吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 想生BB› 好難決定係唔係應該生多個

想生BB 今日: 2|主題: 109510

收藏本版

發帖

返回列表

跳至頁

查看: 1426 | 回覆: 9

好難決定係唔係應該生多個 [複製鏈接]

fifi

男爵府

積分: 6690

1^#

發表於 04-6-15 12:46 |只看該作者

好難決定係唔係應該生多個

我個女就來3歲﹐本來都唸住一個夠晒數﹐但而家佢越來越得意﹐好搞笑﹐老公開始心蠕蠕想生多個﹐加埋身邊D朋友都話至少應該有兩個﹐我自己係獨女﹐老公仲有個妹﹐但因為某D原因﹐極大可能以後都唔會結婚生仔﹐所以老公講如果想個屋企熱熱鬧鬧就要考我D自己噢

唉﹐我係果D凡事都好認真好緊張的人﹐個女係自己一手一腳湊大﹐本來唸住等佢返學﹐我又可以做返自己的野﹐但如果生多個﹐要做多好多野﹐又一定要搵工人幫手(我奶奶佢D長期住係澳門﹐我父母係國外﹐自己生意都好忙﹐佢D都只可以間中來住幾個月)

一路都只係考慮緊同衡量緊﹐但而家老公話應該盡快噢﹐因唔想兩個BB年齡隔得太大﹐唉﹐好難決定。

有冇媽咪比D意見我啊﹐多謝﹗

私人傳訊

民房

積分: 4

2^#

發表於 04-6-15 13:15 |只看該作者

Re: 好難決定係唔係應該生多個

我個人認為，如果經濟能力許可的話，我讚成生多一個。
你冧吓！第時你同先生百年歸老之後，佢哋遇到有咩問題，都可以兩姐妹或兩姐弟有商有量，唔洗孤伶伶一個，有個照應呀嘛！
你既然已經無做自己嘢三年咯！都唔爭在多幾年啦！

私人傳訊

HALAHA

禁止訪問

積分: 4190

3^#

發表於 04-6-15 13:26 |只看該作者

Re: 好難決定係唔係應該生多個

提示: 作者被禁止或刪除內容自動屏蔽

私人傳訊

Mandy.Yip

別墅

積分: 714

4^#

發表於 04-6-15 14:14 |只看該作者

Re: 好難決定係唔係應該生多個

fifi,

我仔仔15個月大, 我同老公都係"超級"咁鍚佢, 都決定生多個陪佢,

私人傳訊

fifi

男爵府

積分: 6690

5^#

發表於 04-6-15 14:40 |只看該作者

Re: 好難決定係唔係應該生多個

Wu,

我都有唸過多個細佬妹可以陪下佢﹐等佢冇咁悶﹐大左後又可以互相有個照應﹐但又驚如果個細o既唔生性仲累左個大o既﹐因身邊都有咁o既例子。唉﹐可能係我唸得太多﹐所以咁難決定。

HALAHA﹐

係啊﹐我都記得你﹐我而家等緊佢D通知作校服﹐你呢﹐囡囡準備好返學沒啊﹖我女晚晚好夜先肯‘目訓’﹐朝早唔夠10點都唔起身﹐都唔知返學點算

你係唔係自己湊啊﹖我好唔鐘意請工人﹐因為細個屋企請左無數個﹐有好有唔好﹐但一定係各個都有自己的問題﹐仲有好多麻煩﹐所以我父母等我同表弟一離開(我表弟住係我屋企返學)﹐就唔再請工人。何況香港地﹐間屋大極有限﹐多一個陌生人係度真係唔方便。

如果生多個﹐我o既唸法又同你相反﹐陀個女果陣太順利﹐無麼反應﹐仲要係過晒預產期先出世﹐生果陣係用無痛分娩﹐佢又係個易湊的BB﹐開心又古靈精怪﹐所以搞到老公想要多個玩 :-x 生第一個時﹐老公係想要仔多D﹐但而家佢話﹐女仲好﹐(因為個女好o爹daddy), 如果生多個女﹐兩姐妹玩得埋D好傾D﹐仲有就係買比囡囡的‘青見 ’衫有人接手嘛 :-P

