自由講場今日: 1956|主題: 1354889

收藏本版

發帖

返回列表

跳至頁

查看: 11389 | 回覆: 0

分享調景嶺南豐陳其安診後感 [複製鏈接]

martharita

複式洋房

積分: 290

1^#

發表於 15-8-25 16:12 |只看該作者 |倒序瀏覽 |打印

本帖最後由 martharita 於 15-8-25 16:19 編輯

多人排隊唔代表係最好。
脾氣古怪就唔代表係神醫脾氣。

我掙扎左好耐，好唔好share自己經歷，畢竟呢個係個人經驗，而且中醫好多人都話睇夾唔夾。

事前的確網上搵佢既資料，大部分都係好評，話佢出藥好呀，但貴；或者係排好耐隊，不過阿媽話睇佢，佢好寸，可能係神醫脾氣啩......

我都係睇完呢d comment先去睇佢。點知換黎一次非常唔愉快既經歷。......但我掙扎左好耐都決定要分享，因為想畀多D人知，唔好好似我咁中伏。

*********************
睇左佢幾次，佢脾氣唔好講野冇禮貌既comment都有喺bk見過。本人經歷小產之痛，佢同我講係我身體唔好，我先天不足，後天又唔(搵佢)調理，「你唔係寒底呀你(冷笑)......直情係冰底呀你！」然後又冷笑「哼哼！」兩聲。跟住就話我遲搵佢睇，應該一早睇佢，「用自己觀察力嘛！用你觀察力自己睇下！」我初時唔知佢UP乜，後來先知道佢係暗示佢好多人排隊睇，咁多人排隊就知佢好啦！...................我心諗你唔係呢個時候講埋D咁既野嘛﹖

我搵你睇醫生，你同我兜生意﹖我而家都坐左喺度啦！

佢再話一早搵佢，咁我而家「就唔會冇左個BB，一早搵我，我開D安胎藥畀你，你而家咪開開心心等生仔！」OMG！對住個啱啱小產既婦人講埋呢D野，你係冇同情心定有病呀﹖成個過程問候安慰都冇，最後佢手指篤篤佢桌面「診金五十」四隻大字，之後就唔再講野。

我初時真係以為自己咁差，就算要排兩個鐘頭隊，我都去睇佢。診症時佢又大大聲話我營養不良，係我冇營養畀bb，所以係我餓死bb，「係你餓死佢呀！」......當時我真係唔識應佢

...老人家、正常人都唔會咁講啦，夏話﹖更何況你係一個醫師喎﹖我真係好難相信佢咁都講得出口。

我問佢有咩要戒口，佢唔答我，畀左診金五十之後佢竟然叫我自己上網搵！................................我真係o曬咀

...我真係唔知係佢問題定我問題。

第三次睇佢，佢問我幾時小產，因為我試過自然流程同做手術，我唔清楚佢指係邊次，就問佢係邊次。佢望都唔望我，大大聲話﹕「你唔好同我講呢d，你淨係話畀我知你幾時小產，其他野我唔駛知！」

「下！我就係想話畀你知幾時，所以先想問清楚...」

佢繼續唔(敢)望我﹕「你唔駛同我講呢d！你淨係話我知你幾時小產，其他野我唔駛知！」

我真係好難受！做中醫唔係望聞問切咩﹖你唔駛知清楚我d背景，萬一你斷錯症點算﹖我冇同佢講呢d。

我好唔開心。因為佢講到我身體超級差，喺我最需要調理資訊時候，個醫師竟然十問九唔答，連最基本戒唔戒口都答我唔到，究竟係我差到連佢都不悄同我講，定係佢根本有問題

！

後來我決心轉個醫師！感恩我唔駛再睇個衰人！

新中醫睇我張藥單就知係搵佢睇！張藥單成三十幾隻藥材，難怪D人話佢藥貴！「開成三十幾隻藥，萬一藥材相沖好麻煩架喎！」我問。「哈哈哈！佢都唔識！」新中醫我講同。

的確，我回想搵佢診症時，見佢桌面除左「診金五十」四隻大字；成個診症室都搵唔到一張證書。佢門口大大隻字寫住「祖傳‧師傳」，實情係因為佢唔係註冊中醫！

睇完佢拎住佢張單去claim保險，都未必claim到畀你，因為佢係表列中醫，有d毒性藥材，只有註冊中醫先開得。

佢開畀我既藥單，唔能夠完全話佢開錯曬，但一定唔係對我「症」下藥！佢十問九唔應，唔係因為佢神醫脾氣，而係佢根本唔識！所以叫我上網睇下有咩可以食！

睇得中醫既，就梗係本身本身有事，想身體健康。做醫師既，除左醫術，我認為醫德都好重要。連註冊中醫師都唔合資格，就唔好咁大口氣。而家掛羊頭賣狗肉已經唔要得，搵人地既健康黎教飛就更加.....莫講話醫術，就連最基本道德都冇。

百樣米養百樣人，有人覺得咁樣都對得住自己良心就冇野講。我係受害人，謹此分享下呢段期歷，畀大家參考一下。