吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 我唔鐘意見老公屋企人(都幾長吓)

婆媳關係今日: 0|主題: 27765

收藏本版

發帖

返回列表

跳至頁

查看: 2865 | 回覆: 9

我唔鐘意見老公屋企人(都幾長吓) [複製鏈接]

望月

男爵府

積分: 6751

好媽媽勳章 BK Milk勳章

1^#

發表於 08-5-9 17:00 |只看該作者 |倒序瀏覽 |打印

唉...見到佢地好辛苦,話對我唔好,又唔算,對我好又唔覺喎!!
當年我地結婚只係註冊冇擺酒,男家只係老公阿嫲比咗1隻龍鳳厄我,6299乜都冇,之後62話佢大佬(老公阿哥)結婚先一齊買喎...今年大佬結婚喇,睇下點,而家d金價咁貴.
去佢屋企就最慘,(1)污穢,出街鞋成日著入屋(唔記得攞野就鞋都唔除週圍行),又唔著拖鞋,有d親戚嚟又唔除鞋,個個都赤腳行完就上床.洗完d衫放地下,咁同唔洗有乜分別呢!!

(2)煮飯乜味都冇,我最辛苦都係呢樣,佢地食既我又唔食,我食既99又唔食得,62有時怕我冇餸就去買燒味比我,唉...買完之後攞去蒸,"林"曬都唔好味成日都係魚同菜,調味料又唔落,打邊爐仲死,菜,丸,餃子,有時會有海鮮(但我唔食得),最重要既係拜完神,攞d燒鴨打邊爐

mouth: ,大佬呀,油淋淋點食呀,有時聽到話出街食,但錢就個個兄弟都要比呀,餸又唔會問你啱唔啱食就叫,所以係屋企十餐我最多只係食兩餐.
(3)我生b之前62打比c6叫佢問我,預產嗰個月同坐月去佢屋企住,因為得我一個,而且生完可以煲野比我食,嘩...唔好玩啦,冇啖好食又污穢,
我又聽唔明6299佢地講乜(口音唔正),所以好少同佢地講野,我唔想兩個月都要係間房到過,最後佢直接問我我當然唔會啦!!我有咗咁耐佢一路都冇問候過我,我仲以為佢唔知我有咗添!!
(4)每逢要做節呀,6299放假返去食飯,都係早3~4個鐘通知隨傳隨到.
(5)上嚟我屋企都唔會早d話你知架,有時搭緊車先打比我地,有時仲會係你樓下叫你開門添,上到嚟又成日話我隻狗呢樣個樣,有次62見到有隻蚊係天花板,就行上我張床到打蚊,嘩...隻腳咁污衊

(6)而家6299唔會打電話比我架,因為佢知我聽唔明,所以只打比c6,有次62話擺滿月個日叫我地帶埋阿b去佢屋企住,第日可以早d一齊飲茶,99又放假比佢湊下喎,咁好啦,我諗咗好耐,算啦,一次半次,我同c6又可以拍下拖,點知個晚我地3個迫埋一張床冇攪好瞓之餘,99第日都唔係放假,個刻我好似比人呃咗過嚟,4月底個時99生日,62又係咁講,今次採佢都有味呀,走又前仲話擺阿b係到,99第日放假,c6就話咩都冇帶,62就話即刻買,我採你都傻,行先,不過聽到c6係後面氹6299話下次先啦,99就話成日都話下次下次,唔係咁可以點講喎,講明比你地知我唔鐘意咩!!

(7)姑9佢今年7月底生,係第一個,之前我陀緊阿b個時話我地使唔使咁早買野(陀阿b都有8~9個月),而家佢先得個7個月左右就打嚟問有冇bb床,邊到做特價,佢咩都未買喎,c6咪問佢返講你又話唔使咁早買既

,話比佢知邊到特價叫佢得閒去睇下,啱就話比我地知,因為有朋友係公司做可能有折上折,話比佢知又話呢樣個樣,隔壁買都好平(佢舖頭隔壁買bb野),咩都話隔壁平,咁就唔好問我地啦,

又成日話我地阿b打c egg唔比水佢飲,小姐,佢肯飲先得架,次次比水都要同佢大戰一輪,結果都係一樣,大家都身水身汗,阿b我生定你生呀??我會唔知咩!!好心問你政府同你照既係唔係結構超聲波,如果唔係自己出去照一次好d,又大大聲話咩結構呀,照咗2次啦,睇埋手指呀,入面(內臟)有冇事啦,2次都話係仔吖麻(生仔好醒咩

