吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 生活實在是太痛苦了

自由講場今日: 1967|主題: 1369254

收藏本版

發帖

返回列表

跳至頁

查看: 2648 | 回覆: 31

生活實在是太痛苦了 [複製鏈接]

sad_man

民房

積分: 5

1^#

發表於 08-7-1 03:48 |只看該作者 |倒序瀏覽 |打印

我一直懷疑自己患了抑鬱病
不見朋友, 不見親人, 偏偏喜歡自己一個, 維持了已經好長時間了
最近工作又辭掉了, 什麼都不想做, 不想理會

自殺其實是不是擺脫痛苦既途徑
停止呼吸, 停止思想, 似乎可以解決所有問題...
我現在好痛苦..

0 0 0

私人傳訊

sa_gill

男爵府

積分: 8757

2^#

發表於 08-7-1 03:55 |只看該作者

死唔可以解決問題嘅 ...請替你的家人或朋友考慮...不要因爲自己一時衝動...而傷害其他人..
爲何唔想個辦法解決呢,,,可以去見左醫生先..可能食藥會好d~~ ...
好多香港人都會有抑鬱..唔緊要..最緊要知道自己問題所在..

私人傳訊

~仔仔媽咪~

水晶宮

積分: 51912

3^#

發表於 08-7-1 04:04 |只看該作者

其實你可吾可以講俾我知你有D咩唔開心?趁大家都仲未訓一齊傾下~~~

私人傳訊

sad_man

民房

積分: 5

4^#

發表於 08-7-1 04:08 |只看該作者

原文章由 ~仔仔媽咪~ 於 08-7-1 04:04 發表
其實你可吾可以講俾我知你有D咩唔開心?趁大家都仲未訓一齊傾下~~~

我真係唔知道
我本來就不是一個快樂的人
這幾年變得更加孤僻
最近辭職了, 更加低落
好想死左去

我幾年無見過朋友了

我想在香港沒幾個像我吧?

[ 本文章最後由 sad_man 於 08-7-1 04:29 編輯 ]

私人傳訊

~仔仔媽咪~

水晶宮

積分: 51912

5^#

發表於 08-7-1 04:32 |只看該作者

原文章由 sad_man 於 08-7-1 04:08 發表

我真係唔知道
我本來就不是一個快樂的人
這幾年變得更加孤僻
最近辭職了, 更加低落
好想死左去

咁我都同你一樣,我都係一事無成又永遠俾人睇唔起又出唔到頭既人黎,我亞媽話我唔係人,唔死都無用,叫我唔好做人添啦!到大個左依家面對我仔既問題又同時繼續面對我既無能(做咩事都唔成功,番乜工都會俾人話我完全唔掂),我都好認為我連垃圾都不如,至少垃圾可以循環再用嘛!

我早前又係因為個仔D問題搞到我有少少抑鬱,成日都想喊/無啦啦喊,一放工乜人都唔想見到,飯都寧願唔食第一時間閃入房訓...依家我係無咗呢個問題,但就仲係慣咗唔主動搵朋友搵家人,D朋友嬲我唔搵佢地唔當佢地係朋友(當然我唔係啦,我好重視佢地),我屋企人又怪我唔主動搵佢地,實情我都好需要佢地好鍚佢地,但我就係唔知點解無咗個度力去搵佢地,下下都好似等人地黎搵我,我至出黎...

呢D係要自己衝破架!搵其他野令自己分下心,唔一定係番工既...睇下書,出外搵下少少興趣,再唔係簡單D同樓下街坊吹下水...等自己分咗心,就唔會唔開心架喇!

坦白講我時不時都會唔開心會覺得自己好無用,好似俾呢個社會排擠咁,但呢D事人人都有架啦!差在人地講唔講俾你知啫!人總有開心同唔開心既事,好似一幅靚畫咁,無理由一D冷色都無係得暖色,少少黑色都要用黎畫下線打下陰影至叫做靚至叫做有意思吖嘛!無人睇畫只係睇一個點,呢個社會係咁,我地要面對要接受,人生係要咁多波折,你未嘗過痛苦難過又點知開心原來有幾好呢?人生係苦係甜,係好定壞,都好睇你自己點去創造,唔需要每個人都明白理解你幅畫(人生)係表達D乜係好定唔好,呢個世上就算得一個人睇得明你幅畫,實情你已經好幸福!

唔好以為呢個世上得你一個獨行,實情同你一齊並肩而行既人一直响你身邊,只係你仲未留意到啫!唔好以為無人明白理解你,查實你身邊有好多人都會明白你,只要你肯講出黎,就算無人和應無人出聲話認同你明白你,實情人地响心裡面已經明白你.

