吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 離定唔離？

夫婦情感今日: 0|主題: 42737

收藏本版

發帖

返回列表

跳至頁

查看: 2282 | 回覆: 35

離定唔離？ [複製鏈接]

hello_kristy

男爵府

積分: 8463

1^#

發表於 15-1-15 22:44 |只看該作者 |倒序瀏覽 |打印

最近，好似因為其中一方出軌，應唔應該離婚，有d討論。

有人覺得，唔應該自貶身價，留住另一半，亦有人覺得寧教人打仔，莫教人分妻。

而我，一直認為，未去到果個位，無人會估計到自己會點，但最近發生左件事，想同大家分享。

最近有個朋友，患左抑鬱，短時間內自殺左2次。睇完醫生，發現因為細到大爸爸出軌，而媽媽因為太愛個男人，一直留響個男人身邊，唔肯離婚。令到佢有d值價觀扭曲，又好矛盾，覺得阿媽可憐，又唔抵可憐，覺得阿爸錫自己，又憎佢出面有女人，表面好似幸福家庭，實際又唔係…

几十年黎都係咁，做成一種矛盾，扭曲，壓力，影響個腦荷爾蒙…之後，因為一d事情，就引發個病。

我唔認為一出軌，就只有離婚一條路。如果，真係想好好行落去，就希望夫妻倆好好一齊努力，如果只有單方面努力，又何必勉強呢…

0 0 0

私人傳訊

eggpudding

子爵府

積分: 14327

2^#

發表於 15-1-15 23:14 |只看該作者

回覆：離定唔離？

新身經歷嘅時候你會知自己想點
旁人講嘅當然理性輕鬆
如果你努力過去維繫
盡力過挽留
至少係將來你唔會問自己如果當時我係點點點
起碼無遺憾
呢一刻我係咁諗....

未經本人同意,請勿轉載內容!

私人傳訊

kittycat0519

男爵府

積分: 8611

3^#

發表於 15-1-16 00:12 |只看該作者

回覆：離定唔離？

其實生理上會話你知你需唔需要離婚，唔洗聽人意見，離婚係自己嘅事，我果時有以下生理問題：
冇食慾，完全唔識肚餓，買完d野食竟然一啖都唔想食，淨係飲左杯野，成個餐掉低，餓到見暈就即刻去麥當當買奶昔飲，飲完即刻回魂；一路行一路喊；搭緊車諗起d野，d眼淚會不停湧出黎停唔到；一瞓落床不停流淚，流到零晨三四點先瞓到，但五點幾已醒，瞓唔返；心震手震牙骹震；一星期瘦幾磅；我生理上話我知我頂唔到喇，我要離場(離婚)，雖然搞離婚嘅過程依然都好難捱，希望快d出離婚令，我要過新生活，捱過左之後其實一片海闊天空，我日日都笑得好開心

點評

Jolin_Yuen

發表於 15-1-16 18:27

私人傳訊

kittycat0519

男爵府

積分: 8611

4^#

發表於 15-1-16 00:19 |只看該作者

回覆：離定唔離？

問自己，想一世係咁嗎？拖落去大家關系會繼續變差/變好？點解要折磨自己？為一個對你咁差嘅人浪費我青春係好唔值得，如果我放手會令佢開心d我唔介意放手，唔離婚大家日日對住黑晒面，大家都辛苦，抑鬱就會出黎，我唔想抑鬱呀。

點評

mini1204

發表於 15-1-16 09:35

私人傳訊

hello_kristy

男爵府

積分: 8463

5^#

發表於 15-1-16 00:32 |只看該作者

回覆：eggpudding 的帖子

盡力後，能夠放手，絕對係好事!!

私人傳訊

hello_kristy

男爵府

積分: 8463

6^#

發表於 15-1-16 00:37 |只看該作者

回覆：kittycat0519 的帖子

始終個個人想法，性格唔一樣。
破鏡重圓既例子有，即刻離場，活得更好既都有。

而你好叻丫!! 感覺到自己情緒上有問題，亦都去面對同解決，響情緒咁困擾既時期要去處理咁多野，一定好難捱，但你成功左丫!!

