婦女醫護今日: 0|主題: 34313

收藏本版

發帖

返回列表

跳至頁

查看: 1033 | 回覆: 2

睇中醫問題, 我都唔知自己仲可以做到D咩 [複製鏈接]

zoie_w

珍珠宮

積分: 30494

1^#

發表於 15-8-1 13:29 |只看該作者 |倒序瀏覽 |打印

話說我睇中醫都差唔多睇左成年
我睇中醫既原因, 都係想調理下身體, 同埋我一直都訓得唔係幾好, 有時又失眠, 同埋皮膚都有問題, 成日出暗瘡, D印又唔散, 又多斑, 面色唔好, 所以由上年開始就的起心肝去睇中醫

我屋企附近有間中醫診所, 即係嗰D大學中醫院辦理嗰D機構, 諗住近近地咪KEEP住去睇囉!

一開始時由佢抽個醫生比我, 因為我根本都唔知邊個好, 邊個唔好, 咁咪由佢幫我搵個中醫睇囉!

初時男中醫似係岩岩畢業嗰D, 都OK, 幾關心病人, 但係對於我失眠都係麻麻, 佢係覺得我心裡面唔開心所以點訓都訓唔好, 我睇到佢睇左大半年有多, 都係訓得麻麻, 不過如果有暗瘡食左佢D藥就好得, 仲好過西醫嗰D消炎藥, 佢都有話我腸胃唔好, 有濕, 叫我戒口, 戒飲食凍野, 熱氣/燥熱野/辣既野, 同D奶製品......

但我覺得訓覺嗰度都係差, 同埋我想做埋針灸, 咁始終我心理上覺得男醫生幫我做針灸唔太方便, 所以我後來轉左位女中醫睇症 (佢嗰度有好多註診中醫), 同埋呢個女中醫多人睇D, 多數醫婦科, D人想生[/url][url=http://www.baby-kingdom.com/customer/redirect/redirect_b2.php]BB

都係睇佢

咁所以我就改左睇呢個女中醫

我由三月開始睇佢, 佢會關心我經期來得準唔準, 來既時候係咩狀況, 痛唔痛, 點樣痛, 佢會關心呢D多D! 之前位男中醫就會注重我腸胃多D, 咁我都覺得同女醫生講呢D問題會無咁尷尬(呢個係我自己覺得啦), 睇左幾個月, 經期係準左D, 又或者係我之前唔會留意吧! 訓覺方面仍然係一時時, 不過我諗真係關我心情問題, 如果嗰陣有野煩, 困擾係的確訓得好差, 時候一過, 又或者完左嗰樣野又自然訓到喎, 但係我皮膚就真係差左

我左臉皮膚比較差, 好多暗瘡印, 出暗瘡既機會都多過右邊, 右邊比較健康, 就算出左暗瘡都會好快謝, 無乜印, 而額頭同下巴就無乜野, 額頭之前都仲係好健康的, 下巴間唔中會出大粒按落去痛既瘡, 但係佢又會自己消失

現在我呢幾個月, 個下巴KEEP住出暗瘡, 仲要係一粒接住一粒, 按落去會痛嗰隻, 現在又唔會自動消失, 以前佢會自自然然無左, 好小會出龍要自己吱出來的, 但現在就係咁既情況, 我無吱佢, 但佢爆左我先整D龍出來, 仲要係一粒接一粒咁, 額頭都係, 不過TOUCHWOOD, 情況唔算太嚴重

咁就呢個問題, 我就問個中醫啦, 佢就話我氣肌塞, 氣血又唔通, 一開始時, 佢已經建議我食D補氣血既野, 但就有機會會爆瘡喺塊臉度, 我問呢D瘡係咪唔同一般暗瘡, 即係只係紅色粒粒, 會自己好快散架(因為我曾經都試過某個中醫開過藥比我,又係發呢D一粒粒紅暗瘡, 不過又好快無左), 佢話唔會, 仲要係D好大粒有龍既暗瘡, 咁我就死都唔比佢開呢D藥比我, 我話情原慢慢來同埋接受做埋針灸通氣血, 同埋我聽佢話戒口, 唔食凍野同甜野

