自由講場今日: 2585|主題: 1349632

收藏本版

發帖

返回列表

跳至頁

查看: 711 | 回覆: 12

莫因流感針鋒相對 [複製鏈接]

陳曦

子爵府

積分: 11491

1^#

發表於 15-2-5 14:16 |只看該作者 |倒序瀏覽 |打印

食完飯返來原來之前兩個PO已入時事區。
我都講下我D見解，希望大家唔好再針鋒相對。
首先申明，我唔盲撐政府亦都唔會去盲反政府，完全擁有自我獨立思考能力去決定自己的行為。

而此鋪我唔會回復任何人士，只想一吐為快即使變箭豬也死而後已

香港特區政府衛生署衛生防護中心總监梁挺雄4日公佈冬季流感季節的最新监測數據，1月2日至2月4日中午，香港共錄得與流感相關而需入住深切治療部個案为187宗（18歲或以上），其中118人死亡。
在上述187宗個案及118人死亡中，分别有155宗（82.9%）及108人（91.5%）为65歲或以上长者，大部分为甲型（H3N2）。18歲以下兒童与流感相关個案數目为11宗，没有人死亡，全属甲型（H3N2）。

-----以上資料來自網絡

其實政府同各社會機構一早已做盡宣傳，對於流感唯一有效的方法就係預防，如預防接種及多洗手注重個人衛生等。

但有一個好多人都唔明白的真相係---至目前為止，全世界冇任何一個國家或地區有研究出針對流感的特效藥出來，係，我講嘅就係普通流感病毒！（現實美其名曰的特效藥特敏福也不能殺死任何流感病毒）

醫生治療流感所用的一切手段都只不過係為減輕各種併發症對人身體引起的不適感及控制併發症的繼发性感染，對於個流感病毒本身都係束手無策的，靠的就係個病患自身免疫系統先可以康復。

所以流感患者絕對係體弱多病人士多，身強力壯者即使群埋流感患者中也未必會中招，身體強健者即使中招併發症也較輕微，病程也較短。而多數體弱流感患者會有較嚴重流感併發症，幾乎所有流感死亡個案都係死於嚴重併發症感染。

變種流感只不過係喺人類已知嘅幾種流感病毒中，因交叉感染D病毒不斷進化衍生出一種或幾種新病毒，人類對佢知之無多所以先暫定義為“變種病毒”，等過左一段時間病毒學家研究出佢地嘅特性實會有個名比佢地嘅，市民唔好俾“變種”二字嚇親，喺自己不知新病毒到底有何破壞力的情況之下不停大肆宣揚政府“抗疫不力”未免太過武斷。

反而沙士傳染力超勁，如俾病毒接觸到中招實無走雞，且非體弱死亡個案奇高，絕對唔可以同變種流感相提並論！

仲有唔好忘記，每次寒流來襲，本港年老死亡個案會急升數倍有時更多達數十倍，而社會又是否有將其歸咎於政府防範不力呢？

有人憤憤不平話“患病年老者都係一條人命來架！”
我明白佢大家對生命的珍惜同珍重

但亦都唔好忘記生老病死乃人之常情，不必耿耿於懷。世人終究難免一死，有福者可幸運的死於睡夢中，亦有不幸者死於各種病痛折磨中。
尤其係年老患者身體機能幾近衰竭，醫生可做嘅只不過係延長患者存世時間及幫助其減輕痛苦，並不能保全性命無憂或永生不死。

祝福香港人安全過冬之後，可以更加安全的渡過呢陣“倒春寒”