吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 可否告知係政府醫院生完BB後住院的情況??? ...

懷孕前後今日: 3|主題: 330391

收藏本版

發帖

返回列表

跳至頁

查看: 6525 | 回覆: 17

可否告知係政府醫院生完BB後住院的情況??? [複製鏈接]

elle721

洋房

積分: 83

1^#

發表於 04-5-21 00:46 |只看該作者

可否告知係政府醫院生完BB後住院的情況???

我係第一胎,之前聽人講依家D政府醫院(好似廣華和QE)都幾好,但係有D媽咪講生完BB住院的情況,有D話幾好,有D話好差,我都吾係好清楚,想問下有係政府醫院生過的媽咪住院的詳細情況,係吾係好多個人住係一齊???洗手間係吾係好污漕

住院大約要住幾日到??心急的elle媽咪上

私人傳訊

janet

伯爵府

積分: 15905

hashtag影視迷勳章大廚勳章畀面勳章 BK Milk勳章

2^#

發表於 04-5-21 02:59 |只看該作者

Re: 可否告知係政府醫院生完BB後住院的情況???

你打算係邊間醫院呢??我自己就係東區生,我d朋友都係!!順產住兩日,開刀我住左五日,有d三日!!通常係一間房唔太記得係六個人定八個人,不過要睇下你生個時多唔多人,如果唔多,可能會係四個人又或者係兩個人tim,廁所好乾淨架!!仲有個坐廁係可以用黎洗pat pat tim!!

眾裡尋他千百度，驀然回首，那人卻在燈火闌珊處!!
生死有命，富貴由天

私人傳訊

faye525

子爵府

積分: 10647

畀面勳章

3^#

發表於 04-5-22 04:25 |只看該作者

Re: 可否告知係政府醫院生完BB後住院的情況???

elle721 寫道:
我係第一胎,之前聽人講依家D政府醫院(好似廣華和QE)都幾好,但係有D媽咪講生完BB住院的情況,有D話幾好,有D話好差,我都吾係好清楚,想問下有係政府醫院生過的媽咪住院的詳細情況,係吾係好多個人住係一齊???洗手間係吾係好污漕住院大約要住幾日到??心急的elle媽咪上

我一月係Q.E. 生完. 我覺得唔錯. 多唔多人住就真係好睇你生果時多唔多人. 普通病房分兩邊, 每邊六個人. 住晒六個人係幾迫下. 人少會鬆動d囉. 我頭兩晚得四個人. 走果日六個人.. 洗手間唔dirty架啦, 尤其沙士一疫之後...住院幾耐要睇你順產定開刀, 如果你同bb都冇咩問題, 順產多數三日兩夜走得, 開刀五至七日.

私人傳訊

Tippy

大宅

積分: 1329

4^#

發表於 04-5-22 15:56 |只看該作者

Re: 可否告知係政府醫院生完BB後住院的情況???

我係東區生囡囡既, d姑娘同埋助產士幾好人, 生完之後住產後房, 六個人一間房, 唔會覺得迫, 我地六個媽咪有傾有講, 大家交流下之前懷孕同埋生bb既過程, 夠鐘又一齊去餵奶, 幾好架, 唔會悶. 我係順產的, 囡囡3/23早上出世, 我同囡囡3/25下午出院返屋企.

話時話吖, 我到依家都會間唔中諗下係醫院生bb同埋餵奶的日子, 真係好似入camp咁, 雖然都幾辛苦, 兩個鐘頭餵一次奶, 但成班媽咪到時到候一齊去餵奶個種感覺好開心架 :-P

私人傳訊

Jamson

大宅

積分: 1222

5^#

發表於 04-5-25 04:51 |只看該作者

Re: 可否告知係政府醫院生完BB後住院的情況???

elle,
我小 B 3月响瑪嘉烈出世，我就覺得 D 姑娘、嬸嬸一D好一D唔好。我唔係歧視，但瑪嘉烈真係好多大陸人來生 BB，好似間人民醫院咁，佢哋成日要求早D出院，慳D錢，佢哋冇支助，好貴一日。可能因為咁，有D 姑娘、嬸嬸成日罵人，我住了2日已想走。有時佢哋唔係唔好，但係成日好晦氣，我咁大個人，第一次住院，第一次做媽媽，抱住小 B 出走廊問嘢，比人喝住，叫我放下小 B，要用車仔推；電話冇電，借電話用，又比人哦，最衰係沖涼濺了些水出去，個亞嬸揭開我塊浴簾來罵我...... 不過都有 D 姑娘好好，好有心機教我餵人奶的技巧，又教我包小B，換片片，話時話，D姑娘同醫生都好後生，以為睇緊「妙手仁心」添呀！

私人傳訊

皮亞莉

別墅

積分: 575

6^#

發表於 04-5-25 09:03 |只看該作者

Re: 可否告知係政府醫院生完BB後住院的情況???

