Baby Kingdom - 親子王國 香港 討論區 › 首頁 › 懷孕前後› 無希望嗎？

懷孕前後

收藏本版
發帖
返回列表
跳至頁
無希望嗎？ [複製鏈接]

首頁
1

尾頁
   0
AWOK


複式洋房

積分: 284


1#
發表於 08-5-21 10:46 |只看該作者
我現在已6週多,上星期第一次睇醫生,乜都照唔到, 因為我之前流啡, 所以俾咗一個星期安胎藥我塞,昨日再去照, 都係乜都無, 只係照到子宮內膜厚咗,醫生嘗試照左右輸卵管有無宮外孕, 但又照唔清楚。
佢話我而家有2個可能性：一. 就係宮外孕, 二. 就係胎兒在受孕後停止發育, 佢仲話我生到個bb出嚟抱返屋企嘅機會好低。
咁佢就要我抽血, 昨日抽一次, 48小時後再抽一次, 睇下d HORMONES 指數, 才知究竟發生乜事。仲繼續開咗一個星期安胎藥俾我。不過我身體並無明顯的妊娠反應,只係個人好倦, 偏頭痛,同胃口不太好, 有想嘔的感覺, 不過一次都未嘔過。
究竟點解會咁？發生乜嘢事？有無人可以話俾我聽？真係無希望啦？
私人傳訊

moonychan


珍珠宮

積分: 42559

叻叻勳章 wyeth冷知識勳章 2011至尊種植勳章 畀面勳章 環保接龍勳章 大廚勳章 親子達人勳章


2#
發表於 08-5-21 10:49 |只看該作者
轉醫生再照清楚

安胎藥有打針有口服, 但未聽過塞....
私人傳訊

Angelice-BeBe


翡翠宮

積分: 76266

2025勳章 2025勳章蛇年勳章 2024年龍年勳章 最關心BB問題熱投勳章 我的育兒心得勳章 2011精緻種植勳章 畀面勳章 環保接龍勳章


3#
發表於 08-5-21 11:00 |只看該作者
原文章由 moonychan 於 08-5-21 10:49 發表
轉醫生再照清楚

安胎藥有打針有口服, 但未聽過塞....


認同~再揾另一個醫生check下啦...
私人傳訊

siuyin0831


複式洋房

積分: 319


4#
發表於 08-5-21 11:09 |只看該作者
原文章由 AWOK 於 08-5-21 10:46 發表
我現在已6週多,上星期第一次睇醫生,乜都照唔到, 因為我之前流啡, 所以俾咗一個星期安胎藥我塞,昨日再去照, 都係乜都無, 只係照到子宮內膜厚咗,醫生嘗試照左右輸卵管有無宮外孕, 但又照唔清楚。
佢話我而家有2個可能 ...



你唔好咁擔心住啦, 依家先6個多星期, 可能真係照唔到都唔出奇呢, 我之前都係5個多星期去照過一次, 乜都冇, 到6個多星期再去(第二個醫生), 都係乜都冇, 佢仲好緊張咁要我去化驗所再照多一次….. 但都係照唔到d乜, 只係見到一個水囊, 但醫生話6個多星期只係得一個水囊唔係咁正常, 嚇得我….. 同埋個時已經有少少流啡, 醫生開左d藥我食, 叫我等多2/3個星期再去

之後我又有流啡, 仲好似多左, 到7個多星期又睇多一次醫生, (去第三個醫生), 個次醫生終於照到了, 佢仲話見到好微弱的心跳, 不過佢話個胎應該只有6個星期, 所以我應該係遲受孕, 叫我唔洗擔心喇….. 咁我個心先定d….

你唔好太緊張, 休息多d, 食多d有營養的食物…. 呀… 仲有, 我6個多星期時流啡, 屋企人帶左我去睇中醫, 個醫生開左幾包安胎藥俾我, 前後睇左2次, 食左5日藥, 咁就好d喇, 唔知對你會唔會有幫助? 個中醫話, 最唔好個d西醫係到左一個時候見唔到個胎就話唔得, 又或者未見到心跳就話唔得, 叫人去刮宮, 佢話咁樣好傷身, 而且有時個胎係會發展得慢d架喎….. 調理下就得架喇喎…. 你唔好咁快就覺得冇希望啦.... 加油呀!!!

私人傳訊

AWOK


複式洋房

積分: 284


5#
發表於 08-5-21 11:18 |只看該作者
好多謝你哋d意見呀, 其實我之前都有睇開中醫, 不過一有咗之後就無睇, 如果真係宮外孕, 睇中醫有幫助嗎？
私人傳訊

kerkermui


伯爵府

積分: 18610

醒目開學勳章 BK Milk勳章


6#
發表於 08-5-21 15:15 |只看該作者
你已經搵到一個好e生~ 唔駛睇多個!

我嘅經驗~~ 同你差唔多, 不幸嘅, 係個黃綠叫我等bb自己走... 我喊咗半日, urgent攞到第二個e生嘅appointment, 呢個先suggest我驗血!!! 最後, bb平安大吉!
等report嗰d時間一d都唔好受, 但係個report真係可以俾到答案你, 睇多個e生响呢刻係無用架!

祝 平安~
私人傳訊

hinhofion


大宅

積分: 4120


7#
發表於 08-5-21 15:35 |只看該作者
去急症睇LA,我之前流啡,6week去左急症,佢即刻幫我檢查加陰照,已照到bb同睇到心跳了,建議你唔好只睇一個婦科,其實急症都唔差
祝平平安安
私人傳訊

kerkermui


伯爵府

積分: 18610

醒目開學勳章 BK Milk勳章


8#
發表於 08-5-21 15:45 |只看該作者
原文章由 AWOK 於 08-5-21 10:46 發表
不過我身體並無明顯的妊娠反應,只係個人好倦, 偏頭痛,同胃口不太好, 有想嘔的感覺, 不過一次都未嘔過。
究竟點解會咁？發生乜嘢事？有無人可以話俾我聽？真係無希望啦？


呢d咪係妊娠反應囉!

有時排卵會遲咗架! e+唔好諗咁多, 平常心~ 呢d係緣份嚟架! 我之後作小產都可以平常心面對, 因為.. 咩都係整定架!

祝你好似我咁~ 有驚無險啦!
私人傳訊

AWOK


複式洋房

積分: 284


9#
發表於 08-5-22 12:28 |只看該作者
真係好多謝咁多位姐妹嘅支持呀, 我今日會去抽第2次血, 聽日會有報告, 反正我而家擔心都無用, 唯有等結果才決定下一步啦, 聽咗大家d經驗都安心d, 雖然都係會有唔開心, 不過我都相信緣份, 只好隨緣啦！mouth:
私人傳訊

AWOK


複式洋房

積分: 284


10#
發表於 08-5-24 18:27 |只看該作者
已有抽血的結果, 第一次有3千幾, 隔48小時後都係得4千幾, 所以醫生話今胎都係唔得, 而家表面睇就係小產, 但仍不排除宮外孕, 所以要一有唔舒服就立即入醫院, 如只是小產, 個胎就應該會自然排出, 不過而家只能做的就是等, 下星期再覆診, 我諗個胎自己再唔出就要入醫出做手術啦, 今回無望了, 唯有等調理好身子, 下次再努力罷！
私人傳訊


首頁
1

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2025 Baby-Kingdom.com Limited. | Privacy Policy