自由講場今日: 175|主題: 1351422

收藏本版

發帖

返回列表

跳至頁

查看: 1538 | 回覆: 26

【胸群出動】杏兒做老闆娘「胡說八道會」谷胸「送嫁」 [複製鏈接]

mickeyeva

瑪瑙宮

積分: 139712

2025勳章 2025勳章蛇年勳章 2024年龍年勳章 2023年兔年勳章虎到金來勳章畀面勳章環保接龍勳章親子達人勳章 BK Milk勳章

1^#

發表於 15-8-10 16:50 |只看該作者 |倒序瀏覽 |打印

睇嚟杏兒都好快出嫁

胡杏兒同設計師姚子裕創立婚紗禮服專門店「KEVOLIE」，今日喺尖沙嘴舉行開幕禮，「胡說八道會」成員胡蓓蔚、胡定欣、黃智雯、姚子羚、李施嬅（前名係李詩韻）、宣萱，陳爽等均有到場。佢哋成班以白色tubedress婚紗示人，喺舖外剪綵後，杏兒成班人冒雨行去對面嘅酒店行婚紗catwalk，不過表現得有啲狼狽。

問到開舖嘅總投資，杏兒話：「幾個拍檔夾咗7位數字，錢唔重要，心血同精神係無價，近呢半年先籌備，第一日開舖已經有生意。」杏兒指呢班姊妹唔收錢做義工嚟撐場，仲話：「好難得，公司畀佢哋嚟，平時食飯都約唔齊，我覺得今日成班姊妹好似送我出嫁。」

有傳杏兒今年12月28日同金融才俊男友Phil喺英國結婚，杏兒未有否認，佢只係話：「今日當係先，男主角係我拍檔，如果有嘢宣佈會話畀大家知，因為都係開心事。」喺外國結婚？杏兒子表示未諗，依家最想搞好生意先，因為佢為呢間舖失眠咗幾星期。

為自己設計婚紗？杏兒話：「都會留意，亦有諗諗法，有啲人以為明星效應會好貴，但其實唔係，有好多套餐選擇，可以借可以買，而且手工好靚。」提到蘇志威間男士禮服店喺隔離，杏兒話：「係呀，睇完男裝可以嚟睇女裝，將來可以傾下合作。」杏兒仲話會贊助成班姊妹婚紗，不過未知邊個跑出，點知企喺側邊嘅姊妹即時大叫：「咪你囉！」

講到有指樂易玲主理嘅邵氏兄弟出價3,000萬邀請杏兒加盟，杏兒表示：「好多謝所有公司，因為啱啱先開舖，想搞掂晒先，未諗住，不過遲啲都要決定。」邵氏兄弟成數高？佢話：「我需要坐低靜靜哋去諗，錢唔係最重要，機會同合作模式都要考慮。」男友Phil唔嚟？杏兒話：「佢本身想嚟，但我怕佢搶我同成班姊妹鏡，所以我心痛地推咗佢，不過佢有送花嚟！」

問到胡定欣幾時結婚？佢話：「唔會追過杏兒，佢要係第一個，因為婚紗店係佢，點衝都衝唔到。」會唔會催下杏兒？定欣話：「唔使，佢自動波。」身旁嘅杏兒即刻話：「唔好亂講嘢！」定欣笑笑口咁話：「希望短時間聽到好消息，咁就雙喜臨門（杏兒開舖及結婚）。」定欣表示同男友陳明道未有結婚計劃。提到有報道指定欣自拍拖後，收起港女性格，唔再成日發脾氣，唔再做「貼身膏藥」，佢話：「我唔會理呢啲字眼，兩個人嘅事只有兩個人先知，我哋好開心，唔使解釋。」