幾年前無意知有香工呢個地方，
自此就愛上，簡直想每個星期都行下，但無奈搬遠咗，唔方便成日都去~
我通常都會預行兩個鐘，其實一定行唔晒，但我覺得夠了。
而我係好少會買正價衫，通常攻係架上既平價衫，
因為正價既只係平街外少少，但又無得試，咁見到好鐘意又唔太貴又例外既!
雖然架上既都係舊款，N年前款，
但去咗咁多次既總會知邊間鋪係10年都唔擙衫，
邊啲鋪係會定時拎下啲新野出來，要我講出邊間就好難，
你睇下邊間多人行都可以睇下。
我睇開既衫都係around $50-150內，太貴既都少買，因為我寧願換款多，
但啲打底或襟興既買貴少少都值.
其中一次經典既事件，我買咗一件連身裙，第二年著時同事問我係咪係IT買，
我話唔係，佢話係IT見到今季新貨買緊$599,但我係前一年係香工啲平貨架買$100，
有時真係睇你好唔好彩!
香工既sales 態度真係一間間，但我對佢哋好禮貌，佢哋又好少好差既，
大家要緊記，有牌話"不設零售"就無謂入喇. 有啲就連鏡都未必比照，
大家醒目啊!
樓上既一樓都係我比較鐘意行，一來地方濶啲，二來會平樓下少少(以同一間鋪計，香工好多老細開2-3間鋪係唔同位罝，你行到就會發覺佢哋買啲野差唔多就會知)，人又少啲啲!
最多又平又荀既野一定係節日前，我去過兩次新年前，啲衫真係好似唔洗錢咁，
件件大樓正常款$100，好多時都會失手!普通衫/裙$30-$50不等。
而家既童裝都多咗好多，但我就覺得唔算勁抵，但都可以睇下!
而家我最唔鐘意就係多咗自由行，其實佢哋識去都預咗，只係佢哋成日都係度慢慢行(大佬我好趕嘛，條路又窄)，又問有無新，有無折，又多要求，買緊幾十蚊就唔好咁多要求(有要求就出去公司行啦~)，sales通常都比佢哋攪到面黑! 大家合作，啱就啱，唔啱就走咪好，大家一齊買平野!
至於樓上(2樓以上)既鋪我都行過一,兩次，無乜特別，童裝有間都不錯，係3樓!
地牢就無乜野行，有時間多就去行下~可能我唔啱，你啱既!
仲有緊記係大家要帶定大既環境袋，唔係買咗都唔知點拎!
分享住咁多啦~~
發表於 
返回列表
