夫婦情感 今日: 1 | 主題: 42538

積分: 83

1^#

發表於 15-10-4 02:42 |只看該作者 |倒序瀏覽 |打印

我同我老公拍拖4年，結婚就快兩年⋯近排經常為小事嘈交，覺得佢無以前咁錫我同就我，愈來愈大男人，明明佢搞到大家唔開心先，佢都唔會主動哄番我(以前既佢會)，仲會話我變得愈來愈小氣⋯！但我自己覺得自己已經做多過以前！以前一定唔出聲等佢哄我先，但依家好多時都係我同佢講野先⋯！
此外，最大既問題係我覺得大家既價值觀唔同⋯我係一個比較有野心，想向上流既人，佢就好安於現狀⋯其實我同佢背景都唔係好同⋯我讀到大學，我屋企算叫做小小康，佢學歷唔高，家住公屋，無咩錢⋯我以前覺得背景唔好唔緊要，最重要係佢錫我⋯以前既佢真係算好錫我⋯同佢一齊之後，我好想佢進步⋯由佢一心只安於住公屋到依家佢知我地既目標係要買樓(我同佢結婚後依家都係住梗公屋⋯)⋯我又好想佢再去進修，連報既course我都幫佢揾埋，但因佢工作就唔到既關係就閣置左，我有話俾啲以前讀大學既商用英語書佢睇，但我就感覺佢無咩興趣⋯有時我真係好忟⋯！我好想做好佢既賢內助幫佢，有時佢工作唔識打既emails我會幫佢⋯！我真心開心自己可以幫到佢⋯我真係想幫佢樣樣都好啲⋯但又有時喺街見到啲野好想分享，但又會諗佢無讀大學會唔明⋯所以我就會stop左⋯有時自己會諗⋯我係咪真係想一世都咁⋯？而我亦好介意俾人知道佢既學歷唔高⋯我知道，由我心底裡，我係有啲覺得自己屈就⋯係我自己諗法唔好⋯但以前我接受係因為佢對我好，但佢依家對我差左⋯⋯

0 1 0

私人傳訊

積分: 83

2^#

發表於 15-10-4 02:43 |只看該作者

再說就係生bb，佢好鍾意小朋友，想要生好多！但我就唔想生，但我諗自己三十幾歲時應該會想要，所以我自己就覺得可以生一個，不過唔係依家，我需要環境好啲，俾bb最好既野⋯但佢就好想即刻生⋯(當然佢強迫唔到⋯)！佢話我唔想生，生左我可以唔使理，但我知自己性格，我生左之後，我一定會係怪獸家長⋯！但佢就唔認同我，佢認為天生天養⋯！就係呢個pt都已經咁大分"其"⋯！佢身邊啲朋友生b全部都係唔點理，又唔會報野俾b讀⋯但我身邊既朋友絕大部分未生，有小朋友既全都會報playgroup等⋯所以我同佢既圈子接觸既野好唔同⋯⋯有時我真係好無力⋯⋯已經唔想生，生左仲要唔可以跟我既教育方式⋯！？我真係接受唔到⋯！覺得好大壓力⋯！
各位sis，有時我真係覺得好似拉牛上樹咁⋯好辛苦而佢唔認同⋯其實我地真係合適嗎⋯？

私人傳訊

hello_kristy

男爵府

積分: 8463

3^#

發表於 15-10-4 02:54 |只看該作者

回覆：cheong_amy 的帖子

唔適合

私人傳訊

正太2011

積分: 3378

4^#

發表於 15-10-4 03:04 |只看該作者

回覆：是嫁錯郎嗎⋯？(有啲長)

應該拍拖時已知道佢同你目標唔同… 目標、觀念、價值觀唔同，有幾鍚都係好難受，始終婚姻不只是愛情

私人傳訊

No_por

積分: 1285

5^#

發表於 15-10-4 03:06 |只看該作者

其實你地係兩個世界既人，一係就是但一個成世就另一個，但就成世唔開心。一否則離婚係遲早既事，因為呢個世界最愚蠢既諗法就係自己可以去改變一個人！

私人傳訊

popomeow

男爵府

積分: 6674

好媽媽勳章 BK Milk勳章

6^#

發表於 15-10-4 03:08 |只看該作者

回覆：是嫁錯郎嗎⋯？(有啲長)

