吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 相見好同住難的99（頗長）

婆媳關係今日: 0|主題: 27767

收藏本版

發帖

返回列表

跳至頁

查看: 2199 | 回覆: 5

相見好同住難的99（頗長） [複製鏈接]

BabyGorgeous

大宅

積分: 4482

1^#

發表於 08-7-5 12:23 |只看該作者 |倒序瀏覽 |打印

睇見好多人分享佢地99既問題，其實我應該好感恩因為我９９基本上都算唔錯，但係真係相見好同住難，我生ＢＢ佢由香港過黎（我地住係外國）陪坐月陪左兩個月，最後個個星期我同我老公恨不得佢快Ｄ返香港。

先講Ｄ好處：
１）佢６２９９對佢唔好，佢結婚完全無比嫁裝。因為咁佢好唔開心，但唔想我同佢同一侍遇，因此我結婚時佢花幾萬蚊買手飾比我，又鑽石戒指又龍鳳ark。

２）佢黎幫我坐月，佢真係唔識煮坐月野，但係佢照我比佢份坐月食譜煮，又知道我岩岩生左傷口仲痛，煮左飯會拎上樓去我房考門口烤門比我，好似room service咁。

３）佢煮Ｄ野真係唔好食，試過有次我同老公因為無胃口食佢Ｄ野佢發嬲，不過第二日佢又會煮番Ｄ我地會食既野比我地食。

４）佢好尊重我地，當我同老公攪緊個Ｂ時佢唔會走黎插手。雖然大家湊Ｂ方法唔同佢會哦下我地，但唔會成日哦。我行開左佢先會黎玩下湊下個Ｂ。

唔好處係：
１）佢有Ｄ污糟，保鮮紙唔捨得掉，包完生豬肉仲想包飯。抹爐頭既布用黎抹碗碟。

２）好要面子，無湯唔記得睇火攪到成屋煙差Ｄ火燭好在比我發現，佢就賴我個爐唔係同佢屋企個爐一樣，所以佢用唔慣唔記得睇火。係廁所洗黑色衫甩色攪到地下一達達抹唔甩，佢就賴唔關佢洗衫是，係我個廁所地板發毛（我兩日前先拖過地）。

３）耐唔耐有人講或做野唔順佢意佢就黑面唔采日但唔會話你知佢嬲乜。當時生左之後個幾月我食左咁耐佢煮既無味送（佢煮野唔係好落鹽糖，乜都淡乜都煮到爛容容，就連佢屋企人都唔鐘意食佢Ｄ野），我個口真係食到好寡，要我個妹每次黎探我偷運麥記既包比我食）。有次佢又係煮Ｄ爛容容無味送，我無乜點食，之後佢問我想唔想留起第日lunch食，我好有禮貌同佢講：「唔洗啦９９，我聽日想食通粉，我會自己煮黎啦」點知佢黑面。我上左房後，我老公見佢一個人係廚房大大聲自言自語：「唉，報應咯！梗係前世做錯左野，依家真係報應咯！」我老公問佢咩野意思，佢唔采我老公，老公好嬲咁唔理佢走黎話我聽。我聽左次後好唔開心，第二日成日都無出房，因為唔想見到佢比面色我睇。

我生長係一個相親相愛大家很坦誠相處既家庭，有咩唔岩都會大家講出黎唔會記係心，因此我好唔慣屋企有人比面色我睇。個兩個月同佢相處，特別因為我產後身體情緒仲弱，因此好難受。我好難怪９９，因為佢人生唔快樂，佢家公家婆對佢差，佢老公唔係好髒諒佢，可以生第一貽時因為等太耐唔耐煩唔理佢離開醫院自己返左屋企（我９９講）。佢同佢老公多年關係時好時壞，因此佢不自覺將平日係屋企既情緒發左出黎。咁多年咯，叫佢突然要改變自己既情格，我都做唔到，何況係佢？

