吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 少年成長› 大家可否幫我想想？

少年成長今日: 2|主題: 16055

收藏本版

發帖

返回列表

跳至頁

查看: 1039 | 回覆: 6

大家可否幫我想想？ [複製鏈接]

mntabo

大宅

積分: 4552

1^#

發表於 15-5-8 22:16 |只看該作者 |倒序瀏覽 |打印

背景
仔4歲k1上午班,女1.5歲九月讀pn上午班
現和老公各有工作，各月入五萬，朝九晚七點回到家
而家有一個工人照顧兩個細路

我個仔近呢半年脾氣好差，佢個人自兩歲開始情緒化大脾氣，阿妹出世後又妒忌。而家日日中午放學回家都發脾氣，食飯食一個鐘都食唔完，收飯佢又大叫大喊，唔做功課要我地回家陪佢做，如阿妹取佢d玩具玩或碰到又會打阿妹，成日係電話話叫媽媽唔好返工，唔鍾意媽媽返工要返來陪佢玩。
個工人原本好錫佢，但自佢情緒化後開始唔鍾意佢，加上細女出世要多些照顧細又得意，工人都唔識處理佢情緒。同阿仔傾過好多次，賞又有罰又有都無改善，我更驚個妹有樣學樣。但阿仔都仲聽我同先生講的。

來緊六月舊工人做左近五年因菲律賓有事而辭職，請緊新工人

我考慮自己會唔會轉半職，多點時間處理阿仔情緒，同埋教佢同妹妹相處，跟功課。之前工人約滿放假暑假我自己一湊二3個星期，大仔明顯乖好多，做個小幫手。

但收入少左二萬五，得返7.5萬，屋企開支好大，供樓，小朋友私校學費+1-2個興趣班，工人，水電煤，我阿媽家用，將來唔肯定有無機會轉返全職，同埋，若而家轉半職，將來佢地小學功課甘緊張，無可能轉返全職

比我你地會點？

0 0 0

私人傳訊

bitofpeace

別墅

積分: 714

2^#

發表於 15-5-8 22:59 |只看該作者

回覆：大家可否幫我想想？

7.5萬可cover每月開支嗎？如ok，我會轉半職。
如不能cover每月開支，我會睇下邊度可縮減洗費，有可能的話都會轉半職。
當然最重要的是你老公支持你的決定。

私人傳訊

fafafac9

大宅

積分: 1386

3^#

發表於 15-5-9 10:26 |只看該作者

回覆：mntabo 的帖子

我原本都係返全日，放完產假後開始轉半職，收入係少左，但我覺得值嘅！
做父母想將最好嘅比仔女，最好嘅學校，最好嘅技能（興趣班）
但其實對佢地最好嘅係媽媽嘅陪伴，仔仔已經開到聲想要媽媽，點解要忽視佢呢個需要？
開支大無得開源可以節流，學少樣興趣班唔會影響前途，但性格扭曲左就一世
我係幼稚園老師，睇到好多實例，勸你考慮清楚，同老公商量下！

私人傳訊

yannietimb

大宅

積分: 1447

4^#

發表於 15-5-10 00:23 |只看該作者

回覆：大家可否幫我想想？

仔女緊要定錢緊要，其實很容易決定，讀私幼返好多興趣班。。。幾叻又點呢？小朋友是否開心才重要呢！

私人傳訊

reinbo

別墅

積分: 724

5^#

發表於 15-5-11 18:48 |只看該作者

回覆：大家可否幫我想想？

屋企各樣都安排到，轉半職當然好，可以自己照顧番小朋友。

仔的情緒問題，似想引大人的注意及關心，可能佢覺得細妹出世，分享了大人對他的愛及關注。

但，真的要考慮清楚。

1）你先生是否支持你轉半職？

2）你同先生的人工相約，現在的家庭支出可能是各佔一半。當你轉半職後，支出比例，是否已有共識？

3）是否有足夠的家庭儲備？

4）有無計算過基本家庭開支，當收入減少後，每月是否有餘錢？

5）新工人有否能力一湊二？如不能，你都未必能繼續番全職。

6）轉半職後的返工、放工時間如何，能否配合到小朋友的返學、放學時間？

7）將來，小朋友返小學後，未必能轉番全職，那估計將來會否有其他更大的開支？例如：小學讀私校、學更多的興趣班、換樓、家中長者的家用等等。