少年成長

收藏本版
發帖
返回列表
跳至頁

首頁
1

尾頁
   1
波波太太


別墅

積分: 798


1#
發表於 15-3-24 11:29 |只看該作者
小兒四年級，由一年級開始一放學便到補習社做功課溫習，算是做齊哂，回家只是看看有沒有做齊和溫溫書便可以。到今年年頭，因家庭支出大了，小兒雖然每天在補習，成績也是強差人意，也希望他能自立，為自己的功課負責 ，故停了補習。

起初的頭一個禮拜，他還算不錯，放學回家洗過澡後便做功課，雖然也花了很多時間去做，但吃飯前總算能完成。其間只有工人姐姐在家，我六點左右回家便幫手對功課。我一直希望他能快點完成功課(他在補習社時大概1.5小時便能完成所有功課)，可以休息可以玩。也和他談過很多次，要專心點和自律點，但情況卻越來越差，我回家前的那段時間他不洗澡不做功課(或只完成一點來向我交差)只看電視，打電話回去也在敷衍我，不想接我電話。所以回到家我很生氣，再見到他的字龍飛鳳舞我真係發哂癲！他學校每天也很多功課溫習，除了小朋友辛苦外，大人也都給弄得神經兮兮，我星期一至四真的絕不敢出夜街，壓力很大。

到晚上九點多，他便開始開turbo，我有時發晦氣著他如不能在吃飯前完成功課，飯後便不能再做(雖然冇實行過)，實際是我覺得我比他還要心急，好像我要返學一樣。

我真的很不開心，每天回到家就板起臉對住佢催催催，我不想彼此關係越來越差。

有沒有什麼方法可以令他自律些？
私人傳訊

123WING


大宅

積分: 2772


2#
發表於 15-3-24 16:10 |只看該作者
回覆 波波太太 的帖子

我有同感. 我仔現在是F1生了. 小學時我都遇到相同情況. 有不同的是佢放學後沒有去校外補習班. 工人姐姐每天接他放學. 返家後佢自己做功課. 我差不多每天都打電話回家提他早點做功課. 當時我禁制所有電子遊戲機. 他回家後只有不停看電視和同學講電話. 直至約6:30才開始做功課. 好彩功課不是每日都那麼多. 只是在考試前一, 二星期最多. 但做功課速度好慢, 到現在都是一樣. 我跟他說數萬次不要看那麼長時間電視, 如何正確安排做功課時間. 第二天佢好些, 可惜過了數天又回復原樣. 有時都覺得自己好長氣, 好煩. 我每晚都檢查他的功課和幫他溫習和默書. 大約10:30左右上床.

現在 F1功課更多, 做到11點至12點幾. 有時一早6:00起床再做. 初上F1時我會每天檢查他是否完成功課, 但不會仔細查看內容. 不過現在沒有天天查他的功課, 讓他自己學習負責任. 只有間中抽查. 現在學校用IPAD, 他日日回家看YOUTUBE觀看其他人打遊戲機或者講電話直至我放工回來約7點多才偷偷開始做功課. 由於這原因, 做到很夜, 甚至做不完. 我罵數百次和分析利弊. 第二三天會有些好的改善. 過一段時間又開始懶惰起來.

不過我明白每天上課都辛苦. 有時我都學習忍耐, 多跟他說道理. 當他開始懶散時, 再提醒佢, 不停跟他說教. 希望日後他不段改善做功課態度! 沒有它法了!!!!

我想每个小孩都有差不多這樣的階段. 做父母只有不停說教. 最重要不要那麼早買智能手機給他/她們和放任他/她打電子遊戲, 才得有改善機會. 這是我个人看法.



私人傳訊

JessicaElla


男爵府

積分: 5651


3#
發表於 15-3-24 16:27 |只看該作者
這個問題我可能在不久將來也要面對. 女兒現小六, 放學回家吃點東西洗過澡便會開始做功課, 我下班回家吃過飯再檢查, 一般10:30前可以搞定.