私人傳訊

fifi

男爵府

積分: 6690

6^#

發表於 04-6-15 14:52 |只看該作者

Re: 好難決定係唔係應該生多個

Mandy,

恭喜晒啊 :-P

你好勇啊﹐BB先一歲多D就決定要多個﹐前兩年我直情唸都無唸過。你係唔係自己湊啊﹐如果係會好辛苦啊﹐要好好照顧自己身體啊。

可能人生係應該好似你老公所講‘船到橋頭自然直’﹐好多野擔心唔到。

私人傳訊

HALAHA

禁止訪問

積分: 4190

7^#

發表於 04-6-15 17:24 |只看該作者

Re: 好難決定係唔係應該生多個

提示: 作者被禁止或刪除內容自動屏蔽

私人傳訊

Mandy.Yip

別墅

積分: 714

8^#

發表於 04-6-15 23:30 |只看該作者

Re: 好難決定係唔係應該生多個

fifi,

我要返工, 係由工人湊仔仔.

我仔仔都係好好湊, 成日笑, 到暫時為都無扭計, 氹得人好開心.

私人傳訊

fifi

男爵府

積分: 6690

9^#

發表於 04-6-16 09:24 |只看該作者

Re: 好難決定係唔係應該生多個

HALAHA﹐
我唸你講中左‘有時啲嘢,越想得透徹越做不到’。我老公都咁話﹐唔好唸太多﹐等有左﹐請工人﹐如果唔想工人住係屋企﹐就請鐘點﹐一就係叫屋企人輪流過來幫手﹐麼都可以解決。

你知唔知啊﹐就因為第一個太順利﹐我竟然擔心埋第二個會唔會報仇咁多多麻煩。我有個朋友生第一個仔時好順利﹐但到第二個女﹐胎盤前置﹐搞到住左3個月醫院﹐一路到開刀生埋個女先出院。搞得我又多一層顧慮。

我都好羨慕你D﹐屋企人都住得唔係好遠﹐有需要時隨時過來幫幫手﹐睇下個工人有冇作反

我住得唔近學校啊﹐我住坑口哩頭﹐如果坐地鐵都係一個站﹐但從將軍澳地鐵站行過學校都有咁一段距離。所以而家決定自己送住先﹐睇下情形﹐使唔使坐校車。我選德寶其實好簡單﹐一係都算近屋企﹐二係聽講reputation都唔錯﹐三係有國際班。我D一開始都有唸過九龍塘同港島的學校﹐但都因為交通問題一一否決啦﹐坐校車﹐唔放心佢咁細就要日日來回挨近兩個鐘車﹐如果自己送﹐我就會仲唔得閑過而家﹐坐地鐵﹐用係路上的時間長﹐我送完佢再返屋企﹐可能個零鐘又要出來接佢﹐唔返又唔知朝朝果幾個鐘點係出邊打發﹐(鋪頭都沒開門啦)。如果自己扎車送﹐又要唸學校門口有冇臨時停車位﹐塞唔塞車﹐如果過海﹐每日兩個來回﹐隧道費都幾係野。最後唸通唸透﹐好似有其他媽咪話哉‘咁辛苦比D小朋友出去讀﹐都好難講對佢今後入好小學有幫助’ 我都覺得係﹐所以係近距離內搵個自己滿意的學校﹐比佢輕輕鬆鬆﹐開開心心過左哩三年先。聽講將軍澳開始有D好學校來開分校。仲有﹐三年咁耐﹐好多變數都好難預料﹐可能我D搬左呢 :mrgreen:

Mandy,
你仔仔好得意啊﹐今次你想生仔定女啊。之前自己沒作人阿媽﹐覺得一個屋企有仔有女最perfect, 但而家就覺得兩兄弟或兩姐妹會比較玩得埋同傾得埋﹐同埋D BB用品唔使買過嘛。