婆媳關係

收藏本版
發帖
返回列表
跳至頁

首頁
12

尾頁
   0
yuki-yan


複式洋房

積分: 237


1#
發表於 08-7-4 23:07 |只看該作者
各位媽媽
可能我打呢段文章有D長...我希望有人幫到我
我地係有左bb先結婚既....識我老公之前我同我ex關系經已唔好
加上我同我老公係打麻雀識...p.s我老公唔賭錢既
我老公未識我之前佢係有個未結婚既女友加一位出世冇耐既B女
原本佢地一家好開心架...但係因為個女仔同我99有好多唔同既意見
所以個女仔就抱走左個B女走左...之後都冇返過黎
加上佢爸爸<我62>係香港有個29個女仔一入門口
冇幾耐我62就走左...冇幾耐我老公之前個女友又抱B女走
搞到我老公唔開心左成幾個月...幾個月後...我就識左我老公
原本呢D家事我都唔想同人講....但係我係上幾個星期我就明白點解個女仔會走喇
我識到我老公就係07年既月頭...識左冇幾耐我地正式係情人節拍拖喇...
當時既我係第2次拍拖...我老公對我好好架...係有時大男人左DD
當時識我老公佢好小講野....但係佢見女就望...成日識到D女仔熟左就會口花花
我好唔仲意佢呢樣野...所以佢好小同我出街...因為我見佢望住邊位女仔我就望個個女仔
就問佢...佢好靚咩??咁..佢冇答我...
果時我呀媽唔仲意我咁早結婚所以佢好反對我拍拖...所以我地有幾個月先同我呀媽講
我有左BB...當我帶我老公見我屋企人...我呀媽好唔仲意...但係冇辦法<因為我有左>
到左要傾婚事喇...我99就開始搞風搞雨...話我呢樣唔做得...果樣又唔做得...
所以我係上年07年12月18日係屯門結婚...24號就出門...
之後到左今年2月17號我就生左我個仔...我今年21歲...我老公大我半年
我坐月我99叫我呀媽過黎幫我...因為...我99話<因為我要返工唔得閒照顧你所以我叫左你呀媽黎>
好喇...咁都算喇...就當我呀媽係過黎倍月都唔使要我呀媽煮飯你地食呀??仲要我呀媽洗3?
你當我呀媽係工人咩???你咩都唔識做就比曬屋企D野我呀媽做...你冇野呀??
放工返黎話好累就走去沖澡...之後就抱住我個仔係道大叫...醜樣婆...醜樣妹...
我心諗..你當我個仔係邊個呀???你on9架???出街好多街坊都問我
你個女呢???就2歲囉可??咁快生多個同佢玩??真係好囉
聽到都火啦!!就因為呢件事我同我老公返應過...我老公就話..唔好理喇...
聽到我好傷心...我就講...我屋企人唔知你有個女架...
比D你呀媽D街坊講一講..你唔使見到我呀!!
比我咁講完我c6就話佢呀媽喇...
到左今年4月..我呀媽話有樣野可以令到我便有錢...我地兩個就聽
聽完之後...我就諗..我唔想同我99住...我決心要係下年買樓...
之後我就加入左一間公司叫MEGAMAX到左今個月我每月既收入土都好好
好過出去打工...宜我c6都有加入既...我想我奶奶知我做緊咩...