其實政府醫院好唔好係冇標準, 因為好睇當時那更份的姑娘同嬸嬸好唔好, 但當然會有好有唔好啦, 不過大致上都ok既, 尤其是育嬰室的姑娘會比較細心d同有耐性d. 至於多唔多人, 我12月生的時候, 唔記得係咪自遊行開始, 所以順產那邊就住到出走廊, 開刀那邊都是勉強夠, 至於廁所, 我每次都係半夜先洗身, 朝早4/5點就刷牙洗面, 所以唔駛同人爭, 如果唔係就要排隊啦

私人傳訊

siuman

大宅

積分: 4073

7^#

發表於 04-5-25 09:28 |只看該作者

Re: 可否告知係政府醫院生完BB後住院的情況???

皮亞莉 ,

你係邊間醫院生? 幾迫下por!

私人傳訊

貓BB

男爵府

積分: 7665

8^#

發表於 04-5-25 09:30 |只看該作者

Re: 可否告知係政府醫院生完BB後住院的情況???

我係屯門醫院生...第一胎48小時,第2胎24小時可出院...但我就因為有問題所以就住左5x小時,第2胎....bb跟大人出院...bb唔出得,媽咪都冇得走~開刀就5-7日...d人話....
但屯門醫院真係麻麻地....

私人傳訊

皮亞莉

別墅

積分: 575

9^#

發表於 04-5-25 13:30 |只看該作者

Re: 可否告知係政府醫院生完BB後住院的情況???

我響聯合生

私人傳訊

candyPo

大宅

積分: 3535

好媽媽勳章

10^#

發表於 04-5-25 14:12 |只看該作者

Re: 可否告知係政府醫院生完BB後住院的情況???

我原本都係心大心緇諗緊係政府生定私家生, 但係上兩星期去東區聽講座時, o的姑娘話如果順產生完bb休息數小時後, bb就會交返俾媽媽自己揍, 而家屬探訪時間係4:00pm - 8:00pm。我聽完之後, 我就決定要去私家生, 因為我呢胎係第一胎, 我覺得我生完後應該會好累, 我唔想咁快要自己揍bb, 另外我好想我生完bb之後我老公可以多o的時間陪住我, 政府

私人傳訊

熊媽

大宅

積分: 2927

11^#

發表於 04-5-26 00:24 |只看該作者

Re: 可否告知係政府醫院生完BB後住院的情況???

Jamson ,
我都聽過瑪嘉烈產後房d嬸嬸好惡,所以我以家都好擔心呀.
你生完幾久沖涼呀,d老人家又話無係醫院就沖涼,要返黎煲薑水先沖得哦.個阿嬸咁哀,沖咁涼都鬧人.
如果係餵人奶,bb係唔係同你一起,而唔係放係嬰兒室呀,總有有d咩要特別注意或特別要帶d咩入院呀,我以家成日都驚帶少左野.你住左幾多日?

私人傳訊

tulip

大宅

積分: 2628

12^#

發表於 04-5-26 18:51 |只看該作者

Re: 可否告知係政府醫院生完BB後住院的情況???

我剛在屯門醫院生完(4/21),覺得都ok.
D醫護人院都好好人, 咁當然會有一兩個難頂D, 其他都ok.

私人傳訊

Leomami

複式洋房

積分: 190

13^#

發表於 04-5-26 22:26 |只看該作者

Re: 可否告知係政府醫院生完BB後住院的情況???

如果

私人傳訊

Shan

子爵府

積分: 13613

14^#

發表於 04-5-27 00:37 |只看該作者

Re: 可否告知係政府醫院生完BB後住院的情況???

