Baby Kingdom - 親子王國 香港 討論區 › 首頁 › 心聲留言› 我今日又比奶奶激親!!!!

心聲留言

收藏本版
發帖
返回列表
跳至頁

首頁
1

尾頁
   0
mymelody2003


男爵府

積分: 8641


1#
發表於 04-6-25 14:03 |只看該作者

我今日又比奶奶激親!!!!

bb係由工人湊, 今日奶奶到我家, 在帶bb出街前一個鐘先突然間在電話裏同我講話要帶bb出去, 並沒有講去邊度 (當時的語氣係命令式, 不是問我可不可以), 我梗係唔想啦, 又唔講去邊, 要我再問佢, 佢先好唔想咁答 "去酒樓同佢個女飲茶", 因為我知佢實會比d咩野bb食; 跟住我問佢帶唔帶工人, 佢又好唔想 "是但啦" (即係唔想啦), 但我堅持要工人一齊去, 因為工人要準備及帶外出物件給bb, 當我安排工人要帶d野時, 我就聽到佢話 "洗唔洗要準備咁多野, 去一陣之麻." 當時真係比佢激死!
佢真係當我透明, 佢同個女去飲茶又唔會叫埋我!
什麻事都好似係佢岩哂, 和佢同bb出街時我只係工人, 全程根本冇可能抱bb, 好似父親節o個日, 去酒樓吃飯之前一齊行街, 當時係姑仔抱bb, 明明一齊企係度睇, 突然姑仔同奶奶講了句 (不是對我講的), 不如到o個邊睇d野, 之後佢地兩個一聲不響地就咁抱bb行開, 得番我一個企係度, 當時真係好嬲, 行開又唔聲, 我最後嬲到自己行左去, 自己去酒樓.
我想問大家有沒有我這種情況發生過? 你們覺得我應死認, 或出聲反擊? 我真係唔知道我可以認到幾時呀???
私人傳訊

finger


男爵府

積分: 9521

醒目開學勳章 畀面勳章


2#
發表於 04-6-25 14:58 |只看該作者

Re: 我今日又比奶奶激親!!!!

點解你自己唔抱返 bb 呀?
比我一定搶返黎自己手中!!
http://jackylau.com/FreePhoto/PhotoData/U0047102.gif
私人傳訊

yukkie


男爵府

積分: 7827


3#
發表於 04-6-25 15:16 |只看該作者

Re: 我今日又比奶奶激親!!!!

比我都會搶返BB之後﹐自己有自己行﹐如果你老公一向站在你個邊﹐就會比個waring你老公﹐咪話下次唔比面呀 :-x
Nijnje
私人傳訊

850212


禁止訪問

積分: 6156


4#
發表於 04-6-25 15:58 |只看該作者

Re: 我今日又比奶奶激親!!!!

提示: 作者被禁止或刪除 內容自動屏蔽
私人傳訊

mymelody2003


男爵府

積分: 8641


5#
發表於 04-6-25 16:09 |只看該作者

Re: 我今日又比奶奶激親!!!!

好多謝你們的回應, 由於平時奶奶, 老爺及姑仔會輪流搶住抱, 我又去爭好似好小氣咁; 最近一次, 我終於認唔住搶過來抱左一陣, 奶奶個樣即時黑面!!
真係好唔明同佢及bb出街, 佢就會當個囝好似佢咁???????

咁你地會唔會比奶奶私低下帶bb出街? 佢地係問你或只是通知你的形式? Thanks!
私人傳訊

mymelody2003


男爵府

積分: 8641


6#
發表於 04-6-25 16:16 |只看該作者

Re: 我今日又比奶奶激親!!!!

850212:

點解佢地咁衰架, 如果佢地肯等多o個一陣你就唔駛四圍再搵佢地啦, 點解你老公唔埋你?
最憎奶奶o個邊講就話當你地係自己人, 最終都係當我地工人 (重要係最好永遠同佢地say yes喎!).
私人傳訊

yukkie


男爵府

積分: 7827


7#
發表於 04-6-25 18:07 |只看該作者

Re: 我今日又比奶奶激親!!!!

