吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 想生BB› Ivf 分享－少少長

想生BB 今日: 1|主題: 109547

收藏本版

發帖

返回列表

跳至頁

查看: 1815 | 回覆: 31

Ivf 分享－少少長 [複製鏈接]

lolojai

別墅

積分: 934

1^#

發表於 15-6-11 01:09 |只看該作者 |倒序瀏覽 |打印

終於返黎呢版，想鼓勵各位做梗ivf或想做Ivf 的JM. BB 今天出世三個月了，望住佢諗起初初決定做ivf真係無錯。

話説我5年前當時仲係31歲開始plan生BB，但一年後仲係冇聲氣，咁啱有朋友做梗iui 又建議我夫婦做不育檢查，於是就搵左個輔助生育科既醫生。結果一切正常，但唔知係唔係照輸卵管既原因，之後果個月就自然bingo,可惜到8week果時仍然照唔到心跳，到約9week就流產了。當時雖然好傷心，但知道自己可以自然bingo, 又聽人講小產後好快可以再有，所以休息了兩個多月又再試。

由於上得多呢版，學左用紅d，個個月都睇準日子開工，又一邊睇中醫調理（其實中醫話我身體好好，冇問題的），如是者又等左年半，終於再見綠d有反應。由於有之前既不良經驗，今次唔敢太開心，由6week開始照唔到心跳，戰戰兢兢咁捱到8week，再睇多個醫生都照唔到，而且胚胎比正常size細，於是到10week決定做藥流。

經過兩次小產（雖然好多醫生都話正常，只係唔好彩），加上自己唔容易有，兩次都要試一年以上，同埋開始接近高齡，我地決定再搵醫生做長細檢查，包括染色體等等test, 結果都係一切正常。醫生建議我地可以試下iui, 但我地做左兩次失敗後，決定直接做ivf。結果宜家阿囝已經三個月大，仲有十二粒雪卵，正在同c6打算幾時再試下生多個細佬妹俾阿囝。我覺得雖然表面所有檢查都話我地無問題，但ivf的確可以揀出質素較好既蛋蛋，好自然影響受孕及順利懷孕既機會率。

有d人可能成日心大心細，試完一年又一年，覺得最好係自然bingo, 其實精神上會受好大壓力，長期有呢d壓力都好可能會影響受孕。我屬於比較幸運既一批，如果經濟能力許可，我好建議用錢去買時間，交託俾信得過既醫生，醫學上好多野唔係我地上下BK就可以理解。因為時間唔等人，ivf既成功率同年齡絕對成正比。日日打針既日子諗起都怕怕，但宜家諗返轉頭就覺得唔算係d乜。

希望大家早日抱B，加油加油！

0 0 0

私人傳訊

aliceay

大宅

積分: 1911

2^#

發表於 15-6-11 01:56 |只看該作者

回覆：Ivf 分享－少少長

我下個cycle都開始食避孕藥，準備做ivf。你做果時幾歲？我今年生日32，希望一take過成功啦

私人傳訊

Mrsfu

別墅

積分: 715

3^#

發表於 15-6-11 11:14 |只看該作者

回覆：Ivf 分享－少少長

totally agreed with u .原本我都想出相同的post....

我們應該慶幸生於呢個年代，有科技解決問題，亦有金錢去追返時間。我明白大家都希望自然bingo, 但當要每日張開眼第一件事要monitor 體温，與老公的情趣變成例行工事，due day 見到m come 在toilet 爆喊，而呢個情況超過一年，其實真的要面對現實。

我29歲開始追b, 以上情況已經出現超過一年，因此已決定做不育治療。其實外人想法不重要，見到你有b, 理得你點生。最怕係keep 住被人問。相反，你老公想法最重要，只有他陪你行呢條路。一定要多d 溝通，雖然針打在你身上，他仍然會痛。再者，不育兩字觸及男人最痛，他肯陪你行，也需要很大勇氣。

我老公說錢可以解決問題，不是問題，他說就算要賣左層樓也沒所謂。我們用了兩年幾，包等看醫生，做了三次iui, ivf 也要放第三次先中，最終在33歲生左個女。剛做完第二次ivf, 明天放胎，希望35歲內生第二胎。

可能你地會說，有錢就甘講，我們不是有錢，我們是借錢的, 每月還三千，吃少一餐家外飯，看少些戲，已係返到。女女不夠兩歲已還哂啦。同埋當時有排公家，打算再無錢做私家ivf, 都可以等到在公家做。

最後給仍在考慮冶療的jm, 錢可以解決問題，就不是問題，時間不等人，再者你肯做都不是一take 過就得。

祝好孕，共勉之。

私人傳訊

rodona333

大宅

積分: 2423

4^#

發表於 15-6-11 11:36 |只看該作者

回覆：Ivf 分享－少少長

恭喜2位成功分享旣JM，將做ivf真係有D壓力，但為B咩都要試，希望大家都好孕!

