大仔大女媽媽會 今日: 0 | 主題: 177860

積分: 30556

畀面勳章 hashtag影視迷勳章

1^#

發表於 08-7-30 13:28 |只看該作者 |倒序瀏覽 |打印

大家都知道我成日呻，我個仔成日唔食奶，又要少食多餐，好麻煩！近來佢有人新搞作啦！

按醫生建議，傲宏仔一日應該食總共25oz或以上(最理想係30oz)。因為佢前排病左，胃口無咁好，所以佢比之前食少左(至少20oz per day)，我都無點理。那一排佢在我父母家就食10-13oz奶左右，夜晚補到幾多係幾多，有時都唔夠20oz，不過佢病，我算！

到宜家我個仔病好啦，但在我父母家仍然只食13-15oz左右。咁佢每晚大約9pm回到家，12(mid)左右睡覺，3小時內就算我幾盡力，最多都只可「倒」5-8oz奶給他吃，即結果一日只吃18-23oz左右，未達標。如果佢真係只食咁少，我都無佢計，但呢排佢就成日半夜餓醒要食奶，佢大哭點安撫都無用唯有俾奶佢食，佢食完就瞓返...... 我計過，佢食埋呢餐就全日大約食26-27oz，即係話佢本來就需要食咁多，但問題係佢睡前食唔夠，搞到半夜起身要食。

我唔想佢咁樣半夜要食(佢本身已經戒左夜奶)，一來我同老公要返工，咁搞我地會唔夠瞓；二來係因為我個仔本身就日間瞓得少，我唔想佢因為肚餓而interrupt佢瞓得最長最熟的睡眠。

我跟我爸及工人傾過呢個情況，佢地異口同聲話係傲宏仔死都唔食...... 呢個我信，就好似我老公咁講，我個仔真係會喊要食，但食左1oz奶就死都唔肯再食。我地按健康院建議等佢一陣先再食，但都唔work，唔食就係唔食(我個仔真有性格)，佢真係會發哂脾氣死都唔食。

我有朋友同我講，係我縱壞左傲宏，因為我唔狠心餓佢，迫佢準時一次過食多d奶；又唔夠狠迫佢食奶...... 我見我老公有時迫佢食奶，佢喊到成塊面紅哂，又因為強烈掙扎而出到成身汗，我真係唔係好忍心！

又有人教我如果佢凌晨食奶就餵佢飲水，唔俾奶，等佢知道凌晨無奶食，要食日間食...... 不過比起飲奶，我個仔更唔喜歡飲水，俾水佢飲佢更唔飲，喊得更勁！

究竟係咪我做錯呢？真係要狠心對佢？我仲有無其他方法，令佢日間食多d，唔好再半夜起身要食奶？

0 0 0

私人傳訊

ivymeoow

男爵府

積分: 5160

2^#

發表於 08-7-30 14:51 |只看該作者

會唔會係玩得多唔食奶.?
因為我個女係咁,
一玩得開心就要繼續玩,
唔食奶,
搞到之後D時間同份量錯哂......
而家我要等女女食哂奶奶先可以同佢玩就好好多......
如果佢唔肯食奶,
我地會行開, 個個都唔理佢,
喊都唔理ga!

私人傳訊

pymmr

積分: 585

3^#

發表於 08-7-30 14:59 |只看該作者

作為一個阿囡都唔鍾意食奶的媽媽，我好明白你的心情，因為實在迫都迫唔到。

我通常用一個鐘的限時，用盡方法希望佢食，限時過後就倒奶。

至於半夜食奶，就真係要好好處理，俾水佢飲係一個方法，或者試下在星期五六（即第日你地放假時）俾佢喊下，等佢知道夜晚係冇奶食。

不要以為自已太狠心唔好，適當的「訓練」是必需的。

私人傳訊

cherrychris

積分: 2108

4^#

發表於 08-7-30 15:38 |只看該作者

原文章由 Freesia_cat 於 08-7-30 13:28 發表
大家都知道我成日呻，我個仔成日唔食奶，又要少食多餐，好麻煩！近來佢有人新搞作啦！

按醫生建議，傲宏仔一日應該食總共25oz或以上(最理想係30oz)。因為佢前排病左，胃口無咁好，所以佢比之前食少左(至少20oz per day)，我都無點理。 ...

如果我係你,你個仔半夜肯食咪比佢食lor... 不過好奇怪,我個仔都戒左夜奶,不過呢幾日佢都未天光就扭食奶...好煩!