我 4 月o係 qe 生, 我住大房, 但係唔止 6 個呀, 係 8 個一間呀, bb o係媽咪床尾, 其實都幾迫下架, 因為床同床之間都得好少位.....d 姑娘都好好人架, 個個都好肯教你點湊 bb, 所以就算唔識湊都唔緊要, 尤其係教你點餵人奶呀, 真係好細心架~~不過我就無咁好彩比佢地教喇, 因為o個時我 bb 要留o係 bb 病房觀察, 唔可以同我一齊, 所以我只係睇到 d 姑娘點教其他媽咪咋~~不過 bb 病房 d 姑娘就真係差好多喇~~~ :-(

我順產住左 3 日, 開刀一般住五日拆埋線就走得, 不過如果 bb 同你一齊, 而 bb 仲未出得院, 你就要等埋佢先出院架喇~~

廁所都 ok 啦, 都唔算污漕.....

祝你生個肥肥白白o既 bb 啦~~

私人傳訊

Lok1206

子爵府

積分: 12826

好媽媽勳章

15^#

發表於 04-5-27 02:44 |只看該作者

Re: 可否告知係政府醫院生完BB後住院的情況???

我 12 月o係 QE 生, 住大房~~
Same with Shan 不過我就好彩 bb 同我一齊, 所以 I feel Ok la!!!! Because HK$68/day,no any service can request~~~

不要五十步笑一百步；不要看見人地眼中既刺而忘記了自己眼中的樑木；做人要對得住自己~

私人傳訊

birdbird

水晶宮

積分: 61397

16^#

發表於 04-5-27 09:21 |只看該作者

Re: 可否告知係政府醫院生完BB後住院的情況???

candyPo,

你個預產期差唔多係我阿仔的1歲生日呀!

我仲陀住bb o既時候, 都好似你咁諗架, 而且又有好多同事都在私家醫院生, 佢地都話生完bb唔想即刻湊, 又怕比姑娘鬧, 所以揀私家醫院.

但到我臨放產假前, 我老闆同我講, 如果我everything alright, 係順產, 點解唔在政府醫院生呢? 尤其係在我做產檢的QE, 佢o既產科係出o左名好的. 我再同老公商量, 都係覺得政府醫院係一個唔錯的選擇. 起碼除了醫療水準外, 唔會好似私家醫院咁, 出院唔知要比幾多錢. 至於話要自己湊番個bb, 如果可以咁諗: 有人教, 自己辛苦幾日, 卻終身受用, 何樂而不為呢?

最後, 我真的去了QE生, 做埋無痛分娩, 出院只要幾佰元. 而 d姑娘, 係有時大聲少少, 但係都好好心機教人湊仔 (我當時阿b 在intensive care unit, 冇機會湊). 以過來人經驗, 如果個孕婦同個胎都身體正常, 我真係好recommend佢地去政府醫院生.

candyPo, 你做產檢的東區醫院, 生 bb都唔錯架. 我有個同事在東區生了2胎, 她都係一生完就自己湊bb. 而住的環境係6個人一間房, 佢話生得好開心呀!. 考慮下啦.

私人傳訊

jk923

翡翠宮

積分: 75285

17^#

發表於 04-5-27 10:39 |只看該作者

Re: 可否告知係政府醫院生完BB後住院的情況???

東區真係好正，我3年幾前生的，無論姑娘，阿姐都好好，好細心，生完到病房已9點幾(bb要入icu、左胎水同產程太長，佢8.7磅)，都會比屋企人(1,2個)陪你一陣，執下櫃先走，阿姐仲交帶，去廁所(第一次)一定要按鐘叫人，怕會暈..，仲教你洗傷口，有產後運動，我唔想去都會叫你去，又有講座，仲要你學識餵人奶和學同bb沖涼，佢仲就我d時間(因老公想錄低我第一次幫dd沖涼，但要放工先黎)果時都係好開心嫁。之後(約2,3個星期)有姑娘打電話跟進有無產後抑'屈'。其實生完咁'支力'老公陪住自己咪又係訓，而且生完都係想成日見嫁啦(bb)　，之前有諗過係東區住半私家房嫁，但係諗諗下都係留返D錢比bb好，住院都係幾日，所以都係住返大房，6人房有d有廁所就5人，而家好煩，我搬返荃灣(近返媽咪)，想生多一個，但返返東區又好遠，點算？因為我個fd係瑪嘉烈生完好大獲(膀肛有事)要去私家做我術先無事呀！