吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 想生BB› 點樣令另一半應承生BB?

想生BB 今日: 8|主題: 109498

收藏本版

發帖

返回列表

跳至頁

查看: 1357 | 回覆: 12

點樣令另一半應承生BB? [複製鏈接]

唔生擺就

民房

積分: 14

1^#

發表於 07-7-17 19:16 |只看該作者 |倒序瀏覽 |打印

我想生，但係我老公唔肯。問題係我年紀都唔細，唔想做高齡產婦時先嚟後悔唔早啲生。但係老公反而想遲啲，又唔肯講實幾時，我覺得佢好似拖得就拖，成日都話唔係最好時候。有邊個知幾時為之最好時候? 我哋為呢樣嘈過好多次，我開始愈嚟愈反感。佢係男人就梗係唔驚啦! 幾廿歲都重可以搵個十幾廿歲同佢生，但係女人唔同，遲咗又危險又多病痛。我覺得佢冇考慮過我，因為佢從來都冇主動問我想幾時或者我想點。

0 0 0

私人傳訊

cycream

大宅

積分: 3114

2^#

發表於 07-7-17 19:36 |只看該作者

原文章由 唔生擺就 於 07-7-17 19:16 發表
我想生，但係我老公唔肯。問題係我年紀都唔細，唔想做高齡產婦時先嚟後悔唔早啲生。但係老公反而想遲啲，又唔肯講實幾時，我覺得佢好似拖得就拖，成日都話唔係最好時候。有邊個知幾時為之最好 ...

我唔係有辦法教你, 不過我好明白你個心情, 因為我都係面對同樣既問題. 我地都係嘈咗好耐, 嘈到要離婚, 而加佢好勉強答應去生, 大家搞到好唔開心, 所以只想奉勸一句,最好係大家去compromise,不然可以搞到好大問題.

其實有無好好傾過,點解佢唔想生?如果係一d有方法可以解決問題,咁就想辦法去解決.如果係純粹唔鍾意小朋友,就要睇下會唔會有一方肯為對方而改變自己既想法. 我老公係唔鍾意小朋友,佢亦唔夠愛我,所以唔肯為我而改變.同樣,我亦無讓步. 我地係一個好差sample,希望你睇咗我地例子,小心處理呢件事!

私人傳訊

唔生擺就

民房

積分: 14

3^#

發表於 07-7-17 20:17 |只看該作者

cycream,

多謝你嘅sharing. 我老公唔係唔鍾意小朋友，應該話佢一直都話自己鍾意同想生，所以結婚前我已經同佢講一結咗婚就生，佢話好。點知結咗婚之後我話生，佢又話要儲多啲錢先，又要諗搬大啲屋諸如此類。最後佢話下一年先，於是我話下年年頭，佢話好。

點知到咗今年年頭，佢又唔肯生，重逢係危險嘅日子都避開唔同我ML。我一路忍唔出聲。而家我話想過兩個月生，佢又同我講話年尾。

我今次真係好嬲。我覺得佢唔知係驚責任大定係咩，有啲嘢令佢止步。但係我都唔細喇。唔通真係要我做高齡產婦? 我同佢講高齡產婦有咩問題，佢話佢知，但係咁多人都係咁生啦咁話。我真係好唔開心，我覺得佢冇考慮過我身體，冇care過我要承受嘅風險，我覺得佢自私。

我都明咁樣嘈落去會好影響感情，我都唔想迫佢同我生，要迫就冇意思啦，我都唔會開心。但係我都唔想一路就佢，等到自己周身病痛先嚟生仔。所以都唔知點做。

私人傳訊

小雀仔

大宅

積分: 3224

4^#

發表於 07-7-17 21:09 |只看該作者

唔生擺就：你唔嬲好住，你老公可能想過多兩年二人世界先呢？多咗ＢＢ後，你地嘅生活就會完全唔同哂．如果揾工人照顧ＢＢ的話屋企就會多個人，可能佢唔想呢？又或者佢覺得save 多Ｄ＄將最好俾ＢＢ？生ＢＢ真係要好多錢！可能有人會話天生天養，但你都想俾Ｄ好嘅環境小朋支？
試下揾機會再講吓佢嘅擔心係乜？

私人傳訊

cycream

大宅

積分: 3114

5^#

發表於 07-7-18 00:10 |只看該作者

原文章由 唔生擺就 於 07-7-17 20:17 發表
cycream,

多謝你嘅sharing. 我老公唔係唔鍾意小朋友，應該話佢一直都話自己鍾意同想生，所以結婚前我已經同佢講一結咗婚就生，佢話好。點知結咗婚之後我話生，佢又話要儲多啲錢先， ...

你係咪已經好冷靜同佢講你既concern? (唔係發脾氣咁講) 佢concern錢既問題, 對你地黎講係咪問題? 如果全都唔係問題, 會唔會有d原因佢無俾你知? 生仔既野係無法一個人完成, 所以一定要傾到大家都agree.

私人傳訊

AAmother

伯爵府

積分: 15367

6^#

發表於 07-7-18 00:20 |只看該作者

我老公都 ng 比我生第 2 個..
話無錢..同大壓力..
話再問..是否想逼死他..

