心聲留言今日: 0|主題: 17567

收藏本版

發帖

返回列表

跳至頁

查看: 728 | 回覆: 5

如何克服過去..... [複製鏈接]

yicherrie11

複式洋房

積分: 218

1^#

發表於 15-3-13 23:41 |只看該作者 |倒序瀏覽 |打印

本帖最後由 yicherrie11 於 15-3-24 13:08 編輯

有bb係上天賜予嘅緣份，但呢個係一個適合嘅時候嘛?一段千瘡百孔嘅感情，缺乏信任安全感。因為有左而結婚，可以點維繫....

0 0 0

私人傳訊

catping

男爵府

積分: 5340

2^#

發表於 15-3-15 01:07 |只看該作者

回覆：yicherrie11 的帖子

問下你自己準備好未，可否對bb付出一切，自己真係想同佢有bb, 你鍾意小朋友？
未生已好多猶疑，生左唔知你點面對，諗清楚先。。。

私人傳訊

yicherrie11

複式洋房

積分: 218

3^#

發表於 15-3-24 13:05 |只看該作者

bb已經7個半月。同佢係大學時認識，一齊已經7年。兩年幾前我試過做錯過，同個男仔曖昧，想分手。但佢留我。之後大家同居。直到上年8月，佢突然同我講要分手，話一直都忘記唔到我背叛過佢。
佢係出trip其間同我講分手，將所有野都怪我。果段時間我求佢俾多次機會，因為我真係以為自己一直做得唔好，佢應承左。但後來先發現係佢有左第二個，已經兩個幾月。一直呃我開OT, 放假原來都係同個女仔出去。出trip 返黎佢話隔日要再出trip兩日。但原來係同個女仔去左旅行。
其實我一直都不以為然，冇諗住去check佢。直到佢返黎有一晚，我見到佢個msg "傻瓜唔使解釋"。我諗唔明三更半夜，一個女性朋友點會叫你傻瓜，你又同佢解釋啲咩。佢發脾氣話冇野，而個女仔係佢出之前trip 其間已經有個新男朋友。佢同我分開嘅理由係因為我背叛過佢。但佢嘅所作所為又點，呢個女仔可以背住男朋友同佢去旅行，佢又可以接受到....我唔明
一直到知道自己有bb 前，關係一直都好抖纏，但我信佢唔捨得我，對我仲有感情。我以為只要信佢，會有轉機。但好明顯，呢段關係係因為有左bb 先行到今時今日。有左咁耐，情緒一直唔穩定。係第三個月自己仲要求入院見心理醫生。
我好想控制好自己，但好多聽過嘅說話，睇過嘅相，好自然會浮出黎。感覺好難受。好多晚失控咁喊。我好想搵方法去幫自己。