懷孕前後 今日: 0 | 主題: 330532

積分: 1762

1^#

發表於 08-6-21 02:58 |只看該作者 |倒序瀏覽 |打印

我好唔開心呀...
仲有10日就生bb喇, 琴晚訓覺前, 我同老公講, '如果我生bb時候, 有乜事生死左, 你應承我每年帶佢番香港俾我屋企人睇下得唔得呀?'
佢話, '下? 每年番...'
跟住我話每年一次都唔係多jel...
然後佢就180度講完全唔一樣野喇 '你想死就自己去死啦!! 講埋d咁o既野!'
我即喊... 話邊有人想死ga...
我喊唔停, 佢就顯得好唔耐煩, 跟住仲走去第二間房訓...
今日成日都發我脾氣, 好似我做錯左野咁....
唉........ 點解我最需要人支持o既時候, 佢仲反而咁樣佢我呢?

[ 本文章最後由 yanyanyan888 於 08-6-21 02:59 編輯 ]

0 0 0

私人傳訊

kelok

禁止訪問

積分: 19195

好媽媽勳章陪月勳章

2^#

發表於 08-6-21 06:27 |只看該作者

提示: 作者被禁止或刪除內容自動屏蔽

私人傳訊

積分: 535

3^#

發表於 08-6-21 06:46 |只看該作者

唔好咁唔開心, 我都係人哋老公. 你老公可能都好緊張, 有d產前抑鬱都唔定.

我亞B而家9個月, 回想佢出世前, 真係好緊張, 壓力好大, 自己係男人又唔知點表達出嚟. 又唔敢同老婆講, 怕增加佢壓力; d同事朋友見我咁, 只有話做老豆係咁, 慢慢會慣, 有事記得搵佢地傾.

如果遇到你咁嘅情況, 我自己都未攪得掂, 又眼瞓, 老婆仲同我講d咁唔吉利嘅嘢, 一時間都未必有好反應. 男人係眼瞓嘅時候係最可怕嘅. 你都係唔好諗咁多, 費事影響BB啦.

一個結婚, 一個生BB, 兩個都係考驗兩個人關係嘅難關. 第一關你過咗, 要有信心過埋下一關. 兩個人之間無經歷, 第時邊有嘢可以同兒孫分享. 放開d, 生咗BB大把嘢你煩, 呢d轉頭唔記得啦.

原文章由 yanyanyan888 於 08-6-21 02:58 發表
我好唔開心呀...
仲有10日就生bb喇, 琴晚訓覺前, 我同老公講, '如果我生bb時候, 有乜事生死左, 你應承我每年帶佢番香港俾我屋企人睇下得唔得呀?'
佢話, '下? 每年番...'
跟住我話每年一次都唔係多jel...
然後佢就18 ...

私人傳訊

smartlulu

積分: 1181

4^#

發表於 08-6-21 10:15 |只看該作者

唔好諗埋D咁嘅嘢啦~我都好明白呢個時候會唔知點解諗會埋一邊,但係可能你先生都有佢自己嘅壓力,而且好多時D男人都會用錯方法表達自己ga.

私人傳訊

CLK-MB

伯爵府

積分: 16090

5^#

發表於 08-6-21 11:38 |只看該作者

.owen 爸爸講得岩..男人好多時都係咁..又唔識表達自己..
我老公係我臨生前都係咁呀..有dd 坐立不安咁..但我成日對住佢..所以都唔係太覺. 係d 朋友見完佢之後就同我講: 你老公好似好緊張喎...
跟住再同佢傾下..佢話因為係一個新生命要依賴佢..所以佢點都有d 緊張..又怕唔識handle bb..咁我同佢傾下..最主要大家要互相 support..第一胎嘛..大家都係好多野唔識.
relax d..bb 出世後..兩公婆都要互相體諒同關心..咁就無事架喇.

私人傳訊

積分: 535

6^#

發表於 08-6-21 11:59 |只看該作者

係呀, 我o個陣時換好衫等入手術室o個廿幾分鐘, 足足好似等咗幾個鐘咁耐, 又驚老婆係手術室有事, 又驚亞B有事, 最驚生咗唔記得叫我, 對住架DV自言自語, 俾人見到都嚇死人 (不過條片都冇俾人睇過, 留番激親老婆做秘密武器).

男人擔心, 驚, 係唔識兼唔好意思同人分享. 唔好太上心就得.

私人傳訊

CLK-MB

伯爵府

積分: 16090

7^#

發表於 08-6-21 12:50 |只看該作者

原文章由 colinhoc 於 08-6-21 11:59 發表
係呀, 我o個陣時換好衫等入手術室o個廿幾分鐘, 足足好似等咗幾個鐘咁耐, 又驚老婆係手術室有事, 又驚亞B有事, 最驚生咗唔記得叫我, 對住架DV自言自語, 俾人見到都嚇死人 (不過條片都冇俾人睇過, 留番激親老婆做秘密 ...

你有呢d 秘密武器係手..有d 咩激親老婆, 比佢睇完都唔會再嬲喇..

係囉..未生前就唔知點好..兩頭騰..生完見到個B就剩係識笑...男人都係咁架喇.

