀(冇id card計非香港居民)...問都冇問c6咩事入A&E,我地又冇話要佢俾...但佢有冇關心過個仔??點解可以不聞不問...我唔鍾意6299除左佢地對我唔好,仲係因為我戥c6唔抵....

d仔女都係十月懷胎生既...就算偏心都唔會差咁遠卦...

私人傳訊

A.C.C.

大宅

積分: 3786

10^#

發表於 08-4-28 11:44 |只看該作者

樓主，我老公同你老公嘅處境差不多。

佢屋企永遠都係要錢時就搵我老公，有好嘢時就只益大伯、叔仔同姑仔。

我老公讀書時要半供讀，屋企只肯俾學費。為咗生活，佢要半夜去做清潔工、洗地、洗廁所......與此同時，其他兄弟姐妹一個返學開新跑車，一個租間靚屋同女朋友同居，所有開支全部係屋企俾晒；佢地一個月問父母攞嘅洗費，已經夠我老公一年辛辛苦苦賺嘅生活費。

咁嘅父母公平嗎？當然唔公平。

但係，父母唔公平，上天係公平嘅。因為挨過，知道乜嘢係重要嘅，我老公依家係佢地屋企唯一成材嘅子女，有能力養返佢地；其他D子女連自己都顧唔掂，仲要阿媽救濟。

雖然只有我老公願意養返佢地，但我老爺奶奶未見領情，係佢地眼中，我老公做乜都係應份，俾家用係應份，照顧其他兄弟姐妹係應份，過時過節買禮物係應份，供膳宿俾叔仔甥仔係應份......有時錢俾遲D，我老爺奶奶就會講難聽嘅說話。

見到老公咁嘅遭遇，身為老婆，我當然好火。好幾次我老爺又發癲打電話來罵老公"不孝"，我差D想搶走電話幫老公回拖。

所以，樓主唔好覺得自己小氣，對住呢D屋企人，你有權幫老公保住D錢同尊嚴。

老實說，你老公屋企人根本唔會覺得你老公俾晒股份叔仔係佢偉大，無私幫細佬，反而會係"應份"，到時身為細佬擺起老板臉口，指你老公做乜做物，咁你老公仲傷心。

私人傳訊

wmpl

大宅

積分: 3000

11^#

發表於 08-4-28 19:44 |只看該作者

原文章由 均均媽 於 08-4-28 03:53 發表
其實我都唔知係我見識少定係我眼界窄...
我16歲跟c6,之前我仲係一個中學生,朋友圈子都好單純...自從識左呢家人,我既眼界大左好多好多原來真係有父母由個仔細個開始就唔鍾意,唔錫...因為我屋企唔會咁,即 ...

如果現實真係o甘殘酷,

可以嘅話,我寧願自己見識少同眼界窄,
可惜事與願違,人係必須經歷挫折與磨練方可成長,
更要體會過不幸和失去方知珍惜,
有人可一生都在平靜安穩中都仍然強說愁
或妄說能明白體諒別人有多不幸,
根本世事就充滿比較,亦存在着一定程度的殘忍,
你住在無人荒島又怎知自己是幸還是不幸?
看見別人貧窮方知自己富有,
看見別人犯錯才知甚麼正確,
看見別人生病才知健康可貴,
看見別人失去才知珍惜擁有,
若這樣比較下去,對最不幸的人是否太苛刻無情?

所以無謂想得太多,人人都有自己的生命道路要行,
你丈夫的家人可能是他今生最大的人生課題,
他亦須學懂自己去面對及怎樣去處理,
就算枕邊人也愛莫能助,
而你的人生課題可能就是怎樣去愛護和調較你的丈夫,
你選擇支持還是反對也是屬於個人決定,
作為妻子的唯有循循善誘多加勸導和正確支持!!

私人傳訊

均均媽

大宅

積分: 2249

好媽媽勳章

12^#

發表於 08-5-10 14:14 |只看該作者

我好同意你所講...佢地只會覺得應份..

原文章由 A.C.C. 於 08-4-28 11:44 發表
樓主，我老公同你老公嘅處境差不多。

佢屋企永遠都係要錢時就搵我老公，有好嘢時就只益大伯、叔仔同姑仔。

我老公讀書時要半供讀，屋企只肯俾學費。為咗生活，佢要半夜去做清潔工、洗地、洗廁所......與此同時，其他兄弟姐妹 ...

私人傳訊

均均媽

大宅

積分: 2249

好媽媽勳章

13^#

發表於 08-5-10 14:15 |只看該作者

最新消息係c6已經俾晒錢,叔仔已經開始晌間餐廳度開工

私人傳訊

A.C.C.

大宅

積分: 3786

14^#

發表於 08-5-10 15:08 |只看該作者

原文章由 均均媽 於 08-5-10 14:15 發表
最新消息係c6已經俾晒錢,叔仔已經開始晌間餐廳度開工

雖然已經開工，但老闆仲係你老公，快快同佢傾清楚，你老公可以俾叔仔入股，但係唔好成間俾晒佢。
理由係怕叔仔後生，而且得一個人，會看唔掂盤數管唔掂D伙計，最好就你老公有份，可以幫個細佬。
咁正面嘅理由，你老公應該會肯。

私人傳訊

均均媽

大宅

積分: 2249

好媽媽勳章

15^#

發表於 08-5-11 11:09 |只看該作者

c6同叔仔傾左薪資問題,c6話頭3個月$7500,做落左c6同佢partner計過條數先考慮調整

叔仔冇異議呀...我諗佢冇咁快作反既

不過聽c6講話6299對住佢既態度同以前唔同晒喎

真係識做戲呀!因為c6重本投資晌佢地個寶貝細仔身上麻,衰仔都變乖仔啦

私人傳訊

bigbigsnake

男爵府

積分: 5569

16^#

發表於 08-5-11 13:21 |只看該作者

你C6幫屋企, 但屋企又唔多對你地好, 我覺得呢D係前世既債, 今世你C6嚟還的.因為我有一個朋友一樣係咁, 睇相佬一睇就睇得出, 咁即係冇得變, 只可以小心D.

我覺得你同你C6傾, 不要,太強硬, 因為太Stronge, 下次有咩, 你C6就唔會同你講...有事時你至知咁仲大獲

另 share 問題到時真係要比你叔仔, 你可以提議只比5%, 因為我覺得你叔仔應不是太懂 Share 的安排, 只要有Share佢就覺得自己係老板.但話事權依然係大股東 (任何股東加起來唔記得係幾多%, 你問一問會計師), 呢個好重要. 另外盤數, check book, 銀行簽字安排不可到你叔仔手....記得婉轉D提議你C6呀!!!