心聲留言 今日: 4|主題: 17501

Perria 寫道:
好鬼唔開心!!!
Issac仔已兩個半月，最近開始返工，放完我既產假，Issac俾奶奶湊，(她)搬左黎住，由產前我已開始感到她很煩，咩都管住晒，產後，佢緊張過我，係過份緊張個種，攪到我差點有產後抑鬱(想睇醫生)，依家我返工，我收工返到屋企佢成日問我阿b點解呢樣...點解個樣....(eg.食唔晒d奶、扭計、奶癬、等等.........)佢真的好煩!!!成日抱個孫，我好唔鍾意啦(包括老公都係好唔鍾意)，總之Issac冇訓覺，佢就要抱係手，bb咁樣就梗係俾人抱慣左啦...依家成日扭人計，有時我同老公由佢喊陣(少扭計....只係度eeoo)佢又走去抱，真好嬲，bb依家俾佢縱貫了，晚晚我都冇覺好訓，同奶奶講過，佢應左你最後又係咁...老公鬧過佢...又係咁!!!最激死的就係平時阿b食5-6安奶，但有時食到一半，阿b一定扭計或吐個奶咀出黎，(我同老公餵實有辦法令他食晒)，但近期發覺奶奶餵到他唔食就由佢，我自己真的好擔心阿b成日唔夠飽，點可能每餐食得個3安半奶呀~~~奶奶就同我講點解我同老公餵佢食奶佢可以食晒5-6安奶，但佢餵就只食3安半~~我同老公都有教佢點餵阿b，但最後佢餵唔到就會話阿b食飽飽唔肯食埋佢(包括掃風掃唔到就由佢)~~~~~我好激氣呀)))夜晚本身阿b同我訓，佢就成日抱阿b同佢訓...每日放工返到屋企佢就好似講我知佢好明b想要d咩...但又成日問題點解!!!真的好煩~~~鞋都未除就叫我同阿b沖涼，未到兩分鐘就吹我同阿b較水....火都黎埋(因佢本身唔敢自己同阿b沖涼)!!!每次餐前都俾阿b飲成兩安水，到佢飲奶時就話佢唔飲~~~今日老公先鬧佢點湊個孫(見阿b扭少少計就騰晒雞等等)但她應完又係咁~~~~~~我可以點做~~~~成日教我點湊bb，我心諗..俾你湊真的脾氣都臭d，阿b依家脾氣極度臭，郁d發脾氣、郁d就扭人抱~~~~~~~~有時我放兩日假奶奶就成日問我自己一個人湊唔湊得掂(因叫左佢番自己屋企)，講真聽到呢句都幾把火的，我坐月時又咪自己一人湊佢，仲湊得唔錯，返咗工之後~~~佢就好似係Issac個媽咪...總之咩都煩餐飽...我抱阿b佢就好似監督咁睇住我...真的好憎呀)))))))))))))))))))))))))個囝係我架!!!!!!!!!

EricaKwan 寫道:

我坐月期間，佢每日都淨係上黎抱住亞b，咩都唔識做、咩都唔肯做；而且我無餐好食，每餐佢都淨係買個麵包比我食，我完全無任何補品食過，仲要我照顧多個人﹝我奶奶﹞，............你諗下我當時的身體係幾咁弱。