私人傳訊

Melody008

子爵府

積分: 11965

5^#

發表於 15-6-11 11:43 |只看該作者

回覆：Ivf 分享－少少長

真係好想知大概要用幾多錢，因為年紀唔細了

私人傳訊

cherrycoey

大宅

積分: 1370

6^#

發表於 15-6-11 12:05 |只看該作者

回覆：Ivf 分享－少少長

好贊同你地嘅講法，對女人黎講時間真係好重要，無得拖，我都試左兩年幾，就係搵到自己嘅問題同埋唔想等到高齡，quit埋份工去ivf, 之前抽卵仲嚴重ohss, 現在等月底放雪胎，好期待成功嘅一日！

私人傳訊

Mrsfu

別墅

積分: 715

7^#

發表於 15-6-11 12:32 |只看該作者

引用：恭喜2位成功分享旣JM，將做ivf真係有D壓力

原帖由 rodona333 於 15-06-11 發表
恭喜2位成功分享旣JM，將做ivf真係有D壓力，但為B咩都要試，希望大家都好孕!

...

加油，有咩問題，隨時問我啦

私人傳訊

Mrsfu

別墅

積分: 715

8^#

發表於 15-6-11 12:39 |只看該作者

引用：真係好想知大概要用幾多錢，因為年紀唔細了

原帖由 Melody008 於 15-06-11 發表
真係好想知大概要用幾多錢，因為年紀唔細了

我在陳志慧醫生做，十萬左右，不計儲存，放胎，放胎每次一萬多。可考慮去台灣，泰國，很多Jm 說平很多。有韓國朋友帶老婆返韓國做，因為由韓國政府埋單。

私人傳訊

Mrsfu

別墅

積分: 715

9^#

發表於 15-6-11 12:40 |只看該作者

引用：好贊同你地嘅講法，對女人黎講時間真係好重

原帖由 cherrycoey 於 15-06-11 發表
好贊同你地嘅講法，對女人黎講時間真係好重要，無得拖，我都試左兩年幾，就係搵到自己嘅問題同埋唔想等到高 ...

一定成功，祝好孕

私人傳訊

bie1016

複式洋房

積分: 416

10^#

發表於 15-6-11 13:02 |只看該作者

引用：totally agreed with u .原本我都想出相同

原帖由 Mrsfu 於 15-06-11 發表
totally agreed with u .原本我都想出相同的post....

我們應該慶幸生於呢個年代，有科技解決問題，亦有金 ...

謝謝你分享你們經歷，我下星期開始打針，準備ivf啦！我想問你做ivf前有冇食過避孕藥?

私人傳訊

Mrsfu

別墅

積分: 715

11^#

發表於 15-6-11 13:12 |只看該作者

引用：Quote:原帖由 Mrsfu 於 15-06-11 發表total

原帖由 bie1016 於 15-06-11 發表
謝謝你分享你們經歷，我下星期開始打針，準備ivf啦！我想問你做ivf前有冇食過避孕藥?

...

我没有呀。

私人傳訊

lolojai

別墅

積分: 934

12^#

發表於 15-6-11 16:13 |只看該作者

引用：Quote:原帖由+Mrsfu+於+15-06-11+發表total

原帖由 bie1016 於 15-06-11 發表
謝謝你分享你們經歷，我下星期開始打針，準備ivf啦！我想問你做ivf前有冇食過避孕藥?

...

無食呀。我ivf都係用左十萬，不過之前做過兩次iui，加埋d檢查都另外洗左4丶5萬。其實如果彈藥有限，我反而建議直接ivf，因為iui都唔平，而且我地呢d做曬檢查都冇問題既case,做iui好似幫助唔太大。橫掂都係要捱打針谷卵，ivf成功率高d。而且可以雪胎，生第二胎都唔洗次次打咁多針。我生果時36歳，希望等阿囝一歲到再考慮放雪胎。