我已經盡量做, 戒口我戒, 針灸好痛我都由佢針, 又做運動又浸熱水腳, 但係我下巴同個額頭都照出瘡, 我就問佢, 點解我之前無咁樣架, 點解現在咁樣, 連下巴額頭都無忽靚, 佢就話我氣肌塞, 越諗就越塞, 叫我唔好諗, 我問佢咁都應該有原因吧! 係我濕? 定係熱氣? 如果係既我咪戒口, 或者開藥比我食囉! 佢又話都唔知點解, 係過度期, 佢都解釋唔到比我知, 仲話我聽, 佢有個病人55歲都係咁出暗瘡, 但人地唔諗, 有時又唔戒口, 照食凍野甜野, 都無事, 佢又叫我食番凍野甜野, 心情好D就會好, 我心諗, 又係妳叫我戒口, 我戒哂野妳又叫我食番? 下巴, 額頭原先無瘡, 現在係咁一粒爆一粒咁, 塊臉D印都無清到, 現在仲要下巴同額頭都無忽好肉, 咁樣心情點會好?

我都唔知自己仲可以做到D咩野, 要我戒口我又戒了, 有時身邊朋友幾想一齊食雪糕, 我都唔食, 針灸針到好痛我都針, 但係睇到自己塊臉咁, 真係唔知仲可以做D咩

0 0 0

私人傳訊

Grateful.N

子爵府

積分: 10550

2^#

發表於 15-8-1 14:48 |只看該作者

本帖最後由 Grateful.N 於 15-8-1 14:49 編輯

不如試下食療，如：湯水、花茶等等......

肺熱型
＊百合冬瓜薏米湯
材料：冬瓜1斤、薏米1両、百合4錢、陳皮小塊、瘦肉6両
做法：將全部材料洗淨後，放入煲內，加清水用武火煮沸後，文火煲2小時，調味即成。

功用：清肺、潤燥。

熱毒型
＊海帶綠豆糖水
材料：海帶1両、昆布5錢、綠豆2両、陳皮小塊、冰糖少許
做法：海帶用清水浸透，洗淨，放入綠豆、陳皮，加8碗清水，武火煮沸後，轉文火煲2小時，最後加入冰糖即可。

功用：清熱解毒。

＊綠豆薏仁粥
材料：綠豆、薏仁及小米各 1 碗，冰糖適量。
做法：將綠豆、薏仁、小米用水浸 1 晚，煲內倒入適量清水，然後大火煲至水滾，加入已浸好的綠豆、薏仁及小米。大火滾 10 分鐘，轉中小火煮至軟身至粥狀，最後用適量冰糖調味即成。濕熱體質者可一星期吃 1 至 2 次。

功效：對濕熱內蘊的暗瘡具有改善作用。此粥可以補益脾胃，清熱利濕。

濕熱型
＊生地元參老鴨湯
材料：生地5錢，元參5錢，老鴨1隻、瘦肉4両
做法：先將老鴨洗淨切件，將所有材料放入開水內及以文火煲一個半小時。

功用：健脾去濕。

痰濕型
＊川貝薏仁湯
材料：海藻5錢、北杏仁5錢、川貝3錢、薏米1両、陳皮1錢、瘦肉4両
做法：將全部材料洗淨後，放入煲內，加8碗清水煲成2碗水，用鹽調味即成。

功用：化痰去濕

花茶
＊三花袪痘茶
材料：玫瑰花、金銀花及洛神花各 10 克，綠茶 5 克，冰糖少許。
做法：將玫瑰花、金銀花、洛神花用清水沖淨，用熱水沖泡 10 至 15 分鐘，最後以適量冰糖調味即可。肝氣不暢者可兩天喝1 次。

功效：適合長期處於壓力下、月經不調者之暗瘡。可以疏肝理氣、清熱排毒。

＊檸檬馬鞭草
飲用方法：可單一用4~5片沖泡或可配搭其他花茶合用。
情緒放鬆可配搭香蜂葉、橙花、檸檬草、薄荷、迷迭香；
改善消化機能的洋甘菊、甘草根等；
幫助睡眠的菩提葉、西番等配搭沖泡。

功效：可清熱解毒、活血通經、利水消腫、清肝明目、抑制腫瘤、鎮靜神經系統、治療失眠、抑鬱、偏頭痛、舒緩情緒，具有消炎、止痛、提神醒腦、促進消化、消除腸胃不適感，改善脹氣、有效解決下半身水腫問題、減緩靜物脈曲張、解決腸胃痙攣及強化肝臟機能。