吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 是否天下所有父母都係咁架呢

婆媳關係今日: 0|主題: 27782

收藏本版

發帖

返回列表

跳至頁

查看: 2340 | 回覆: 19

是否天下所有父母都係咁架呢 [複製鏈接]

baby0819

複式洋房

積分: 261

1^#

發表於 08-7-12 23:50 |只看該作者 |倒序瀏覽 |打印

我媽咪係辭職幫我湊女女,個陣女女半歲,因為佢成日話,我仲細,叫我出去見識多D,咁諗住我出去返工,比錢佢幫我湊,但點之我返左工一個月又發現自己有左,害喜好嚴重,根本返唔倒工,所以又辭職了,咁我就同媽咪兩個都冇返工,係屋企,但都係佢主力湊女女,因為我害喜好勁,成日都訓床,好累,因為之前傾好,媽咪幫我湊,每個月比5000蚊我媽,包食住,唔包女女既用品,咁所以我同老公都覺得,就算我而家有左,冇返工,都唔可以因為得老公一個搵錢,而唔比錢我媽,因為當初係我地叫我媽辭職幫我地湊女女既,所以我地都照比每個月5000,唯有我同老公慳D,但我冇返工之後,媽咪就成日同我講,你估5000好多呀,我真係當幫你地架炸,你出去租同比人湊都唔止啦,我幫你地架炸,又間唔中會講返個時結婚收禮金收得少,話養到個女咁大,賺埋最多都係兩萬蚊,真係乜都冇架,又會同我亞囡講,你媽呀,都未比過錢我就嫁左人啦,唉,養到個女咁大,咁冇良心呀,你唔好學佢呀,仲成日同我提住,你始終都係嫁左出去既女......我最初聽倒,覺得算啦,我都知媽咪為左我真係付出左好多,我都知佢幫左我好多,所以,我都忍忍忍,因為我知我真係欠左佢好多,但日子耐左,佢成日講,成日日鬧夜鬧,話又要湊我個女,又要做家務,好辛苦,成日發脾氣鬧人,又成日提住,我幫你架炸,我幫你架炸,我個心真係覺得好難受,我知,我知我比既錢真係唔係多,但已經差唔多係老公既一半收入,我自問,我地已經好努力將可以比既,都盡量比,因為我地就係知道媽咪幫得我地太多太多,但,可唔可以唔好成日提住呀,我地個心真係好難受,我係你個女,唔係乞衣呀,我知你係幫緊我,我都好感激你,但媽咪成日提住,令我感覺好似,我係乞衣求緊佢幫我,佢亦好似當我乞衣可憐我先幫我,種感覺,太太太難受,點解,點解當我嫁左之後,變得同我咁計較,成日講錢,家姐同哥哥都冇比家用你,你會唔會係佢地面前話佢,點解,就係因為我係嫁左既女,就咁樣,我真係好唔開心,係咪我嫁左,就唔係你地個女???我真係真心知道媽咪係愛我地,錫我地,好幫我地,但,當媽咪成日都提住佢係幫我地,成日日鬧夜鬧既時候,我地真係好難過個心好痛.......有冇人明白我感受.......我以前未嫁既時候,媽咪從來唔會同我講錢,但當我嫁左之後,就成日講錢,係咪,真係所有父母都係咁,成日講錢...而家係屋企,有D乜野我都唔敢點出聲,都係忍就算,就係因為,我知係媽咪心目中,我地比既錢好少,個感覺就係,我地比咁少,仲想有D咩要求呀,仲有咩資格出聲丫,同埋媽咪都開到口講,我始終都係嫁左出去既女,,,,,,又有咩資格出聲丫,大家知唔知道,當聽倒自己媽咪咁講,個心真係好好難受同好痛,到底,,,我有冇錯.......

0 0 0

私人傳訊

大宅

積分: 1825

2^#

發表於 08-7-13 00:10 |只看該作者

回覆 #1 baby0819 的文章

你吾好介意老人家講的說話, 你媽咪咁講,可能因為自己的子女, 未如想像中, 個個仔女比錢佢, 或者擔心未來日子的生活.

私人傳訊

mablewong2003

大宅

積分: 1787

3^#

發表於 08-7-13 00:37 |只看該作者

你依家大住個肚, 要小心心情, 因會影響肚裏面個個, 不過唔開心都好難叫自己唔好唔開心咖啦!