但我計劃女兒升中後便不請工人了, 因確實沒需要, 省回4000元給女兒補習更化算, 但怕她升中之後多課外活動, 又因沒姐姐接放學便不立即回家, 日常生活模式改變了, 可能女兒連性格也會轉變, 變懶了, 到時功課一拖再拖.......

不是杞人憂天, 確實有太多這樣的例子, 憂心中!
私人傳訊

MariaTsui


水晶宮

積分: 60586


4#
發表於 15-3-24 16:46 |只看該作者

回覆：怎可提高孩子做功課的主動性？

可能我是ftm，哥哥，妹妹從沒有參加功課輔導班，從小回家茶點後就做功課，到P4時，就開始不檢查功課，現在哥哥F1，妹妹P5，雖然成績不算優異，但都過得去，最重要是培養自動自覺做功課的習慣。

點評

vanessamom    發表於 15-3-27 07:23

私人傳訊

maggielau0705


珍珠宮

積分: 41784

好媽媽勳章


5#
發表於 15-3-24 18:29 |只看該作者

回覆：怎可提高孩子做功課的主動性？

我全完冇檢查功課！全程自己做！一定不能過11:00,否則我會收起唔比做，曾經試過拖慢黎做，hea做，我撕左份功課，亦試過連功課書包掉出街！所以而家都keep住快做，認真做！除非我見真係特別多功課就比長D時間！做完功課係自由時間！默書冇陪溫冇同佢默！佢自己搞掂，因為一年班開始時同佢溫同佢默就喊，喊足3個月，又鬧交。商量傾好佢話自己溫，我唔 干涉， 協議不能低過70份！從此佢就自己唔知用咩時間去溫，返黎成績ok，我就再冇理！


私人傳訊

波波太太


別墅

積分: 798


6#
發表於 15-3-26 14:16 |只看該作者

回覆：怎可提高孩子做功課的主動性？

謝謝大家的分享和意見。

其實我都好想放手不替他檢查功課，我這大兒子有專注力不足/過度活躍症(ADHD)，做功課默書測驗評估都大意到不得了！我又是一個極小心眼的人，往往睇唔過眼他錯漏百出！他又不甚願意去改正，我都調節了，對錯我不和他檢查了，只檢查他是否做齊，錯了就留待老師去批改着他去改正。打電話回家也不管用，他只敷衍着；總覺每天的時間都不夠用，我放工回到家就只可以喝到一杯水和上到一次厠所！他的性格總是得過且過，他有空間可以做得更好，奈何他只願付出最少，足夠應付學校便算！我和他的性格好相反所以我常常都睇唔過眼，唔放過佢亦唔放過自己😥生活蹦得很緊。

究竟我係咪應該送返佢回補習社？我不想每天回到家就鬧鬧鬧鬧鬧，唔想大家的關係咁差，但我真的很渴望他能獨立和成長。
私人傳訊

maggielau0705


珍珠宮

積分: 41784

好媽媽勳章


7#
發表於 15-3-26 16:20 |只看該作者

引用：謝謝大家的分享和意見。其實我都好想放手不

原帖由 波波太太 於 15-03-26 發表
謝謝大家的分享和意見。

其實我都好想放手不替他檢查功課，我這大兒子有專注力不足/過度活躍症(ADHD)，做 ...
我囡也是有過度活躍症及專注力不足，返學有食藥架！不過只係平時我湊佢，亦冇放她自己去補習社！我有找姐姐幫她溫習，但只是一星期2次，1次1.5hrs,1次1hr..其實好睇每個小朋友性格！我囡樣樣都滿有自信，所以有功課唔靚，冇拎A,甲佢自己就唔開心，所以佢對自己有要求先著緊自己D野，也會間中發夢發呆！