我就帶佢上去睇...佢唔出聲...當時佢都叫我地比心機做既...
咁我奶奶要返工...加上我又要返下去...所以我就比我呀爸湊BB
我入左會...知道D產品對身體好...所以我就比左佢食...
有一晚公司開會開夜左..返到黎12點幾佢就好大聲鬧我c6
就算比你搵到一百幾十萬都唔夠你睇醫生呀...嘩@@邊有呀媽會咁話自己個仔架??
好喇...我忍...
到左上幾個星期因為我要佢個名加落去我就叫佢同我返MEGAMAX工司加入做會員
過多幾日佢就同我老公傾下D錢係邊道黎...我同我老公講
因為我地加入左呢間公司令到佢冇朋友冇工開...
嘩....我聽到就把幾火...我就同我99開始嘈喇...
佢又話叫我唔好比個仔食魚油丸...小心食死佢呀
仆...你個街呀...我就話喇...
係呀...我個仔係食緊我公司D產品呀...點呀?
唔仲意既你咪唔好搞我個仔囉...
屎都嬲喇...我講完呢句佢就好嬲咁同我老公講...
你唔好叫我做呀媽....我心諗好呀...
之後就一個人出左去...仲打比我呀媽話要跳河...
我呀媽當時返緊屋企...之後就飛咁快就黎到天水圍搵我奶奶
我呀媽話...你唔好死住呀...等我呀...你識游水我唔識呀...
你都要睇住我死呀....咁我當時己經好嬲...我又同我老公嘈交...
我就囉起個枕頭...問我老公如果我放係呀仔個面到會點架??
我c6就話我傻...叫我唔好咁做...之後我c6就問我如果我呀媽有咩事咁點算呀??
我當時望住佢...我個心好傷...因為每日返到屋企..你都係咁打機...個仔返到黎你又唔理
我就真係囉起個枕頭放係呀B道...用力一整...我老公就打我
因為我想3條人命換你呀媽條人命因為我宜家又有左...
殺左個仔...我就跳樓...因為呢件事我老公打比我呀媽講...話我打左我老婆
我呀媽就過左黎我屋企湊左我個仔走左...
我望住個仔我越諗就越傷心...我呀媽就打比我99話你個仔打我個女呀
你開心喇???我99就話唔關我事喎...之後佢好夜先返左黎...
第2日就返左大陸...2日後佢就返左黎...又生又死..又話冇錢洗...
咁我叔仔咪鬧佢囉...仲整到個門一個個洞...宜家道門仲未整架....
我老公就走入去睇下咩事喇...都比我叔仔趕走...
到左夜D...我就同我叔仔講...
如果你同你老婆結左婚你呀媽成日走黎問你地幾時搬走幾時分食...
你會點呀???佢冇出聲囉...仲有...我D細路會大架...呢度咁細點住呀
我叔仔都識講...比我都搬喇...講完之後...我同我99冇講野幾日
我叔仔走黎問我有冇錢借比佢...我心諗...你冇可能冇錢架...因為你有返工
佢就講呀媽冇錢用...所以問要問你借...我就話...比3千蚊佢囉...
之後我比左我叔仔...咁我99咁岩佢返左黎...我就要落街喇...
一返到黎...我99話...我唔要你咁多..比返2千蚊你...我要你1千就夠喇...
之後我地就講返野...到宜家我都冇湊過呀B返黎....
我應該點做呀??