私人傳訊

doswong

王國會長

積分: 17173

王國會長

5^#

發表於 08-7-30 16:50 |只看該作者

我個囡一日都有至少一餐唔肯食, 搞成個鐘都係食1-2oz, 成日食奶搞哂我d時間, 通常係中午果餐唔肯食....
我係一個好惡既媽咪, 如果超過45分鐘都唔肯食既話, 我會用針筒餵佢, 因為d媽媽奶好辛苦至泵到出嚟, 同埋我個囡一日都食22-24oz左右, 去街仲食得衰添
所以睇你狠唔狠到心, 我個囡瞓果餐本來食成個幾2個鐘, 我後來狠心,食一個鐘, 食到幾多就幾多, 佢再喊都唔畀, 最多畀水, 而家多素半個鐘就食哂5-6oz, 因為佢知道收咗支奶就無....

私人傳訊

ikyau

男爵府

積分: 5425

6^#

發表於 08-7-30 17:21 |只看該作者

我埋身餵就仲慘, 見佢只食7-10mins 就唔食, 又逼唔到, 即使過咗3-4hrs 佢都好似唔餓, 所以一日都唔知食唔食到20oz

私人傳訊

積分: 30556

畀面勳章 hashtag影視迷勳章

7^#

發表於 08-7-30 17:59 |只看該作者

其實我個仔肯食奶，我係完全"neur"飯應的...... 你都唔知我一直最擔心就係我個仔食奶的問題，尤其見佢由出生時的中/大碼變左宜家細碼，我同老公都好唔開心。

我地平日都係咁，俾一小時時限佢，試盡方法等佢食，一小時後唔食就倒奶(因為健康院話一小時生菌啦)，然後等下次機會(基本上係佢再要食的時候)。有時都有用，不過大部份時間我個仔係唔食就唔食，仲要係不停掙扎扭到好似蝦米咁去表示佢唔食。

我地都曾經想過點解佢食咁少就唔食(其實佢可以食多d，個胃絕對容得下，佢有時心情好會一次過食5-6oz)，我地都認為係因為我仔貪玩，所以只要個肚唔餓，佢就唔想食想玩...... 如果係咁，睇下咩時候啦，早上我就唔會同佢磨，唔食就算因為我要食早餐然後趕出門口；晚上/假日就會抱佢氹佢睇下佢食唔食。至於平日，因為係工人餵佢食奶，然後我老爸帶佢去玩。我老爸不嬲都唔認同我地成日要個仔食奶，佢一見工人俾佢食完奶就同佢玩/我個仔睡著了。

如果只係間唔中佢凌晨醒要食奶，係無問題，但我怕問題延續...... 因為真係唔想interrupt佢嘅睡眠！

其實呢排佢凌晨扭，我相信已經唔係佢一喊即刻有得食，因為呢排我病左瞓sofa，我老公就出哂名我仔喊極佢唔醒...... 我相信我個仔都喊左一段時間，先可以整醒我地兩個。之前我同佢瞓，佢一喊我就俾人奶佢食；宜家佢要喊醒佢爸，爸爸再去沖奶，然後再餵，都要一段時間啦！

唔通我真係要望天打卦，希望有日我個仔會轉性，乖乖同我食奶？

私人傳訊

Allyly

男爵府

積分: 8127

2011至尊種植勳章畀面勳章親子王國15週年勳章

8^#

發表於 08-7-30 18:54 |只看該作者

原文章由 Freesia_cat 於 08-7-30 17:59 發表
其實我個仔肯食奶，我係完全"neur"飯應的...... 你都唔知我一直最擔心就係我個仔食奶的問題，尤其見佢由出生時的中/大碼變左宜家細碼，我同老公都好唔開心。

我地平日都係咁，俾一小時時限佢，試盡方法等佢食，一小時後唔食就倒 ...

唔知係唔係天氣問題, 我BB 由上星期開始都係唔係好肯飲奶! 不過我就比較有耐性. 半推半就都會迫佢飲8~9成! 都試過點迫佢都唔飲, 仲要訓著o左! 不過我bb 而家依家係食6餐, 每餐4~5oz, 4個鐘一餐, 所以夾埋晒都仲ok!

mouth:

私人傳訊

PeonyComing

積分: 2270

9^#

發表於 08-7-30 20:14 |只看該作者

Freesia_cat,

見倒你個仔咁, 做媽媽的真係好擔心同苦惱, 因為長期係咁真係冇營養同冇抗體, 你bb係咪正處於厭奶期or 等緊出牙仔呀? 就咁聽你講我覺得佢多似厭奶哦! 我bb琴日剛4個月, 唔知係咪一踏入4個月o既bb開始smart d, 佢今日都係勁唔訓又要人抱, 我搞o左一輪先肯訓, 希望你bb快d適應返以前個routine

私人傳訊

tsl0511

積分: 835

10^#

發表於 08-7-30 20:33 |只看該作者

原來大家的bb都有呢個問題, 我bb都係呢2個星期, 每次飲奶都飲唔晒, 迫佢的話, 佢仲激, 發晒脾氣, 死都唔肯飲. 呢幾晚半夜都起身喊, 我都係比水佢飲, 昨晚仲起佐2次身...