Hi, mymelody2003,
我個仔一歲﹐可能因為我係全職媽媽﹐所以從來我都無比我仔單獨同老爺奶奶出街﹐如無必要都唔會同佢地一齊出街。一來我老爺奶奶年紀都幾大﹐兩個都成七十幾歲﹐有什麼事﹐唔好話整親BB﹐佢地有事誰負責﹖﹖第二我奶奶行動唔方便﹐我老爺要照顧她﹐重要多一個細﹐當然唔得 但我二伯好放心﹐我老爺奶奶幾年前重同佢湊仔 有時重要佢地駕車到二伯屋企比佢地睇仔﹐要駕成個半鐘頭車﹐我老爺又聽得唔好﹐他死都唔肯用耳聾機﹐話自己無事 :-( 有時我在佢車都幾驚架 你可以學下我話BB太活潑﹐驚老爺奶奶抱唔住﹐咪唔好比他們抱
Nijnje
私人傳訊

Edison媽咪


大宅

積分: 1870


8#
發表於 04-6-26 00:32 |只看該作者

Re: 我今日又比奶奶激親!!!!

mymelody2003,

我生我大仔個時,同你一模一樣,簡直頂佢地唔順!! :-x
我奶奶同我姑奶都係咁樣架!佢地仲衰,簡直擋我好似工人一樣,我生左我大仔既時候,因為佢地咁樣我覺得自己好似有產後抑鬱 ,成日係度哭,我好嬲佢地,因為我姑奶係同我一起住,明明我坐月時係房訓覺,佢都可以唔(享)門咁入黎睇我個仔,我係屋企我去邊佢又跟住,總之佢好似前世未見過bb咁,好似我唔小心剪捐佢隻手指(當時得我同佢2個人係屋企),佢即係夜晚同我奶奶講,之後我奶奶打俾我老公,同佢講話我識唔識照顧bb架,之後我忍忍忍,點知我老爺又打俾我老公又係度講,之後我真係頂唔順,坐係度哭,我就同我老公講,而家咩事呀?個個我個仔黎架,關佢地咩事呀?佢係我個仔我要打佢,剪佢都得,駛唔駛佢地理咁多,就算佢地係擔心佢咁又點?有邊個唔係第一次做人媽咪架,你地話係唔係la?
好似同佢地去街咁,永遠都有佢地2個抱就冇我抱,我永遠都係做亞4咁推bb車,你話我嬲唔嬲?我奶奶成日都亂俾野食我個仔,我真係好怕見到佢,我老爺成日同我老公講話我唔同bb搵佢,講真如果佢地唔係咁,我都唔會咁做,好心佢地檢討下自己先話人啦!
mymelody2003有時真係唔到你唔信,始終你唔係佢個女就唔係佢個女,真係唔同d架!我奶奶永遠都抱我個仔俾我姑奶玩,成日叫我個仔同佢一起,你話我係做人亞媽定做人工人?
我以前都好似你咁死認,一直都唔出聲,有時真係頂唔順佢地2個,佢地2個係好自私,好似我個仔1歲生日咁,我請左好多人黎同佢慶祝,點知,你知唔知佢地做咩?佢地2個抱我個仔係一角2個自己同我個仔玩,人地全部人就唔知係度做咩咁,明明我個仔生日,搞度個個都同我講,有冇搞錯呀?你奶奶同你姑奶咁做真係好少家,好難睇!我真係頂唔順,連佢生日我都冇抱過,仲要(cut)蛋糕個一刻我奶奶都要過黎搶,個個見到都(6)大隻眼咁睇住佢,個個都話應該係我抱,唉!有時做人真係好難!
而家我生左我細仔佢冇成日同見同抱佢,因為我餵人奶,不過我奶奶好麻煩咩野都亂俾佢地食,我細仔2個月時佢等我見唔到時俾蛋摓佢食,你話死唔死!我好好聲同佢講唔好啦,佢今日先剛剛2個月,你知唔知佢同我講咩?佢好大聲罵我話"你要俾佢知道呢個世界有咩食先得架,你咩都唔俾佢地2個食,唔怪得知你個大仔咩野都唔食啦!講真!我個一刻真係好嬲,我個仔唔食野關我咩事呀?明明係佢由細到大都係咁,你話呀?我仲敢唔敢成日見佢,我真係怕左佢,佢同我姑奶都好麻煩架,我鬼無知,好似好白痴咁架!成日管人呢樣個樣,我個大仔係我亞媽湊,連我亞媽都頂佢唔順,所以有次佢同我奶奶老爺飲茶,就係講呢d野,特登串佢地,我亞媽話唔想佢地成日蝦我,所以佢搵佢地講,之後而家佢地真係唔太敢管好多野,我奶奶真係好麻煩架,連我個仔著咩衫都要理,我買咩都要管,好煩架,好彩唔係佢湊,佢湊我真係唔駛見我個仔架la!我只係覺得你應該出聲反擊lor,因為你就佢,佢就越黎越過份,我係過來人,你好明白你心情,你唔好咁嬲啦!不過我都知好難,因為我嬲到今時今日呀! :-x :-x
私人傳訊

mymelody2003


男爵府

積分: 8641


9#
發表於 04-6-26 11:51 |只看該作者

Re: 我今日又比奶奶激親!!!!