雖然我知佢既難處，但係一埋身真係好難相處。好在我地唔係香港，如果唔係每個星期都要見一兩次，大家既關係可能會更差。

0 0 0

私人傳訊

JFL

伯爵府

積分: 17183

2^#

發表於 08-7-5 13:14 |只看該作者

咪係囉,你一年都見唔到佢一次咪算喇!我奶奶又系在我生第二胎時過黎幫我,果時姑仔小氣唔想佢留底幫我,佢都幫我幫到生咗為止.雖然佢日曰都煮差唔多嘅餸,但系我都好感激佢,冇complaint過,而家我返去佢到都會整番果Ｄ餸比我食,因為佢以為我鍾意食

佢在到幫我時,有時都會端端黑面,可能佢掛著個女或唔舒服,但一陣就冇事架喇.咁大家互相體諒下,我地就可能因為小見,所以都相處okay.我諗如果要同住就唔同嘅!

[ 本文章最後由 JFL 於 08-7-5 13:16 編輯 ]

私人傳訊

IaMMoYY

子爵府

積分: 12195

3^#

發表於 08-7-5 13:33 |只看該作者

LZ, you sounds like a reasonable person. You siad your mother-in-law will stay for 2 months. Since you live overseas, you don't need to see her very often after she leaves. There isn't a lot to do except to put up with the situation. When will your mother-in-law going home?

私人傳訊

BabyGorgeous

大宅

積分: 4482

4^#

發表於 08-7-5 15:26 |只看該作者

回覆 #3 IaMMoYY 的文章

走左啦，佢一月頭就已經返左香港。

私人傳訊

onon1022

子爵府

積分: 12596

好媽媽勳章

5^#

發表於 08-7-5 21:30 |只看該作者

其實你奶奶已經好好...佢體諒你地...你地都體諒你奶奶...佢知道佢自己煮野唔好食...但係佢煮比你食...佢都係想對你好...可能你覺得佢有唔好既地方...但係無人會十全十美...你係一個相親相愛大家很坦誠相處既家庭成長...但係對住一個唔係相處太耐既人...你都唔會對佢好坦誠...咩都可以同佢講...所以你奶奶亦都一樣...佢唔想係你面前發脾氣...佢先匿埋講...都係發洩自己既情緒...對佢好d...多d話題...你會梗加瞭解你奶奶...

[url=http://lilypie.com][img]

私人傳訊

BabyGorgeous

大宅

積分: 4482

6^#

發表於 08-7-6 11:51 |只看該作者

我無話佢唔好，如果唔係我都唔會數佢Ｄ優點多過佢Ｄ缺點啦。

９９其實有好多都係佢性格上既問題，我老公唔係對佢唔好，只不過係奶奶同佢屋企人相處都唔係太懂表達，因此佢Ｄ屋企人都唔會好坦誠同佢溝通。

我曾同我老公講點解我地唔好好同９９傾清楚等大家知道對方既想法？我老公話唔好，因為佢試過同佢阿媽傾，一傾９９就將陣年舊時一下子翻晒出黎講，逐樣罵，我老公話佢怕自己會頂唔順反駁。我６２以前曾同９９哎交哎到９９同佢打交，想拿剪刀插我６２，個次係最激既一次。

我知我９９心地係好，不過佢太多怨氣唔識宣洩出黎，積埋積埋不知不覺間會發出黎影響佢身邊既人。

我承認佢黎個時我有嬲過佢，但都要體諒下我當時生完無耐，身子同情緒仲好弱又唔夠瞓，真係唔再受得人地既面色。

不過我始終覺得，佢心地真係唔差，我同老公都係佢臨走之前請佢食野又送份大禮比佢，我地耐唔耐仲錄低ＢＢ既進展過程係youtube比佢睇（我９９以前係學校秘書，識電腦），tum到佢都幾開心。

[ 本文章最後由 BabyGorgeous 於 08-7-6 11:53 編輯 ]