《呻post》
我同老公係同學開始, 拍拖頭幾年佢都幾我好好, 當時嘅我脾氣好臭, 好易發脾氣, 成日同佢鬧交, 佢都好包容我。。。
拍拖4年後, 我哋結婚, 佢一直都係身邊所有人心目中嘅好男人, 我憧憬日後佢都會對我好好。。。
日子耐咗, 我嘅脾氣都收斂咗好多, 我已經去到覺得嘈係好無謂嘅地部, 不過佢嘅脾氣就愈嚟愈大, 間唔中就搵嘢嚟嘈。。。
我有同佢講過我覺得佢對我愈嚟愈差, 佢話因為緊張我先會噉, 仲話如果我嬲會即刻tum番我, 唔會再同我嘈。。。 不過之後當然係重覆又重覆發生啦。。。
前排我哋慶祝結婚周年, 佢為咗果日俾咗好多心機, 反而我咩都冇預備俾佢, 佢話唔緊要, 我果日過得好開心。。。
果晚佢同事約食晚飯, 而我要番學, 所以各自各, 我放學番到屋企佢都未番 (佢每次都同同事食到凌晨先散, 所以我慣咗。。。), 今次佢又飲到醉咗, 番到屋企就瞓咗喺梳化, 我拎咗佢電話差電, 咁啱俾我見到佢whatsapp聯絡人有啲我唔識嘅人, profile係性感相, 其中一個status寫住“冇相睇, 冇價講”, 不過佢哋冇對話內容, 我即刻睇晒佢whatsapp所有聯絡人, 發現起碼有6個可疑嘅人。。。
我知佢有睇開咸網, 亦知佢睇過一樓一網, 仲要係search屋企附近, 我問過佢, 佢話八卦睇吓, 又話呢啲人污糟唔會去, 之後我就冇放上心。。。
但而家俾我搵到add埋呢啲人嘅電話, 我唔理佢有冇搵過呢啲人, 亦唔理佢係幾時add, add得呢啲人即刻佢心底係想搵啦！我真係好嬲!!! 我screen capture晒果啲可疑人, 等佢自己發現我發現咗, 亦都自從果晚開始, 我冇同佢講過嘢, 但佢到而家都好似冇事發生噉, 冇問過我咩事, 淨係得閒講兩句“唔好嬲啦！” 我唔知佢真唔知定假唔知發生緊咩事!! 已經過咗2個禮拜喇!! 我冇同身邊嘅人講!! 但我已有去意, 我仲算後生, 而家唔走過多幾年真係冇機會!!
從未怕我會失禮 為我勞苦都不計 還在說我如上天賞給你的獎勵
其實我那算寶貴 尚有你寵先珍貴 眼看今天一切統統都靠你先可發揮
就算翻天風雨蓋過我 攻擊批判都很多 不管怎樣也有你陪著我 再痛苦撐得過
未見得位位都會愛我 在這個世界 偽裝的很多 誰似你會講真話幫我 感激鞭策我
發表於 
返回列表