原文章由 唔生擺就 於 07-7-17 19:16 發表
我想生，但係我老公唔肯。問題係我年紀都唔細，唔想做高齡產婦時先嚟後悔唔早啲生。但係老公反而想遲啲，又唔肯講實幾時，我覺得佢好似拖得就拖，成日都話唔係最好時候。有邊個知幾時為之最好 ...

私人傳訊

高齡產婦

伯爵府

積分: 16118

玩具勳章好媽媽勳章畀面勳章 wyeth冷知識勳章陪月勳章環保接龍勳章

7^#

發表於 07-7-18 10:19 |只看該作者

唔生擺就,
我之前同妳有同一個問題, 28yrs結婚,我一路想生,唔想做高齡產婦,但老公一路話要儲多d錢先,佢話佢唔係唔想要,只係想遲啲先.我哋一路以為要生就有,我希望佢同意咗先生, 但一路拖, 拖到上年,我34yrs,可能佢見到我哋好多朋友都生咗,都儲到d錢,三四年前都住大咗,咁就突然話比我生,咁一路試咗一年,都唔成功,今年五月我見自己已經35yrs,係高齡,先去睇不育醫生,到最後才知我FSH高,係卵巢早衰,真係年紀大機器壞,要做IUI.
其實好多時,人算不如天算.
我有個老死, 大我9個月,人哋冇預備,就有咗, 宜家個仔仲鬼咁得意添. 所以我D朋友跟本唔會明.
如果有機會, 妳可以攞我哋做example,同妳老公講吓,慢慢講,要比D時間佢消化吓,諗吓,有時男人諗嘢嘅角度同我哋好唔同,要比多D時間佢,希望佢會明.
好似我老公咁, 我諗佢宜家終於明我之前嘅擔憂,因為真係中咗... 我諗佢都幾內疚....

原文章由唔生擺就於 07-7-17 19:16 發表
我想生，但係我老公唔肯。問題係我年紀都唔細，唔想做高齡產婦時先嚟後悔唔早啲生。但係老公反而想遲啲，又唔肯講實幾時，我覺得佢好似拖得就拖，成日都話唔係最好時候。有邊個知幾時為之最好 ...

私人傳訊

sheeppig

別墅

積分: 655

8^#

發表於 07-7-18 11:45 |只看該作者

唔生擺就,

我已經喺高齡階段, 由不是高齡等到喺高齡. 我同妳的角色相反, 本來是我早年不想生而老公一直很想生. 日子久了我想生的時候c6就玩嘢不肯生, 直至現都未有所出. 大家都有傾過生b, 但c6初時都以為一生就有; 但我已經喺高齡月經不定,排卵不好再加一月都愛愛一次. 想生都難啦! 我哋也層經為了生仔的問題嘈過, 我十分認真同佢講[我哋好似唔喺行緊同一條路,不如分開吓]此話一出我覺得佢比較正視這個問題. 但過後佢又咪喺唔合作, 排卵時佢就拒絕我,好似喺我迫緊佢. 我都有企喺佢嘅立場嚟睇[生仔喺一世的承担, 現在的生活滿意不想變,男家家人的負擔,工作的壓力.....]以上的全是藉口. 沒有孩生的家庭不是一個完整的家.
近日好友通知c6佢老婆下個月生到時請我哋飲佢哋嗰餐, 嗰fd眾話佢[你唔生,我生埋你嗰份]佢哋已經生第三個啦(佢哋眾同我哋同一年結婚)! 我知道後好"興",明"潤"你都約無其事. 唉! 都唔知點算好.:-(

私人傳訊

唔生擺就

民房

積分: 14

9^#

發表於 07-7-18 19:52 |只看該作者

高齡產婦，

我就係一路好驚有好似你嘅case出現喺自己身上，我知道呢個世界有時啲嘢好邪，你講得啱，人算不如天算，加上自己曾經患過一啲婦科病，雖然最後都大步檻過冇事，但係我係女人，好清楚女人真係零舍多病痛，所以先唔想拖到最後，一啲buffer都唔留俾自己。

好多謝你分享你個case，我睇完真係同意到入心入肺，於是唔理三七二十一就send咗條link俾我老公睇。之後佢覆我話睇咗，會再同我傾吓喎。多得你呀!

咁你呢? 做咗IUI未? 成唔成功呀?

sheeppig，

不如你都好似我咁send咗條link俾你老公，可能佢都會回心轉意都未定。我哋要加油呀!

私人傳訊

高齡產婦

伯爵府

積分: 16118

玩具勳章好媽媽勳章畀面勳章 wyeth冷知識勳章陪月勳章環保接龍勳章

10^#

發表於 07-7-19 10:10 |只看該作者

唔生擺就,
好開心我嘅分享可以幫到妳

, 希望妳老公睇完真係會明白. 咁噚晚妳哋有冇傾吓呀, 祝妳成功說服妳老公先, 再快快生b, 妳未係高齡,成功機會比我哋大好多咖.
我7/7做咗IUI,今個星期六便check bingo, 宜家既心急,且擔心,好緊張呀. 我都知唔係一定得, 所以唔敢抱太大其望...
妳知嗎, 如果唔係做IUI, 我嘅機會都唔知有幾個%, 做IUI, 醫生話有20%,所以真係唔敢想太多, 但一定係有希冀...好難用平常心去面對.