自由講場今日: 142|主題: 1346887

收藏本版

發帖

返回列表

跳至頁

查看: 592 | 回覆: 0

【男友偷食斷正】50歲邵美琪再失戀施祖男執包袱返法國 [複製鏈接]

mickeyeva

瑪瑙宮

積分: 138593

2025勳章 2025勳章蛇年勳章 2024年龍年勳章 2023年兔年勳章虎到金來勳章畀面勳章環保接龍勳章親子達人勳章 BK Milk勳章

1^#

發表於 15-1-21 14:55 |只看該作者 |倒序瀏覽 |打印

本帖最後由 mickeyeva 於 15-1-21 14:57 編輯

希望邵美琪不久將來揾到真愛啦!

八十年代無綫當家花旦邵美琪，同鄧萃雯、周海媚等當年成功擄獲不少觀眾的心。依家48歲周海媚喺內地仍然吃得開，最近仲以1994年版本《倚天屠龍記》周芷若look重現舞台，同當年一模一樣，歲月從未留痕；至於49歲嘅鄧萃雯，之前有傳遭情緒病所困，早排又有報道話佢同細佢十年嘅教友甩拖及受淋巴問題纏身，不過鄧一一否認。

已屆50歲嘅邵美琪，繼鄭伊健劈腿梁詠琪之後，再遇上細佢10年嘅施祖男，兩人6年前因為拍電影《機動部隊——同袍》撻著，邵嘅名氣遠高過施，工作量同收入就更加，但對愛情無悔、愛得投入嘅邵美琪從未計較理會，甚至有傳佢好積極搵job俾工作量唔多嘅施祖男，且亦多次拍得男方出入邵美琪位於北角威景臺香閨，出入以女友坐駕代步，關係似是無分彼此。

不過今日就有報道話，施祖男自舊年拍完張艾嘉嘅《華麗上班族》就一直冇嘢做。反而邵美琪就劇接劇，成日返內地拍外景。報道指施祖男一趁女友不在港就作犯，回復獵女本色四出覓食。

報道指施祖男一向多女埋身，多年前同邵美琪拍拖未幾，已被爆趁女友不在港竟借用女友架車接載女伴，又曾追過衞蘭，但就同邵美琪講話當啲女仔係細妹，叫佢唔好亂諗。不過今次有指施祖男食得太「張揚」，就連身在內地嘅邵美琪都收到風，兩人嗌咗場大交，結果施祖男執嘢返咗法國。

報道引述知情人士話，最初施祖男以為邵美琪一定會搵番佢，點知出乎佢意料之外，竟然係冇。邵美琪上個月病咗，但佢寧願自己一個辛苦，都唔想搵番施祖男，令施大感錯愕，受訪時亦只係話:「大家做嘢各有各忙。總之佢忙緊佢嘅嘢，我忙緊我嘅嘢！」

男友發難執包袱返法國，再受情傷嘅邵美琪就話:「我唔講感情問題架，Sorry！」其經理人Catherine今日接受本報電話訪問回應此事時就話：「其實我哋同任何一個媒體講都係話唔會講感情事，我覺得問咩都係唔會講，除咗公事，所以我哋暫時無咩好講，人哋點講，你知Maggie不嬲唔會講嘢，希望大家明白一樣嘢，都係pay attention to佢工作OK？」