),我都唔知幾想同佢講"咁又係吖,我又唔係高齡又唔使驗唐氏,輪都輪唔到我照啦,冇辦法啦要自己比錢出去照,你就好吖,仲照2次添"
(8)結婚之後我地係租屋住,呢一兩年,c6細路同大佬都叫我地租約完就搬返去6299到住,何況而家得我一個湊b添,省返d錢喎,咪攪,同你地一齊住(間屋得6299同c6兩個細路住),冇得食冇自由,最重要係我覺得6299唔識教仔,好似c6個細細路今年F.5,而家會考都唔會溫書,平時學校d測驗考試,都只係叫佢唔好玩電腦啦,溫下書,聽唔聽就係拎一回事,而且佢(細細路)仲會偷屋企人錢,鬧都唔鬧,有冇搞錯呀,好似新年咁,62比咗$1000我地,係用利是封入住,咁c6放係張枱就算,之後我地落街行,返上去我先記得無擺好d錢,咁問c6啦,佢話係枱,但唔見囉,問99佢又話冇攞,咁多數都係佢細路啦(個時得我地,99同佢細細路係屋企),而且未結婚之前我係c6屋企擺咗個罐,一有碎銀我都會放入去,次次我都數下有幾多錢,但成日都少咗2,30蚊囉,有前科,佢地全家都知架,我唔係第一個受害者,咁好啦,c6好聲好氣咁問佢,佢話冇攞,咁好啦,我地週圍睇下係咪放係第二度,搵咗好耐都唔見,再問佢係咪你攞都仲話冇喎,問多兩次仲想發脾氣添,咁我地就算,等佢入咗廁所摷佢d野,結果唔使問啦,話佢知係佢張床搵到d錢,佢仲笑笑口喎,99話都唔話就算,有冇離譜d呀!!

如果我個女比6299湊仲得了!!

唉...太多啦,講唔曬,對6299我只係覺得係hibye fd既階段,c6既兄弟家姐,叫都唔會叫當透明:;pppp:

0 0 0

私人傳訊

evashao

大宅

積分: 2165

2^#

發表於 08-5-10 15:30 |只看該作者

相見好同住難~更何況佢地屋企咁唔衞生,為左bb既健康,大條道理唔搬番去!

日防夜防家賊難防~既然細叔仔手腳咁唔乾淨,無謂搬番去比機會人地有機可乘!明知係佢做咁又點?佢死都唔認咁又點?唔通為左少少錢同佢嘈咩?咪盞比人(6299)話/鬧番轉頭!雖然數目唔係大,但無謂做人地既人肉提款機!

其次就係大家既口味完全唔同,真係好難餐餐同枱食飯~食又唔係唔食又唔比面!燒鴨打邊爐直頭就係史上一絕啦

!

既然你老公撐你,咁就要堅持立場唔好搬番去喇~基本上搬番去個結局係點你都想像得到,咁又何必攞苦嚟辛呢

私人傳訊

agnescheng

大宅

積分: 1451

3^#

發表於 08-5-10 21:30 |只看該作者

千其唔好一齊住!!!
6299果d , 一年見幾次就算, 我已經當自己係外人, (對住男家既人).

私人傳訊

牛精仔

琥珀宮

積分: 157928

玩具勳章好媽媽勳章醒目開學勳章畀面勳章叻叻勳章 2011精緻種植勳章環保接龍勳章 BK猜猜猜慶中秋 BK Milk勳章

4^#

發表於 08-5-10 22:32 |只看該作者

原文章由望月於 08-5-9 17:00 發表
唉...見到佢地好辛苦,話對我唔好,又唔算,對我好又唔覺喎!!
當年我地結婚只係註冊冇擺酒,男家只係老公阿嫲比咗1隻龍鳳厄我,6299乜都冇,之後62話佢大佬(老公阿哥)結婚先一齊買喎...今年大佬結婚喇,睇下點,而家d金價咁 ...

成家都咁難頂...少見為妙...否則盞傷身...

私人傳訊

vvcc

大宅

積分: 1952

5^#

發表於 08-5-10 22:33 |只看該作者

係呀, 既然咁多嘢睇唔過眼, 就眼不見為乾淨啦. 因為冇可能要佢地改.
大家最好河水不犯井水,
少啲見面, 少啲傾偈, 就自然冇咁勞氣.

私人傳訊

agnescheng

大宅

積分: 1451

6^#

發表於 08-5-11 00:00 |只看該作者

明天母親節, 我都唔想見到男家既人.
一齊食飯, 得姑奶把聲, 有佢講,無人講, 講乜野,佢都阿之阿左!

私人傳訊

choleliu

男爵府

積分: 5421

開心吸收勳章好媽媽勳章醒目開學勳章畀面勳章

7^#

發表於 08-5-14 14:38 |只看該作者

你想離婚就返去住啦﹗

私人傳訊

Lumpy

大宅

積分: 2542

8^#

發表於 08-5-14 15:55 |只看該作者

你地住香港都好d呀,可能大家住在唔同區份,住得遠,真係可以好日都見唔到奶奶一次.
我在澳門,本身澳門地方已經細,去邊度都唔多於40分鐘車程,我仲要住在奶奶附近,真係想走都走唔到架.

我其實唔介意應酬佢果邊d人,但都唔好要我晚晚返去囉! 一唔返去又問長問短,最好笑係,有時會話:"做咩你兩個在家中煮飯食都唔返來食呀?"
咁我地兩個都要二人世界下架?我地煮的餸你又唔會整,咁只好自己煮囉.仲有,晚晚都返去,我邊有咁多野同你講呀? 晚晚聽你講歷史呀? 悶死啦!