爸爸專區今日: 0|主題: 16402

收藏本版

發帖

返回列表

跳至頁

查看: 658 | 回覆: 2

PR Design [複製鏈接]

bibibadbad

大宅

積分: 1250

最關心BB問題熱投勳章

1^#

發表於 15-1-20 10:27 |只看該作者 |倒序瀏覽 |打印

最新係元朗買0左新居，諗住係元朗附近搵間設計公司係咁易裝修設計下啦，因為本人諗住呢度都係住幾年之後等有多D錢，換間大小小，到時小朋友有多D空間。點知今次好搵唔搵，搵著呢間黑店﹗講起火都0黎喇﹗

第1次入去時，佢地態度好好，好親切，同出面D設計公司一樣，先收1000蚊DEPOSIT，如果0岩就扣番0黎用，唔0岩設計，就可以用0黎買嘢，當時同佢地簽單時，第1無講明要2個月內一定要揀番0岩0既嘢﹗第2就係佢地講明，唔0岩將來可以買電器或者床"肉"，或者叫佢地整某一樣傢俬。咁我已經問得好清楚，問佢買咩電器，佢地話豐澤有得買0既都有﹗咁好啦﹗咪試下囉。

過0左2個星期，咁佢就話設計好叫我地傾傾，傾完0個次我地覺得價錢太貴，而且D款同設計唔0岩我地心水，咁算啦…後來過0左2個月，咁佢地打0黎話要2個月內去買嘢﹗咁都算啦，咪去間嘢到問下有咩揀囉﹗嘩…床"肉"﹖係人地出面1倍價錢，然後話俾番個9折我﹗唔係咁樣叫我買呀﹖個價錢我係出面買2張﹗咁算啦，叫佢地整張小朋友枱囉…之後又話至少傢俬要由4呎起計先肯做﹗咁樣做一做，無啦啦要俾4000幾5000蚊整張枱仔﹖﹗﹗﹗咁無理由咁蠢0架﹗我揀唔整﹗

之後老公叫佢整個茶几啦，俾埋相佢地睇，點知話俾我聽一張茶几要5000幾蚊，個"較"位要1500喎﹗痴痴地線0既﹗既然佢地整0既傢俬貴講用金整，我地咪去買電器囉﹗點知無啦啦又加多個條款，話只可以揀「洗衣機、雪櫃、電視或者冷氣機」。咁我地見仲差一部冷氣機，咪問下價囉﹗頂佢，又話買冷氣一定要俾佢做埋裝修﹗跟住梗係又獅子開大口啦~算喇﹗我地最後揀買電視機，去豐澤見到有22吋0既電視機，咪影相俾佢叫佢報價囉﹗點知又話星期日寫未樓放假CHECK唔到，一定要我0個日做決定。係電話同佢爭論0左一輪，個AMY TANG話星期一覆我﹗

到0左星期一，我再追問，無啦啦就WHAT'S APP一段嘢0黎，暗示過0左2個月，無得退番1000，咁我梗係打俾佢理論啦﹗之後阿AMY TANG小姐又話自己話唔到事﹗叫佢搵負責人電話俾我又唔俾，叫佢搵負責人打0黎又無覆﹗

其實1000事小﹗係呢間嘢0既態度事大，我唔想再有受害者喇﹗1000蚊﹖我寧願捐俾有需要0既人，唔係被呢間黑店呃囉﹗呢間嘢叫雅置，係元朗教育路，近警署﹗大家唔好再上當喇﹗街坊生意都呃﹗