我都吊住自己條命架!點解我仲咁勉強自己去生存,都係堅信呢個世上係有人明白我了解我囉!我死咗就無哂意義!活着我仲可以為自己做點事.點解人地唔為我地,我地又唔為自己爭取番少少意義呢?人生未完,後面條路仲係一個謎黎!謎底都未揭盅,做乜咁快SHOW HAND摷亂副牌唔玩呢?唔好咁對自己囉!

私人傳訊

~仔仔媽咪~

水晶宮

積分: 51912

6^#

發表於 08-7-1 05:07 |只看該作者

或者去個旅行啦!嗰陣我最嚴重時,遇岩要一家去泰國旅行(因早半年前我哥哥約咗我又訂哂機票俾我地成家人去玩,所以嗰陣幾唔想去都去咗泰國玩成個星期),原本自己已經好唔想去又無心情去旅行,但一到埗,嗰個星期响泰國真係成個人放鬆咗好多,至少無哂D想死想喊既感覺,真係完完全全咁去感受人地既風土人情,番到黎係有少少失落,但至少都俾自己開心咗成個禮拜啦!跟住自己遇啱又轉工,就咁我又分咗心,少咗時間去諗負面野,就咁無啦啦好番咗好多!雖則之後份新工我都係因為適應唔到個新老細而QUIT咗,但我都OK喎!無話再沉底,我只係仲未解決到我唔搵所有朋友同父母呢個問題...真係唔知點解好似有心無力咁...明明想搵但又唔知點解驚打搞人(嗰D係我老豆老母老友黎喎...我都覺得奇怪自己有咁既恐懼...好難形容個感覺同壓力)...但又好掛住佢地想見佢地,,,我都好怕我再係咁,佢地真係一個二個嬲鬼咗我怪我唔黎搵佢地...(我契爺已經責怪緊我...相信佢覺得我無情...但我唔係...呢樣佢真係唔會明)

總之大家都努力啦!唔好放棄,雖則我唔識你,你又唔識我,但大家遇到既困擾都算係差唔多(雖則原因唔同,但大家都係DOWN DOWN地嘛)...我都算係你其中一位PARTNER卦...咪淨係顧住自己先啦!你都要撐住我先得架!得我撐你係唔夠架!仲有其他N咁多個PARTNER都需要我地去撐呢~~~!!!你都有人需要你既時候既!!!

私人傳訊

janet

伯爵府

積分: 15905

hashtag影視迷勳章大廚勳章畀面勳章 BK Milk勳章

7^#

發表於 08-7-1 05:50 |只看該作者

原文章由 sad_man 於 08-7-1 03:48 發表
我一直懷疑自己患了抑鬱病
不見朋友, 不見親人, 偏偏喜歡自己一個, 維持了已經好長時間了
最近工作又辭掉了, 什麼都不想做, 不想理會

自殺其實是不是擺脫痛苦既途徑
停止呼吸, 停止思想, 似乎可以解決所有問題...
...

咁連你自己都覺得自己有抑鬱症,點解你唔去睇醫生呢??仲有係,死真係解決唔到問題架~~就算解決到都只係你自己既問題,咁其他人個d呢??例如:你父母~~再者,你又要諗點死先最舒服,呢個已經係一個問題啦,為咩你要製造問題俾自己呢??仲想講你知係,自殺其實好辛苦~~咪以為就咁跳落去就得,其實一d都唔係,因為係你跳左落去之後,其實你仲識痛,到時你仲痛苦呀~~食藥咩,你又唔知份量夠唔夠,唔夠時又係死唔去,燒炭咩又怕火燭,影響人地~~咁你話喇,死究竟可唔可以解決問題呢??我都係過內人呀~~死真係解決唔到問題架~~反而只會令你越多野諗架咋~~你快d去睇醫生啦~~又或者係打去撒瑪利亞會啦~~不過最好都係去睇醫生食藥啦,可以幫你控制下你既負面情緒架~~

眾裡尋他千百度，驀然回首，那人卻在燈火闌珊處!!
生死有命，富貴由天

私人傳訊

crystal媽咪

寶石宮

積分: 347025

馬年勳章 2025中秋節勳章 2025勳章蛇年勳章 2024年龍年勳章 2023年兔年勳章虎到金來勳章 2021可愛聖誕B勳章 2018復活節勳章 2018母親節勳章 2018父親節勳章牛年勳章 BK Milk勳章畀面勳章環保接龍勳章

8^#

發表於 08-7-1 07:12 |只看該作者

既然自己都覺得有問題, 咁就要正視.

我在4月份都好唔開心, 返工好多野做,

雖然無比人鬧. 但都一直好唔開心,

食咩嘔咩, 仲會等屋企 / 公司d人唔喺度就喊.