你兩個點解會響埋一齊？你上進，同時要求佢跟你一樣，佢覺得你push到佢，先會一齊到，先有機會有將來。但似乎唔係喎，一開始係你咩都唔介意，佢哄你遷就你，你就肯嫁俾佢，而之前嘅分歧其實冇解決過呢，上進心，小朋友等價值觀完全風馬牛不相及，我覺得你哋會好辛苦囉。

私人傳訊

積分: 83

7^#

發表於 15-10-4 03:31 |只看該作者

由安於住公屋到依家儲錢買樓⋯我以為佢同我可以步伐一致⋯目標一致⋯⋯我係奢望小朋友教育佢遲早都會跟我嗰套⋯⋯
其實佢又未至於懶惰唔上進⋯佢工作都好認真，以佢既學歷賺到既人工算高⋯不過就做野辛苦啲囉⋯
今日我同佢嘈⋯佢話佢都無攞我同我大嫂比呀，日日放工煮飯，咩家務都唔使我哥做⋯我話你要比絕對可以比！睇你想要咩人，我唔係好似我嫂咁有左就諗住唔做野湊仔有老公養架⋯！我老公話我係要揾十萬蚊一個月既人，你識我嗰陣都知我唔係揾十萬蚊既人⋯！⋯⋯

私人傳訊

wing514

珍珠宮

積分: 35503

育兒性格勳章 BK Milk勳章 hashtag影視迷勳章

8^#

發表於 15-10-4 03:45 |只看該作者

回覆：是嫁錯郎嗎⋯？(有啲長)

其實你好似將自己一套夾硬套喺人地身上
根本價值觀都唔同, 你逼佢跟你個套咪盞搞到2個都唔開心...
可能你老公內心仲大壓力過你
有時你認為好既, 其他人未必係咁諗
不如你諗返下點解你會愛上佢啦
佢實有優點係會令你欣賞
如果諗爆頭都冇既, 就不如趁後生放生大家

點評

rayrayus

發表於 15-10-5 10:58

小可愛11

發表於 15-10-4 23:48

happywindy

發表於 15-10-4 17:32

私人傳訊

積分: 83

9^#

發表於 15-10-4 03:52 |只看該作者

如果仍然愛但價值觀不同⋯可以繼續一起走下去嗎⋯？婚姻輔導嗰啲可否幫到手⋯？真係唔想行到嗰一步⋯⋯

私人傳訊

kakameow

複式洋房

積分: 213

10^#

發表於 15-10-4 04:28 |只看該作者

引用：如果仍然愛但價值觀不同⋯可以繼續一起走下

原帖由 cheong_amy 於 15-10-04 發表
如果仍然愛但價值觀不同⋯可以繼續一起走下去嗎⋯？婚姻輔導嗰啲可否幫到手⋯？真係唔想行到嗰一步⋯⋯:pit ...

宜家唔再係愛同唔愛嘅問題... 婚姻係兩個唔同嘅人生活喺一齊... 兩人嘅相處方法先係問題...

其實你c6由頭到尾只係做返自己... 佢對你冇以前咁好亦好normal (因大部份熱戀中嘅男人係會開行turbo嚟對女友/c9好... 過了熱戀期會回復正常)... 而你對佢做嘅付出, 亦未必係中佢想要嘅嘢, 所以佢好似唔識appreciate。

我唔建議你把你嗰thinking mode 同expectation 放喺佢到... 因為佢如果唔係自己想咁(上進, 買樓 etc), 你係冇得force... 就算佢willing去做嚟please你... 進展都唔會夠你想嘅咁快...

你只要consider你可唔可以accept現在嘅佢...

