終於有機會分享。
我於2013年中開始嘗試懷孕，結婚前有做過驗身，我正常，老公精子較弱，當時認為因為攪結婚買樓多方面壓力而有影響，所以無理。直至2013年尾就開始心急，再次驗身，老公精子情況更差，而我就驗到有子宮內膜異位，子宮肌瘤，當時心下一沉。但都不斷嘗試（蠔皇素/滴雞精/紅d/介凍飲/老公介煙/轉體位⋯）只要係 forum 出現過嘅都有試過，最後排埋政府不育。
到2014年3月，我再睇婦科，就話我有畸胎瘤，要做微創手術，當時已經開始對懷孕半放棄，但身體要緊，手術照做，醫生話手術後3-4個 cycle 可再嘗試懷孕，如是者，一直都無消息，到2014年尾到我老公再驗精（家計會）話佢陰囊靜脈曲張，血管粗，溫度就高，就影響精子質素。最後又建議做手術。
到了2015年，我地年頭去左兩次旅行，結果 made in japan 😁😁 小 b 宜家23週，11月尾預產。
在此想鼓勵一下各位等 bingo 嘅jm , 總有一日到你地。同埋，想提醒一下，我當時發現畸胎瘤，其實只是3個月唔夠嘅時間個瘤由無到一見到已經3.4 cm ,我唔肯定會唔會係滴雞精激素太勁，令個瘤咁快大，但自己認為都有關係。所以心急之餘，都要小心過份吹谷。
發表於 
返回列表