睇電視又喊, 瞓覺又喊.

5月已經好d, 但仲有食唔落野,

上個月接左個大活動要做, 又開始好想喊.

體重驟降, 食好少野.

後來find out到原因係工作+讀書太大壓力,

所以令自己唔想食野, 而家辭左職都好左d,

想埋唔會無端端喊, 但都好易嘔同唔想食野.

你都係要振作d, 辭職係可即時解決問題,

但想去搵份工適合自己多d的, 做人係辛苦,

但始終都要做, 唯有諗辦法令自己開心一d.

正所謂:比上不足, 比下有餘.

你仲可以自己選擇辭職唔做,

有好多人想做但無得做.

唔好放棄呀 !!!!!

私人傳訊

小魚兒正正

男爵府

積分: 8788

9^#

發表於 08-7-1 08:23 |只看該作者

原文章由 crystal媽咪 於 08-7-1 07:12 發表
既然自己都覺得有問題, 咁就要正視.

我在4月份都好唔開心, 返工好多野做,

雖然無比人鬧. 但都一直好唔開心,

食咩嘔咩, 仲會等屋企 / 公司d人唔喺度就喊.

睇電視又喊, 瞓覺又喊.

5月已經好d, 但仲有食唔落野,

...

死係可以解決到咩???...但有勇氣去死...點解吾用你d
勇氣
去面對呢......死左你有冇諗個屋企人感受呢....自殺
聽人講...死後要做番同一個動作到陽壽盡..先會停..
所以吾好做傻事呀...

[

私人傳訊

joejoemum

男爵府

積分: 9910

畀面勳章

10^#

發表於 08-7-1 08:50 |只看該作者

原文章由 sad_man 於 08-7-1 03:48 發表
我一直懷疑自己患了抑鬱病
不見朋友, 不見親人, 偏偏喜歡自己一個, 維持了已經好長時間了
最近工作又辭掉了, 什麼都不想做, 不想理會

自殺其實是不是擺脫痛苦既途徑
停止呼吸, 停止思想, 似乎可以解決所有問題...
...

其實你自己都知道自己有情緒病，點解唔睇醫生呀？儘快搵醫生睇吧！不要放棄自己！

「所謂幸褔，不是沒有苦惱，而是置身痛苦漩渦中，抱持樂觀而堅定的信念，不畏懼，也不嘆氣，勇敢迎擊迎面而來的洶湧波濤，浪愈大，愈是咬緊牙關向前衝，跌倒了再站起來，從摸索與挫折中學習與鍛鍊，磨練出膽識與智慧，無論橫流逆境多麼艱難，希望與確信依舊，直至獲得最後的勝利。」

私人傳訊

conniechan1975

禁止訪問

積分: 16556

11^#

發表於 08-7-1 10:56 |只看該作者

提示: 作者被禁止或刪除內容自動屏蔽

私人傳訊

等待BB的小貓

大宅

積分: 1628

12^#

發表於 08-7-1 11:08 |只看該作者

你四肢健全, 健健康康, 唔開心點解要尋死呢? 人有開心有唔開心咁先叫人生, 開心會過去, 唔開心都一定會過去.

你諗四川災民面對好似世界沒日的來臨, 佢地好多成家死凈一人, 佢地一樣堅強度過. 你遇既野其實只可能係一生中既芝麻綠豆渣, 勇敢d行返出黎, 出去戶外吸收下新鮮空氣, 望下山, 望下海, 你就知一生係美好架, 唔好令身邊既人為你而難過喇!

私人傳訊

kakachopper

伯爵府

積分: 16219

親子王國15週年勳章

13^#

發表於 08-7-1 11:12 |只看該作者

原文章由 sad_man 於 08-7-1 04:08 發表
我真係唔知道
我本來就不是一個快樂的人
這幾年變得更加孤僻
最近辭職了, 更加低落
好想死左去

我幾年無見過朋友了

我想在香港沒幾個像我吧?

我之前抑鬱都食咗半年藥, 當時辭咗工休息, 加上身邊嗰個不離不棄所以半年就開始轉好停藥
睇醫生真係幫到你
有啲人好驚睇精神科會俾人誤會痴線, 咁可以轉睇受過情緒病訓練o既醫生先
睇咗一個唔得轉睇第二個, 總之唔好再收埋自己怕出街, 一步一步嚟
真正情緒病係腦部化學物質出現咗問題, 而且好多個case仲會追溯到童年發生o既不愉快事(我自己都係咁), 而家我地講咩都冇用, 最緊要你自己幫自己企返起身, 首先去醫生度check吓係咪真係有情緒病先, 再慢慢解決問題