點評

TiffChan

發表於 15-10-4 11:17

私人傳訊

carwaichu

男爵府

積分: 5638

11^#

發表於 15-10-4 04:40 |只看該作者

回覆：是嫁錯郎嗎⋯？(有啲長)

輔導都無用啦，問題係你度，你嫌棄佢
你睇佢唔起，唔係你嫁錯，係佢娶錯
你上進，你學歷高，就強逼人哋跟你步伐
你識佢時已經係咁，婚後就逼佢變
佢肯讀書就唔係你識嗰個佢啦，
佢肯讀書肯上進唔洗等今日，
可能根本唔會揀你添，何況哄你
我同你差唔多，c6粗人一個無學歷，我都唔係好，但不斷進修，咩都讀一餐，但我從來唔會要求佢讀埋一份，佢支持我讀就可以
佢都係支持天生天養，但佢知我學識多過佢少少，佢都贊成呢方面由我負責，但我絕唔係怪獸，我主張開心成長，唔太差合理就ok
其實係要有共識，而唔係強逼對方跟隨自己，變成你心目中嘅佢，我c6好就我，但就得我多，反而我覺得已經唔係我當初鍾意嗰個，諗下你當初為咩揀佢
你諗清楚，唔好再打算要佢改變去迎合你，無可能㗎，大家辛苦，如果你真係接受唔到佢嘅安於現狀，你放生佢啦，生仔。。。算罷啦

點評

omugomug

發表於 15-10-9 01:46

happywindy

發表於 15-10-4 17:33

私人傳訊

mini1204

翡翠宮

積分: 79224

12^#

發表於 15-10-4 06:10 |只看該作者

回覆：是嫁錯郎嗎⋯？(有啲長)

我覺得你老公好辛苦
點解你係都要將自己嗰套apply落佢度
你識佢day1已經知佢乜Q家底，性格，價值觀
呢d係完全無得改變既
你覺得自己\'\"下嫁\"就吾好嫁啦
佢而家吾係變左，佢只係厭左

拿拿聲分手放生大家

私人傳訊

alik

公爵府

積分: 25507

13^#

發表於 15-10-4 06:51 |只看該作者

回覆：是嫁錯郎嗎⋯？(有啲長)

你讀大學時,無學過人係個體,每人有不同個性習慣,你改變唔到嗎? 你同佢傾好學術既野嗎?我同啲無學位既人講野,又唔覺對唔到咀.有啲人諗嘢仲好勁,只不過係個人意願、際遇影響讀唔讀大學唧. 唔通我下下問人,喂,你有無學位呀?無既我同你講野都多餘呀. 我有朋友,無學位都同我講超多quantum physics既野, 我完全對唔到咀添.
住公屋好呀, 你錢銀鬆動好多.萬一你生仔, 有多些餘錢俾個仔囉

不過我鄧你慘,你不斷想控制身邊人,但佢唔會俾你動搖到

點評

小可愛11

發表於 15-10-4 23:49

唔該唔好同我打招呼，不要點評！

私人傳訊

Mitch

積分: 1963

14^#

發表於 15-10-4 06:55 |只看該作者

回覆：是嫁錯郎嗎⋯？(有啲長)

係佢娶錯妻………你咁鐘意迫人，要人改變，雖然你出發點聽落係好，但一個男人唔頂得好耐…………

私人傳訊

BBgaga

水晶宮

積分: 54057

15^#

發表於 15-10-4 07:02 |只看該作者

引用：如果仍然愛但價值觀不同⋯可以繼續一起走下

原帖由 cheong_amy 於 15-10-04 發表
如果仍然愛但價值觀不同⋯可以繼續一起走下去嗎⋯？婚姻輔導嗰啲可否幫到手⋯？真係唔想行到嗰一步⋯⋯:pit ...

如果仍愛係會尊重對方嘅諗法唔會迫佢去實現自己嘅理想的。乜都你講哂乜都你以為你諗，幾愛都冇意思

私人傳訊

yoddo

積分: 3900

16^#

發表於 15-10-4 07:54 |只看該作者

本帖最後由 yoddo 於 15-10-4 08:06 編輯

cheong_amy 發表於 15-10-4 02:42
我同我老公拍拖4年，結婚就快兩年⋯近排經常為小事嘈交，覺得佢無以前咁錫我同就我，愈來愈大男人，明明佢 ...

