論盡家傭今日: 4|主題: 134062

收藏本版

發帖

返回列表

跳至頁

查看: 991 | 回覆: 13

小心此大食懶賓賓馬利亞搵新雇主 [複製鏈接]

eggeggking

複式洋房

積分: 490

1^#

發表於 15-6-9 09:57 |只看該作者 |倒序瀏覽 |打印

大食懶賓賓馬利亞，43歳，有五個仔女喺菲律賓(同前夫生左三個女，其中2個女係twin。同現任丈夫生左1男1女），2012年12月才來港，之前喺中東做過。佢2014年11月尾完之前一個2年contract。初初12月頭黎到都ok,叫佢做嘢都幾樂意，佢話之前同嗰個家庭個婆婆好唔夾，佢話成日同婆婆吵架，其實我聽完都有啲怪怪的，但見佢無咩野就當聽完算啦。Interview時話自己識煮成圍台餸，黎到唔識用菜刀切肉，要用生果刀切。又話之前個家庭全家D衫都係佢用手洗，點知黎到連BB衫都扭唔乾，碗布、地布都會滴水（請佢時佢一早知只有BB衫要用手洗）。

一個月後，佢開始現形。成曰同我講，佢朋友個僱主對佢朋友有幾好，問我佢如果完約，我係唔係會比14曰假期佢。我話你2月會返鄉一個星期，2016年又話會返一星期，已經用完D年假啦喎，但佢仲話要去問菲律賓領事館。叫佢做嘢就黑面，所有衫唔乾都照收入櫃。無記性, 提左好多次都唔記得, 次次做錯都唔認, 好多excuse。每日由早食到晚，7:00食早餐，10：00坐喺廚房食小食，11:30又食午餐，14:30又食小食，16:30又食下午茶，19:00食晚飯，20:30前已入房，入房後不停上網，第二朝又無精神。本來請佢湊B，但只識整瞓BB，唔係就抱B坐沙發，唔出聲要我BB望街。我媽要自己照顧個B，叫佢幫手抱一陣，佢又話BB唔跟佢，我媽心痛個孫，唯有自己湊返。有次我媽出去買野，我喺Cam度見到佢將BB放喺張地塾中間，自己坐到好遠我BB，最後BB坐唔穩，跌低左。我地夜晚返到屋企，都係自己湊返晒。湊我大仔放學，唔拖住我仔，一路上係咁講電話，我仔話返比我知，我話佢，佢又多多籍口，又黑面。

上星期話佢抹野唔乾淨，叫佢抹返乾淨，佢竟然突然大叫話佢自己知婆婆同太太都唔中意佢，我話係，因為佢成日偷懶。我之前個姐姐好好，我一D野都唔使操心，佢一黎到我所有野都要自己做！佢聽完後，又發癲咁大叫，話佢自己都好辛苦，要resign，我話好，你比信我。

此人現正在找新僱主，大家小心！我都會盡快炒佢，因佢好情緒化,如要多些資料，可PM我問佢personal information.