唔知攪咩?

Freesia_cat, 好明白你的難處, 真係試下忍心d, train番你個bb有個飲奶定時的習慣. good luck..

私人傳訊

lou218

積分: 1726

11^#

發表於 08-7-30 22:11 |只看該作者

我都懷疑係唔係就出牙仔關係, 我個女連續呢四晚忽然訓得好差, 平均每2個鐘起一次身食奶, 但係有時食2-3分鐘就算

freesia_cat:

其實我個女都係o甘難攪. 佢出世o個幾日o係醫院補奶粉已經比姑娘話佢懶食奶. 佢係經常食唔夠5分鐘就訓. 一路到而家都係o甘, 點逼都逼唔到, 所以變左細碼b

不過你唔好比o甘大壓力自己啦, 試下放鬆少少先

你有無試過比開奶茶傲宏仔飲? 我有好多朋友都話開奶茶好work, 我都打算煲下. 遲d講比你知個效果點

私人傳訊

Tammyngf

積分: 508

12^#

發表於 08-7-30 22:36 |只看該作者

買開奶茶小心d,我買一包$10俾b飲,我媽話過多意米和粟米,結果b飲左唔舒服了一星期。最終都係我媽自己去藥房散買,一個星期飲一次。
不如試下用米水開奶先, 米水係bb'人參'好有營養。我個b就一日飲兩次。

私人傳訊

bobo-ma

積分: 836

13^#

發表於 08-7-30 23:03 |只看該作者

freesia_cat .. 你都見識過我個囡 d 快速食奶啦 ..
不過唔知係唔係真係比我搞成咁架 ..
bb 岩岩出世 .. 就梗係鍾意瞓啦 ..
我個 b 都係咁 .. 係我坐月期間 ..
佢就一餐食完又瞓 .. 瞓醒又到另一餐 ..
搞到我想同佢洗白白都無時間攝到 ..
所以 .. 中午果餐奶 .. 我係一定要佢沖完涼先可以食奶 ..
而我個囡就喊到拆晒天 .. 餓到佢死死吓咁 ..
唔知係咪因為咁 .. 佢好珍惜支奶 ..
佢依家 1 日只食 4 餐 .. 但餐餐都可以係 5-10min 內食晒 8oz ..
有時我都覺得 .. 你有無咁肚餓呀 ..

不過我相信 .. 食野的習慣真係由細習慣的 ..
可能你地以前係用少食多餐的餵法 ..
所以現在咁啦 .. 不過每個 bb 都唔同 ..
我覺得唔一定係你寵壞佢呀 ..
而且我聽e生講 .. 有 d bb 係唔鍾意食奶 ..
依家唔鍾意食奶 .. 遲d 大個仔就食半固體食物 ..
到時或者佢會鍾意呢 .. 果時你想佢停都幾難.. hee

私人傳訊

marinamama

積分: 1638

14^#

發表於 08-7-31 00:11 |只看該作者

我個肇謙b一直都存在厭奶呢個問題. 而家4個月都仍然只係食160mlx5餐. 所以都係偏瘦. 我係呢個星期發現左一樣野. 就係bb佢因為條頸出現紅痕. 我帶左佢去見醫生. 醫生話話係因為天氣熱所以有敏感. 亦因此我而家24小時開冷氣保持26度室溫. 雖然我唔主張成日開冷氣但暫時冇辦法.

但bb可能因為環境好左. 呢幾日佢有試過兩日5餐中2餐奶食160ml, 2餐180ml, 1餐220ml. 所以我懷疑bb唔多食奶係因為太熱. 冇mood食奶. 佢每次食完奶都好似去完沖涼咁成身汗. 係一粒粒既汗係額頭. 就算而家開冷氣都只係比較少汗. 但因為佢食奶份量多左咁多. 所以我都會繼續開冷氣.

呢d係我既經驗, 唔知其他bb啱唔啱用.

私人傳訊

FYB

積分: 504

15^#

發表於 08-7-31 00:43 |只看該作者

我BB一個月前都係有D厭奶, 每餐飲3-4oz就唔肯飲, 真係冇辦法~ 我煲過兩次開奶茶, 見冇乜幫助, 所以停咗. 後來, 餵過兩次 '腸痛水'佢飲, 之後好咗d就冇再餵, 而家都維持到每4hr6-7oz. 只係間中一兩餐飲少d. 所以, 你不妨試吓 '腸痛水'. 另外, 我都同意marinamama所講, 開冷氣bb舒服d, 胃口都會好d, 你可以試吓bb飲奶時開一陣啦!