[ 本文章最後由 yuki-yan 於 08-7-4 23:31 編輯 ]
私人傳訊

pigsmallbi


別墅

積分: 965


2#
發表於 08-7-5 02:58 |只看該作者
妳得21歲,d EQ就11歲...
竟然攞個枕頭焗個仔,妳係唔係白痴架...
妳不如俾左個仔妳阿媽啦,妳都唔適合做人阿媽,妳幾唔like佢地,最多就抱住個仔返外家,而唔係想死3件黎大妳c6囉...
妳真係同妳99似一家人多d,因為大家都係要生要死個種人...
一係妳就返外家啦,如果唔係真係成間屋冇個正常啦...
私人傳訊

wmpl


大宅

積分: 3000


3#
發表於 08-7-5 04:31 |只看該作者
樓主你應該快啲發達,唔係以你嘅性格咁唔受得人氣,又傻到攞自己個仔嚟出氣,好大可能要孤獨咁過埋下半生,或者你生完冇耐啲情緒先至會係咁,不過你又真係好細路女脾氣,要鬥係唔駛喺你老公做埋啲同佢阿媽冇分別嘅嘢,係鬥腦筋唔係鬥癲鬥傻,仲損人不利己!!

乜都唔好諗,你學識冷靜啲做人先啦,而家你始絡都寄人籬下,仲要靠人,個肚又仲有一個嚟緊,你自己都唔知自己事,唔識為自己着想,做埋啲令自己處於困局嘅嘢,又憑乜嘢同人死撐呢?!
私人傳訊

hinhofion


大宅

積分: 4120


4#
發表於 08-7-5 07:56 |只看該作者
無論發生乜野事,都唔可以拎自己仔女ga命黎較飛,我明你當時心情,但都唔可以做出一d傷害子女ga事,自己好好唸下,你c6當時打你,係想你清醒d,因為你用緊仔女條命黎威脅佢,試下搵社工,醫生傾傾,e+唔止你家庭上有問題,你心態上都出現左嚴重問題,一衝動就話要同仔女一鑊熟,快d去尋求幫助

私人傳訊

onionpig


男爵府

積分: 7400

我的育兒心得勳章 hashtag旅遊勳章 DHA勳章 好媽媽勳章 畀面勳章 wyeth冷知識勳章 陪月勳章 環保接龍勳章 親子達人勳章 BK Milk勳章 hashtag影視迷勳章


5#
發表於 08-7-5 08:34 |只看該作者
其實你地真係發生左好多問題~不過你真係要控制下你自己既情緒~所以你都岩既~比左bb你媽咪揍~係仲有咁問題發生既時候~你都係放鬆下繼續比bb你媽咪揍著先啦
你咁多問題~廿一歲女~你老公又唔係大~你地兩個真係好難去解決問題~你快d去搵社工幫你~等佢地同你傾下~同埋你同99已經發生到咁既地步~再住埋一齊真係好唔惦架喇~依家搬開係好事~不過要等到你儲夠錢會唔會太耐呢?其實你可以試下去見社工時~同社工講曬呢d問題~再問個社工可唔可以幫到你地搬去第二度先(即係排公屋)如果你問題咁嚴重~相信係可以優先處理架~如果社工幫唔到你~你都可以試下搵區議員~都應該可以幫到你住屋問題
乖乖地~快d去搵人幫~唔好再困係一個彊硬既局面喇
私人傳訊

sandy1425


珍珠宮

積分: 41032

好媽媽勳章 大廚勳章


6#
發表於 08-7-5 09:38 |只看該作者
你2個都係細路仔性格...一d E.Q.都無
私人傳訊

sandy1425


珍珠宮

積分: 41032

好媽媽勳章 大廚勳章


7#
發表於 08-7-5 09:50 |只看該作者
其實,你想用枕頭焗你個仔,你C6才打你....打你係佢吾啱,但係你仲吾啱.你點配做人阿媽?仲有,BB甘細個,係吾可以食任何"健康食品",你有無常識？？？你C6有個女,睇你都吾係甘接受,好在你C6 EX. GF帶埋個女走,吾係一定比你虐待死！(你親生仔都可以甘)仲有！！吾好小小事就要生要死！好討人厭！！！！！
SORRY.我好小語氣甘重,但你真係好過份！！！！
私人傳訊

vickym


男爵府

積分: 8096


8#
發表於 08-7-5 10:08 |只看該作者

回覆 #1 sandy1425 的文章

我想問樓主,你想人地幫你d咩? 幫你數臭你c6, 奶奶,叔仔成家都謀你d $定係想點?!

不過我都理解, 不分年齡.做左人阿媽,唔代表個人會再成熟, 所以各位bk 媽無謂動干火丫,係咪?

周不時都見d 新聞(奇聞)..做左阿媽輩既..仍然做埋d 唔係正路既事架啦...2公婆問題多多仲要繼續有左..之類..又話個c6乜都唔理,咁你仲同佢行埋仲要有多一次?! 你自己都要反省一下你處事既態度先啦..

我唔知你個bb有幾大, 我未有細路仔,但係正常既都唔會俾d咩"健康食品" 立亂餵個b啦..大人大姐都要衡量食唔食得之類..你就趁個b都唔識反應就俾佢食...你唔係愛佢..你係害緊佢咋wor.