一家人, 邊有話對錯咖? 咁亞媽幫緊你, 你咪忍下囉!(唔好介意我咁講) 佢話咩咪咩囉! gu 一聲吞左佢, 身體冇咁唔舒服, 咪氹下佢, 同佢飲餐茶囉! 有時老人家都要氹下咖.

大住個肚係好辛苦咖啦! 咁可能佢又幫你幫得好辛苦, 講真, 湊細路真係慘過返工, 你咪當自己亞媽呻下囉!

最後一句, 保重身體啦!

私人傳訊

fskaren2002

男爵府

積分: 7839

醒目開學勳章環保接龍勳章

4^#

發表於 08-7-13 00:39 |只看該作者

我ｍａｍａ冇咁，好少同我計較錢銀！

私人傳訊

笑嘻嘻

男爵府

積分: 5393

好媽媽勳章

5^#

發表於 08-7-13 01:06 |只看該作者

我媽媽間唔中都話我結婚時都無咩比過佢！成日話我早結婚，話我無鬼用，"舌本貨"總之好難聽D說話，我結左婚12年，間唔中又提反起話我，我試過話返我媽媽你講野好難聽，當初你就唔好應成比我結婚啦！我當年19歲有左先結婚，當年佢知我有左就叫c6同我結婚！反而我99知道就叫我諗清楚未，好似唔想我要個bb而咁早結婚！
雖然我結婚時真係無咩比過野我媽媽，反而佢幫左我好多，所以我同c6講我地欠左我媽媽好多，c6都覺得係！依家過時過節都間唔中比錢佢！

私人傳訊

kkw0816

別墅

積分: 931

6^#

發表於 08-7-13 01:12 |只看該作者

始終係兩母女, 好好珍惜親情, 不如你坦白d同你媽咪講出你既感受, 話比佢聽你有多難受, , 心平氣和地坐低傾下如果你媽咪真係太辛苦湊唔黎, 提意下不如自己湊翻(叫你媽咪幫多一排等自己身體好轉d), 禁佢咪可以再次返下工, 你提出多d方案比佢自己揀攞, 最緊要係幫得開心姐, 我估計你媽咪始終係錫你, 一於同佢傾下啦 !

私人傳訊

tristanbaby

複式洋房

積分: 106

7^#

發表於 08-7-13 02:08 |只看該作者

my mom is even worst. she won't do anything for me even i give her money constantly before. I am 3x and she keep telling me not to marry and not to have baby then I can give all money to her. she tod me to get marry only if she can get $500000 from my future husband!

私人傳訊

小小太陽

大宅

積分: 2301

8^#

發表於 08-7-13 03:57 |只看該作者

樓主，　你請個工人幫你湊都唔使５０００。。。。。不如你叫你媽搵工啦，一個月比返１０００佢零用算啦，　耳根清靜

私人傳訊

fskaren2002

男爵府

積分: 7839

醒目開學勳章環保接龍勳章

9^#

發表於 08-7-13 12:43 |只看該作者

我都覺得請工人好過,費是影響兩母女感情!

私人傳訊

ching070707

公爵府

積分: 29915

認識瑞士牛牛第三回

10^#

發表於 08-7-13 14:16 |只看該作者

我都係咁講..

原文章由 fskaren2002 於 08-7-13 12:43 發表
我都覺得請工人好過,費是影響兩母女感情!

私人傳訊

lypoon

水晶宮

積分: 60269

2018復活節勳章 hashtag影視迷勳章好媽媽勳章畀面勳章環保接龍勳章

11^#

發表於 08-7-13 14:43 |只看該作者

如果對6299都咁包容就唔會有咁多糾紛啦！如果我阿媽咁多嘢嗡, 我一定唔駛佢湊, 費事阻住佢發達呀!

私人傳訊

baby0819

複式洋房

積分: 261

12^#

發表於 08-7-13 14:46 |只看該作者

原文章由 小小太陽 於 08-7-13 03:57 發表
樓主，　你請個工人幫你湊都唔使５０００。。。。。不如你叫你媽搵工啦，一個月比返１０００佢零用算啦，　耳根清靜

