吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 親子旅遊› 回應thomas land報告

親子旅遊今日: 0|主題: 161651

收藏本版

發帖

返回列表

跳至頁

查看: 4104 | 回覆: 21

回應thomas land報告 [複製鏈接]

mjzz

別墅

積分: 900

1^#

發表於 04-4-27 07:02 |只看該作者

回應thomas land報告

終於回來, 有多位pm給我的朋友, 我一次過回應:

兩日內會post相在此~

第一天: 香港 - 池袋
到達酒店已經6:00pm, 行o左一陣池袋夜市便休息, 池袋十分多夜市, 而且好多垃圾在街上, 比上野更差....

第二天: 秋葉原火車博物館 - 舞濱迪士尼樂園
一早食完早餐便出發去秋葉原火車博物館, 山手線永遠都咁多人.... 到達後兩個bb起勢週圍跑.... 又N咁多制比佢地玩, 而且仲有多架模擬火車任玩, 又多有關火車info同相關資料, 3歲以下免費入場....
有咩值得買: 當然係火車啦, 山手線同京葉線經常接觸, 1000yen左右一架, 仲係金屬車~

舞濱迪士尼樂園, 由於平日關係, 唔係太多人, 不過愈夜愈多學生入場..... 回到酒店差不多11:00pm. 同樣3歲以下免費入場....
有咩值得買: 咁多shop各有不同選擇, 而且卡通人物咁多, 真係要搵的話, 我會選擇"巴斯光年"香港冇出o既玩具.

第三天: 池袋 - 富士急
一早去上新宿搭高速公路巴士前往富士急, 巴士唔係太多位, 一定要預早買, 而去到富士急酒店, 一入房即時讚嘆富士山的美景, 放好行李, 入場玩, bob the builder係第一站, 大家留意佢只係玩到5月5日, 而紀念品就買件少件, 因為店長表示唔會增貨, 玩完之後馬上到thomas land, 未入場都聽到d歌聲, 兩個b一支箭沖入去, 不停叫d火車名, 一時間都唔知玩咩先好, 最後當然thomas先啦~ 而有d車仔100yen比你任舞, 好玩之餘仲有張紀念咭, 而其他遊戲要比200yen, 要記得一早買飛, 否則天王都冇面比, 理你即時比錢定後補張飛, 又或者個b呼天搶地.... thomas land有個好處係大人同小朋友一同玩咩遊戲都得, 而且仲有一個唔係好激(對大人)o既過山車.... 而當你上一架觀光火車(thomas, lady 或 percy's), 不得不讚佢地巧妙o既落車點, 有去過o既父母(有帶小孩的)一定明白.... 醫肚當然去餐廳, 唯一唔好係冇熱飯食, 要食的話出去thomas land出面... thomas land內有個post office, 記得去蓋紀念印....
有咩值得買: 鞋同衫係必買, 而雨衣勁靚, 其他好多香港都有, 而且之前都買o左, 仲有係thomas海報, 香港唔太多, 可以買入, 至於食o既就冇乜買, 試過個b咬完個thomas餅之後, 要我補番佢

....... 夜晚7:00多, 富士急會冇咩好攪, 不過有間幾好o既餐廳, 內有一個thomas餐, 1400yen左右, 個b睇多過食.....

第四天: 富士急 - 新宿 - 後樂園 - 池袋
一早玩多陣thomas land之後, 食過午餐, 去坐高速回新宿, 行o左一陣就去酒店check-in, 之後去後樂園, 時間比thomas太多了, 取消去親子樂園, 而去了影"大雞蛋", 之後當然要去最出名o既baseball cafe'啦, 食之餘有表演有遊戲, 細b睇拍晒手, 仲有佢地d食物係幾正宗o既西餐, 所以值得一去.
有咩值得買: 球衣係不可多得o既紀念品, 而附近仲有叮噹, 麵包超人, 史奴比等紀念品shop....

