吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 唔知要唔要BB好

懷孕前後今日: 0|主題: 330606

收藏本版

發帖

返回列表

跳至頁

查看: 2363 | 回覆: 26

唔知要唔要BB好 [複製鏈接]

babbabpig

複式洋房

積分: 102

1^#

發表於 08-5-29 00:41 |只看該作者 |倒序瀏覽 |打印

件事係咁嘅,我啱啱發現自己有左,已經7週喇,原本同男朋友都儲緊錢結婚,諗住2年後結,點知突然間有左,加上我又啱啱轉左工,只返左一個月,都未同公司講,(唔知會唔會炒我),好似突然間發生好多事咁,我同男朋友暫時手頭上流動資金又唔多,D錢放晒係基金度,唔攞得住,亞媽又迫我地擺酒,所以覺得好煩,心情好低落.覺得個BB嚟得好唔著時,好想唔要,但又唔捨得.......真係好煩呀,我根本已經六神冇主喇......都唔知點做好.........又好擔心將來照顧唔到BB,男朋友又好自責因為暫時冇能力搞婚禮,比我亞媽睇死,所以佢都好唔開心.......我應該點做好呢,如果唔要BB,有好有罪惡感........大家可唔可以比D意見我呀......THX...感激不盡!

0 0 0

私人傳訊

janmama

大宅

積分: 2415

2^#

發表於 08-5-29 02:43 |只看該作者

唔好咁諗ar, 呢度好多姊妹好想有bb都無, bb同你有緣份先會係呢個時候嚟, 你地公一份婆一份,無話養唔起bb嫁, 你真係唔要佢你第日諗返起一定會好後悔ga, bb唔係你話想有就有, 唔好放棄bb ar, 我而家都陀住bb, 我日日都同bb傾計ga, 雖然佢唔係係我肚裡面好耐日子, 但我已經好愛好愛佢, 胎動嘅時候你會好感動ga, 你要堅持ar, bb真係好可愛ga, 係你同你最愛嘅結晶品, 我支持你ga!!!

私人傳訊

E@V

大宅

積分: 1312

3^#

發表於 08-5-29 02:51 |只看該作者

既然你同男友都有結婚的打算, 咁點解唔要個bb 喎!
結婚擺酒真係一個儀式, 最緊要你地兩個都打算一齊生活嘛!
試下同媽咪傾下, 細有細搞啫! 如果為佐呢d 舖張野唔要bb, 你遲d 會好後悔o架!

私人傳訊

已刪除用戶

已刪除用户

積分: 2732

4^#

發表於 08-5-29 09:09 |只看該作者

提示: 作者被禁止或刪除內容自動屏蔽

私人傳訊

ioi

伯爵府

積分: 16558

5^#

發表於 08-5-29 09:41 |只看該作者

有左BB和結婚係開心事, 應該開心至真. 如果唔要BB, 好傷你身體, 第日想要都唔係咁易, 可能會後悔架.

其實結婚擺酒真係唔駛用好多錢, 我果時都唔算好慳, 男家父母無出錢, 全部係由我和老公出. 在酒店擺(廿二圍), 印請帖, 影結婚相, 在外面的晒相舖晒油畫, book教堂, 請化妝師, 花店花飾和佈置, 攝影攝錄, 租車(只係一架van, 幾百蚊), 兄弟姊妹的利是, 買嫁女餅, 俾禮金我阿媽... 擺酒埋單係碌卡, 仲賺埋積分添... 收番d禮金, 女家的俾我阿媽(女家親戚最多人, 佔十圍), 男家的和朋友的歸我地自己, 結果我地收到的禮金和金器已經夠cover支出, 賺左少少. 我阿媽都好滿意.

如果再慳d, 好似我個fd咁, 佢地在酒樓擺, 賺左幾萬蚊添, 結果係免費歐洲honeymoon.

其實大有大搞, 小有小搞, 都可以搞得好好睇睇的. 開開心心咁預備婚禮啦. 你時間比較急, 未必揀到星期六日擺酒, 但原來揀平日都唔錯, 因為我有fd試過, 價錢平好多, 慳番一筆, 而且賓客一樣照來的. 佢地深信, 要黎的邊日都會黎, 唔想黎的一定有籍口唔黎. 我都好認同, 因為我當時揀星期六, 諗住就到人地, 點知有d人就話好日子撞左其他親友的婚禮, 有d就臨時放飛機, 好彩酒店俾我由原本24圍縮到22圍咋.

私人傳訊

ai327

洋房

積分: 94

6^#

發表於 08-5-29 09:46 |只看該作者

好同意各位的講法!其實每個生命都得來不易，真的要好好珍惜!真係好多人想要小朋友都冇架!

雖然現在看似很煩、你可能會覺得好多嘢都唔知點解決，但想深一層，有啲嘢你哋有做或冇做都只係會影響其他人，e.g.擺酒。我覺得最重要係你同你男朋友一條心，大家有共識，如果afford唔起擺酒就不要勉強了。講真，人哋點講/人哋要講乜都係短暫的，自己的幸福才是最重要。做每一個決定...都好難令所有人開心，但，無論怎樣，不要讓自己後悔。

btw, 俾有睇死有時係一個迫自己發奮的原動力!講真，好多人都要捱架啦，最緊要自己覺得開心、覺得值得!