Edison媽咪:

你講既全部都係我的心聲, 好彩當bb出世時係佢自己話唔湊, 如果真係比佢地湊, 我諗一早比佢地激死左!! 佢地口裏話當我係自己人, 但佢地既表現令我覺得我只會係外人, 尤其當奶奶同姑仔一齊時, 直頭係天下無敵; 由bb出世到現在我都會好忍讓佢地, 但到依家真係越來越過份, 好多野都分得好清楚, 尤其係當bb在奶奶家, 佢地會連bb原本著緊的底衫換左佢地自己買的.

依家佢地係咁既, 我只好每個月 1至2次帶bb到佢度, 費事好似帶bb比佢地玩係理所當然既事, 由於印印放假, 我地要晨咁早9:00前起身, 趕餐死由港島去彩虹 (12:00左右)去佢地度等佢地餵bb食粥, 奶奶都會話 "咁遲架, 你地唔可以早d起身咩" , 你話激唔激氣oY!!!

有一樣好笑既事, 昨日我奶奶第一次帶左bb同工人去上環飲茶, 但我公司在中環, 一聲都冇叫我去, 都算啦! 原來係特登帶bb去比我姑仔的同事玩, 唔通佢當左bb係佢個囝??? 我放工返屋企時問印印今日bb著咩衫出街, 佢話奶奶自備私伙衫給bb, 咁我好自然問佢件衫呢? 印印話奶奶自己帶返屋企. 我真係好奇怪, 連出街既衫都要分得咁清楚? 唔通佢買的真係好d?
私人傳訊

plee


大宅

積分: 1308


10#
發表於 04-6-27 00:24 |只看該作者

Re: 我今日又比奶奶激親!!!!

我好明白你們的心情, 所以大仔半歲起, 我決定做衰人, 唔比人同BB去街, 表示不喜歡人地太緊張我BB, 也不想姑仔趁我不在時來我家; 初時(約有1-2yrs)是很不開心的, 但我在其他方面盡然對他們好, 但關於BB就好執著, 現在已較好了

有時見到有些奶奶姑仔鍾意搶BB, 是我一定唔忍得, 自己谷到爆炸, 人地與就開開心心, 這樣關係也不見得好, 有時可能是他們不了解做媽媽的心情, 不妨婉轉讓他們知道你不開心, 和你的要求
私人傳訊

ernie


複式洋房

積分: 136


11#
發表於 04-6-27 00:40 |只看該作者

Re: 我今日又比奶奶激親!!!!

點解個個奶奶都係咁,簡值係一模一樣,我都唔會比佢哋帶bb出街,亦都唔鐘意等我返工就嚟我家,佢哋成日亂咁比D嘢食阿b食,不過唔一齊住,見面時就比佢抱一陣,睇開D會開心D,不過我都知好難
私人傳訊

eyan


男爵府

積分: 6987

畀面勳章


12#
發表於 04-6-27 00:48 |只看該作者

Re: 我今日又比奶奶激親!!!!

唉!當日我出院呀,我奶奶個friend問都吾問呀,就一手抱左我個女走,好似佢係我奶奶0廿,而我奶奶就好似工人0廿幫我拎野,佢個friend又行得快,我剛剛先生完48小時,點同佢行得快喎,之後我好多時都吾會比我奶奶抱我個女,由其我個女去到一歲到,開始識引佢開心,就直程當我死0廿,有次我搬屋,比個女佢湊左五日,當時個女好細個,五日後已經吾係好記得我,當我見到0廿既時候,我已經好傷心,隔左好內個女先叫我媽媽,我奶奶竟然雞0廿腳走出黎話佢係叫痳痳,吾係叫媽媽,我當時真係喊左出黎,好在我重有個姑奶幫我,如果吾係都幾慘!
私人傳訊


首頁
1

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見