第五天: 池袋 - 上野街市 - 淺草 - 香港
一早check-out之後去上野存行李同買車飛, 之後去上野街市行個圈, 跟住去淺草, 仲見世係一個由開檔至收檔都N咁多人o既地方, 不過而家唔比餵白鴿, 而雷門寺仲係比我感覺有好多錢收入o既地方, 有少少info比大家, 一般拋銀入去的都係5yen同50yen, 好多人都唔知點解, 其實日本人相信, 藉以個銀中間個孔, 可以把心中說話直通上天咁解.... 而求籤之後, 不論好壞, 一般都會化o左佢, 所以d人掛晒在欄架上, 而樹上木牌係祈福用, 寫用掛上, 有人會同你化的.... 曾經有一次見過佢地間幼稚園收生, 係好大陣容的一個儀式! 到12:00左右, 去了咸蛋超人度食lunch, 有得玩又有得食之餘, 大人介可以買平o野.... 乘坐3:20pm skyliner去機場, 去到仲有時間最後買手信...
有咩值得買: 上野紫菜送禮唔錯, 而且有d唔太出名的牌子衫好平, 而淺草買木村家人形燒, 去到機場當然買草餅啦~

我們應該感恩神的話語令人清醒

私人傳訊

mjzz

別墅

積分: 900

2^#

發表於 04-4-27 07:28 |只看該作者

Re: 回應thomas land報告

我們應該感恩神的話語令人清醒

私人傳訊

mjzz

別墅

積分: 900

3^#

發表於 04-4-27 07:34 |只看該作者

Re: 回應thomas land報告

我們應該感恩神的話語令人清醒

私人傳訊

BBChu

公爵府

積分: 25365

4^#

發表於 04-4-27 11:29 |只看該作者

Re: 回應thomas land報告

我睇左你既行程, 仲要帶住兩個仔, 真係五體投地.

如果係我兩公婆, 肯定得返半條人命.

私人傳訊

LOOLOO

大宅

積分: 3819

好媽媽勳章

5^#

發表於 04-4-27 12:59 |只看該作者

Re: 回應thomas land報告

mjzz, thanks for your report !
見你地係 thomasland 玩得好開心, 仲要第二朝再玩 !
你係咪住富士急酒店, 請問幾多 $$$ ? 係咪係富士急裡面的 ?
請問"大雞蛋" 係咪tokyodoom 嗎 ? baseball cafe 有咩表演 ? 波衫係咪欖球的 ? "咸蛋超人度食lunch" 請問係邊度架 ?
另東京天氣如何 ? 需要帶厚褸/衫嗎 ? 是否很乾燥 ?
唔好意思, 咁多問題 !
我聽日出發啦, 好好好好緊張啊 ~~

維維:new born 7.38lbs;6/OCT/07 33lbs 哥哥 : 6/OCT 55lbs

私人傳訊

mjzz

別墅

積分: 900

6^#

發表於 04-4-27 21:19 |只看該作者

Re: 回應thomas land報告

LOOLOO, 希望你都玩得盡興

1. 你係咪住富士急酒店, 請問幾多 $$$ ? 係咪係富士急裡面的 ?
答1. 係~ 英文叫: Highland Resort, 一晚22,000yen(連稅), 直情係富士急旁邊....

2. 請問"大雞蛋" 係咪tokyodoom 嗎 ?
答2. 係~ 在後樂園地鐵旁~

3. baseball cafe 有咩表演 ?
答3. 有遊戲玩, 全餐廳一齊包, 剪, 鎚, 兩名勝出者有禮物, 又有比小伙子coco(人扮馬騮仔)玩, 多首全場一起奏樂歌舞等~
3. 波衫係咪欖球的 ?
答3. no~ 係棒球, 巨人隊係日本國寶之一....

4. "咸蛋超人度食lunch" 請問係邊度架 ?
答4. 在淺草rox商場4樓...

5. 另東京天氣如何 ? 需要帶厚褸/衫嗎 ? 是否很乾燥 ?
答5. 很乾燥, 但不用帶厚褸, 而我去5天, 只有一晚深夜下雨~

我們應該感恩神的話語令人清醒

私人傳訊

mjzz