其實錢可以解決的問題真的很渺小。

私人傳訊

kayingivy

伯爵府

積分: 18129

好媽媽勳章醒目開學勳章

7^#

發表於 08-5-29 10:20 |只看該作者

煮到埋黎就食，呢個世界，無嘢話做唔到嘅，但你如果做咗個將來會後悔嘅決定，就要三思

私人傳訊

Fullmoonlee

複式洋房

積分: 341

8^#

發表於 08-5-29 10:40 |只看該作者

其實, 如果你的媽媽知道你因她的壓力, 令你們有 '要不要小孩'的兩難處境, 可能她都會稍作讓步.
試試再跟媽媽傾傾吧! 你心裏十五十六, 亦在這兒留言, 我想你都對小b有一定感情, 很不捨得呢!
只要你和男友同心, 甚麼事都會應付到的. 你如果在下決定前, 能先聽聽小b的心跳聲, 可能你的想法會改變呢! 不要在這刻放棄啊... 小b這一刻仍在你肚中, 表示他/她很想活下去呢!

私人傳訊

Joeff

男爵府

積分: 7422

9^#

發表於 08-5-29 10:41 |只看該作者

你要明白,BB嘅嘢唔係你想要就有，係一種天賜嘅緣份！你７week，應該見到佢心跳，當你發現佢巳經有心跳，你就會覺得佢同你係連成一體，你應該好好保護同珍惜佢，唔係扼殺咗佢生存嘅權利！

你所面對嘅問題,絕對唔足以構成你唔要佢嘅理由,我認為可以有好多方法解決。希望你千祈唔好咁衝動,以免你將來內疚一世！

私人傳訊

tingkiss

別墅

積分: 602

10^#

發表於 08-5-29 10:49 |只看該作者

呢d絕對唔係問題黎
講真你係同你男友生bb同過生活
又唔係同你媽咪..駛乜理佢呢d野
到你生左之後你阿媽就會唔同諗法嫁喇
我阿媽都係咁啦..佢1見到bb d諗法就會唔同晒嫁喇
最緊要睇你自己想唔想要..如果連自己都唔想要
我地係度講咁多都冇用啦
同時問你男友想唔想要個bb?
唔好因為俾人睇唔起就唔要個bb 呢d籍口黎
d男人不嬲大把籍口..仲要講到岩晒咁
多籍口=唔負責任

私人傳訊

jazzdawn

大宅

積分: 2240

11^#

發表於 08-5-29 16:41 |只看該作者

唔好唔要個bb呀!!!唔要既話你一定會後悔架!
而家你地兩個又唔係有問題,又已經計劃結婚,無錢最多唔做門面野,除非你地自己唔想要bb,唔係既話就唔好比其他人既睇法影響.
如果你而家唔要bb,按你地計劃2年後結婚,到時又真係咁好彩再有機會有bb,你估你會點諗你之前唔要呢個bb既經歷呢???

私人傳訊

jazzdawn

大宅

積分: 2240

12^#

發表於 08-5-29 16:42 |只看該作者

私人傳訊

babbabpig

複式洋房

積分: 102

13^#

發表於 08-5-29 16:55 |只看該作者

好多謝咁多位嘅支持,睇完你地講嘅野,我好感動,真係好感動.仲喊左好耐添.其實我真係唔捨得個bb,可能就係因為我錫佢,所以更加擔心佢,好驚將來比唔到好嘅生活佢,唔知點算.但你地講得好啱,要bb唔係話有就有,係一種緣份.我好多謝咁多位支持我嘅人,我係度答應大家,我唔會咁易放棄.要好好咁養大佢.我今日睇左醫生,有8週零2日喇,有心跳,一齊都正常.希望bb可以

健康成長啦!

私人傳訊

wincyjacky

複式洋房

積分: 239

14^#

發表於 08-5-29 17:03 |只看該作者

哎呀...咁你可以生完先擺酒結婚的嘛...好多人都係咁喇...唔好唔要喇...

私人傳訊

jazzdawn

大宅

積分: 2240

15^#

發表於 08-5-29 17:12 |只看該作者

私人傳訊

kongzilla

別墅

積分: 883

16^#

發表於 08-5-29 17:19 |只看該作者

你決定要咗個bb咪好囉! 唔好諗咁多啦, 養好身子, 陀好個b, 生個健康正常的bb, 老人家就唔理你地咁多了!!!到時, 佢地會掛住個b個餐滿月酒, 都唔記得你地個餐啦......

大有大攪, 小有小攪, 象徵式的事, 無謂太用神去想住。你開唔開心, 肚入面個bb係feel到架。睇開點, 開懷點吧。

另外, 有邊個父母想自己個仔女唔開心呢? 你要主動同媽咪講下你地的想法及做法。媽咪都係怕有人"蝦"個女(你), 才咁緊張話要大攪啫, 試問又有邊個父母唔想個女嫁得好好睇睇呢? 你將來做人阿媽, 你就知啦。希望你同bb健康快樂。