其實,都唔會請工人架啦,因為屋企根本冇可能多個位比工人,而且請工人,咪只會令媽咪感覺難受,媽咪一開始都講左,佢幫我湊女,之後就唔會再搵返野做架啦,佢話佢而家呢個年紀(四十幾),都唔會有人請,同埋佢都覺得返工返得好辛苦,不過自從湊女之後,佢又話寧願返工好過,湊我個女仲辛苦,其實我都知架,湊一個小朋友真係全年無休好累架,不過當初我都叫佢要諗清楚先好應承我湊唔湊,唉,我都知佢辛苦,但如果當初佢決定幫我既話,我覺得佢就應該真心真意咁幫我,而唔係又要幫,又要成日比說話我聽,感覺真係好難受,我都知佢係呻下,但,聽得多,個心真係好唔舒服,佢又因為成日覺得辛苦,日鬧夜鬧,個個都鬧,乜事都鬧,只有佢可以鬧人,人地話返佢,佢就即刻黑面或者又喪鬧,但,我地都會有情緒架嘛,我地都會忍得好辛苦架,我地都會好想發脾氣架,唉......我明白佢既辛苦,但都希望佢會知道,咁樣唔代表佢係大晒,所有事我地都要忍讓,因為忍得多,真係會爆架,都唔明,點解一家人都要咁計較,我地都已經盡量做到最好,點解佢都唔體諒下,我明白呢條路係我地揀,其他人唔係必要幫我地,我亦預左有好多說話會聽,同埋有好多氣要受,但,一家人,都真係要咁計?到底我咁諗又係咪錯呢?其實女女我都有幫手湊,但真係因為而家又大住肚,好多野都好唔方便同好吃力,媽咪每日都係負責餵食同沖涼同洗奶樽,而我就負責睇實女女,因為佢而家周圍爬同玩,佢又要扭抱,我都會成日抱佢,佢又成日踩上我個肚,不過我都照抱,費事好似掉低個女比亞媽湊就咩都唔理咁,有時媽咪幫我睇住,我就去休息一下,其實,我都盡量希望自己幫得幾多就幾多,但,有時真係好累同力不從心,希望媽咪會諒解我大住肚,但佢都會話我乜都唔幫手,話我以前都會洗奶樽,而家就乜都唔做,唉,,,,,,我一直以為佢會明白大肚時既辛苦唔會怪我,但,原來佢都會怪我,覺得我應該要自己做返,好多野,都覺得好難受,但個心亦同時知道,其實媽咪又真係好錫我同愛我幫我,因此會叫自己忘記唔好放在心,但,原來係好難,聽倒自己最愛既媽咪成日咁話自己,真係好唔開心,因為我都真係好愛佢......

私人傳訊

baby0819

複式洋房

積分: 261

13^#

發表於 08-7-13 15:02 |只看該作者

原文章由 lypoon 於 08-7-13 14:43 發表
如果對6299都咁包容就唔會有咁多糾紛啦！如果我阿媽咁多嘢嗡, 我一定唔駛佢湊, 費事阻住佢發達呀!

如果對6299都咁包容就唔會有咁多糾紛啦！<--我都非常同意你講既野.
其實我未比我媽湊既時候,佢唔會咁多野講架,而且佢放工返黎得閒都會幫我睇下亞囡,好好心機架,但其實個時佢都要做家務既,所以我會以為佢真係好好真心真意幫我湊女,又諗,媽咪成日話返工辛苦,於是先叫佢辭職幫我湊,但當佢正式幫我湊既時候,佢就開始多說話比我聽,話又要顧頭家做家務又要幫我湊女好辛苦.......但其實佢之前返工,都係放工返黎又要做家務架啦,有時佢自己又主動想幫我湊亞囡,咁唔係仲辛苦咩,又返工,放工返黎又做家務又幫下我手湊女,而家佢都只係幫我湊女同做家務唔駛返工,同埋我都唔係完全掉低晒個女要佢一個人湊,我都會幫下手湊,所以,我都唔知點解佢而家做乜成日都要鬧鬧鬧鬧鬧同比說話我聽,我諗過,係咪因為佢覺得日日都要對住屋企同我個女,冇晒自由覺得唔開心先會咁呢,但其實如果我媽要同D FDS出去玩或者同我爸去街,我都會自己湊返亞囡,叫佢去玩,所以我真係好唔明好唔開心,我媽成日話覺得好煩,但我都唔知佢煩乜,=.=,我都想佢幫我湊,佢會係湊得開心,做乜而家攪到咁唔開心咁,但我亦都知,媽咪一定會繼續幫我湊,呢個亦唔會變,因為佢唔會再返工,而且雖然佢成日呻呻呻鬧鬧鬧,但佢都會照湊,因為口就鬧,手就幫,係咪D老人家就係鍾意咁架呢,又要幫又要鬧,我真係唔明,既然佢選擇偉大地幫我,點解仲係要鬧鬧鬧,唉,,,,,,,煩死了