仲有..你話俾個b俾你屋企湊...我唔覺得你有幾愛你bb lor..一個阿媽生得佢出..就算工作時間點長..點都有唔捨得既感覺出黎,但你俾我既感覺..生左出黎..邊個湊都無相干個隻..可見你有幾照顧個bb呢...家陣仲話有多一個...我都擔心你將來係點過lor!
私人傳訊

moniqueee


伯爵府

積分: 17420

畀面勳章


9#
發表於 08-7-5 10:15 |只看該作者
其實我都係得20歲,,我而家做緊野不過遲d會返返學...其實bb係我媽媽幫我湊...因為佢一心知道我一個人搞唔掂"係,,我有個大我2年嘅老公"佢係會幫手...不過講真,,佢識嘅野仲少過我,,點幫?!
我99都好耐冇見過我個女喇,,,我而家係o係99到住不過我每日都會返屋企睇個女...星期六日都會同佢去街"
其實比自己屋企人湊仲放心啦,,係...自己屋企人係會辛苦d...不過好似我咁,,我見到我99 d湊bb方法真係驚到想死"始終都係覺得只有自己屋企人會對bb最好...
係...有時係會同c6有"拗叫",,不過我一定會攬實bb,,我個女都係2月出世,,試過有一次我c6好大聲咁唔記得鬧咩嚇到bb即刻喊...果次係我咁耐以黎第一次真係打我c6,,果陣我攬實bb,,可能佢知道爸爸媽媽鬧交佢即刻靜曬...果陣我攬實bb o係房喊左好耐...
其實我覺得bb竟算咁細佢都知你做緊咩野架,,我點都唔會搵佢出氣,,,因為陀佢生佢真係好辛苦...我仲要睇住bb大個出人頭地唔可以比佢有事...
你都要咁諗,,,我相信你果陣咁後生生左bb出黎唔會係為左c6生丫..因為我果陣都唔係!
佢係o係你個肚到走出黎,..你點捨得咁對佢呢?!
湊bb多d..等佢痴你多d...你就會發覺你冇左bb係唔得,,佢比你c6真係更重要!!
私人傳訊

KoyeBaby


子爵府

積分: 12904

醒目開學勳章 畀面勳章


10#
發表於 08-7-5 11:04 |只看該作者
樓主希望你唔好介意,我覺得你同你c6問題d大囉...你99可能覺得你同你c6咁細個就搞出人命,少不免會變得擔心煩躁同囉嗦...但係你同你c6好明顯係自己都未長大就學人生小朋友,你其實有無諗過自己應唔應付到架?你c6之前已經同前女友生咗個女,你又已經生咗個仔,都無諗過要避孕架咩??

養個小朋友唔同養隻貓狗呀,唔係你俾飽飯佢就得架啦!你哋兩個又無節制,唔通生十個都丟俾你媽咪養呀?你當佢係托兒所咩!

仲有唔該你控制下自己情緒,唔好攞自己個仔條命嚟發洩!有幾多人想生小朋友都唔成功,你生得出就想剎咗佢?成熟d啦~

ps.唔好意思,我可能講得過份,不過希望你真係諗清楚自己跟住嘅路要點行!Good Luck~
私人傳訊

carly.c


子爵府

積分: 14665


11#
發表於 08-7-5 11:05 |只看該作者
樓住, 你應該要控制下自己情緒..
點都好, 唔關BB事, 唔好傷害到佢..mouth:
私人傳訊

siuwa


大宅

積分: 1824


12#
發表於 08-7-5 11:34 |只看該作者
原文章由 yuki-yan 於 08-7-4 23:07 發表
各位媽媽
可能我打呢段文章有D長...我希望有人幫到我
我地係有左bb先結婚既....識我老公之前我同我ex關系經已唔好
加上我同我老公係打麻雀識...p.s我老公唔賭錢既
我老公未識我之前佢係有個未結婚既女友加一位出世冇 ...


樓主, 我想講你好變態. 真係唔知你地而家d妹妹仔有冇腦既. 養唔起, 唔識養就唔好生. 生左拿來做實驗品, 你冇嘢嗎? 可能你叔仔話係佢都搬係想你走d走, 唔想見到你d咁冇腦既人.
私人傳訊

lydiangelhk


洋房

積分: 121


13#
發表於 08-7-5 11:51 |只看該作者
講真....你得二十一歲....你老公大你半年....即係加埋都唔夠五十歲.....但係你兩公婆個智商加埋都唔夠二十歲......第一日你choice你呢位老公既時候...你都應該知道會發生呢d問題架la.....點解你仲要話你老公唔啱...你99唔啱....咁你有無問過你自己係咪啱晒呀.......哎.....你兩個都未思想成熟....講真.....好難三言兩語就幫到你......
私人傳訊

yuki-yan


複式洋房

積分: 237


14#
發表於 08-7-5 12:05 |只看該作者
原文章由 魔鬼天使 於 08-7-5 02:18 發表
話時話你個仔得果4個幾月,
你比魚油丸佢食,得唔得架?你有冇問過醫生架??


