| |||||||||||
| |||||||||||
現年27歲嘅前港姐冠軍朱晨麗，早前被爆同一曲哭腔《儍女》人氣急升嘅李逸朗（Don）快速撻著，仲被影到佢哋去阿Don位於寶林邨公屋單位短敍，爆出新戀情後，朱晨麗只表示：「多謝大家的關心，一切還在觀察中，如果要形容我們現在的關係，兩個字：閨蜜。」未有同阿Don斬攬!
不過，今日有周刊指，朱晨麗同李逸朗呢對「閨蜜」只係煙幕，更爆朱晨麗近日忽然富貴，疑有老闆殼王陳國強睇住。據知人2011年參選港姐奪冠嘅朱晨麗，由蘇州初嚟香港，只係住喺劏房，獲選後搬去將軍澳日出康城，最近就搬去月租15萬嘅金鐘太古廣場栢舍服務式住宅。
有傳朱晨麗為咗方便返工，同畀現居內地嘅屋企人嚟香港有地方住，佢仲租埋每月2萬5租嘅將軍澳天晉，又有傳朱晨麗用咗7百萬買將軍澳The Parkside一個高層兩房單位嘅樓花，已經喺今個月畀晒錢，聽聞朱晨麗月薪得萬五蚊，喺短短一年就忽然「暴發」，該報道就指，佢有個神秘富貴男友喺身邊，當然唔係講緊緋聞男友阿Don喇!
報道又指，朱晨麗升呢做「有米」人士喺13年10月《衝上雲霄2》慶功宴開始，當時朱晨麗喺套劇中係做「大茄」，但就無啦啦被欽點坐「主家席」，坐佢身邊嗰個仲係殼王陳國強，兩人唔止傾偈，殼王仲不時望到實，據知就係呢一望，令唔少無綫一眾高層好錫住朱晨麗，將佢由四線閒角谷上二線，不過朱晨麗拍完處女劇《名媛望族》後，即被網民喪插演技唔多掂，又被貶落三、四線角色，但朱晨麗嘅「荷包」竟然冇縮水。
今年4月初，朱晨麗仲去咗歐洲玩咗七日，單拖出發嘅朱晨麗喺香港坐頭等去巴黎，一張單程機票都成9萬蚊，去巴黎玩咗3日就過咗去倫敦，行程都幾趕，一落機就見朱晨麗買到全身歐洲名牌，孭8萬幾蚊嘅Hermes Kelly Bag，掃咗成四喼戰利品返嚟，真係幾豪爽!排場仲似足闊太，大台出糧萬五，朱晨麗每月都可以洗凸成廿倍，每月支出約36萬元，唔係有秘富貴男友射住，唔通佢係識變「錢」? 
 喺《衝上雲霄2》角色，真係唔太起眼! |  平時只係演三、四線角色。 |  出席公司活動，佢都玩得幾瞓身! |
發表於 
為左向上爬你會去到幾盡呢~
扮法拉
返回列表