樓主，你咁樣做太傷個男人心。
我以前都係中學畢業, 同過一個去清華大學讀航天科技嘅人拍拖。
佢成日覺得自己係天之驕子，雖然佢條件唔錯，但佢睇唔起我無讀過大學，要我完成大學課程先同我結婚。當然後來散左。以前個男朋友條件好有幹勁有目標，又愛錫我，佢自己會做曬家務，唔洗我做野，佢話佢愛我，同我一齊好開心，只需要我完成大學課程就够了。但我都選擇離開。到最後，佢選擇左個北京大學畢業嘅北妹做老婆。

我想講你覺得你自己係屈就，你不如放生你老公啦，佢想繼續住公屋無錯ga,正如我唔想讀大學一樣。

以前我嘅男朋友話如果我愛佢，就會肯比心機去完成大學課程。但我覺得你不如一開始就搵個大學生好過。

你老公話佢都無要求你日日煮飯做家務，咁既然大家理念唔同，無謂浪費時間。我而家嘅老公雖然係大學生，但佢唔介意我唔係大學生，但佢要求我打理家頭細務，但我都心甘情願。屋企嘅野我係理得比較辛苦，但我覺得打理家頭細務我做得黎，讀大學做女強人我做唔黎。

可能你老公唔想要個大學生做老婆，可能你老公只想要一個煮飯婆。你嫁俾佢唔可以叫屈就自己，因為你根本唔係佢想要嘅果種老婆嘅話，你係大學生，你係女強人都唔會令佢滿意ga 。

即係咁，如果個男人只係要個煮飯婆，你係唔係大學生佢無要求過，你係大學生都唔會獲得加分，所以係呢個談判度，你無任何優勢。

遲d ，你老公搵個煮飯婆返黎做老婆唔要你，你到時唔好喊。我而家個老公係無我以前個男朋友咁好條件，但有條件嘅人大曬咩，可以要人地接受你更多無理的要求嗎？

我自己樂意做煮飯婆多過大學生職業女性，所以即使我老公脾氣臭，我都覺得而家嘅老公好過以前果個，至少佢唔會逼我讀書，逼我做女強人。

尊重別人為一個個體，不把自己的思想行為強加於別人身上，才是相處之道。

如果你係好想子女成為你心中的子女，請你唔好生bb好過。
因為今時今日，學術自由，言論自由，個體自由。我阿媽够想我乖乖地，讀書叻，學有所成，搵份好工，搵個好老公，但佢覺得我讀書唔成，又做左煮飯婆，個老公脾氣臭又唔係話條件咁標青，我阿媽浪費左咁多年青春為頭家，到最後仔女都未如佢所願，曾經佢想過自殺，因為仔女唔肯返學。我同你講，你咁怪獸家長，如果仔女都好似我咁唔想返學讀書，你係咪要跳樓先。

我到今日做左人阿媽，都覺得我媽咪望子成龍望女成鳳嘅心態係錯ga, 唔好攞自己老公仔女同人比較，接受自己老公仔女係一個點樣嘅人先係最好嘅老婆同媽咪啊。

點評

lalalababy34

發表於 15-10-10 11:35

omugomug

發表於 15-10-9 01:52

poyy

發表於 15-10-5 23:39

私人傳訊

horse-baby

別墅

積分: 781

17^#

發表於 15-10-4 08:04 |只看該作者

回覆：是嫁錯郎嗎⋯？(有啲長)

控制狂！！

私人傳訊

jw4343

別墅

積分: 532

18^#

發表於 15-10-4 08:13 |只看該作者

回覆：是嫁錯郎嗎⋯？(有啲長)

楼主。妳正係喺學歷上已經嫌棄了。這樣的婚姻就可以game over了。

私人傳訊

yoddo