吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 少年成長› 分享故事訓練11個月大bb夜晚自己瞓 (勁長篇） ...

少年成長今日: 2|主題: 16015

收藏本版

發帖

返回列表

跳至頁

查看: 2342 | 回覆: 14

分享故事訓練11個月大bb夜晚自己瞓 (勁長篇） [複製鏈接]

william528

複式洋房

積分: 407

1^#

發表於 15-5-9 15:00 |只看該作者 |倒序瀏覽 |打印

分享故事訓練11個月大bb夜晚自己瞓

Bb同我兩公婆一齊瞓，老公有鼻寒，bb又易醒，平均每1.5個鐘左右醒一醒，要氹好耐先瞓得番，跟住又醒。（bb飲奶粉，瞓前飲飽奶，半夜醒左餵佢飲都唔飲，所以佢唔係肚餓）

如是這，我兩公婆長期睡眠不足，開始躁底，為小事鬧交。長期睡眠不足，我係全職媽媽，日日對住個bb我亦開始崩潰，於是參考左好多書, 外國網站資料，兒科醫生建議，同supernanny video，然後決定訓練bb自己瞓自己床。

一開始用無痛法，係放低bb晌bb床，自己晌佢隔離用手安撫佢既辦法，試左幾日，完全無效。（方法可以google \"train baby sleep\" 之類，會有好多）

後來轉用crying control （Cry It Out)方法。（我有朋友試左，佢三日成功）（方法google就搵到）

開始試，我放佢入自己房，自己張bb床到。（我有用嬰兒監視器睇實）但佢喊極都係喊，仲要放佢落床無耐就嘔奶，臨瞓前飲個支奶全部嘔晒出黎，我唯有抱佢出黎，換床鋪，清潔。搞一大輪，又驚會餓，再餵番佢飲奶，再放番落床試，搞成3個鐘先瞓著。半夜醒左，又用同樣方法（但冇餵奶），搞左兩個鐘先再瞓番。

試左幾日，發現佢每晚放落床都嘔，嚇到我以為佢有咩病。於是我上網睇，原來有bb係會特登令自己嘔，企圖用呢個方法吸引媽媽注意。我亦去左問兒科醫生，問左兩個，都話叫我唔使緊張，話bb嘔完清理好再放番佢落床就得，仲鼓勵我要堅持到底。繼續試，bb亦愈嘔愈叻，佢可以晌我放佢落床個下（我雙手仲抱住佢時）就對住我塊面噴奶。我老公一早已經冇眼睇，只係會晌出面等佢嘔完幫手入房清潔。

至於半夜，通常佢三次左右，一開始我會抱佢瞓，抱半個鐘到佢會自己瞓番，後來決定由佢喊一陣，喊超過20分鐘至去抱佢。我慢慢5分鐘咁加上去，最耐喊超過40分鐘先去抱佢。佢有時佢喊十至十五分鐘就自己瞓番，有時五分鐘，時間不定。我隔住個監視器觀察佢，會等佢瞓番，我先再瞓。

呢兩星期作為媽媽既我，心力交瘁，佢晌房喊我晌廳喊，但我知道如果呢個問題唔解決，就會引生更多問題，所以一直無放棄。兩星期之後，奇蹟就發生了。我照平時咁放佢落床，佢好安靜，無喊，我熄燈關房間。晌客廳觀察佢，佢好快就瞓左。我同老公都覺得好不可思議，完全唔敢相信佢瞓左，仲好驚佢係咪有事暈左定點（嬰兒監視器到睇到佢係瞓左既）。我地20分鐘之後開門入去檢查下，佢真係瞓左，而且佢半夜唔再醒，一瞓就12個鐘。第二日，第三日，第四日........佢每晚都會自己連續瞓到11-12個鐘。所以，只要堅持到底，革命總會成功✌🏾

0 0 0

私人傳訊

cherry_ng_

大宅

積分: 4185

減齡達人勳章

2^#

發表於 15-5-9 22:21 |只看該作者

回覆：william528 的帖子

好叻呀！

私人傳訊

pandaforever

伯爵府

積分: 15708

3^#

發表於 15-5-9 22:24 |只看該作者

回覆：分享故事訓練11個月大bb夜晚自己瞓 (勁長篇）

你好叻呀!

私人傳訊

家肥

複式洋房

積分: 268

4^#

發表於 15-5-10 23:46 |只看該作者

回覆：william528 的帖子

學到野！
你睇資料時有無話幾大開始可訓練？
我兩公婆都要返工，到時出左世好擔心大家都無得訓！

私人傳訊

william528

複式洋房

積分: 407

5^#

發表於 15-5-11 08:43 |只看該作者

回覆：分享故事訓練11個月大bb夜晚自己瞓 (勁長篇）

其實出世第一日已經可以😅我識人生孖胎，出院番屋企之後已經瞓自己床自己間房，個時我大肚但未生，覺得都好驚訝。佢地阿媽話，間屋唔係大，佢地喊就聽到。

私人傳訊

AJIM

男爵府

積分: 6402

6^#

發表於 15-5-11 10:52 |只看該作者

william528 發表於 15-5-9 15:00
分享故事訓練11個月大bb夜晚自己瞓

Bb同我兩公婆一齊瞓，老公有鼻寒，bb又易醒，平均每1.5個鐘左右醒一醒 ...

其實出世第一日就可以俾佢自己訓架咯, 我自己果個出世開始就唔同房訓, 3個星期戒埋夜奶。不過都恭喜你成功有覺好訓啦。
至於半夜起身, 千期唔好愈喊愈長先去抱佢, 因為咁可能會訓練佢愈喊愈耐先得到你哋的關心, 會愈來愈有耐力, 不過而家佢可以訓到天光就唔駛驚喇。
但係之後佢都會間唔中半夜醒, 呢D時間可能係發惡夢又或者覺得太冷同太熱, 一定要起身幫佢, 唔係佢會好辛苦。