私人傳訊

積分: 30556

畀面勳章 hashtag影視迷勳章

16^#

發表於 08-7-31 09:21 |只看該作者

唉！冷氣我有開，開奶茶我試過(唔work)，baby food亦試過(都ok，不過只可代一餐)......

我試過唔叫傲宏仔食奶，由佢肚餓叫先餵，佢真係可以抵死到，早上只係食左2oz奶，然後8-9小時後都未叫過要食奶，一d食奶意欲都無，結果我地怕佢餓，主動俾奶佢食，不過都係食少少就算。

其實佢剛出世時好好地地，4小時一餐，3-5oz一次，好好呀！點知大約1.5個月大，就開始唔食奶，就算個陪月都搞佢唔掂，換奶咀換奶樽做過好多嘢，情況只係好少少。跟兒科醫生及健康院講過，佢地都係叫我俾佢少食多餐......

如果佢真係只需要咁少奶，我唔會開topic講，不過因為佢呢排凌晨要起身食奶，我就知其實佢唔夠食。昨晚又4am起身要食奶，食左3oz，今朝6:30就唔肯食，食得1.5oz就唔食(我不嬲都會6:30俾佢食第一餐，即使假期我都會起一起身餵佢，而平日係食3oz)...... 我同老公講，真係試下凌晨佢喊都只係俾水佢飲，我唔想佢以為喊係隨時有得食，日間我由佢，但凌晨係no no！

私人傳訊

Tiff123s456

禁止訪問

積分: 1348

17^#

發表於 08-7-31 10:06 |只看該作者

提示: 作者被禁止或刪除內容自動屏蔽

私人傳訊

bbsinman

積分: 831

18^#

發表於 08-7-31 11:24 |只看該作者

Hi,

我女女都係咁。昨晚12點只食3oz, 宜家11點都仲未肯食, 我已經浪費左2枝奶。

佢都係出世時食奶都係好好，4小時一餐。女女4個月大時, 帶佢打針, 我都有同兒科醫生及健康院講過一個問題，女女3個月大時開始食奶有問題，但佢地都只係講如果bb無病。佢唔食都無辦法。唯有試下食下其他食物。如米糊。

唉!我宜家真係無咩辦法了。我女女宜家4.5月大, 一日最多都只係食18oz。(係最多)。女女既重量已經唔跟條成長線了。佢係輕左。我都正搵緊原因。

大家一齊努力。

原文章由 Freesia_cat 於 08-7-31 09:21 發表
唉！冷氣我有開，開奶茶我試過(唔work)，baby food亦試過(都ok，不過只可代一餐)......

我試過唔叫傲宏仔食奶，由佢肚餓叫先餵，佢真係可以抵死到，早上只係食左2oz奶，然後8-9小時後都未叫過要食奶，一d食奶意欲都無，結果我地怕佢餓，主 ...

[link=http://lilypie.com][img noborder]http://bd.lilypie.com/PC12p8.png[/img][/link]

私人傳訊

pingapinpin

積分: 2210

19^#

發表於 08-7-31 12:15 |只看該作者

原來咁多bb都有"lee"個問題...我隻臭豬妹係一個輕磅b(出世2.395kg, 上次打針4個月得4.95kg), 佢又係少食多餐(每餐約110-120ml x 6-7餐, 隔2-3hrs, 已戒夜奶, 而家好少5:00am之前要食), 佢細個好乖o架, 食得好快, 但係大約3個月大左右, 佢食咗一半到, 有奶到肚, 就開始唔食(我覺得係佢心野囉), 仲用隻手推奶樽, 要隔多成大半個鐘先食, 有時仲唔食添...
而家我唯有佢喊話食奶, 先問佢係咪要食(如果佢肚餓, 佢會好淒涼咁應我), 我就去開奶, 佢如果食咗d唔食, 我就幫佢掃吓風先(通常都冇, 因為佢大個女要食晒先掃到, 掃只不過係以防萬一), 然後就放低佢(唔同佢玩, 先己做自己嘢, 其間佢喊都唔理), 過15min再餵, 如果唔食, 又放低佢, 佢而家就好咗d, 大約30min內食完(有時都要45min.), 一個鐘倒奶~
而家我要面對o既問題係開始要佢隔d先食, 健康院話佢食得太密, 加奶等佢耐d先食...但有時佢都食唔晒, 有5-10ml淨, 我又點加奶呢?

私人傳訊