私人傳訊

onon1022

子爵府

積分: 12600

好媽媽勳章

14^#

發表於 08-7-13 23:53 |只看該作者

其實你唔好介意你阿媽講d咩...唔開心呻左出黎會好d...好多父母都係咁...口就同你講錢...其實好關心你...你阿媽成日提住話幫你...如果佢唔鍚你...佢就唔會理你...試諗下...佢收你地5千...你地係佢地個到包食包住...多左幾個人...水電媒都貴左...而且要幫你湊小朋友...係辛苦d...你都知道當初佢諗住你出黎做野...佢唔做幫你湊...點知而家你又有左...佢當然會有少少唔鍾意...發下脾氣...唔好放係心入面...

[url=http://lilypie.com][img]

私人傳訊

Gami

複式洋房

積分: 390

15^#

發表於 08-7-14 01:48 |只看該作者

我媽都係甘嫁，　好似有人結婚請飲佢就會提返起我結婚無擺酒．．．　ｄ師奶同佢講完仔女比幾多家用，　佢返到屋企又會發癲．．．　最衰就係有個親戚同佢講甘早比個女結婚唔好，　養左佢甘多年，　錢都未回本！　我覺得呢位親戚好白痴囉～～！　生仔女要計埋ｄ甘既數，　不如唔好生啦！～

私人傳訊

JBlam

大宅

積分: 4803

16^#

發表於 08-7-14 09:40 |只看該作者

正面d諗,你有個好好既老公, 佢會顧你媽媽感受,一個人擔起頭家, 一齊慳,上天又比多個小朋友陪你個囡囡,你雖然身體唔係咁好,但又可襯呢段時間休息下,更可以睇多d書充實下,(照顧孩子既書),好多事情係你做野時唔能夠做的.但當你生完,再出來做野時,你就會覺得呢段時間無浪費到!!
同埋父母漸漸大左,好多時會好寂寞,好容易亂諗野,亂講野, 好多時要好似對細路仔一樣,LUM下,0錫下,唔好將d話放係心...做左人父母更感受到父母恩...而家見bb我地已經咁緊張,佢地已經將我地養到牛龜咁大...我諗都唔敢諗到自己個細路咁遠...haha.. 唔好放係心,你都想你肚裡面個個開心架!

私人傳訊

fungwongphie

珍珠宮

積分: 46800

趣教勳章畀面勳章貢獻勳章大廚勳章遊學勳章冬日勳章春季勳章 BK Milk勳章 hashtag影視迷勳章月餅勳章開心吸收勳章

17^#

發表於 08-7-14 10:29 |只看該作者

baby0819,

Pls excuse me for saying.....but your mom is near 更年期, you should be more 包容. Don't take the words serious.

Please do not quote any information posted by fungwongphie.
不誠實使用電腦會構成罪行，切勿以身試法。
何謂不誠實使用電腦??

私人傳訊

ashash

禁止發言

積分: 2137

18^#

發表於 08-7-14 10:41 |只看該作者

回覆 #17 baby0819 的文章

提示: 作者被禁止或刪除內容自動屏蔽

私人傳訊

ac321

侯爵府

積分: 24705

好媽媽勳章

19^#

發表於 08-7-14 10:48 |只看該作者

even she 請個工人幫你湊, she also need to pay the rent. She is now living with her mother, right? How about the food? If this 5k include all the above?

原文章由 小小太陽 於 08-7-13 03:57 發表
樓主，　你請個工人幫你湊都唔使５０００。。。。。不如你叫你媽搵工啦，一個月比返１０００佢零用算啦，　耳根清靜

私人傳訊

Rain~*

子爵府

積分: 14295

好媽媽勳章

20^#

發表於 08-7-14 10:55 |只看該作者

其實你有媽媽幫手真係好好ga la~
老人家都係呻下姐...
咪當佢唱歌lor~
湊小朋友又要做家務真係好辛苦ga...
我都係岩岩冇做野,
自己湊住大b,陀住細b,
依家我返左外家住,
所有家務都唔洗我做,
我淨係湊仔,
我個仔依家20個月,
係開始百厭o既時間...
同埋如果你請姐姐,
你媽媽個心會唔好受ga...