私人傳訊

積分: 535

8^#

發表於 08-6-21 13:07 |只看該作者

係咁o架啦.

o個時個婦科醫生見到我不知所措 (因為本身都係我朋友), 都同我講話男人同BBd感情出咗世先開始培養, 唔同媽媽. 佢仲話係佢老公(另一個專科醫生) 講佢聽.

我開頭一直都想生個女, 知道係仔, 開始都有小小唔開心. 點知亞B成個女樣 (似媽媽), 又鬼咁嗲, 又鐘意同我玩, 重開心過有個女.

所以唔好以為c6說話唔好聽, 就係唔鍚你同BB, 好可能佢唔識表達或者未適應.

私人傳訊

elmamama

積分: 4945

9^#

發表於 08-6-21 18:40 |只看該作者

因為第一胎, 我相信你老公都很緊張架. 佢係唔知點做, 所以先逃避下, 去另一間房....

你也不要發脾氣及胡思亂想啦, 因為懷孕會令人想埋一邊, 我第一胎事也是這樣, 其實幾痛苦及身邊的人也不好過.

bb 快要出世了, 準備好出世要用d 野未, 你自己坐月又要準備, 想定到時食d 咩, 用d 咩, 計劃定仲好啦

私人傳訊

yanyanyan888

積分: 1762

10^#

發表於 08-6-22 00:36 |只看該作者

多謝晒你地呀... 睇完d post個人都輕鬆左...
我無發過脾氣呀, 只係佢到宜家都唔睬我jel.. (2日lu...)

佢又係好似owen爸爸, 想要個女, 不過照到係仔, 佢都有d唔開心.. 希望佢出左世之後, 好似owen bb咁, tum得佢開開心心就好喇 : )

私人傳訊

積分: 535

11^#

發表於 08-6-22 01:01 |只看該作者

你俾多少少耐性, 男人培養感情要俾多d時間.

Owen九個月, 我d心情都好似坐過山車o架.

開頭個半月, 佢90%係我照顧嘅 (因為我放兩個月假), 佢無咗我唔得.

之後o個一個月, 我同老婆兩個佢都跟, 不過就無咁"鍾意"我.

之後o個幾個月, 直頭唔使我, 我都唔知幾Down.

最近o個個幾月, 開始有番d默契, 每日有兩段"BaBa Time". 分別係晨早7:00至9:00 (我有15-30分鐘同佢行公園), 及晚上放工至9:00 (要我陪佢玩, 如果唔係佢會發脾氣同喊).

過程都痛苦o架, 不過宜家又樂得清閒, 爬吓討論區.

私人傳訊

Toby仔

複式洋房

積分: 303

12^#

發表於 08-6-22 01:34 |只看該作者

你唔好唔開心啦,睇完你個post我都有感而發!
我仲有幾日到預產期啦,我老公都仲係成日去睇波同朋友飲酒,我成日得自己一個係屋企,真係好驚半夜生得,我心理壓力好大,同佢傾佢又話我管佢唔比自由佢wor,唉.....有一晚肚痛打比佢6-7次都唔聽呀,最後過左3個字先打黎問咩事,佢仲話即刻番黎陪我去醫院,點知我等左佢一個鐘佢都仲未番到,再打比佢佢竟然仲係旺角搵緊8折的士番黎藍田呀,低能架!
我最後個肚由好痛變到唔痛啦,佢番到黎仲話我講大話呃佢番黎,我無晒野講........
我到宜家個心仲痛緊!做女人真係命苦!

私人傳訊

積分: 535

13^#

發表於 08-6-22 10:16 |只看該作者

Toby仔, 你唔駛唔開心.

我老婆第一次False Alarm我係公司開緊OT, 因為要清埋d手尾放假陪產, o個時夜晚9點幾, 佢話俾我聽好痛, 我即刻走, 一路行一路打俾朋友, 低能到的士唔坐走去坐地鐵都係咁啦.

講真, 你驚佢都驚, 大家都係新手. 你唔好期望個男人同你講佢好驚, 有壓力, 要同朋友吹下水分散下d注意力. 好多男人(包括我)遇到一d解決唔到嘅問題/唔知點解決嘅問題, 都係避, 等情況變.

佢話你, 主要都係佢自己都不知所措姐. 唔好太上心.

我老婆痛咗連續三日, 每日響一次警報, 響都我最後都唔知幾鎮定, 識得叫管理處幫我搵定的士, 老定到幾乎唔記得Call醫生 (因為之前兩日已經Call過兩次, 仲要係朋友).

各位準媽媽, 最緊要係放鬆心情, 你地肩負著培育人類下一代嘅偉大使命, 好偉大o架.

原文章由 Toby仔 於 08-6-22 01:34 發表
你唔好唔開心啦,睇完你個post我都有感而發!
我仲有幾日到預產期啦,我老公都仲係成日去睇波同朋友飲酒,我成日得自己一個係屋企,真係好驚半夜生得,我心理壓力好大,同佢傾佢又話我管佢唔比自由佢wor,唉.....有一晚肚痛 ...

私人傳訊

yanyanyan888