What doesn\'t kill you makes you stronger!!!

私人傳訊

erniec

大宅

積分: 3676

7^#

發表於 15-1-16 01:23 |只看該作者

我以前一直都以為我會係果d一次不忠，百次不容既人，但事情發生係自己身上就完全兩回事，十萬個不捨不甘心，好努力去等待浪子回頭c6最後都選擇過自己喜歡既生活，我只可以接受，但無悔所做。

私人傳訊

eg86

大宅

積分: 1162

8^#

發表於 15-1-16 10:24 |只看該作者

回覆：離定唔離？

我c6童年又係咁
佢回想返轉頭都寧願佢媽咪一早選擇離婚，而唔係為咗小朋友將來、為咗頭家而啞忍唔離婚。

私人傳訊

LiC9_Joey

大宅

積分: 2591

9^#

發表於 15-1-16 11:24 |只看該作者

其實離唔離婚都係當事人O既決定而唔應該受其他人影響。當然係想聽下其他人O既意見啦~ 而且每個人對每件事O既睇法都唔一樣, 唔代表你俾意見而當事人要去接受。每個人都係盡可能去俾D意見, 唔係話要教人離婚又或者復合。

我父母其實都好影響到我, 但又未至於好似樓主個朋友咁嚴重。由細到大都生活響一個三日一小嘈, 五日一大嘈O既家庭裡面。每逄過時過節父母一定嘈交! 而阿爸都曾經包過二奶, 當時我年紀仲細, 但已經識得同媽咪講"不如離婚啦"。但媽咪係好傳統O既女人, 覺得離婚係好唔見得光O既事, 再加上因為我地年紀仲細, 唔想我地冇咗個阿爸, 所以選擇原諒! 而阿爸都番唻呢個家。

睇落應該往後日子唔應該再有任何問題, 但其實問題仍然存在。阿媽其實放唔低, 阿爸又唔甘心。但大家都因為"小朋友仲細"呢個借口而勉強一齊! 最後演變成家暴!!! 我細細個已經面對菜刀O既威脅, 遍地玻璃碎O既家, 父母互相指罵的家。每次都擔驚受怕, 唔知邊次阿爸會忍唔到殺咗阿媽, 唔知邊次阿媽忍唔住會走去自殺。試問你忍唔忍心你O既小朋友面對呢D事, 承受呢D家庭壓力!?

所以我一直都好反對父母用"小朋友仲細, 唔想離婚"去做借口。一個完整O既家唔代表有父母先係完整。一個完整O既家係應該開心, 安寧。唔好將離唔離婚呢個決定放咗落小朋友度。

離唔離婚係睇雙方有冇意願再繼續行落去, 唔係單單因為個小朋友。

私人傳訊

Nancy20090615

瑪瑙宮

積分: 136591

10^#

發表於 15-1-16 11:39 |只看該作者

盡力挽留, 我地無呢個 step. 佢一開口就話層樓留番比我同個囝, 等 99 仙遊同我離婚, 講完就一,兩個星期唔返唔知去左邊, 電話又無, 家用都無, 當我死的. 果 D 過時節又要我同佢一齊出席, 出席完各自走, 我唔知佢去邊. 又話, 囝大樓又供完責任完左, 吓, 老婆係 out of 您的責任, 咁您同我結婚, 玩我? 呢個人變到已無可留戀之處.

所以, 講 '寧教人打仔, 莫教人分妻' , 對我黎講無用, 唔到我挽留.

一家唔知一家事, 前因, 後果, 過程, 每一 PAIR 都唔同, 離又好唔離又好, 都係揀左痛最少的方法行左先, 行行下會受唔住又會轉另一個方法, 當然強 D 的女人, 都會知道盡早放生自己係最好.

FOR 我 CASE, 放手係好事. FOR 某 D CASE, 挽留係好事, 因為双方都有補救的意欲.