我係問過醫生...連醫生都話冇問題囉
私人傳訊

sunmoonlaw


大宅

積分: 1260


15#
發表於 08-7-5 13:09 |只看該作者
樓主你好，我係21歲有左，22歲生左BB，我我都係同我99一齊住，但我地都係人地阿媽，所以我覺得你不應該因為自己的感情而連累BB架！！
你忍不到可以帶阿仔返娘家住一陣，但你不能這樣對你個仔！！
請你冷靜一D去面對，個個99都係咁架啦~~到你OK時才去接返個仔，以免你又用D咁既方法迫你個C6
私人傳訊

全人奶B


大宅

積分: 1274


16#
發表於 08-7-5 14:23 |只看該作者
我19歲結婚22歲生呀囡我今年23歲而老公就31歲...我覺得年齡唔可以衡量個人既思想!
有次老公冇睇實呀b..點知呀b跌左落地下跟住大喊.老公馬上抱起好擔心..我立刻走入房大力打左老公一下然後抱呀b....事後老公同我講返打佢果下好痛..個心都好痛! 個女我好緊張果刻驚到我打過佢都唔知...所以樓主如果我係你老公我係會打你...仲係要大大力果隻!自己骨肉點可能搵野焗佢？你是否要睇精神科呢？

[ 本文章最後由 全人奶B 於 08-7-5 14:24 編輯 ]
私人傳訊

A.C.C.


大宅

積分: 3786


17#
發表於 08-7-5 17:00 |只看該作者
樓主，雖然你得21歲未必定性，但你已經係BB嘅媽咪啦，就算幾唔想變大個女，你都要儘量學識用成熟嘅態度去處理生活難題。

你同你老公明顯係小朋友心性，兩個人感情好時就甜甜蜜蜜生仔結婚，但一有不如意事，就吵到上天，又跳河又打架又攞BB較飛.....之後你兩個又住番埋......咁樣打打罵罵分分合合，好難維持長期嘅夫妻關係。

你其實有無認真諗過，你自己想點？你以後有乜打算？或者你想以後老公點對你？BB以後係咪就跟婆婆住？

做咗媽咪，大個女啦，你唔可以單靠人地俾意見你，好多生活上嘅問題都要自己決定。
私人傳訊

小小太陽


大宅

積分: 2301


18#
發表於 08-7-5 22:39 |只看該作者
樓主本身思想唔成熟, 加上好明顯係產後抑鬱...搵社工啦!
私人傳訊

tongyimtong


複式洋房

積分: 183


19#
發表於 08-7-5 23:03 |只看該作者
搵社工都是無大幫助。

因為佢係細佬女同細佬仔結婚。相信都是離婚收場。介紹定律師比樓主實際一些。

如果我是一個連住都未解決的人，我唔會生bb。重是二名﹗唉﹗
私人傳訊

yuki-yan


複式洋房

積分: 237


20#
發表於 08-7-5 23:19 |只看該作者
名位...
我知我自己係做錯左...
我都知要接受呢D野...
如果比著你地...你地又會點呢?
當時既情況...我唔識點講...
我係好灰...老公唔理個仔...
結婚冇幾<內>...個99成日叫我地搬走
成日同你講...要點樣分食...
我都好想有個開心既家...
單係我一個點可以做呢?
我唔想同我呀媽講話我c6有個女
我可以點?自從發生呢件事...
我都好後悔...我有同fd講...
但係冇人聽我講...我又可以點呢??
有你地鬧我...我會接受...我會聽
我唔會再做傻事喇...
我宜家要好好咁對我個BB
各位媽咪...多謝你地呀
有你地..我會識左好多野...
知自己做錯左...我唔會有下次...
多謝你地
私人傳訊


首頁
12

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy