心聲留言今日: 2|主題: 17554

收藏本版

發帖

返回列表

跳至頁

查看: 1441 | 回覆: 2

給媽媽的信 [複製鏈接]

563angela

子爵府

積分: 12712

1^#

發表於 04-6-16 18:07 |只看該作者

給媽媽的信

媽媽, 好耐好耐冇見過你啦, 好掛住你呀, 你既聲音同樣子我都開始記唔起啦, 當我自己做左媽媽既時候, 我先睇會到媽媽你係咁偉大既, 原來做媽媽一D都唔簡單, 我真係好佩服你當時你要湊我地4姊弟, 仲要落田做野, 做家務, 半夜仲要跟車去菜市場, 真係連訓都冇得訓, 我地4姊弟都冇好好孝順過你, 你為我地準備好一切, 當時我覺得都係應該既, 你每次打我, 鬧我, 我都好憎你, 但係冇諗過你係為我好, 我仲好記得有一次比你打完, 我好嬲, 仲話 ”底你要擔水淋晒成塊田”, 而家諗番起, 真係覺得自己好衰, 竟然會咁樣話媽媽, 我心目中既媽媽真係好叻, 屋企大少事務都攪掂晒, 屋企D窗紗都係你諗出黎架, 亦都係你一手一腳整出黎, 你煮既泰國菜好好味, 我地好鍾意食, 可惜我都學唔到, 只係憑住一點點既印象去試整, 第一次整到既時候真係好開心, 因為我終於都可以搵番失去既味道啦, 當然冇你整得咁好食啦, 我已經好滿足架啦, 我仲記得你教過我地, 食飯前要叫人食飯, 去到人地屋企要叫人同唔准開人地個雪櫃, 走既時候都要同人講聲”我走啦” , 尼D野我全部都記得好清楚, 我亦會教我既仔要咁做, 我仲好記得我半夜腳痛/比蚊針好痕係度嘈, 你都會幫我查油, 媽媽你真係好鍚我呀, 我知道世界上只有你先係最鍚我, 每次我有唔開心, 我都係第一時間諗起你, 好想同你講, 好想你係我身邊, 有好多野都好想同你分享, 媽媽, 我真係好掛住你呀~~~~~~~

私人傳訊

mrs_e.c

大宅

積分: 2297

2^#

發表於 04-6-16 21:03 |只看該作者

Re: 給媽媽的信

過去的已無法挽救,所以現在要好好珍惜這刻一家人的關係,努力活在當下,做個好媽媽,還有可孝順的家人就多多表達我們的愛意喇~

私人傳訊

Edison媽咪

大宅

積分: 1870

3^#

發表於 04-6-19 20:05 |只看該作者

Re: 給媽媽的信

睇完我真的很感動,好想哭,因為我真的感受到做媽媽的偉大,
我真的覺得我媽媽好鍚我,真的很偉大!!!她是一個好媽媽,好婆婆,好外母,我真係好開心有一個好好既媽媽,如果不是她,我真的沒有今日,她永遠都會為我一家人著想,我真的很多謝我媽媽,在此要多謝我媽媽!!!
希望各位天下的媽媽努力照顧自己小朋友!希望他們長大後孝順你們!!