私人傳訊

洋蔥頭媽咪


水晶宮

積分: 50899

母親節2025勳章 2025勳章 2025勳章蛇年勳章 2024年龍年勳章 2018復活節勳章 畀面勳章 BK Milk勳章


8#
發表於 15-3-26 19:02 |只看該作者

引用：小兒四年級，由一年級開始一放學便到補習社

原帖由 波波太太 於 15-03-24 發表
小兒四年級，由一年級開始一放學便到補習社做功課溫習，算是做齊哂，回家只是看看有沒有做齊和溫溫書便可以 ...
其實培養孩子自律，自己的事自己負責要從小就成習慣先得，高小開始進入另一新階段，課程深功課多，亦要做好呈分準備，你呢個時間先黎放鬆實在不智，唔係嚇你，比佢hea 開睇怕一定 hea 到上中學，中學其實相當重要，唔比心機考好呈分入唔倒好中學你真係有排煩。
你提到以往兒子有補習成績亦不好，你所指補習是否指功課班？如是你對功課班期望似乎太大，處理功課其實只係最基本嘅野，如果孩子連處理功課都不理想，你能期望佢成績可以好嗎？小四仲有得追，與孩子頃頃共同找出改善方法，賞罰要分明，多鼓勵，弱科選擇專科補習，小朋友都願意改善，效果才能明顯。否則皇帝唔急太監急，神仙都難救。Good Luck！
私人傳訊

波波太太


別墅

積分: 798


9#
發表於 15-3-27 09:33 |只看該作者

引用：Quote:原帖由 波波太太 於 15-03-24 發表小

原帖由 洋蔥頭媽咪 於 15-03-26 發表
其實培養孩子自律，自己的事自己負責要從小就成習慣先得，高小開始進入另一新階段，課程深功課多，亦要做好 ...
洋蔥頭媽媽，真的謝謝你的意見。

其實我很茅盾，我不想見到他在補習社(做功課)這麼長時間這麼辛苦，但又不願他的成績繼續差下去。你說得沒錯，我這個太監真的要和他好好傾下，如果他沒向上的心我真的做什麼也沒有用。今天就著手替他找專科補習。

真的感謝你。
私人傳訊

洋蔥頭媽咪


水晶宮

積分: 50899

母親節2025勳章 2025勳章 2025勳章蛇年勳章 2024年龍年勳章 2018復活節勳章 畀面勳章 BK Milk勳章


10#
發表於 15-3-27 19:29 |只看該作者

引用：Quote:原帖由 洋蔥頭媽咪 於 15-03-26 發表

原帖由 波波太太 於 15-03-27 發表
洋蔥頭媽媽，真的謝謝你的意見。

其實我很茅盾，我不想見到他在補習社(做功課)這麼長時間這麼辛苦，但又不 ...
唔駛客氣，只係比一點意見希望對你們有所幫助。恕直言，其實你囝囝有ADHD ，想要佢坐定定自律地完成功課，可能對佢有少許難度，佢晚飯後又急急去做，亦証明佢並非唔想交，並非全無責任感，佢以往都要返功課輔導，習慣了有人督促，一下子自由放鬆，可能係未懂得善用時間，家長須要適當地引導佢，同佢頃下一同制定時間表，了解佢多d先，問問佢回家有甚麼電視節目好看？eg. 如果3點半至4點半有卡通片時段佢想睇，就同佢約好可以睇到4點半，夠鐘就要關電視做功課，兩小時內完成，同佢一齊定個時間表，買個計時器教佢提醒自己，亦要工人協助執行，同小朋友約定只要佢自律去做，晚上你會陪佢玩，可以做佢想做嘅事，擁抱下佢同佢頃番明白佢返左全日學好累，但如果因處理功課令自己做到太夜，佢自己都辛苦媽媽亦唔開心，問佢想唔想改變？定想返回功課班？只要佢做得到，你就要讚賞佢，對佢承諾亦要對現，有時小朋友要得到鼓勵同支持，才會盡力去做，多溝通，少責罵，要引導佢明白讀書係為自己將來。但如果佢真的冇法管理好自己，唯有番功課班或者請個姐姐補習睇功課。
平日時間不足，如專科補習建議可以安排響星期六，孩子冇平日咁疲累，吸收都會好d。 加油！
私人傳訊


首頁
1

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2025 Baby-Kingdom.com Limited. | Privacy Policy