夫婦情感今日: 12|主題: 42762

收藏本版

發帖

返回列表

跳至頁

查看: 683 | 回覆: 5

發夢夢見激氣到鬧c6 [複製鏈接]

myki

男爵府

積分: 6005

1^#

發表於 15-4-30 12:28 |只看該作者 |倒序瀏覽 |打印

每逢佢放假我返工0既日子, 我放工買完餸一開門就會見到佢有佢灘0係張sofa度打機, 阿仔就玩佢部手機(阿仔22個月大). 永冇主動幫手做家務, 阿仔d奶粉尿片濕巾衫褲鞋襪食得唔食得0既野唔會幫手去買, 屋企日用品就黎冇廁紙都唔會去幫手買. 老馮咩都係我去買. 叫佢幫手做家務就踢一踢郁一郁好多時仲黑面. 平時我負責煮飯佢負責洗碗, 我放假佢放工返黎見佢累我會洗埋碗. 我放假就猛做猛做洗衫拖地吸塵換床單煮飯照顧個仔, 佢放假就打機睇電視, 佢工作壓力大要娛樂減壓, 咁我呢?? 尋晚返到屋企又係咁, 叫佢收衫, 唔記得, 返到黎叫返佢收, 我去煮飯佢收完衫繼續打機. 我煮完飯執阿仔d衫去洗之後先食飯. 食完飯切埋橙大家食之後就同阿仔沖涼佢洗碗, 阿仔沖完涼d衫洗完, 我氹阿仔訓已經十一點, 我仲未沖涼第二朝仲要一早起身煮定飯仔俾佢晏晝餵個仔食(佢放假). 佢仲0係度打機唔會幫手掠衫, 我好嬲咁叫佢掠衫. 真係好嬲, 我會體諒佢工作辛苦我放假洗埋碗, 打機減壓冇問題但係唔好好似癱0既咁成日灘係張sofa度得兩隻手指識郁咁0Y. 我又返工又做家務又去買屋企阿仔野又要照顧個仔我夠辛苦啦, 佢同佢老豆一樣, 只知自己辛苦, 永冇體諒個老婆辛苦, 永冇感激老婆為頭家0既付出.
嬲到發夢夢見我0係度洗碗佢0係度打機我忍唔住發癲咁鬧佢.