吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 大仔大女媽媽會› 鬧個女鬧到自己都喊

大仔大女媽媽會今日: 0|主題: 177860

收藏本版

發帖

返回列表

跳至頁

查看: 2364 | 回覆: 6

[2008年] 鬧個女鬧到自己都喊 [複製鏈接]

wingfriendss

別墅

積分: 603

1^#

發表於 15-6-5 00:20 |只看該作者 |倒序瀏覽 |打印

真係唔知點做好，永遠同佢講完既野佢都重覆再做！根本無將我說話記住
叫佢揸第隻手唔好彎入去，咁樣會寫到啲字斜，講左無數次！依家仲嚴重，寫個7筆畫係橫直，佢係寫到個一橫係上緊斜坡然後一直！五分鐘前鬧完佢，再比卷佢做佢又係咁寫！仲有好多野都係講完又講講完又講！鬧到我忍唔住打佢，鬧到我自己都喊埋一份！鬧到我自己覺得好憎佢！我一鬧一路問佢你想我點呀？我唔想再咁落去，佢辛苦我又辛苦，有咩辦法可以解決？我覺得我女已經比我鬧到無哂自信，一鬧佢佢緊張個時留意到佢有小動作，揸衫邊，捽衫！我係咪要搵啲咩機構幫我？我鬧完佢打完佢事後又會後悔，但當刻真係好猛....
我真係為佢好，想佢好！我先會咁激動！

0 0 0

私人傳訊

MASAYA

大宅

積分: 2009

2^#

發表於 15-6-5 10:53 |只看該作者

有時太投入會留意唔到視線以外既事，企後一步，睇下佢有冇一d唔明顯既困難，例如寫字問題會唔會係小肌肉未發展得好

另外你都留意到佢冇自信，自信對人既影響非常重要，有進步時就鼓勵佢，由唔做到會做已經係一個唔錯既進步，暫時放低做得好唔好呢點，將要求降低d，慢慢一齊提升

如果父母處理唔到情緒，需要搵人求助，千祈唔好覺得人人做到自己做唔到，其實好多人都做唔到，如果肯認識自己不足而去求助，已經比好多固步自封既人好，可以試下搵社工或附近既教會，佢地都會好樂意幫你，加油

私人傳訊

pingu_k

侯爵府

積分: 21812

3^#

發表於 15-6-23 12:25 |只看該作者

回覆：wingfriendss 的帖子

好多野都係講完又講講完又講~~>我個仔一樣!坐,企，行既姿勢，食飯，彈琴…好多好多…野，連游泳教練執佢动作都話佢心散，吾專心!呢頭\'知，知，知\',轉頭又係咁，教到吾想教!佢根本冇聽完下決心去改!係咪對6,7歲既佢地係咁難？但吾理佢？由得佢？咁只会愈來愈差!我都吾知可以點，好灰？!佢已經攪到我即使見到佢學校成績好（暫時），我都吾識開心，見到佢樣樣動静都吾多順眼!

但我仔同你囡囡吾同，佢自信冇差左，反而仲嬉皮笑臉咁，又係激死!我成个人俾佢攪到好吾開心

私人傳訊

kittychan33

大宅

積分: 3569

4^#

發表於 15-6-24 08:44 |只看該作者

引用：好多野都係講完又講講完又講~~>我個仔一樣!

原帖由 pingu_k 於 15-06-23 發表
好多野都係講完又講講完又講~~>我個仔一樣!坐,企，行既姿勢，食飯，彈琴…好多好多…野，連游泳教練執佢动 ...

一様感覺。教育小朋友壓力很大。尤其他們越大要兼顧的東西越大。家長也一定越大。但小朋友未識緊張。所以家長自然緊張。小朋友小一考完試還未可以放鬆。在小朋友面前吾知点解一種冇形的壓力。好辛苦。

私人傳訊

sexymami

大宅

積分: 2573

5^#

發表於 15-7-14 09:36 |只看該作者

回覆：wingfriendss 的帖子

放鬆啲！鬧係冇用架！

你係咪全職媽媽？長時間對住小朋友會令人好燥底我都明白，我都用過無數方法。我覺得小朋友冇記性慢吞吞重複犯錯可能係通病。

你要先控制自己情緒，令小朋友有自信地成長係最重要！將來佢個人性格係點好睇你依家點對佢，你試下改變自己習慣唔好下下又鬧又打，改為讚佢？

例如執筆，我見佢執筆唔岩，我會話eee, 我行開5分鐘再回來，睇下見唔見到有執筆正確的小朋友（我冇指明係佢，亦唔會望住佢講）。

過5分鐘後，返來如果見到佢做到，立即讚佢，讚到佢上天（讚執筆唔係話佢叻/醒那些空泛的讚美）。

之後慢慢地，找多啲佢做得好的事情讚佢，總之有一刻佢做得好，便告訴佢做得好好喎，可以的話加埋原因；當然唔好的可以話，但都可以換個語氣-吓？應該點做呢？等佢回應你。

小朋友好得意，會將你讚佢的記住，慢慢佢會改變壞習慣的！可能唔係一時3刻，加油！

私人傳訊

CheungKeeKee

子爵府

積分: 13668

6^#

發表於 15-9-18 12:09 |只看該作者

教仔女真的考驗我們的耐性，子女不聽教我也好勞氣，但他們也要時間成長。

阿仔去年小一，日日不願起牀，叫佢起身都是父母錯，樣樣都要人幫，未出門口就嘈交。寫字超差，又唔肯改，晚晚對功課又嘈交。去到期考未溫書就睇電視，激到你死，直頭想掉他的書包落街。情緒好波動，細細個句句頂，我成日講提早反判期，真的唔識教，也擔心親子關係。

今年一開學，成個變晒，一叫就起身或自己起身，晚上自動自覺上牀。功課快手做完，寫得差了肯改寫，執筆手勢大有改善。我放工回家替妹妹洗澡，他還幫忙開爐放熱水拿毛巾，乖了好多。當然有讚賞他、鼓勵他。

我也有想過放棄唔理佢。俾些時間個女和你自己，放鬆下，她還小還有時間改。