烹飪搵食今日: 1|主題: 139196

收藏本版

發帖

返回列表

跳至頁

查看: 1111 | 回覆: 4

[搵食推介] 直播淘寶買貨架, 送到香港還要再收提貨登記費+各種費用 [複製鏈接]

hksun1102

複式洋房

積分: 272

1^#

發表於 15-4-25 17:20 |只看該作者 |倒序瀏覽 |打印

在淘寶買個120cm(長) x 40cm(寬) x 200cm(高), 每層承重100公斤的輕型貨架, 賣家喺廣州發貨, 貨價230元人仔, 預付送過嚟香港運費100元人仔, 或者再加120元人仔送貨上門. 再沒有其他收費, 提貨地點係葵涌. 我哋以為提貨地點係葵涌的工廠大廈, 計下數:1.如果送去葵涌貨倉自取, 港紙總數係: (230+100)/0.8 + 80(一程van仔送來九龍)=493
2.如果送貨上門, 港紙總數係: (230+100+120)/0.8=563
3.如果我搵另一間在廣州有分部的中港貨運, 叫賣家送去廣州的接收地(送廣州本地免運費), 再送過來香港送貨上門運費係港紙270元(300元一立方). 連同貨價, 合共: 230/0.8+270=558

如果係第3個, 運費幾乎等於貨價, 好貴, 如果係咁貴我唔會買. 但如果係第一個, 就可以考慮. 所以揀左第一個, 去葵涌貨倉自取. 點知麻煩來了.
24日晚6:20, 葵涌貨倉葉小姐打來話貨架到了, 你哋今晚得唔得閒過來攞? 我話因為件貨重(約55公斤), 要再搵個朋友過去, 明早過來攞. 她報地址, 原來係葵涌一號貨櫃碼頭停車場裡面. 我確認一下到時取貨時毋須再俾錢係咪? 佢話單上寫有40元, 你等等. 等一陣佢返嚟話40元唔使俾, 但要俾50元提貨登記費. 我話賣家講過唔使再俾錢嘅喎, 依家件貨運到先通知我要再俾錢, 好唔fair, 佢話第二日再打俾我.

當晚9:30, 一個男人打嚟, 第一句問:"你係咪今晚嚟攞件貨走?" 我十分驚愕, 話仲有錢銀爭拗, 葉小姐唔係話去溝通下, 第二日再打俾我咩? 個男人扮到咩都唔知咁, 問葉小姐講左啲咩? 我又要將件事重新講一次. 然後佢話:"嗰40元已經豁免左, 呢50元係我哋自已收, 個個來攞件都要俾嫁." 於是我同佢又就"豁免什麼40元""50元要收的話係咪應該係付款俾賣家前一早告知"呢兩個問題講一輪, 然後佢話:"咁你咪等葉小姐明日電話囉."

我哋聯絡賣家, 佢話物流已收工, 等明日再跟進.

谷住條氣, 上google search左幾個鍾的資料. 但冇乜收穫.

25日大約早上10點, 一個女人打來, 第一句又問:"你係咪今日嚟攞件貨走?" 我再次驚愕, 話你昨晚唔係應承左今日答覆咩? 佢話佢係宋小姐, 昨晚唔係佢同我講, 又扮到咩都唔知咁, 問昨晚係邊個同我講, 我話係葉小姐. 然後佢就忽然間咩都知道曬, 開口就奚落:"嗰40元係內地運費, 你都知內地運過來冇可能係40元咁平啦係咪". 我話乜嘢40元, 我俾左賣家係100元. 究竟賣家交俾你哋係40定100. 佢話咁我唔知啦, 你咪打俾賣家問囉 (好蠱惑, 難道運單上除左註明內地運費, 就冇註明香港運費?) 我話冇理由俾哂錢件貨運到先嚟通知加錢, 唔通你巧立名目, 想點加就點加, 我唔需要提早知? 佢馬上又加多樣費用, 仲有停車場入閘費30元(一定要俾, 因為貨櫃碼頭外唔俾停車). 如果由佢哋送貨上門就240元, 包括左提貨登記費50元及停車場入閘費30元. 又話其他物流公司收的提貨登記費係80元. 言下之意佢哋已經好老實.

賣家用內地手機打嚟話可以退50元提貨登記費入支付寶, 我問究竟你係俾幾錢運費俾物流, 點解佢哋成日同我提40元? 佢話係90-100元(我估係90元).

為呢件事又谷氣又徙時間, 最終的運費比以上第3個更貴. 而且貨倉公司十分蠱惑, 我無法得知究竟係佢哋呃左賣家, 還是賣家一早知各樣收費, 呃左我哋?

究竟仲要唔要件貨, 真係唔想見到呢間物流公司!!